‘இது யாக பூமி... யோக பூமி!’ - துங்காநதிக்கரையில் கம்பீரமாக எழும் நரசிம்மர் ஆலயம்!

எஸ்.கண்ணன் கோபாலன் - படங்கள்: தே.அசோக்குமார்

ரிஹரபுரம்- துங்கா நதி தீரத்தில் அமைந்திருக்கும் புனிதத் தலம்; தட்ச பிரஜாபதி யாகம் செய்த யாக பூமி; அகத்தியர் தவமியற்றிய தவபூமி; ஆதிசங்கரர், சனாதன தர்மத்தைச் செழிக்கச் செய்த ஞானபூமி.

ஆம்! இந்தத் தலத்தில்தான் தட்ச பிரஜாபதி யாகம் செய்ததாகவும், அந்த யாகத்திலிருந்து சிவபெருமான் தட்சஹர சோமேஸ்வரராகத் தோன்றி அனைவருக்கும் அருள்புரிந்ததாகவும் விவரிக்கிறது, ஸ்காந்த புராணத்தின் சஹ்யாத்ரி காண்டம்.

மட்டுமன்றி, அகத்திய மகரிஷி தவமியற்றியதன் காரணமாக இந்தத் தலம் சிறந்ததொரு தவபூமியாகவும் திகழ்கிறது. அகத்தியர் பூஜித்த ஸ்ரீலக்ஷ்மி நரசிம்மரின் சாளக்கிராமம் இன்றைக்கும் இங்குள்ள ஸ்ரீமடத்தின் வழிபாட்டில் உள்ளது குறிப்பிடத்தக்கது.

ஜகத்குரு ஸ்ரீஆதிசங்கரர், இங்கே ஸ்ரீசக்ரம் பிரதிஷ்டை செய்ததுடன், வித்யைக்குத் தேவியான ஸ்ரீசாரதாம்பாளையும் எழுந்தருளச் செய்து வழிபட்டார். மேலும், இந்த க்ஷேத்திரத்தில் ஸ்ரீஆதிசங்கராசார்ய சாரதா லக்ஷ்மிநரசிம்ம பீடத்தை ஏற்படுத்தி, ஸ்ரீஸ்ரீஸ்வயம்பிரகாச கிருஷ்ண யோகேந்திர மஹா ஸ்வாமிக்கு மந்திர தீட்சை கொடுத்து, பீடாதிபதியாக நியமித்தார். அத்துடன், அகத்தியர் பூஜித்த ஸ்ரீலக்ஷ்மிநரசிம்ம சாளக்கிராம வழிபாட்டுக்கும் நியமங்களை வகுத்துத் தந்தார்.

சுமார் 600 வருடங்களுக்கு முன்பு விஜயநகர அரசராக இருந்தவர் ஹரிஹர ராயர். அவர், இந்த க்ஷேத்திரத்தில் வேத சம்ரட்சணத்துக்காக ஓர் அக்ரஹாரம் ஏற்படுத்தியதுடன், பல கிராமங்களை மானியமாகவும் அளித்தாராம். அப்போதிருந்து இந்தத் தலம் `ஹரிஹரபுரம்’ என்ற பெயரில் அழைக்கப்பெறுவதாகச் சொல்கிறார்கள்.

இங்கே, ஸ்ரீலக்ஷ்மிநரசிம்மர் வழிபாடு சிறப்பாக நடைபெறுவதைத் தரிசிக்கும்போது,  ஆதிசங்கரரின் திவ்விய வாழ்க்கையில் நடை பெற்ற ஒரு சம்பவம் நினைவுக்கு வருகிறது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்