காவியம் படைத்த ஓவியப் பெண்கள்!

ஆ.சாந்தி கணேஷ்படங்கள்: ப.சரவணகுமார், ப.பிரியங்கா

கா பாரதம்! இந்த மாபெரும் இதிகாசத்தை, 35 பெண்கள் இணைந்து, நான்கு வருட உழைப்பில், 113 ஓவியங்களாகத் தீட்டியிருக்கிறார்கள். 30 வயது தொடங்கி 75 வயது பெண்கள் வரை இந்தக் கலைக்காக சங்கமித்திருக்கிறார்கள். சென்னையில் உள்ள லலித் கலா அகாடமியின் கூரையின் கீழ், தங்களின் அந்த ஓவிய இதிகாசத்தை கண்காட்சியாகப் படைத்திருந்தார்கள்.

சாந்தனு - கங்கா காதலில் ஆரம்பித்து கீதோபதேசம் வரையிலுமான கேரள பாணியிலான அந்த மியூரல் ஓவியங்களின் கண்காட்சியை, ஓவியக் கலையின் ரசிகர்கள் மட்டுமல்ல, அதில் ஜாம்பவான்களான மணியம்செல்வன், கேசவ், ராமு, ஓவியரும் நடிகருமான சிவகுமார் ஆகியோரும் விழியகல பாராட்டி மகிழ்ந்திருக்கிறார்கள். ஒரு வாரம் நடைபெற்ற இந்த ஓவியக் கண்காட்சியில் இடம்பெற்ற படங்களைக் கேரளம் மற்றும் சென்னையைச் சேர்ந்தப் பெண்கள், டெல்லியைச் சேர்ந்த ஒரு பெண் என இணைந்து வரைந்தார்களாம். இவர்களின் குரு, கேரளாவைச் சேர்ந்த பிரின்ஸ் தொன்னக்கல். ஒரு முன் மதிய வேளையில் இந்த மகாபாரத ஓவியப் பெண்களைச் சந்திக்கக் கிளம்பினேன். தரையெங்கும் இறைந்துகிடந்த பெயர் தெரியாத அந்தப் பெரிய பெரிய சிவப்பு மலர்களை ரசித்தபடியே உள்ளே நுழைந்த என்னை, ஓவியங்கள் வரவேற்றன.

Do you like the story?

Please Appreciate the Author by clapping!