Published:Updated:

ஜம்மு காஷ்மீரில் ஒரே குடும்பத்தில் 6 பேர் மர்ம மரணம் - தீவிர விசாரணையில் காவல்துறை!

ஜம்மு - காஷ்மீர்

ஜம்மு காஷ்மீரில் ஒரே குடும்பத்தைச் சேர்ந்த ஆறு பேர் இறந்து கிடந்ததாகக் காவல்துறை தெரிவித்திருக்கிறது.

ஜம்மு காஷ்மீரில் ஒரே குடும்பத்தில் 6 பேர் மர்ம மரணம் - தீவிர விசாரணையில் காவல்துறை!

ஜம்மு காஷ்மீரில் ஒரே குடும்பத்தைச் சேர்ந்த ஆறு பேர் இறந்து கிடந்ததாகக் காவல்துறை தெரிவித்திருக்கிறது.

Published:Updated:
ஜம்மு - காஷ்மீர்

ஜம்மு காஷ்மீர் சித்ரா பகுதியில் வசித்துவந்த ஒரே குடும்பத்தைச் சேர்ந்த ஆறு பேர் சந்தேகத்துக்கிடமான முறையில் சடலமாக மீட்கப்பட்டிருக்கின்றனர். இன்று காலை முதலே அவர்களின் வீட்டிலிருந்து யாரும் வெளியே வராததை கவனித்த அக்கம் பக்கத்தினர், இது தொடர்பாக காவல்துறைக்குத் தகவல் அளித்திருக்கிறார்கள். உடனே சம்பவ இடத்துக்கு விரைந்த காவல்துறை, வீட்டின் உள்ளே சென்ற போது ஆறு பேரின் சடலங்களைக் கண்டனர். தொடர்ந்து அவர்கள் உடல்களை கைப்பற்றி, மரணம் தொடர்பாக விசாரித்துவருகின்றனர்.

மரணம்
மரணம்

இறந்தவர்கள் தொடர்பாக காவல்துறை அளித்த தகவலில், ``இறந்தவர்கள் சகினா பேகம், அவரின் இரண்டு மகள்கள் நசீமா அக்தர், ரூபினா பானு, மகன் ஜாபர் சலீம், இரண்டு உறவினர்கள் நூருல் ஹபீப், சஜாத் அகமது என அடையாளம் காணப்பட்டிருக்கின்றனர். அவர்களின் உடல்கள் மீட்கப்பட்டு அரசு மருத்துவமனைக்கு அனுப்பிவைக்கப்பட்டிருக்கின்றன. அவர்கள் மரணம் தற்கொலையா அல்லது கொலையா எனப் பிரேத பரிசோதனைக்குப் பின்பு தெரியவரும், இது தொடர்பாகத் தீவிர விசாரணை மேற்கொண்டுவருகிறோம்" எனத் தெரிவிக்கப்பட்டிருக்கிறது.