RTI அம்பலம்: தேய்கிறதா கட்டாய கல்வி உரிமைச் சட்டம்!

`தனியார் பள்ளிகளில் 25 சதவிகித இடங்கள், அருகில் வசிக்கும் பொருளாதாரத்தில் பின்தங்கிய குழந்தை களுக்கு வழங்கப்பட வேண்டும்’ என்று வலியுறுத்துகிறது கட்டாய கல்வி உரிமைச் சட்டம். அதற்கான கல்விக் கட்டணத்தை மத்திய, மாநில அரசுகள் பகிர்ந்து அளிக்கும். ஆனால், இந்த ஒதுக்கீட்டை தனியார் பள்ளிகள் சரிவர பின்பற்றுவதில்லை என்பது தொடர் குற்றச்சாட்டு. இந்த நிலையில்தான், இதன் உண்மை நிலையை அறிய விகடன் ஆர்.டி.ஐ குழு களமிறங்கியது. அதிர்ச்சியூட்டும் பல தகவல்கள் கிடைத்தன. அவை இங்கே...

. முதல்கட்டமாக, இது தொடர்பாக பள்ளிக்கல்வித் துறைக்கு விவரம் கோரி மனு அனுப்பினோம். அதன்படி கிடைத்த தகவல்களின் அடிப்படையில், ‘கல்வி உரிமைச் சட்டப்படி 25 சதவிகித இடத்தை தனியார் பள்ளிகள் முழுமையாக நிரப்பவில்லை’ என்று எழும் தொடர் குற்றச்சாட்டுகள் உண்மைதான் என்பது உறுதியாகி யுள்ளது. அதுமட்டுமன்றி, அப்படி நிரப்பப்படாத காலி இடங்களில் பல்வேறு முறைகேடுகளும் குளறுபடி களும் நடப்பதாகவும் குற்றச்சாட்டு எழுந்துள்ளது.

. கட்டாய கல்வி உரிமைச் சட்டப்படி 2013-14 கல்வியாண்டில் ஒரு லட்சம் இடங்கள் நிரப்பப்பட வேண்டும் என்று தமிழக பள்ளிக்கல்வித் துறை இலக்கு நிர்ணயித்தது. ஆனால், அந்த ஆண்டில் 49,864 இடங்களை மட்டுமே தனியார் பள்ளிகள் நிரப்பியுள்ளன. 50,136 இடங்களில் மாணவர்கள் நிரப்பப்படவில்லை. 2014-15 கல்வியாண்டில் 1,16,004 மாணவர்கள் இந்தச் சட்டப்படி சேர்க்கப்பட்டிருக்க வேண்டும். ஆனால், 86,729 இடங்களை மட்டும் தனியார் பள்ளிகள் நிரப்பியுள்ளன. எஞ்சிய 29,275 இடங்கள் என்னவாயின எனத் தெரியவில்லை. இப்படி, 2013 முதல் 2020-ம் ஆண்டு வரை எட்டு லட்சம் இடங்களுக்கு மாணவர் சேர்க்கை நடைபெற்றிருக்க வேண்டும். ஆனால், வெறும் ஐந்து லட்சம் மாணவர்கள் மட்டுமே சேர்க்கப் பட்டுள்ளனர். எஞ்சிய இடங்கள் என்னவாயின எனத் தெரியவில்லை. இப்படி நிரப்பப்படாதது ஒருபுறம் என்றால், இந்தச் சட்டத்தின்படி சேர்க்கப்பட்ட மாணவர்களுக்காக வழங்க வேண்டிய நிதியையும் மத்திய, மாநில அரசுகள் வழங்கவில்லை.

. 2013-14 கல்வியாண்டு முதல் 2018-19 கல்வியாண்டு வரை ஆறு ஆண்டுகளில் தமிழக அரசு இதற்காக 36,84,963 ரூபாய் நிதி ஒதுக்கி யுள்ளது. மத்திய அரசு வழங்க வேண்டிய 250 கோடி ரூபாய் நிதியில், சுமார் 27 கோடி ரூபாய் மட்டுமே வழங்கியுள்ளது. அதுவும் 2017-ம் ஆண்டுக்குப் பிறகு மத்திய அரசு வழங்க வேண்டிய நிதியை முற்றிலும் வழங்கவில்லை. மேலும், 2017-18 மற்றும் 2018-19 கல்வியாண்டுகளில் மத்திய, மாநில அரசுகள் ஒரு ரூபாய்கூட நிதி அளிக்கவில்லை என்பதும் அம்பலமாகியுள்ளது. இலவச கட்டாய கல்வி உரிமைச் சட்டத்தின்கீழ் சுமார் 5,57,692 மாணவர்கள் தனியார் பள்ளிகளில் படித்துவருகின்றனர். மத்திய, மாநில அரசுகள் நிதியை வழங்காததால், அந்த மாணவர்களின் கல்வியும் கேள்விக்குறியாகும் சூழல் ஏற்பட்டுள்ளது.

. ‘இலவச கட்டாய கல்வி உரிமைச் சட்டத்தின்கீழ் மத்திய, மாநில அரசுகள் வழங்க வேண்டிய நிலுவைத்தொகையை தமிழகத்துக்கு வழங்க வேண்டும்’ என்று உயர் நீதிமன்ற மதுரைக் கிளையில் பொதுநல வழக்கு தொடர்ந்திருக்கிறார் சமூக ஆர்வலரான வெரோணிக்கா மேரி. அவர் இதுபற்றி நம்மிடம் விரிவாகப் பேசினார்.

“2019, மே மாதம் வழக்கு தொடர்ந்தேன். அந்த வழக்கில் விளக்கம் கேட்டு மத்திய-மாநில அரசுகளுக்கு உயர் நீதிமன்றம் நோட்டீஸ் அனுப்பியுள்ளது. ஆனால், இதுவரை மத்திய- மாநில அரசுகள் எந்த விளக்கமும் தரவில்லை. ஒவ்வோர் ஆண்டும் மாணவர் சேர்க்கை வெளிப்படைத்தன்மையின்றியே நடக்கிறது. குறிப்பாக, தனியார் பள்ளிகள் தங்களுக்கு வேண்டியவர்களுக்கே சீட் தருகின்றன. இன்னும் சில பள்ளிகள், கட்டணம் செலுத்தி சேர்க்கப்படும் குழந்தைகளேயே கட்டாய கல்வி உரிமைச் சட்டத்தின்கீழ் சேர்க்கப்பட்ட குழந்தைகளாக கணக்குகாட்டுகின்றன.

. தங்கள் பள்ளியில் பணியாற்றும் ஆசிரியர்களின் குழந்தைகளுக்கும் சில பள்ளிகள் கட்டாய கல்வி உரிமைச் சட்டத்தின்கீழ் சீட் கொடுக்கின்றனர். ஏழை மாணவர்களுக்காக ஒதுக்கப்பட்ட இடங்களை வசதி படைத்தவர்கள் பயன்படுத்திக் கொள்ளும் முறைகேடுகள் இதுபோன்று நிறைய நடக்கின்றன.

. இன்னொரு புறம் மத்திய - மாநில அரசுகள் நிதி ஒதுக்காததால் பொருளாதாரத்தில் பின்தங்கிய மாணவர்களுக்கு தனியார் பள்ளி நிர்வாகங்கள் நெருக்கடி கொடுக்கின்றன. அரசாங்கம் தர வேண்டிய நிதி பாக்கிக் காக மாணவர்களிடம் சீருடை, புத்தகம் எனக் கூறி வசூலிக்கிறது பள்ளி நிர்வாகம். இந்தத் திட்டம் முழுமையாக ஏழை மாணவர்களைச் சென்றடைய வேண்டும் என்றால், கண்காணிப்புக் குழுக்கள் அமைக்க வேண்டும். அப்போதுதான் இதிலுள்ள முறைகேடுகளைக் களைய முடியும்” என்றார்.

. பள்ளிக்கல்வித் துறை அமைச்சர் செங்கோட்டையனைச் சந்தித்து இதுகுறித்து விளக்கம் கேட்டோம். “இதுபற்றி நான் பேச முடியாது. பள்ளிக்கல்வித் துறை அதிகாரிகளைச் சந்தித்துப் பேசுங்கள்” என்று மட்டும் சொன்னார்.

பள்ளிக்கல்வித் துறை இயக்குநர் கண்ணப்பனைச் சந்தித்து பேசியபோது, ‘‘என்னிடம் கேட்பதைவிட, மெட்ரிக் கல்வி இயக்குநர் கருப்பசாமியைச் சந்தித்துப் பேசுங்கள்” என்றார். நீண்ட காத்திருப்புக்குப் பிறகு நம்மைச் சந்தித்த கருப்பசாமி, “எனக்கு மேலே பள்ளிக் கல்வித் துறை முதன்மைச் செயலர் இருக்கிறார். அவரைப் போய்ப் பாருங்கள். அவர்தான் இதற்கு பதில் தர வேண்டும்’’ என்று மழுப்பலாக பதில் அளித்துவிட்டு ஒதுங்கிக் கொண்டார். அவரைச் சந்திக்க நாம் எடுத்த முயற்சிகள் பலன் அளிக்கவில்லை.

. ஏழைக் குழந்தைகளுக்கு தரமான கல்வியை அளிக்க அரசுப் பள்ளிகளை மேம்படுத்த வேண்டும். அதைச் செய்யாமல், தனியார் பள்ளி களை வளர்க்கும்விதமாக 25 சதவிகித இடஒதுக் கீட்டைக் கொண்டுவந்தார்கள். ஆனால், அதுவும் முறைப்படி நடக்கவில்லை. தவறுகளைக் களைந்து நடவடிக்கை எடுக்க வேண்டிய அமைச்சரும் அதிகாரி களும் ஒருவரை ஒருவர் கைகாட்டிவிட்டு நழுவிக்கொள் கிறார்கள். இதேநிலை தொடர்ந்தால் மக்கள் நம்பிக்கை இழந்துவிடுவார்கள் என்பது மட்டும் நிதர்சனம்.

இன்றைய ராசிபலன்

பழைய ஜீன்ஸ் பேன்ட், ஷூவில் பூந்தொட்டி; மக்களைக் கவர்ந்த கட்டட தொழிலாளியின் ஐடியா!

ஒன்றிணைந்த எதிர்க் கட்சிகள்: 'வழிநடத்துவது யார்?!' - மம்தாவின் பதில் என்ன?

திருவள்ளூர்: `போலி பணி நியமன ஆணை; லட்சங்களில் பணம் பறிப்பு; 25 வயது இளைஞர் கைது!'

தமிழரசு கழகத்தில் 'கலைஞர்' என்றால் அது ஏ.பி. நாகராஜன்தான்... திருவிளையாடல் முதல் கிருஷ்ணலீலை வரை!

RTI அம்பலம்: தேய்கிறதா கட்டாய கல்வி உரிமைச் சட்டம்!

கா . புவனேஸ்வரி Follow

பெ.மதலை ஆரோன்Follow

எம்.மகேஷ்

விகடன் லேட்டஸ்ட்

இன்றைய ராசிபலன்

பழைய ஜீன்ஸ் பேன்ட், ஷூவில் பூந்தொட்டி; மக்களைக் கவர்ந்த கட்டட தொழிலாளியின் ஐடியா!

ஒன்றிணைந்த எதிர்க் கட்சிகள்: 'வழிநடத்துவது யார்?!' - மம்தாவின் பதில் என்ன?

திருவள்ளூர்: `போலி பணி நியமன ஆணை; லட்சங்களில் பணம் பறிப்பு; 25 வயது இளைஞர் கைது!'

தமிழரசு கழகத்தில் 'கலைஞர்' என்றால் அது ஏ.பி. நாகராஜன்தான்... திருவிளையாடல் முதல் கிருஷ்ணலீலை வரை!

விகடன் லேட்டஸ்ட்

RTI அம்பலம்: தேய்கிறதா கட்டாய கல்வி உரிமைச் சட்டம்!

கா . புவனேஸ்வரிFollow

பெ.மதலை ஆரோன்Follow

எம்.மகேஷ்

கா . புவனேஸ்வரி Follow