Published:Updated:

இந்தியாவுக்கு கைகொடுக்குமா ஹெர்டு இம்யூனிட்டி?

ஹெர்டு இம்யூனிட்டி
பிரீமியம் ஸ்டோரி
ஹெர்டு இம்யூனிட்டி

விளக்குகிறார் பொது மருத்துவர் மயிலன் சின்னப்பன்

இந்தியாவுக்கு கைகொடுக்குமா ஹெர்டு இம்யூனிட்டி?

விளக்குகிறார் பொது மருத்துவர் மயிலன் சின்னப்பன்

Published:Updated:
ஹெர்டு இம்யூனிட்டி
பிரீமியம் ஸ்டோரி
ஹெர்டு இம்யூனிட்டி
கொரோனாவுக்கு எப்படி முடிவுகட்டுவது என்று தெரியாமல் உலகின் பல நாடுகள் தத்தளித்துவரும் சூழலில், ‘ஹெர்டு இம்யூனிட்டி’ (herd immunity) கோட்பாடு குறித்து பலரும் பேசத் தொடங்கியுள்ளனர்.
விளக்குகிறார்  பொது மருத்துவர்
 மயிலன் சின்னப்பன்
விளக்குகிறார் பொது மருத்துவர் மயிலன் சின்னப்பன்

இந்தக் கோட்பாடு இந்தியாவுக்கு உதவும் என்று ஒரு தரப்பினரும், பொருந்தாது என மற்றொரு தரப்பினரும் கூறுகின்றனர்.

எது உண்மை? ஹெர்டு இம்யூனிட்டி என்பது என்ன? இதை கொரோனாவுக்கான தீர்வாக முன்னிறுத்துவதன் பின்னணி என்ன? பொது மருத்துவர் மயிலன் சின்னப்பனிடம் சில கேள்விகளை முன்வைத்தோம்...

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

‘‘ஹெர்டு இம்யூனிட்டி என்பது என்ன?’’

‘‘எந்த ஒரு நோய்க்கிருமியையும் அழிக்க, அதற்கென ஓர் எதிர்ப்புரதம் இருக்கும். கோவிட்-19 கொரோனா வைரஸுக்கும் அப்படியோர் எதிர்ப்புரதம் உண்டு. அந்த எதிர்ப்புரதம் மக்களுக்குக் கிடைத்துவிட்டால், கோவிட்-19 கொரோனா வைரஸ் வலுவிழந்துவிடும். இந்த எதிர்ப்புரதம் மக்கள் அனைவருக்கும் கிடைக்காவிட்டாலும்கூட, பெரும்பான்மை யானோருக்குக் கிடைத்தால் போதும். அது, மீதம் உள்ளோரையும் முழுமையாகக் காக்கும். காரணம், பெரும்பான்மையானோர் காக்கப்படும்போது, சமூகப் பரவல் என்ற நிலைக்கு நாம் செல்லவே மாட்டோம். பரவுதல், முழுமையாகக் கட்டுப்படுத்தப்பட்டுவிடும். இப்படி பெரும் பான்மையானோருக்கு எதிர்ப்புரதம் கிடைக்கச் செய்வதுதான், ஹெர்டு இம்யூனிட்டி கோட்பாடு.’’

‘‘பெரும்பான்மை மக்களுக்கு எதிர்ப்புரதம் கிடைப்பது சாத்தியமா?’’

இந்தியாவுக்கு கைகொடுக்குமா ஹெர்டு இம்யூனிட்டி?

‘‘அதற்கு இரண்டு வழிகள் உள்ளன. ஒன்று, எதிர்ப்புரதத்தை செயற்கையாக உருவாக்கி மருந்து வடிவில் அதாவது தடுப்பூசியாகத் தயாரித்து பெரும்பான்மை மக்களுக்குத் தருவது. இரண்டாவது, ஆரோக்கியமானவர்களில் பெரும்பான்மையானோருக்கு நோய்த்தொற்று ஏற்பட்டு, அவர்கள் இயற்கையாக எதிர்ப்புரதத்தைப் பெற்று நோயிலிருந்து மீள்வது. இதில் முதல் விஷயம் இப்போதைக்கு சாத்தியமில்லை. காரணம், கோவிட்-19 கொரோனாவை அழிக்கும் எதிர்ப்புரதம் என்னவென்பது இப்போது வரை மருத்துவத்தில் கண்டறியப்படவில்லை. அதைக் கண்டறிவதற்கான ஆய்வுகள் தொடர்ந்து நடக்கின்றன. ஆய்வுகள் முடிவுக்கு வர நீண்டகாலம் ஆகலாம். எனவே, இரண்டாவது விஷயம் சாத்தியமாகுமா என்று பார்க்கத் தொடங்கியிருக்கின்றனர்.’’

‘‘இரண்டாவது விஷயம் சாத்தியமாகுமா... அதிலுள்ள சாதக, பாதகங்கள் என்னென்ன?’’

‘‘இது சாத்தியமாவதற்கான வாய்ப்பு மிகமிகக் குறைவுதான். ஏனெனில், கோவிட்-19 கொரோனா விலிருந்து மீண்டவருக்கு அதன் பிறகு நிரந்தர எதிர்ப்பு சக்தி கிடைக்கிறதா என்பது சந்தேகமே. நிரந்தர எதிர்ப்பு சக்தி இல்லாமல்போனால், நோயாளிகளின் எண்ணிக்கை அதிகமாகி, மருத்துவக் கட்டமைப்பே பாதிப்புக்குள்ளாகும் அபாயம் இருக்கிறது. எதிர்ப்பு சக்தி இருக்கிறது என வைத்துக்கொண்டாலும், ஹெர்டு இம்யூனிட்டி முழுமையாகக் கிடைக்க பெரும்பான்மை யானோருக்கு தொற்று வரவேண்டும். அதாவது, இந்தியாவின் மக்கள்தொகை 100 கோடி என வைத்துக்கொண்டாலும், அதில் 80 கோடி பேருக்கு தொற்று வர வேண்டும்.

அதில் மரண விகிதம் குறைந்தபட்சம் ஒரு சதவிகிதம் என வைத்துக்கொண்டாலும், இந்த நோய்க்கான ஹெர்டு இம்யூனிட்டி கிடைக்க 80 லட்சம் பேர் மரணிக்க நேரிடும். இந்தக் கணக்கு, ஒரு கணிப்பின் அடிப்படையில் சொல்லப்படுவதுதான். அதில் வித்தியாசம் ஏற்பட்டாலும்கூட, பல லட்சம் உயிர்களை நாம் பறிகொடுக்க வேண்டும். அதேசமயம், நிரந்தர எதிர்ப்பு சக்தியை கொரோனா கொடுக்காது என்பதற்கு நம்மிடையே சான்று இருக்கிறது. சீனா, இத்தாலி உள்ளிட்ட நாடுகளின் தகவலறிக்கையின்படி, அங்கே தொற்றுக்கு ஆளாகி குணமான சிலர் மீண்டும் மருத்துவ மனையில் அனுமதிக்கப்பட்டிருக்கின்றனர். ஆகவே, எதிர்ப்பு சக்தி கிடைக்காமல்போவதற்கான வாய்ப்பு மிக அதிகம்.’’

‘‘இவ்வளவு ரிஸ்க் இருக்கும்போது, இந்தியாவில் ஹெர்டு இம்யூனிட்டி கோட்பாட்டை ஒருசிலர் முன்னிறுத்துவது ஏன்?’’

இந்தியாவுக்கு கைகொடுக்குமா ஹெர்டு இம்யூனிட்டி?

‘‘ஆரோக்கியமானவர்கள் பலரை நடமாட விட்டு நோய்த்தொற்றைப் பெற அனுமதிக்கும் பட்சத்தில், இயல்பாகவே மரண விகிதத்தைக் கட்டுப்படுத்தலாம் என அவர்கள் நினைக்கின்றனர். இதுநாள்வரை, ஆரோக்கியமாக இருந்தவர்களை கொரோனா கொல்லாது என நினைத்தோம். ஆனால், வாழ்வியல் பாதிப்பில்லாத கொரோனா நோயாளிகளின் மரணப் பதிவுகளும் நம்மிடையே இருக்கின்றன. இந்த விஷயத்தை முன்னிறுத் துபவர்கள் இதைப் புரிந்துகொள்ள வேண்டும்.

இதற்கு முன், பிரிட்டன் இதே போன்றதொரு கருத்தை முன்னிறுத்தி ஊரடங்கைத் தளர்த்தியது. இன்று, ஆறு மாதங்கள் தொடர் ஊரடங்கு அறிவிக்கும் நிலைக்குத் தள்ளப்பட்டுள்ளது. அப்படியிருக்கும்போது, எதன் அடிப்படையில் இந்தக் கருத்தை நம்ப முடியும்? ஏற்கெனவே வறியவர்களின் அன்றாடத்தைக் காவுகொடுத்துதான் இந்த ஊரடங்கு அமல்படுத்தப் பட்டுள்ளது. அப்படியிருக்கும்போது, ஆதாரமில்லாத தகவலை முன்னிறுத்தி ஊரடங்கை நீக்கி ஆரோக்கியமானவர்களைத் தொற்றுக்கு உள்ளாக்குங்கள் என்று சொல்வதெல்லாம் விபரீதமான வாதம்.’’

“அப்படியெனில், கொரோனா வுக்கு என்னதான் முடிவு?’’

‘‘இதற்கு முடிவு என்ற ஒன்றே இருக்காது. இன்னும் சில வருடங்களுக்கு இதன் தாக்கம் நம்மிடையே இருக்கும். குறிப்பிட்ட ஒரு காலத்துக்குமேல், வைரஸ் தன்னுடைய தீவிரத்தன்மையைக் குறைத்துக் கொள்ள வாய்ப்புள்ளது. அதற்குப் பிறகு, இப்போது இருப்பதுபோல் தீவிரமாக பாதிப்பு இருக்காது. சீனாவில் டிசம்பர் மாதம் இருந்த அளவுக்கான கொரோனா வைரஸின் வீரியத்தன்மை, இப்போது இல்லை. நமக்கும் அது சாத்தியப்படும். ஆனால், அதற்கு கொஞ்சம் காலம் பிடிக்கும். அதுவரையில் நாம் சமூக இடைவெளி, முன்னெச்சரிக்கை நடவடிக்கை ஆகிய விஷயங்களில் கவனமாக இருந்துதான் ஆக வேண்டும்.’’