சித்திர ராமாயணம்

இத்தொடரின் மற்ற பாகங்கள்:
பி.ஸ்ரீ.

சிறகு நிழலிலே

சீதா, ராம-லட்சுமணர் காட்டு வழியில் வந்து கொண்டிருக்கும்போதே ஒரு குன்றின்மேல் சூரியோதயம் ஆவது போன்ற ஒரு காட்சியை முதன்முதலில் கண்ணுற்றார்கள். அதிசயத்துடன் வந்துகொண்டேயிருக்க, அச்சூரிய கிரணங்கள் திரண்டு இரு பெருஞ் சிறகுகளாய்க் காண்கின்றன.
மேலும் மேலும் இவர்கள் வந்துகொண்டேயிருக்க, தாங்கள் முதன்முதலில் கண்ட உதயசூரியன் ஒரு பறவையாய்க் காண்கிறது. அப்படித் தோற்றமளிக்கிறது குன்றின்மீது, பென்னம்பெரிய பொன்னிற மேனியோடு கூடிய கழுகரசு.

அந்தக் கழுகை ‘உருமாறிய ஓர் அரக்கனோ?’ என்று ஐயுற்றுச் சினங்கொண்டு கூர்ந்துநோக்கின்றனர் ராம-லட்சுமணர். ‘தேவரோ, யாவரோ, மூவருள் இருவரோ?’ என்று ஜடாயுவும் இவர்களை ஐயுற்று நோக்குகிறான். இங்ஙனம் ஆலோசனையில் மூழ்கிய ஜடாயுவின் உள் மனதிலிருந்து மின்வெட்டுவதுபோல் ஓர் ஊகம் தோன்றுகிறது. இவர்களது முக ஜாடையில் தன் ஆருயிர் நண்பரான தசரத சக்கரவர்த்தியைப் பார்த்துவிடுகிறான் ஜடாயு. ‘தசரத ராஜ குமாரர் போலும்’ என்று ஒருவாறு யூகித்த ஜடாயுவுக்கு இன்னும் நிச்சய புத்தி ஏற்படவில்லை.

Do you like the story?

Please Appreciate the Author by clapping!

Editor’s Pick