குறை தீர்க்கும் கோயில்கள் - 13 - தீராத நோய்களையும் தீர்த்துவைக்கும் திருவாசி! | Arulmigu Balambigai Samathe Matruraivaradeeswarar Temple in Thiruvasi - Sakthi Vikatan | சக்தி விகடன்

குறை தீர்க்கும் கோயில்கள் - 13 - தீராத நோய்களையும் தீர்த்துவைக்கும் திருவாசி!

இத்தொடரின் மற்ற பாகங்கள்:
டாக்டர் ஜெயம் கண்ணன் - படங்கள்: தே.தீட்சித்

சிவனடியார்களுக்கு மிகவும் பரிச்சயமானது, ‘துணி வளர் திங்கள் துலங்கி விளங்க’ என்ற பதிகம். அந்தப் பதிகத்தைத் திருஞானசம்பந்தர் பாடிய திருத்தலம்தான்... அந்தக் காலத்தில் திருப்பாச்சிலாச் சிராமம் என்றழைக்கப்பட்ட திருவாசி. திருச்சிக்கு அருகே அமைந்திருக்கும் இத்தலம், தீராத நோய்களை...  குறிப்பாக வலிப்பு நோயையும் குழந்தைகளுக்கு வரும் நோய்களையும் தீர்த்துவைக்கும் தலமாக விளங்குகிறது.

தேவாரப் பாடல்பெற்ற தலங்களுள் 62-வது தலம் இது. இங்கே அமைந்திருக்கும் அருள்மிகு பாலாம்பிகை சமேத மாற்றுரைவரதீஸ்வரர் கோயில் சுமார் 1500 ஆண்டுகள் பழைமையானது. இது ஹொய்சாள சோழ நாயக்கர்களால் கட்டப்பட்டதாகக் கூறப்படுகிறது. மற்ற கோயில்கள் போல் அல்லாமல் சுவாமி கிழக்கு நோக்கியிருக்க, அம்பாள் அவருடைய வலக்கை பாகத்தில், அக்னி மூலையில் மேற்கு நோக்கி (ஒருவரையொருவர் பார்ப்பதுபோல) அமைந்திருப்பது இந்தக் கோயிலின் சிறப்பம்சம். கர்ப்பக்கிரகத்தில் ருத்திராட்சப் பந்தலின் கீழே சுயம்புநாதராகக் காட்சி தருகிறார் மூலவர். 

‘‘கிழக்கே பார்த்திருக்கும் இந்தச் சிவபெருமான் ரொம்ப விசேஷமானவர். திங்கட்கிழமையில் இவருக்கு இலுப்பை எண்ணெயால் தீபம் ஏற்றி வழிபட்டால் நிரந்தர வேலை, வேலையில் இருப்பவர்களுக்கு உயர் பதவி, பூர்வீகச் சொத்து பிரச்னை நீங்குதல் உள்ளிட்ட பல நன்மைகள் கிடைக்கும் என்பது நம்பிக்கை.

சர்ப்பத்தைக் காலடியில் போட்டு அதன்மேல் நின்று ஆனந்தக் கூத்தாடும் நடராஜர் உற்சவர் சிலை இங்கே மட்டும்தான் இருக்கிறது. வலிப்பு நோய் மற்றும் நரம்பு சம்பந்தப்பட்ட பிரச்னை களால் பாதிக்கப்பட்டவர்களுக்கு இந்த நடராஜர் கண்கண்ட தெய்வமாக அருள்பாலித்து நோயைத் தீர்க்கிறார் என்பது ஐதீகம்’’ என்கிறார் கோயிலின் அர்ச்சகர் மோகன் குருக்கள்.

Do you like the story?

Please Appreciate the Author by clapping!

Editor’s Pick