Published:Updated:

2K kids: “சிவகார்த்திகேயன் அண்ணா என் படிப்புக்கு உதவுறாங்க!”

ப்ரித்திக்கா
பிரீமியம் ஸ்டோரி
ப்ரித்திக்கா

- லெ.அபிஷேக்

2K kids: “சிவகார்த்திகேயன் அண்ணா என் படிப்புக்கு உதவுறாங்க!”

- லெ.அபிஷேக்

Published:Updated:
ப்ரித்திக்கா
பிரீமியம் ஸ்டோரி
ப்ரித்திக்கா

விஜய் டிவி ‘சூப்பர் சிங்கர் ஜூனியர் 5’ நிகழ்ச்சியின் டைட்டில் வின்னர் ப்ரித்திக்கா, மருத்துவர் ஆகும் கனவுடன் படித்துக்கொண்டிருக்கிறார். அவருடன் ஒரு மினி பேட்டி!

‘’திருவாரூர் மாவட்டம் ஞானபுரம்தான் என் சொந்த ஊர். கிராமத்துல விவசாயக் குடும்பம், அரசுப் பள்ளியில படிப்புனு ரொம்ப எளிமையான பின்னணி என்னுடையது. பெற்றோர்கள், ஆசிரியர்கள், உறவினர்கள்னு பலரின் முயற்சியாலும் உதவியாலும்தான் என்னால ‘சூப்பர் சிங்கர்’ மேடையவே தொட முடிஞ்சது. ‘டாப் 50’ல வந்துடுவேனானு நெனச்சேன். டைட்டில் வின்னர் ஆவேன்னு எல்லாம் எதிர்பார்க்கவே இல்ல. அப்போ ஆறாம் வகுப்புப் படிச்ச எனக்கு, உலகளவுல அடையாளமும் அங்கீகாரமும் கிடைச்சது.

2K kids: “சிவகார்த்திகேயன் அண்ணா என் படிப்புக்கு உதவுறாங்க!”

சிங்கப்பூர், குவைத், சவுதி அரேபியா, மலேசியானு வெளிநாடுகளுக்கு எல்லாம் பாடல் நிகழ்ச்சிகளுக்காக போனப்போ, கனவா நனவானு தோணும். ‘பரியேறும் பெருமாள்’ படத்துல ‘வா ரயில்விட போலாமா’ பாடல் பாடியது பெரிய வாய்ப்பு. அதுக்குக் கிடைச்ச வரவேற்பும் வெற்றியும் என்னை இன்னும் கொஞ்சம் தட்டிக் கொடுத்தது. சினிமாவுல நடிக்கவும் சில வாய்ப்பு வந்தது. ஆனா, அதுலாம் நம்ம ஏரியா இல்லையேனு அதைப் பத்திலாம் யோசிக்கல.

இப்போ 11-ம் வகுப்புப் படிக்கிற என் படிப்புச் செலவுக்கு, நடிகர் சிவகார்த்திகேயன் அண்ணா உதவுறாங்க. நான் முறையா இசை கத்துக்காமதான் பாடிட்டிருந்தேன். இப்போ கர்னாடக சங்கீதம் கத்துக்கிட்டிருக்கேன். எத்தனை மேடைகள்ல பாடினாலும், ‘சூப்பர் சிங்கர்’ல ‘மதுர ஜில்லா பளபளக்க’ பாடல் பாடினப்போ எல்லாரும் என்னை பாராட்டினதும் கொண்டாடினதும் மறக்க முடியாத தருணம். அதேபோல, அந்த நிகழ்ச்சியில நான் பாடினதுலயே எனக்கு ரொம்பவும் பிடிச்ச பாட்டு, ‘செந்தூரா’. வேற ஒரு ப்ரித்திக்காவா அதுல வெளிப்பட்டேன்னு தோணும்.

2K kids: “சிவகார்த்திகேயன் அண்ணா என் படிப்புக்கு உதவுறாங்க!”

ஏழ்மையான, எளிமையான குடும்பத்துல இருந்து வெற்றிக்கோட்டை தொட்டதால, எந்தப் பிரச்னையவும் சந்திக்கிற அனுபவமும் பக்குவமும் கிடைச்சிருக்கு. இப்போ வாழ்க்கை மகிழ்ச்சியாவும் நிம்மதியாவும் போகுது. எதிர்காலத்துல மருத்துவர் ஆகணும் என்பதுதான் கனவு. பாடகி, மருத்துவர் ரெண்டும் என் அடையாளமா இருக்கணும்னு ஆசைப்படுறேன். வளர்ந்ததும், எனக்கு வாய்ப்புக் கிடைக்கப் பலரும் உதவினதைப்போல, என்னைப் போன்றவங்களுக்கு வாய்ப்புகள் கிடைக்க நான் உதவுவேன்!”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism