<p><strong><span style="color: rgb(255, 0, 0);">‘ம</span></strong>துரை மீனாட்சியம்மன் கோயிலுக்கு பாத்தியப்பட்ட ரூ. 4 ஆயிரம் கோடி மதிப்புள்ள சொத்துகள் ஆக்கிரமிக்கப்பட்டுள்ளன. அவற்றை மீட்க வேண்டும்’ என்று திருத்தொண்டர்கள் சபை என்ற ஓர் அமைப்பு எழுப்பியுள்ள புகார், பெரும் சர்ச்சையை ஏற்படுத்தியுள்ளது. மாட்டுத்தாவணி எதிரே உள்ள வணிக வளாகங்கள் நிறைந்துள்ள பகுதியை, இதுதான் ‘ஆக்கிரமிக்கப்பட்ட பகுதி’ என்று அந்த அமைப்பினர் சமீபத்தில் கைகாட்டியது மதுரையில் பரபரப்பை ஏற்படுத்தியுள்ளது.<br /> <br /> இந்து ஆலய சொத்துகள் பலவும் ஆக்கிரமிப்பு செய்யப்பட்டிருப்பதாகவும், கோயிலை விட்டு அறநிலையத் துறை வெளியேற வேண்டும் என்றும் இந்து அமைப்புகள் சில கோரி வருகின்றன. மேலும், மீனாட்சியம்மன் கோயில் தீ விபத்துக்குப்பின், திருக்கோயில் நிர்வாகத்தின் மீது சிலர் கடுமையான விமர்சனங்களை வைத்து வருகின்றனர். அதைத் தொடர்ந்து இப்போது, கோயில் சொத்து தொடர்பாகச் சர்ச்சைக் கிளம்பியுள்ளது.</p>.<p>இதுபற்றித் திருத்தொண்டர்கள் சபையின் நிறுவனர் ராதாகிருஷ்ணனிடம் பேசினோம். ‘‘மதுரை மீனாட்சியம்மன் கோயிலுக்கு ஏராளமானோர் நிலங்களைத் தானமாக வழங்கியுள்ளனர். அவற்றைக் கண்காணிக்காமல் கோயில் நிர்வாகம் அலட்சியம் காட்டியது. அதனால், மதுரை மாட்டுத்தாவணிப் பகுதியில் 50 ஏக்கருக்கு மேல் மீனாட்சி அம்மன் கோயில் நிலம் ஆக்கிரமிக்கப்பட்டுள்ளது. அங்கு கட்டடங்கள் கட்டப்பட்டுள்ளன. மீனாட்சி அம்மன் கோயில் பூஜைகளுக்காக சுப்பையா என்பவரால் தானமாக வழங்கப்பட்ட நிலங்கள், விதிகளை மீறி விற்பனை செய்யப்பட்டுப் பத்திரப் பதிவு செய்யப்பட்டுள்ளன. இதன் மதிப்பு ரூ. 4 ஆயிரம் கோடி. இது சம்பந்தமாக, கடந்த வருடமே அறநிலையத் துறையிடம் புகார் கொடுத்தேன். எந்த நடவடிக்கையும் இல்லை. இந்த நிலம் சம்பந்தமான ஆவணங்கள் எங்களிடம் உள்ளன. மாட்டுத்தாவணி பேருந்து நிலையத்தின் எதிரே உள்ள இடத்தைச் சட்டப்பூர்வமாக மீட்க நடவடிக்கை எடுக்க வேண்டும். ஆவணங்களை முறைகேடாக மாற்றம் செய்து விற்பனை செய்துள்ளவர்கள் மீது நடவடிக்கை எடுக்கவேண்டும்’’ என்றார். <br /> <br /> இதுபற்றி மீனாட்சியம்மன் கோயில் இணை ஆணையர் நடராஜனிடம் பேசினோம். ‘‘மீனாட்சியம்மன் கோயிலுக்கு பாத்தியப்பட்ட சொத்துகள் மீதான ஆக்கிரமிப்பை அகற்றி வருகிறோம். கோயில் சம்பந்தப்பட்ட எதையும் பத்திரப்பதிவு செய்ய வேண்டாம் என அனைத்து சார் பதிவாளர்கள், மாவட்டப் பதிவாளர், தாலுகா அலுவலகங்களுக்குக் கடிதம் அனுப்பியுள்ளோம். திருத்தொண்டர்கள் சபையினர் சுட்டிக்காட்டும் சொத்தானது, மீனாட்சி அம்மன் கோயிலுக்கு எழுதி வைக்கப்படவில்லை. அது ஓர் அறக்கட்டளைக்குச் சொந்தமானது. ஏழை எளியவர் களுக்கு உணவளிக்கவும், ஆன்மிகப் பணிக்காகவும், வரும் வருமானத்தில் ஒரு பகுதியை மீனாட்சியம்மன் கோயில் பூஜைக்கு வழங்க வேண்டும் என்று சுப்பையா என்பவரால் 1832-ல் உருவாக்கிய அறக் கட்டளை அது. அந்த அறக்கட்டளையின் நிர்வாக அறங்காவலர்களாக இருந்தவர்கள் அந்தக் காலத்திலேயே நீதிமன்றம் மூலம் சில உத்தரவுகளைப் பெற்று சொத்துகளையும், நிலங்களையும் பயன்படுத்தி வந்துள்ளனர். தர்ம காரியங்கள், கோயில் காரியங்களை அவர்கள் சரியாகச் செய்யவில்லை என்று புகார் வந்தால், அறநிலையத்துறை நடவடிக்கை எடுக்கலாம். மற்றபடி கோயில் நிர்வாகத்துக்கும் அறக்கட்டளைக்கும் நேரடி சம்பந்தம் கிடையாது.</p>.<p>கோயில் நிர்வாகத்தின் நேரடி கட்டுப்பாட்டில் இருக்கும் சொத்துகளை யாரும் ஆக்கிரமிக்க முடியாத அளவுக்கு நாங்கள் நடவடிக்கை எடுத்து வருகிறோம். கடந்த சில ஆண்டுகளில் மதுரை, விருதுநகர், சிவகங்கை, திருச்சி மாவட்டங்களில் கோயிலுக்குச் சொந்தமான ரூ. 10 கோடி மதிப்புள்ள விவசாய நிலங்கள் மீட்கப்பட்டுள்ளன. ரூ. 9 கோடி மதிப்புள்ள சொத்துகள் மீட்கப் பட்டுள்ளன. ஆக்கிரமிக்கப்பட்டுள்ள சொத்துகளை மீட்கும் பணி தொடர்ந்து கொண்டிருக்கிறது. மீனாட்சியம்மன் கோயில் தொடர்பில் உள்ள அறக்கட்டளைச் சொத்துகளை, அதை நிர்வகிப்பவர்கள் ஷரத்துகளை மீறி விற்பனை செய்தால் சட்ட விதியின்படி நடவடிக்கை எடுக்கும் அதிகாரம், இந்து அறநிலையத்துறையின் மண்டல இணை ஆணையருக்கு உள்ளது. ஆனாலும், திருத்தொண்டர்கள் சபை கூறியுள்ள புகாரை நாங்களும் விசாரித்து வருகிறோம்’’ என்றார்.</p>.<p>இந்த விவகாரம் குறித்து நம்மிடம் பேசிய அறநிலையத் துறை ஊழியர்கள் சிலர், “அறநிலையத் துறையையும், கோயில் நிர்வாகத்தையும் தங்கள் கட்டுப்பாட்டுக்குள் கொண்டுவர வேண்டும் என்ற நோக்கத்துடன் குறிப்பிட்ட சிலர் பல சூழ்ச்சிகளைச் செய்து வருகிறார்கள். அதற்காக, புதுப்புதுப் பிரச்னைகளைக் கிளப்பி, அதன் மூலம் அறநிலையத் துறை மோசம் என்று சித்தரிக்க முயற்சி செய்கிறார்கள். கோயில் நிர்வாக அதிகாரிகளாகப் பிற்படுத்தப்பட்ட, தாழ்த்தப்பட்ட சமூகத்தினரும், பெண்களும் இருப்பதை அவர்களால் ஜீரணிக்க முடியவில்லை. மத்தியிலும், மாநிலத்திலும் அவர்களுக்கு ஆதரவான ஆட்சியாளர்கள் இருப்பதால், இப்போது துள்ளிக்குதிக்கிறார்கள். அறக்கட்டளையின் சொத்து விற்கப்பட்டுள்ளது என்றால், அந்த அறக்கட்டளை நிர்வாகிகள் மீது வழக்கு போட வேண்டியதுதானே. மாறாக, கோயில் நிர்வாகத்தை ஏன் குறை சொல்ல வேண்டும்?” என்று குமுறினர்.<br /> <strong><span style="color: rgb(128, 0, 0);"><br /> - செ.சல்மான், அருண் சின்னதுரை<br /> <br /> படங்கள்: வி.சதீஷ்குமார்</span></strong></p>
<p><strong><span style="color: rgb(255, 0, 0);">‘ம</span></strong>துரை மீனாட்சியம்மன் கோயிலுக்கு பாத்தியப்பட்ட ரூ. 4 ஆயிரம் கோடி மதிப்புள்ள சொத்துகள் ஆக்கிரமிக்கப்பட்டுள்ளன. அவற்றை மீட்க வேண்டும்’ என்று திருத்தொண்டர்கள் சபை என்ற ஓர் அமைப்பு எழுப்பியுள்ள புகார், பெரும் சர்ச்சையை ஏற்படுத்தியுள்ளது. மாட்டுத்தாவணி எதிரே உள்ள வணிக வளாகங்கள் நிறைந்துள்ள பகுதியை, இதுதான் ‘ஆக்கிரமிக்கப்பட்ட பகுதி’ என்று அந்த அமைப்பினர் சமீபத்தில் கைகாட்டியது மதுரையில் பரபரப்பை ஏற்படுத்தியுள்ளது.<br /> <br /> இந்து ஆலய சொத்துகள் பலவும் ஆக்கிரமிப்பு செய்யப்பட்டிருப்பதாகவும், கோயிலை விட்டு அறநிலையத் துறை வெளியேற வேண்டும் என்றும் இந்து அமைப்புகள் சில கோரி வருகின்றன. மேலும், மீனாட்சியம்மன் கோயில் தீ விபத்துக்குப்பின், திருக்கோயில் நிர்வாகத்தின் மீது சிலர் கடுமையான விமர்சனங்களை வைத்து வருகின்றனர். அதைத் தொடர்ந்து இப்போது, கோயில் சொத்து தொடர்பாகச் சர்ச்சைக் கிளம்பியுள்ளது.</p>.<p>இதுபற்றித் திருத்தொண்டர்கள் சபையின் நிறுவனர் ராதாகிருஷ்ணனிடம் பேசினோம். ‘‘மதுரை மீனாட்சியம்மன் கோயிலுக்கு ஏராளமானோர் நிலங்களைத் தானமாக வழங்கியுள்ளனர். அவற்றைக் கண்காணிக்காமல் கோயில் நிர்வாகம் அலட்சியம் காட்டியது. அதனால், மதுரை மாட்டுத்தாவணிப் பகுதியில் 50 ஏக்கருக்கு மேல் மீனாட்சி அம்மன் கோயில் நிலம் ஆக்கிரமிக்கப்பட்டுள்ளது. அங்கு கட்டடங்கள் கட்டப்பட்டுள்ளன. மீனாட்சி அம்மன் கோயில் பூஜைகளுக்காக சுப்பையா என்பவரால் தானமாக வழங்கப்பட்ட நிலங்கள், விதிகளை மீறி விற்பனை செய்யப்பட்டுப் பத்திரப் பதிவு செய்யப்பட்டுள்ளன. இதன் மதிப்பு ரூ. 4 ஆயிரம் கோடி. இது சம்பந்தமாக, கடந்த வருடமே அறநிலையத் துறையிடம் புகார் கொடுத்தேன். எந்த நடவடிக்கையும் இல்லை. இந்த நிலம் சம்பந்தமான ஆவணங்கள் எங்களிடம் உள்ளன. மாட்டுத்தாவணி பேருந்து நிலையத்தின் எதிரே உள்ள இடத்தைச் சட்டப்பூர்வமாக மீட்க நடவடிக்கை எடுக்க வேண்டும். ஆவணங்களை முறைகேடாக மாற்றம் செய்து விற்பனை செய்துள்ளவர்கள் மீது நடவடிக்கை எடுக்கவேண்டும்’’ என்றார். <br /> <br /> இதுபற்றி மீனாட்சியம்மன் கோயில் இணை ஆணையர் நடராஜனிடம் பேசினோம். ‘‘மீனாட்சியம்மன் கோயிலுக்கு பாத்தியப்பட்ட சொத்துகள் மீதான ஆக்கிரமிப்பை அகற்றி வருகிறோம். கோயில் சம்பந்தப்பட்ட எதையும் பத்திரப்பதிவு செய்ய வேண்டாம் என அனைத்து சார் பதிவாளர்கள், மாவட்டப் பதிவாளர், தாலுகா அலுவலகங்களுக்குக் கடிதம் அனுப்பியுள்ளோம். திருத்தொண்டர்கள் சபையினர் சுட்டிக்காட்டும் சொத்தானது, மீனாட்சி அம்மன் கோயிலுக்கு எழுதி வைக்கப்படவில்லை. அது ஓர் அறக்கட்டளைக்குச் சொந்தமானது. ஏழை எளியவர் களுக்கு உணவளிக்கவும், ஆன்மிகப் பணிக்காகவும், வரும் வருமானத்தில் ஒரு பகுதியை மீனாட்சியம்மன் கோயில் பூஜைக்கு வழங்க வேண்டும் என்று சுப்பையா என்பவரால் 1832-ல் உருவாக்கிய அறக் கட்டளை அது. அந்த அறக்கட்டளையின் நிர்வாக அறங்காவலர்களாக இருந்தவர்கள் அந்தக் காலத்திலேயே நீதிமன்றம் மூலம் சில உத்தரவுகளைப் பெற்று சொத்துகளையும், நிலங்களையும் பயன்படுத்தி வந்துள்ளனர். தர்ம காரியங்கள், கோயில் காரியங்களை அவர்கள் சரியாகச் செய்யவில்லை என்று புகார் வந்தால், அறநிலையத்துறை நடவடிக்கை எடுக்கலாம். மற்றபடி கோயில் நிர்வாகத்துக்கும் அறக்கட்டளைக்கும் நேரடி சம்பந்தம் கிடையாது.</p>.<p>கோயில் நிர்வாகத்தின் நேரடி கட்டுப்பாட்டில் இருக்கும் சொத்துகளை யாரும் ஆக்கிரமிக்க முடியாத அளவுக்கு நாங்கள் நடவடிக்கை எடுத்து வருகிறோம். கடந்த சில ஆண்டுகளில் மதுரை, விருதுநகர், சிவகங்கை, திருச்சி மாவட்டங்களில் கோயிலுக்குச் சொந்தமான ரூ. 10 கோடி மதிப்புள்ள விவசாய நிலங்கள் மீட்கப்பட்டுள்ளன. ரூ. 9 கோடி மதிப்புள்ள சொத்துகள் மீட்கப் பட்டுள்ளன. ஆக்கிரமிக்கப்பட்டுள்ள சொத்துகளை மீட்கும் பணி தொடர்ந்து கொண்டிருக்கிறது. மீனாட்சியம்மன் கோயில் தொடர்பில் உள்ள அறக்கட்டளைச் சொத்துகளை, அதை நிர்வகிப்பவர்கள் ஷரத்துகளை மீறி விற்பனை செய்தால் சட்ட விதியின்படி நடவடிக்கை எடுக்கும் அதிகாரம், இந்து அறநிலையத்துறையின் மண்டல இணை ஆணையருக்கு உள்ளது. ஆனாலும், திருத்தொண்டர்கள் சபை கூறியுள்ள புகாரை நாங்களும் விசாரித்து வருகிறோம்’’ என்றார்.</p>.<p>இந்த விவகாரம் குறித்து நம்மிடம் பேசிய அறநிலையத் துறை ஊழியர்கள் சிலர், “அறநிலையத் துறையையும், கோயில் நிர்வாகத்தையும் தங்கள் கட்டுப்பாட்டுக்குள் கொண்டுவர வேண்டும் என்ற நோக்கத்துடன் குறிப்பிட்ட சிலர் பல சூழ்ச்சிகளைச் செய்து வருகிறார்கள். அதற்காக, புதுப்புதுப் பிரச்னைகளைக் கிளப்பி, அதன் மூலம் அறநிலையத் துறை மோசம் என்று சித்தரிக்க முயற்சி செய்கிறார்கள். கோயில் நிர்வாக அதிகாரிகளாகப் பிற்படுத்தப்பட்ட, தாழ்த்தப்பட்ட சமூகத்தினரும், பெண்களும் இருப்பதை அவர்களால் ஜீரணிக்க முடியவில்லை. மத்தியிலும், மாநிலத்திலும் அவர்களுக்கு ஆதரவான ஆட்சியாளர்கள் இருப்பதால், இப்போது துள்ளிக்குதிக்கிறார்கள். அறக்கட்டளையின் சொத்து விற்கப்பட்டுள்ளது என்றால், அந்த அறக்கட்டளை நிர்வாகிகள் மீது வழக்கு போட வேண்டியதுதானே. மாறாக, கோயில் நிர்வாகத்தை ஏன் குறை சொல்ல வேண்டும்?” என்று குமுறினர்.<br /> <strong><span style="color: rgb(128, 0, 0);"><br /> - செ.சல்மான், அருண் சின்னதுரை<br /> <br /> படங்கள்: வி.சதீஷ்குமார்</span></strong></p>
