Published:Updated:

பழிக்குப்பழி: தமிழக மீனவர்களை ஐஸ்கட்டிகள் மீது நிற்கவைத்து சித்ரவதை!

பழிக்குப்பழி: தமிழக மீனவர்களை ஐஸ்கட்டிகள் மீது நிற்கவைத்து சித்ரவதை!
பழிக்குப்பழி: தமிழக மீனவர்களை ஐஸ்கட்டிகள் மீது நிற்கவைத்து சித்ரவதை!
பழிக்குப்பழி: தமிழக மீனவர்களை ஐஸ்கட்டிகள் மீது நிற்கவைத்து சித்ரவதை!

ராமேஸ்வரம்: சிங்களவர்கள் மீது ந்டத்தப்பட்ட தாக்குதலுக்கு பழிக்குப்பழியாக ராமேஸ்வரம் மீனவர்கள் மீது இலங்கை கடற்படை தாக்குதல் நடத்தியதோடு,ஐஸ்கட்டிகள் மீது நிற்கவைத்து சித்ரவதையும் செய்துள்ளனர்.

ராமேஸ்வரத்தில் இருந்து நேற்று முன்தினம் காலை 540 விசைப்படகுகளில் சுமார் 2 ஆயிரத்துக்கும் மேற்பட்ட மீனவர்கள் மீன்பிடிக்க கடலுக்கு சென்றனர்.அவர்கள் கச்சத்தீவு அருகே நடுக்கடலில் மீன்பிடித்துக்கொண்டு இருந்தபோது 5-க்கும் மேற்பட்ட ரோந்து படகுகளில் இலங்கை கடற்படையினர் வந்தனர். அவர்கள் ராமேசுவரம் மீனவர்களை மீன்பிடிக்கவிடாமல் விரட்டியடித்தனர்.

மேலும் 20-க்கும் மேற்பட்ட படகுகளில் மீனவர்கள் கடலில் விரித்திருந்த வலைகளை அறுத்து வீசினார்கள். அப்போது தங்கச்சிமடத்தை சேர்ந்த சின்னராயப்பன் என்பவருக்கு சொந்தமான படகில் இலங்கை கடற்படையினர் ஏறினர்.

அந்த படகில் இருந்த மீனவர்கள் 5 பேரையும் கயிற்றால் தாக்கியதாக கூறப்படுகிறது. மேலும் ஐஸ்கட்டி மீது அவர்களை பல மணி நேரம் நிற்கவைத்து சித்ரவை செய்தார்களாம்.இதேபோல் அருகில் மீன்பிடித்துக்கொண்டு இருந்த மற்றொரு படகில் ஏறி அங்கிருந்த மீனவர்களையும் கொடூரமாக தாக்கியுள்ளனர்.

##~~##
இதையடுத்து ராமேஸ்வரம் மீனவர்கள் பாதியிலேயே மீன்பிடிப்பதை கைவிட்டு குறைந்த அளவு மீன்களுடன் கரை திரும்பினர்.காயம் அடைந்த மீனவர்கள் தனியார் ஆஸ்பத்திரியில் சிகிச்சை பெற்று வீட்டுக்கு சென்றனர்.
கடந்த சிலநாட்களுக்கு முன்பு வேளாங்கண்ணி கோவிலுக்கு வந்த சிங்களர்களுக்கு எதிர்ப்பு தெரிவித்து போராட்டம் நடத்திய சம்பவத்துக்கு பழிக்குப்பழி வாங்கவே தமிழக மீனவர்களை தாக்கியதாக கரை திரும்பிய மற்ற மீனவர்கள் தெரிவித்தனர்.