அகத்திய தரிசனம்! - சிலிர்ப்பூட்டும் தகவல்கள்

மாபெரும் தவமுனியான அகத்தியர் எல்லாம் வல்ல சித்தர்; `சிவன் அனைய திருமுனி’ என்று புகழப்படுபவர். இப்படிப் பல சிறப்புகளைப் பெற்ற அகத்திய முனிவரின் தோற்றத்தைப் புராணங்கள் பலவிதமாகக் கூறுகின்றன.

ஒருமுறை, பிரம்மன் ஒரு பெரிய வேள்வியைச் செய்தான். அந்த வேள்விச் சாலையிலிருந்த கும்பத்தில் சிவபெருமானின் ஓர் அம்சம் ஒளிவடிவமாக இறங்கியது. வேள்வியின் முடிவில் அது முனிவனாக உருப்பெற்றது. அட்சமாலை, கமண்டலம், யோக தண்டம், ஞானமுத்திரை ஆகியவற்றைத் தாங்கியவராக வெளிப்பட்ட அவரைக் கும்பமுனி என்றும் குடமுனி என்றும் தேவர்கள் போற்றித் துதித்தனர்.

பிறக்கும்போதே ஞானஒளியைத் தன்னகத்தே கொண்டிருந்த தால் அவரை அகஸ்தியன் என்றனர். அவர் குள்ளமான உருவமுடையவராக இருந்ததால் குறுமுனி என்றும் அழைக்கப்பெற்றார். அவர் சிவபெருமானைக் குறித்துக் கடுந்தவம் செய்தார். சிவபெருமான் அவர் முன்னே தோன்றி, அவரை முனிவர்களில் சிறந்தவராகவும் நட்சத்திரமாக ஒளிரவும் அருள்புரிந்தார்.

Do you like the story?

Please Appreciate the Author by clapping!

Editor’s Pick