அயோத்தி தீர்ப்பு... வரவேற்பும் எதிர்ப்பும்!

இதற்கு நடுவே அங்கொன்றும் இங்கொன்றுமாக, ‘இது நம்பிக்கை அடிப்படையிலான தீர்ப்பு’, ‘இல்லையில்லை சட்டபூர்வ மான தீர்ப்பு’ என வாதப்பிரதிவாதங்கள் சன்னமாகக் கேட்கின்றன!

தீர்ப்பு குறித்து மூத்த வழக்கறிஞர் தடா துரைசாமி யிடம் பேசினோம்.

. ‘‘இந்த வழக்கில் சட்ட செயல்முறைகள் முறையாகக் கடைப்பிடிக்கப்படவில்லை. சர்ச்சைக்குரிய இடத்தை மூன்று பாகங்களாகப் பிரித்து அலகாபாத் உயர் நீதிமன்றம் தீர்ப்பளித்திருந்த நிலையில், தீர்ப்பை எதிர்த்துத் தொடரப் பட்ட மனுக்களை மேல்முறை யீட்டு விசாரணைக்கு உச்ச நீதிமன்றம் ஏற்றுக்கொண்டதே தவறு. 1528 முதல் 1857 வரை முஸ்லிம்களின் முழுக்கட்டுப்பாட்டில் மசூதி இருந்ததற்கான சான்றுகளை சன்னி வக்ஃபு வாரியம் சமர்ப்பிக்கவில்லை என உச்ச நீதிமன்றம் கூறியுள்ளது. மசூதி கட்டப்பட்ட பின்னர், அந்த இடம் அவர்களின் கட்டுப்பாட்டில் இருந்ததால்தான், அங்கே முஸ்லிம்களால் தொழுகை நடத்த முடிந்தது. இதற்கு வரி கட்டிய ரசீதை எல்லாம் சமர்ப்பிக்க முடியுமா?

. இந்திய தொல்லியல்துறை அறிக்கையைச் சான்றாக ஏற்று உச்ச நீதிமன்றம் தீர்ப்பளித்துள்ளது. ஆனால், தீர்ப்புக்கு வலுசேர்க்கும் போதிய ஆதாரங்களைப் பட்டியலிடவில்லை. கீழடியில் அகழ்வாராய்ச்சி நடைபெற்று, பண்டையக் காலப் பொருள்கள் ஏராளமாகக் கண்டெடுக்கப்பட்டுள்ளன. 2000 வருடங்களுக்கு முன்னர் அங்கு ஒரு நாகரிக சமூகம் இருந்திருப்பது ஆதாரங்களுடன் வெளிப்பட்டுள்ளது. அதுபோல், பாபர் மசூதிக்கு அடியில் இந்தக் கோயில்தான் இருந்தது, இந்தச் சிலைகள் மீட்கப்பட்டன, இவ்வளவு பொருள்கள் கண்டெடுக்கப்பட்டன என எந்த ஆதாரத்தையும் இந்திய தொல்லியல்துறை சமர்ப்பிக்கவில்லையே? நம்பிக்கையின் அடிப்படையில் தீர்ப்பை எழுத முடியாது எனச் சொன்ன உச்ச நீதிமன்றம், தன் தீர்ப்புக்கு வலுசேர்க்கும் பொருள் சான்றுகளைச் சமர்ப்பிக்கவில்லை’’ என்றார்.

. பி.ஜே.பி செய்தி தொடர்பாளரும் வழக்கறிஞருமான கே.டி.ராகவனிடம் பேசினோம். ‘‘வரலாற்றுச் சிறப்புமிக்க தீர்ப்பை, தக்க ஆதாரங்களின் அடிப்படையில் உச்ச நீதிமன்றம் வழஙகியிருக் கிறது. மசூதிக்கு வெளிப்புறப் பகுதிகள் இந்துக்களின் கட்டுப்பாட்டில் இருந்ததை உச்ச நீதிமன்றம் ஏற்றுக்கொண்டிருக்கிறது. அதேவேளை யில், மசூதிக்கு உட்புறப் பகுதிகள் முஸ்லிம்களின் கட்டுப்பாட்டில் தொடர்ச்சியாக இருக்கவில்லை என்பதையும் கருத்தில் எடுத்துக் கொண்டிருக்கிறது. தங்கள் கட்டுப்பாட்டில் இருந்ததற்கான சான்றுகளை முஸ்லிம் தரப்பினர் சமர்ப்பிக்கவில்லை.

. இந்தியத் தொல்லியல் துறை வழங்கிய ஆதார ஆவணங்கள் மற்றும் அறிக்கைகள், மசூதிக்கு அடியில் இஸ்லாமிய முறைப்படி கட்டடங்கள் கட்டப்படவில்லை என்பதை உறுதிப்படுத்தியுள்ளன. அத்வானி ரதயாத்திரை மேற்கொண்டதில் இருந்து, பலகட்டப் போராட்டங்களுக்குப் பிறகு இந்த நீதி கிடைத்திருக்கிறது. மிகத்தெளிவாகத் தகுந்த ஆதாரங்களின் அடிப்படையில் இந்தத் தீர்ப்பு வழங்கப்பட்டுள்ளது அயோத்தியில் ராமர் கோயில் கட்டப்படும் என எங்கள் தேர்தல் அறிக்கையில் கூறியிருந்ததை நிறைவேற்றப்போகிறோம். இன்னும் மூன்று மாத காலத்துக்குள் கமிட்டி அமைக்கப்பட்டு கோயில் கட்டும் பணி விரைவிலேயே தொடங்கும்’’ என்றார்.

. ரிலாக்ஸ் நீதிபதிகள்!

அயோத்தி வழக்கில் தீர்ப்பளித்த சனிக்கிழமை இரவு, தன் சக அமர்வு நீதிபதிகளான எஸ்.ஏ.பாப்டே, சந்திரசூட், அசோக் பூஷன், அப்துல் நசீர் ஆகியோருக்கு தலைமை நீதிபதி ரஞ்சன் கோகோய் இரவு விருந்தளித்து உபசரித்துள்ளார். டெல்லியில் பிரபலமான தாஜ் மான்சிங் நட்சத்திர ஹோட்டலில் நடைபெற்ற இந்த விருந்தில், அயோத்தி வழக்கு தொடர்பாக தாங்கள் சந்தித்த சவால்களை நீதிபதிகள் பகிர்ந்துகொண்டார்களாம். நள்ளிரவு வரை நீடித்த இந்த விருந்தில், விரைவில் ஓய்வுபெறவுள்ள ரஞ்சன் கோகோய்க்கு நினைவுப்பரிசு வழங்கப்பட்டதாம்.

. நவம்பர் 9-ம் தேதி தீர்ப்பு ஏன்?

நவம்பர் 9-ம் தேதியைத் தீர்ப்பு நாளான தேர்வு செய்ததற்கும் காரணமிருக்கிறது என்கிறார்கள். அன்றைய தினம் இரண்டாவது சனிக்கிழமை என்பதால், வங்கிகள், பள்ளி, கல்லூரிகள் உள்ளிட்ட பல்வேறு அரசு நிறுவனங்களுக்கு விடுமுறை அளிக்கப்பட்டிருக்கும்; காவல்துறையினரும் பாதுகாப்புப் பணியை மேற்கொள்வது வசதியாக இருக்கும் என்பதால்தான் 9-ம் தேதியைத் தீர்ப்பு நாளாக தேர்ந்தெடுத்தார்களாம்.

விருந்தை கேன்சல் செய்த மோடி!

நவம்பர் 9-ம் தேதியன்று பி.ஜே.பி தலைவர்கள் மற்றும் எம்.பி-க்களுக்கு பிரதமர் மோடி தீபாவளி சிறப்பு விருந்து அளிப்பதற்காக முன்கூட்டியே ஏற்பாடு செய்யப்பட்டு இருந்தது. அன்றைய தினம் அயோத்தி தீர்ப்பு வெளியாகியிருந்த தால், விருந்து நிகழ்ச்சியை பிரதமர் ரத்து செய்துவிட்டாராம். ‘‘இந்தத் தீர்ப்பை நாம் கொண்டாடுவதாக எதிர்க்கட்சிகள் தேவையற்ற பிரசாரத்தை மேற்கொள்வார்கள். மற்றொரு நாளுக்கு தீபாவளி விருந்தை மாற்றியமையுங்கள்’’ என்று கட்சி நிர்வாகிகளிடம் கூறிவிட்டாராம் பிரதமர் மோடி.

அயோத்தி தீர்ப்பு... வரவேற்பும் எதிர்ப்பும்!

ந.பொன்குமரகுருபரன்