ரங்க ராஜ்ஜியம் - 6

இத்தொடரின் மற்ற பாகங்கள்:
இந்திரா சௌந்தர்ராஜன், ஓவியம்: ம.செ

‘விண்ணகரம் வெஃகா விரிதிரை நீர் வேங்கடம்
மண்ணகரம் மாமாட வேளுக்கை - மண்ணகத்த
தென்குடந்தை தேனார் திருவரங்கம் தென்கோட்டி
தன்குடங்கை நீரேற்றான் தாழ்வு'

- பேயாழ்வார்


சரதரின் அழைப்புக்கிணங்க அயோத்தியை அடைந்த தர்மவர்மா, பிரணவாகார விமானத்தில் எழுந்தருளியிருக்கும் எம்பெருமானைக் கண்டமாத்திரத்தில், இக்ஷ்வாகுவுக்கு ஏற்பட்ட உணர்வும் சிலிர்ப்பும் தர்மவர்மாவுக்கும் ஏற்பட்டது. இக்ஷ்வாகுபோல் தவம் செய்தாவது எம்பெருமானின் ஆலயத்தைச் சோழ தேசத்துக்குக் கொண்டு சென்று விடத் துணிந்தது அவர் மனம்.  இங்ஙனம், தர்மவர்மாவின் எண்ணங்கள் பிரணவாகாரப் பெருமாளின் மேலேயே இருக்க, தசரதர் மறுபுறத்தில் வேள்விக்கான ஏற்பாடுகளில் மும்முரமாயிருந்தார்.

வேள்வியின் தலைவராக ரிஷ்யசிருங்கர் எனும் மாமுனியின் வருகையும் அயோத்தியில் அமைந்தது. ரிஷ்யசிருங்கரின் பாதம் பட்ட இடத்தில் மழை பொழியும் - சுபிட்சம் கூத்தாடும் என்பதால், அவரது வரவை அரசர்கள் கொண்டாடி மகிழ்வார்கள். அப்படிப்பட்ட ரிஷ்யசிருங்கரையே முன்னிலைப்படுத்தி, அவரை நடுநாயகமாய் அமரச்செய்து, தனது வேள்வியைத் தொடங்கினார் தசரதர். அவ்வேளையில், பிரார்த்தனை உரையை யும் நிகழ்த்தினார்.

`‘அரியதொரு நிகழ்வான இந்த வேள்விக்காக, இந்தக் கோசல தேசமே மகிழ்வுறும் வண்ணம் தன்னுடைய திருப்பாதங்களைப் பதித்திருக்கும் ரிஷ்யசிருங்க மாமுனிவரே! எங்கள் ரவி குலத்தை வழிநடத்தும் எம் குலகுருவாம் வசிஷ்ட மாமுனி வரே! வேள்வியின் பொருட்டு திரண்டு வந்திருக்கின்ற ரிஷிகளே, முனிகளே!

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்