மகா பெரியவா - 26: ‘திருவுள்ளச் சீட்டு’ | Maha Periyava: Spiritual stories - Sakthi Vikatan | சக்தி விகடன்

வெளியிடப்பட்ட நேரம்: 06:00 (09/04/2019)

மகா பெரியவா - 26: ‘திருவுள்ளச் சீட்டு’

இத்தொடரின் மற்ற பாகங்கள்:

ஓவியம்: கேஷவ்

ம் நாட்டில் இப்போது பரபரப்பான தேர்தல் காலம். ஏப்ரல் மற்றும் மே மாதங்களில் நடைபெறவிருக்கும் நாடு தழுவிய தேர்தலுக்கு ஆயத்தப்பணிகள் ஏற்கெனவே ஆரம்பமாகி விட்டன. ‘நீயா? நானா’ போட்டி டெலிவிஷன் சேனல்களைவிட்டு வெளியே நடுத்தெருக்களுக்கும் வந்துவிட்டன!

மகா பெரியவாளும் தேர்தல் குறித்து பல்வேறு சொற்பொழிவுகளில் பேசியிருக்கிறார்.  எப்போதோ அவர் பேசியுள்ள பல விஷயங்கள் இப்போதும் பொருந்தி போவதைப் பார்க்க முடிகிறது. அந்த மாமுனிவரின் தீர்க்கதரிசனம், சிலிர்க்கவைக்கிறது!

‘திருவுள்ளச் சீட்டு’ என்று ஒரு வார்த்தை அடிபடுகிறதே, அது சீட்டுப் போட்டு எடுக்கற விஷயம்; பகவத் ப்ரீதியாக ஈச்வர சங்கல்பத்தின்படி அமைந்தது என்ற அர்த்தத்தில்தான் ஏற்பட்டிருக்கிறது.

இங்கே சொல்லும் தேர்தல், கோயிலிலேயே - கோயில் பூஜகரே பங்குகொண்டு நடப்பதாக இருக்கும். அதோடு தெய்வத்துக்குச் சமமான குழந்தையைக்கொண்டு சீட்டு எடுப்பதாக இருக்கிறது. இந்த ‘ப்ரஸைடிங் ஆபீஸர்’ கொஞ்சம் கூட நடுநிலைமை தப்பிப் பண்ணுவதற்கு இல்லை!

சரியாகச் சொல்லப்போனால் ஆண்டவனே தான் இங்கே ப்ரஸைடிங் ஆபிசர். பால் குடிக்கிற குழந்தைகளின் வாய் வழியாக ஈச்வர சக்தியே வருகிறது என்ற அர்த்தத்தில், பைபிளில் வாசகம் வருகிறது. இங்கே, குழந்தையின் கை வழியாக அவனுடைய திருவுள்ளம் வெளிவருவதாக நினைத்து தேர்தல் ஏற்பட்டிருக்கிறது.