Published:Updated:

சீன எல்லை விவகாரம்… காங்கிரஸ் கிடுக்கிப்பிடி… அழுத்தத்தில் பிரதமர் அலுவலகம்!

அனைத்துக்கட்சிக் கூட்டம்
பிரீமியம் ஸ்டோரி
News
அனைத்துக்கட்சிக் கூட்டம்

- டெல்லி பாலா

இந்தியா–சீனா எல்லை விவகாரத்தையொட்டி டெல்லியில் நடைபெற்ற அனைத்துக்கட்சிக் கூட்டம் மற்றும் அதன் பிறகு எதிர்க்கட்சிகள் எழுப்பிவரும் கேள்விகளால் டெல்லி அரசியலில் அனல் அடிக்கிறது.

இந்தியா – சீனா எல்லையில் 20 வீரர்கள் கொல்லப்பட்ட செய்தி வெளியானதற்கு மறுநாள், ‘ஜூன் 19-ம் தேதி அனைத்துக் கட்சி கூட்டம் நடைபெறும்’ என்று பிரதமர் மோடி அறிவித்தார். பாதுகாப்புத்துறை அமைச்சர் ராஜ்நாத் சிங், அனைத்துக் கட்சித் தலைவர்களையும் தொலைபேசியில் தொடர்புகொண்டு அழைத்தார். லாலு பிரசாத் யாதவ்-வின் ராஷ்ட்ரிய ஜனதா தளம், ஆம் ஆத்மி கட்சி ஆகியவற்றுக்கு அழைப்பு இல்லை. அதனால், லாலுவின் மகளான மிசா பார்தி உள்ளிட்ட எம்.பி-க்கள் நாடாளுமன்ற காந்தி சிலை முன்பாகக் கூடி எதிர்ப்பு தெரிவித்தனர்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

ஜூன் 19-ம் தேதி மாலை 5 மணிக்கு அனைத்துக்கட்சிக் கூட்டம் தொடங்கியது. காங்கிரஸ் தலைவர் சோனியா காந்தி, தி.மு.க தலைவர் ஸ்டாலின் உட்பட தலைவர்கள் அனைவரும் பேசினர். இறுதியாகப் பேசிய பிரதமர் மோடி, ‘ஒரு இஞ்ச் நிலத்தைக்கூட நாடு இழக்கவில்லை. எல்லைக்குள் எந்த ஊடுருவலும் இல்லை’ என்றார். எதிர்க்கட்சியினர் எழுப்பிய கேள்விகளுக்கு பதில் இல்லை.

ராகுல் காந்தி - ப.சிதம்பரம்
ராகுல் காந்தி - ப.சிதம்பரம்

பிரதமரின் விளக்கம் வெளியான சில மணி நேரத்தில், ‘கல்வான் பள்ளத்தாக்கு எங்களுடையது. நீண்டகாலமாக எங்கள் படை வீரர்கள் அங்கு ரோந்துப்பணியில் ஈடுபட்டு வருகிறார்கள்’ என்ற அதிர்ச்சித் தகவலை சீனா வெளியிட்டது. மேலும், ‘ஊடுருவல் இல்லை’ என்று அனைத்துக் கட்சிக் கூட்டத்தில் மோடி பேசியதை சீன ஊடகங்கள் தங்கள் நாட்டுக்குச் சாதகமாகப் பயன்படுத்திக்கொண்டன.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

சீனாவின் கருத்து வெளியானத்தைத் தொடர்ந்து ராகுல் காந்தி, சீதாராம் யெச்சூரி உள்ளிட்ட தலைவர்கள் கேள்விகளால் பிரதமரைத் துளைத்தனர். காணொளி மூலம் மீடியா சந்திப்பை நிகழ்த்தி, பல கேள்விகளை ப.சிதம்பரம் எழுப்பினார். பிரதமர் அலுவலகத்துக்குப் பெரும் நெருக்கடி ஏற்பட்டது. அதனால், பிரதமர் அலுவலகம் விளக்க அறிக்கை ஒன்றை வெளியிட வேண்டிய நிர்ப்பந்தத்துக்கு ஆளானது.

அனைத்துக்கட்சிக் கூட்டம்
அனைத்துக்கட்சிக் கூட்டம்

அன்று மாலையிலேயே மீண்டும் ஓர் அறிக்கையை காங்கிரஸ் வெளியிட்டது. ‘ஊடுருவல் இல்லையென்றால், வெளியுறவுத்துறை அமைச்சர் ஜெய்சங்கர், பாதுகாப்புத்துறை அமைச்சர் ராஜ்நாத் சிங் ஆகியோர் வெளியிட்ட அறிக்கைகளுக்கும், பிரதமரின் பதிலுக்கும் முரண்பாடு ஏன்? 20 வீரர்கள் ஏன் பலியாக வேண்டும்?’ எனப் பல கேள்விகளை காங்கிரஸ் எழுப்பியது. இதனால் கடுப்பான அமித் ஷா, “நாடே ஒன்றுபட்டு நிற்கும்போது ராகுல் காந்தி சில்லறைத்தனமான அரசியல் செய்யாமல், தேசநலனுக்காக ஒன்றாக நிற்க வேண்டும்’’ என ட்வீட் செய்தார்.

இந்த விவகாரத்தில் டெல்லியில் நடைபெற்றுவரும் அரசியல் மோதல் இப்போதைக்கு ஓயாதுபோல!