புதிய புராணம்! - ஊனுடம்பு ஆலயம்...

இத்தொடரின் மற்ற பாகங்கள்:
ஷங்கர்பாபு

ருத்துவமனைக்குச் சென்றிருந்தேன். நோயாளிகள் எல்லாம் டோக்கன் எண்களாக மாறி டாக்டரின் அழைப்புக்குக் காத்திருந் ததைக் காண நேர்ந்தது. அடிக்கடி உடல் ஆரோக்கியம் பாதிக்கப்பட்டு, டாக்டர்கள் சொல்லும் பரிசோதனைகளைச் செய்து, அந்தப் பரிசோதனைக் குறிப்புகள் அடங்கிய கோப்புகளைப் பராமரித்துக்கொண்டு, மருந்து மாத்திரைகளுடன் வாழ்க்கையை ஓட்டும் ஒருவர்தான் ‘நோயற்ற வாழ்வே குறைவற்ற செல்வம்’ என்ற பழமொழியை உருவாக்கி இருக்க வேண்டும் என்ற எண்ணம் அப்போதுதான் எனக்கு ஏற்பட்டது.

அங்கே காத்துக்கொண்டிருந்தவர்களில் ஐம்பது வயதுக்கு மேல் இருக்கும் ஒரு பெண்மணி - தாங்க முடியாத முட்டி, தோள் வலிகளைப் பகிர்ந்துகொண்டவர், ‘மனுஷனுக்கு முதல் எதிரியே அவன் உடம்புதான்’ என்றும் ஆதங்கப்பட்டுக் கொண்டார். அவர் அப்படி பேசியது மற்றவர் களுக்குக் கேட்டிருந்தால் அவர்களும் அதை ஒப்புக்கொள்ளவே செய்வார்கள்.

மருத்துவமனையின் டி.வி-யில் அருவி ஒன்றின் காட்சி. வயதுபேதமின்றி அனைவரும் அருவிக் குளியலில் சொர்க்கத்தின் சுகானுபவத்தில் லயித்து உற்சாகமாகக் கூச்சலிடுகிறார்கள். பார்க்கும் அனைவரையுமே அந்த உற்சாகம் தொற்றிக் கொள்கிறது.

Do you like the story?

Please Appreciate the Author by clapping!

Editor’s Pick