கேள்வி பதில்: நான்காம் பிறையை தரிசிக்கலாமா? | Spiritual Question and Answer - Sakthi Vikatan | சக்தி விகடன்

வெளியிடப்பட்ட நேரம்: 06:00 (23/04/2019)

கேள்வி பதில்: நான்காம் பிறையை தரிசிக்கலாமா?

இத்தொடரின் மற்ற பாகங்கள்:

? செவ்வாய் மற்றும் வெள்ளிக்கிழமைகளில் வீட்டைக் கழுவி சுத்தம் செய்யக்கூடாது என்று சில ஜோதிட நூல்கள் கூறுகின்றனவே. இது சரிதானா?
- எம்.ரங்கமணி, சென்னை - 33


நாம் வசிக்கும் இடத்தை அனைத்து நாள் களிலும் அலம்பி சுத்தம் செய்யலாம். தவறேதும் இல்லை. ‘சுத்தத்வாத் சிவம் உச்யதே’ என்கின்றன ஞானநூல்கள். சுத்தமாக இருப்பதால் சிவம் என்று போற்றப்படுகிறார் பரம்பொருள்.

ஓர் இடம் தூய்மையாக இருக்குமானால், அங்கு கடவுளின் சாந்நித்தியம் நிறைந்திருக்கும். இதில் எவ்வித சந்தேகமும் இல்லை. தற்காலத்தில் நாம் காணும் சுத்தமின்மை என்பது நம் கலாசாரத்தைச் சார்ந்தது அல்ல. மகாலட்சுமியைப் போற்றும் முதல் நாமமே, ‘ஓம் ப்ரக்ருத்யை நம:’ என்பதுதான். மகாலட்சுமி இயற்கையாக விளங்குகிறாள் என்பதுதான் இந்த நாமத்தின் பொருள். ஆகவே, நாம் வசிக்கும் இடத்தை மட்டுமல்லாமல், இயற்கையையும் சுத்தமாக வைத்திருக்கும்படி அறிவுறுத்துகின்றன புனித நூல்கள். பூமியில் எச்சில் துப்புவது, நம் விரல்களை எச்சில்படுத்திக் கொள்வது போன்றவை தீய பலன்களை அளிக்கும் என்பதால், அவற்றைத் தடைசெய்த பழக்கங் களாக நம் முன்னோர் கருதினார்கள்.

எனவே, அனைத்து நாள்களிலும் நம்மையும் நாம் வசிக்கும் இடத்தையும் தூய்மையாக வைத்திருக்கவேண்டியது அவசியம். காலையும் மாலையும் விளக்கேற்றுவதற்கு முன்பே, நாம் வசிக்கும் இடத்தைத் தூய்மைப்படுத்தியபிறகு, தீபம் ஏற்றி வழிபடுவதே நம் மரபு. அதன் மூலம் கடவுளின் அருளைப் பரிபூரணமாகப் பெறலாம்.