Published:Updated:

மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...
பிரீமியம் ஸ்டோரி
மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

அரசு பள்ளியின் அவலம் இது!

மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

அரசு பள்ளியின் அவலம் இது!

Published:Updated:
மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...
பிரீமியம் ஸ்டோரி
மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

ஞ்சை மாவட்டம், ஒரத்தநாடு அருகே அரசு தொடக்கப் பள்ளிக் கட்டடம் சேதம் அடைந்து, இடிந்துவிழும் நிலையில் உள்ளது. நீண்ட நாள்களாகப் புதிய கட்டடம் கட்டித்தர கோரிக்கை விடுத்தும் அரசு தரப்பில் கண்டுகொள்ளாததால் மரத்தடி, திண்ணைகள், சற்றே விசாலமான வீடுகள்... என்று குழந்தைகளை அலைக்கழித்து.... அமரவைத்துப் பாடம் எடுத்துவந்தார்கள் ஆசிரியர்கள். தற்போது விடுமுறை முடிந்து பள்ளிகள் திறக்கப்பட்ட நிலையிலும் புதிய கட்டடம் கட்டப்படாததால், வேறு வழியில்லாமல் அங்கிருக்கும் ரேஷன் கடையில் பாடம் படித்துவருகிறார்கள் குழந்தைகள்!

மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

ஒரத்தநாடு அருகே கருவிழிக்காடு கிராமத்தில் ஊராட்சி ஒன்றிய அரசு தொடக்கப் பள்ளி செயல்பட்டுவருகிறது. காமராஜர் ஆட்சிக் காலத்தில் தொடங்கப்பட்ட இந்தப் பள்ளியை ஊரின் பாரம்பர்ய அடையாளமாகப் பார்க்கிறார்கள் இங்கு வசிக்கும் மக்கள். இரண்டு ஆசிரியர்களைக்கொண்ட இந்த இருபாலர் பள்ளியில், ஏழை விவசாயக் குடும்பங்களைச் சேர்ந்த 30 மாணவர்கள் படித்து வருகின்றனர். இந்தப் பள்ளியின் கட்டடம் சில ஆண்டுகளாகவே சேதமடைந்து, இடிந்துவிழும் நிலையில் உள்ளது. இந்தக் கட்டடத்தை சீரமைக்கக் கோரி பலமுறை கோரிக்கை விடுத்தும் அரசுத் தரப்பில் நடவடிக்கை இல்லை.

இதுகுறித்து இந்தப் பகுதியைச் சேர்ந்த சுப்பிரமணியன் என்பவர், “காமராஜர் காலத்தில் இந்தப் பள்ளி தொடங்கப்பட்டபோது இங்கு ஆறு மாணவர்கள் மட்டுமே படித்தார்களாம். அதன் பின்பு படிப்படியாக மாணவர்கள் சேர்க்கை அதிகரித்தது. இங்கு படித்த பலர் நல்ல நிலையில் இருக்கிறார்கள். சிலர் வெளிநாடுகளிலும் பணிபுரிகிறார் கள். ஆனால், இடையே தனியார் பள்ளிகள் அதிகரித்ததால், இந்தப் பள்ளிக்கான வரவேற்பு குறைந்து போனது. ஆனாலும், இப்போதுவரை கல்வித் தரத்தில் நிலைமை மோசமாக வில்லை. ஆனால், கட்டடம்தான் சீரமைக்கப்படவே இல்லை.

மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

நாங்கள் நீண்டகாலமாகவே, ‘இந்தப் பள்ளிக்குப் புதிய கட்டடம் வேண்டும்’ என்று கோரிக்கை வைத்து வருகிறோம். கடந்த ஆண்டு இந்தப் பள்ளியைப் பார்வையிட்ட மாவட்டக் கல்வித்துறை அதிகாரிகள், ‘இங்கு வகுப்புகளை நடத்த வேண்டாம். ஏதாவது விபரீதமாகிவிடும்; வேறு இடத்துக்கு மாற்றிக்கொள்ளுங்கள். அடுத்த ஆண்டு பள்ளி தொடங்கும்போது புதிய கட்டடம் கட்டித் தருகிறோம்’ என்றனர். இதையடுத்து, ஊரில் உள்ளவர்களின் வீடுகள், திண்ணைகளில் வகுப்புகளை நடத்தினோம். எனினும் புதிய கட்டடம் கட்டுவதற்கான பணிகள் எதுவும் தொடங்கப்படவில்லை. கோடை விடுமுறைக்குப் பின்னர், ஜூன் 3-ம் தேதி பள்ளி மீண்டும் திறக்கப் பட்டது. அதே பழைய கட்டடத்தில் வகுப்புகளை நடத்த ஆசிரியர்கள் தயார் ஆனார்கள். பெற்றோர் ஒன்று திரண்டு, பள்ளியை முற்றுகையிட்டு வாக்குவாதத்தில் ஈடுபட்டதால், ரேஷன் கடை வராண்டாவில் வகுப்புகளை நடத்தத் தொடங்கினர். இந்த அவல நிலைக்கு அரசின் மெத்தனமான செயல்பாடே காரணம்” என்றார்.

உதயகுமார் என்பவர் கூறுகையில், “என் இரண்டு பிள்ளைகளும் இங்குதான் படிக் கிறார்கள். எங்கள் பகுதியைச் சுற்றி எத்தனையோ தனியார் பள்ளிகள் இருந்தும் நாங்கள் ‘அரசுப் பள்ளியில்தான் குழந்தைகளைப் படிக்க வைக்க வேண்டும்’ என்கிற வைராக்கியத்துடன் இங்கு படிக்கவைத்து வருகிறோம். எங்கள் ஊரைச் சேர்ந்தவர்கள் பள்ளியைக் காக்கும் நோக்கத்துடன் பள்ளியைச் சுற்றிலும் இரும்புக் கம்பி வேலி, மின் விசிறி வசதி, மாணவர்களுக்குப் பள்ளிச் சீருடை என்று பல வசதிகளைச் செய்து தந்திருக்கிறார்கள். ஆனால், இன்னும் புதிய கட்டடம் கட்டவில்லை. இப்போது ரேஷன் கடையில் மாணவர்களை உட்கார வைத்துள்ளனர். இதைப் பார்வையிட வந்த கல்வித்துறை அதிகாரிகளும், ‘புதிய கட்டடம் கட்டும்வரை ரேஷன் கடையிலேயே பள்ளி நடக்கட்டும்; ஆறு மாசம் பொறுமையாக இருங்கள்’ என்று சொல்லிவிட்டுச் சென்றுவிட்டனர். இந்தப் பள்ளிக்குப் போர்க்கால அடிப்படையில் புதிய கட்டடம் கட்டித்தர வேண்டும். மேலும் இந்தப் பள்ளியை அரசு, தரம் உயர்த்தி மாணவர்கள் சேர்க்கையை அதிகரிக்க நடவடிக்கை எடுக்க வேண்டும்” என்றார்.

மரத்தடி... திண்ணை... இப்போது ரேஷன் கடை... அலைக்கழிக்கப்படும் மாணவர்கள்...

இதுகுறித்து மாவட்ட ஆட்சியர் அண்ணாதுரையிடம் பேசினோம். “புதிய கட்டடம் கட்டுவதற்கு நடவடிக்கை எடுக்கப்பட்டுள்ளது. விரைவில் இந்தப் பிரச்னைக்குத் தீர்வு காணப்படும்” என்றார் சுருக்கமாக!

‘இளமையில் கல்’ எனச் சொன்னால் மட்டும் போதுமா?

- கே.குணசீலன்
படங்கள்: ம.அரவிந்த்