ஸ்ரீரங்கப்பட்டணம் - ‘ஆதி அரங்கனின் பாதம்பணிகிறாள் காவிரி!’

எஸ்.கண்ணன் கோபாலன் - படங்கள்: தே.அசோக்குமார்

திகளிலேயே காவிரிக்கு எப்போதுமே தனிச் சிறப்பு உண்டு. காவிரிதான் மூன்று இடங்களில் இரண்டாகப் பிரிந்து செல்கிறது. தீவு போன்று திகழும் அந்த மூன்று இடங்களுமே வைணவ திருத்தலங்களாக அமைந்திருப்பது, காவிரிக்குக் கிடைத்த தனிப்பெருமை.

அவ்வகையில், காவிரி உற்பத்தியாகும் இடத்திலிருந்து வரிசைப்படுத்திப் பார்த்தால், முதல் தீவு - ஸ்ரீரங்கப்பட்டணம். இதை ஆதிரங்கம் என்பார்கள். அடுத்தது சிவசமுத்திரம். இது மத்திய ரங்கம் ஆகும். மூன்றாவது நமது திருவரங்கம். இதை, பூர்வரங்கம் என்று அழைப்பார்கள்.
மற்றொரு சிறப்பும் காவிரியாளுக்கு உண்டு. அது...

மண்ணுலக மக்களெல்லாம், தாங்கள் செய்த பாவங்களை, கங்கையில் போக்கிப் புனிதம் பெற்றனர். அவர்தம் பாவங் களையெல்லாம் சுமந்து நின்ற கங்கை, ‘தனது பாவம் தீர என்ன வழி?’ என்று பகவானைக் கேட்டாள். பகவான் கங்கையைப் பார்த்து, ‘`ஐப்பசி மாதத்தில் நீ காவிரி நதியில் நீராடினால், மக்களிடமிருந்து நீ பெற்ற பாவங்களெல்லாம் மறைந்து மறுபடியும் புனிதத்துவம் பெற்றவளாகிவிடுவாய்'’ என்று அருளினார். ஆக, கங்கையைவிடவும் புனிதமானவளாகப் போற்றப்படுவது, காவிரிக்குக் கிடைத்த மற்றுமொரு சிறப்பு!

Do you like the story?

Please Appreciate the Author by clapping!

Editor’s Pick