Published:Updated:

14 வயது சிறுமியை பாலியல் வதை செய்த காமுகன்கள்

சிறுமி
பிரீமியம் ஸ்டோரி
சிறுமி

அக்கா கணவன் முதல் அரசு அதிகாரி வரை...

14 வயது சிறுமியை பாலியல் வதை செய்த காமுகன்கள்

அக்கா கணவன் முதல் அரசு அதிகாரி வரை...

Published:Updated:
சிறுமி
பிரீமியம் ஸ்டோரி
சிறுமி
பள்ளிக்கூடம் சென்று பட்டாம்பூச்சியாகப் பறக்க வேண்டிய 14 வயது சிறுமியை, இரண்டு வருடங்களாக 12 பேர் பாலியல் வதை செய்திருக்கும் சம்பவம், பலத்த அதிர்ச்சியை ஏற்படுத்தியிருக்கிறது. இந்த மகாபாதகத்துக்கு, அந்தச் சிறுமியின் தாயும், அக்காவின் கணவரும் துணைபோயிருப்பது பதைபதைப்பைக் கூட்டியிருக்கிறது.
14 வயது சிறுமியை பாலியல் வதை செய்த காமுகன்கள்
14 வயது சிறுமியை பாலியல் வதை செய்த காமுகன்கள்

நாமக்கல் மாவட்டத்தைச் சேர்ந்த கூலித் தொழிலாளி ஒருவருக்கு மூன்று மகள்களும், ஒரு மகனும் இருக்கிறார்கள். மூத்த மகள்கள் இருவருக்கும் திருமணமாகிவிட்டது. 14 வயதாகும் கடைசி மகள், 6-ம் வகுப்பு வரை படித்துவிட்டு, அதே பகுதியிலுள்ள தன் அக்கா வீட்டில் தங்கியிருந்தார். இரண்டு ஆண்டுகளுக்கு முன்பு அக்கா கணவர் சின்ராஜ், அந்தச் சிறுமியை பாலியல் வதை செய்திருக்கிறார். இதைத் தன் நண்பர்களான செந்தில்குமார் உட்பட சிலரிடம் சொல்ல, அவர்களும் அந்தச் சிறுமியை மிரட்டி பாலியல் வதை செய்தார்கள். விவகாரம் வெளியில் வந்ததால், 10,000 ரூபாயைக் கொடுத்து பிரச்னையை முடித்திருக்கிறார் செந்தில்குமார். அதன் பின்னர், அந்தச் சிறுமி வீட்டு வேலைக்குச் சென்றார். அப்போதும் அவள் மீதான பாலியல் வதை தொடர்ந்தது.

மேற்கொண்டு நடந்தவை குறித்து விசாரித்தோம். ‘‘சிறுமி வீட்டு வேலைக்குச் சென்ற இடத்திலும் பி.எஸ்.என்.எல் நிறுவனத்தில் பணியாற்றிவரும் கண்ணன் என்பவர் சிறுமியைப் பாலியல் வதை செய்திருக்கிறார். அருகிலுள்ள சிலரும் சிறுமியை மிரட்டி பாலியல் வதை செய்திருக்கிறார்கள். இது குறித்துத் தன் பெற்றோரிடம் சிறுமி கூறியும், அவர்கள் கண்டுகொள்ளவில்லை. இதுபற்றி அரசல் புரசலாகக் கேள்விப்பட்ட அக்கம்பக்கத்தினர் நாமக்கல் மாவட்ட குழந்தைகள் நல அலுவலர் ரஞ்சிதப்பிரியாவிடம் புகார் அளித்த பின்னரே, விவகாரம் விஸ்வரூபமெடுத்தது.

14 வயது சிறுமியை பாலியல் வதை செய்த காமுகன்கள்

தீவிர விசாரணை நடத்திய ரஞ்சிதப்பிரியா, ஏப்ரல் 12-ம் தேதி திருச்செங்கோடு அனைத்து மகளிர் காவல் நிலையத்தில் புகார் அளித்தார். அதன்பேரில், ஆய்வாளர் ஹேமாவதி தலைமையிலான போலீஸார் விசாரணை நடத்தினர். அப்போதுதான் நடந்தவை வெளியில் தெரியவந்தது. இதையடுத்து செந்தில்குமார், வடிவேல், கண்ணன், மூர்த்தி, சேகர், கோபாலகிருஷ்ணன், அபிமன்னன், சரவணன், சங்கர், பன்னீர் மற்றும் குற்றத்துக்கு உடந்தையாக இருந்த சிறுமியின் தாய் மகேஷ்வரி ஆகிய 12 பேரை போலீஸார் கைதுசெய்தார்கள்.

24 வயது இளைஞன் முதல் 55 வயதான நபர் வரை இதில் அடக்கம். போக்சோ சட்டத்தில் கைதுசெய்யப்பட்ட இவர்களை நாமக்கல் மகளிர் நீதிமன்ற நீதிபதி சசிரேகா வீட்டில் ஆஜர்படுத்தி சிறையில் அடைத்துள்ளார்கள். தலைமறைவாக இருக்கும் இன்னொரு குற்றம்சாட்டப்பட்ட நபரான அந்தியூர் முருகனைத் தேடிவருகிறார்கள்” என்றார்கள்.

குற்றம்சாட்டப்பட்டவர்களின் உறவினர்களோ, ‘‘பணத்துக்காக, சிறுமியின் குடும்பத்தினர் பொய்ப் புகார்களைக் கூறியிருக்கிறார்கள்’’ என்று கூறி நாமக்கல் மாவட்ட ஆட்சியர் அலுவலகம் முன்பு சாலைமறியல் செய்தார்கள். கைதுசெய்யப்பட்ட கண்ணனின் மனைவி கனகவல்லி, ‘‘என் கணவர் மீது, பணத்துக்காக வீண்பழியைச் சுமத்தி யிருக்கிறார்கள்’’ என்று செய்தியாளர்களிடம் தெரிவித்திருக்கிறார்.

இது குறித்து விவரமறிந்த சிலர் நம்மிடம், ‘‘சிறுமியின் சகோதரிகளின் திருமணத்துக்காக வாங்கிய கடன், தந்தையின் மருத்துவச் செலவு என குடும்பத்தில் செலவுகள் அதிகம். அதனால், சிறுமியின் அக்கா கணவர் அவளைவைத்து பணம் சம்பாதிக்க, தவறான பாதைக்கு வலுக்கட்டாயமாக அழைத்துச் சென்றதுடன், தானும் சீரழித்திருக்கிறார். செந்தில்குமார் சிறுமியை வதை செய்தது பிரச்னையானதால், குழந்தைகள்நல அலுவலர் ரஞ்சிதப்பிரியாவுக்குப் புகார் போயிருக்கிறது. அவர் தீவிரமாக விசாரித்து தகவல்கள் உண்மையென்று தெரிந்த பிறகே, திருச்செங்கோடு அனைத்து மகளிர் காவல் நிலையத்துக்குத் தகவல் கொடுத்திருக்கிறார்’’ என்றார்கள்.

கண்ணன் -   சக்தி கணேசன்
கண்ணன் - சக்தி கணேசன்

குழந்தைகள்நல அலுவலர் ரஞ்சிதப்பிரியாவிடம் பேச முயன்றோம். அவர் நம்மிடம் பேசவில்லை. திருச்செங்கோடு அனைத்து மகளிர் காவல் நிலைய ஆய்வாளர் ஹேமாவதியிடம் பேசியபோது, ‘‘விசாரணை நடந்துகொண்டிருக்கிறது’’ என்று மட்டும் சொன்னார்.

நாமக்கல் மாவட்ட காவல்துறை கண்காணிப்பாளர் சக்தி கணேசனிடம் பேசினோம். “அந்தச் சிறுமியை அவரின் அக்கா கணவர் வதை செய்ததோடு, அந்தச் சிறுமியைத் தவறான வழியில் தள்ளியிருக்கிறார். அந்தச் சிறுமியைப் பலரும் பாலியல் வதை செய்திருக்கிறார்கள். அந்தச் சிறுமி யார் யார் பெயரைக் கூறியிருக்கிறாரோ, அவர்களை யெல்லாம் கைதுசெய்துள்ளோம். சிறுமியைத் தவறாகப் பயன்படுத்திய நபர்கள் யாராக இருந்தாலும், அவர்களையும் கைதுசெய்வோம்’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism