கேள்வி பதில் - கோபுரத்தைத் தரிசித்தால் போதுமா?

இத்தொடரின் மற்ற பாகங்கள்:
சேஷாத்ரிநாத சாஸ்திரிகள்

? பூஜையறையில் சுவாமி படங்களுக்குச் சாத்தும் பூக்களை எப்போது களையலாம்? மறுநாள் புதிய பூக்களைச் சமர்ப்பிக்கும்போதுதான் நிர்மால்யத்தைக் களைய வேண்டும் என்கிறார் பெரியவர் ஒருவர். இதுகுறித்து தங்களது வழிகாட்டல் தேவை.

- கே.கார்த்திகா, கடலூர்


காலை, மாலை இரு வேளைகளிலும் புஷ்பம் சாத்தி வணங்குவது உண்டு. காலையில் சாத்திய புஷ்பம் மாலை நேரத்தில் வாடத்தான் செய்யும். அது, அதன் சுபாவம். மாலையில் பூஜை இல்லையெனில், காலையில் போட்ட மாலை அப்படியே இருக்கலாம். மறுநாள் பூஜையின் போதுதான் மாற்ற வேண்டும்.

பூஜையைப் பற்றி ஒரு விளக்கம் உண்டு. இந்த உடல் இருக்கிறதே, அது கோயில். உள்ளே உட்கார்ந்திருக்கிற உயிர் இருக்கிறதே, அது கடவுள். அஞ்ஞானம் என்பதான நிர்மால்யத்தை வெளியிலே தள்ளி பூஜையை ஆரம்பி என்பார்கள். அஞ்ஞானம் என்பது நிர்மால்யம். நேற்று போட்டது நிர்மால்யம். அதை அகற்றிவிட்டு பூஜையை ஆரம்பிக்க வேண்டும். ‘நான் ஏற்கெனவே நாலு நாளைக்கு முன்னால் அகற்றிவிட்டேன்’ என்று சொல்லக் கூடாது.

Do you like the story?

Please Appreciate the Author by clapping!

Editor’s Pick