தெய்வத்துணை கொண்ட சுவாதி! | Raja Yoga star Svati - Sakthi Vikatan | சக்தி விகடன்

வெளியிடப்பட்ட நேரம்: 06:00 (09/04/2019)

தெய்வத்துணை கொண்ட சுவாதி!

நட்சத்திர குணாதிசயங்கள்

சுவாதி - ஜோதி என்று அழைக்கப்படுவதும் ராகு பகவானின் சக்தி வாய்ந்த இரண்டாவது நட்சத்திரமும் ஆகும். நாரத ஸ்ம்ஹிதை, நக்கீர சூத்திரம், கல்பதரு, உத்தர காலாமிர்தம், கேரளாச்சாரியம், புலிப்பாணி ஆகிய நூல்கள் இதன் பராக்கிரமங்களைப் பறைசாற்றுகின்றன.

`இந்த நட்சத்திரத்தில் பிறந்த நீங்கள், இல்லையென்று சொல்லாமல் வாரி வழங்கும் வள்ளல். பல நூல்களை விரும்பிக் கற்கும் அறிஞர். எதையும் நிதானமாக அணுகி புரிந்துகொள்பவராகவும் இருப்பீர்கள்’ என்கிறது நட்சத்திரமாலை. ‘வசீகரிக்கும் ஆற்றலும், உண்பதில் பிரியமும், தொடையில் மருவும் உள்ளவர், கடவுள் வழிபாட்டில் நாட்டம் கொண்டவர்’ என்கிறது ஜாதக அலங்காரம்.

பஞ்ச பூதங்களில் வாயு பகவான் பிறந்த நட்சத்திரம் இது. இதில் பிறந்த நீங்கள் வித்தியாச மானவர். உங்களை அறியாமலேயே உங்களை ஒரு தெய்விக சக்தி வழிநடத்தும். இரக்க குணமும், அறிவுக்கூர்மையும் பெற்றிருப்பீர்கள். ஒழுக்கம், உண்மை பேசுதல் உள்ளிட்ட நற்பண்புகளைக் கொண்டிருப்பீர்கள். எடுத்துக்கொண்ட காரியத்தில் வெற்றி பெறும் வரை அயராமல் உழைப்பீர்கள். துலாம் ராசியிலேயே அதிக ஒளி வாய்ந்த இளமையான நட்சத்திரமாக சுவாதி இருப்பதால், நீங்கள் இளகிய மனமும், அழகும், சுறுசுறுப்பு மிகுந்தவராகவும் திகழ்வீர்கள். ஆயிரக்கணக்கானவர்கள் அமர்ந்திருக் கும் அரங்கத்தில், நீங்கள் மட்டும் பளிச்செனத் தெரிவீர்கள். நெற்றிக்கண் திறப்பினும் குற்றம் குற்றமே என்ற சொல்லுக்கேற்ப நீதி, நேர்மை உடையவர்களாக இருப்பீர்கள்.