Published:Updated:

இலங்கை பிரச்னை: போராட்டத்தில் குதித்த லயோலா கல்லூரி மாணவர்கள் !

இலங்கை பிரச்னை: போராட்டத்தில் குதித்த லயோலா கல்லூரி மாணவர்கள் !
இலங்கை பிரச்னை: போராட்டத்தில் குதித்த லயோலா கல்லூரி மாணவர்கள் !

சென்னை: இலங்கைக்கு எதிராக சர்வதேச போர்க் குற்ற விசாரணை வேண்டும் என்பது உள்ளிட்ட கோரிக்கைகளை வலியுறுத்தி, சென்னையில் லயோலா கல்லூரி மாணவர்கள் சாகும் வரை உண்ணாவிரத போராட்டத்தை தொடங்கி உள்ளனர்.

இலங்கை பிரச்னை: போராட்டத்தில் குதித்த லயோலா கல்லூரி மாணவர்கள் !

ஜெனீவாவில் இலங்கைக்கு எதிராக அமெரிக்கா கொண்டு வர உள்ள தீர்மானத்தினால் பயன் ஏதும் இல்லை. லட்சகணக்கான தமிழர்களை கொன்று குவித்த இலங்கையின் போர்க் குற்றங்களுக்கு எதிராக சரவதேச விசாரணை வேண்டும்,

இலங்கை தமிழர்களுக்கு நியாயம் கிடைக்க சர்வதேச நாடுகள் தலையிட வேண்டும். அதே சமயம் இந்த விசாரணையில் இந்தியா, பாகிஸ்தான் போன்ற நாடுகள் பங்கேற்க கூடாது. இலங்கை மீது இந்தியா பொருளாதார தடை விதிக்க வேண்டும்.

மேலும் தமிழக மீனவர்கள் இலங்கை கடற்படையினரால் தொடர்ந்து தாக்கப்படுவதையும் அவர்கள் கண்டித்துள்ளனர். இதற்கு மத்திய, மாநில அரசுகள் விரைந்து நடவடிக்கை எடுக்க வேண்டும் என்பது உள்ளிட்ட பல்வேறு கோரிக்கைகளுடன், சென்னை லயோலா கல்லூரி மாணவர்கள் சண்முகப்பிரியன், ஜோ.பிரிட்டோ, பால் கெனப், லியோ ஸ்டாலின், திருக்குறள் திலீபன், பிரசாத், அந்தோணி சாஜி, அனிஷ் குமார் ஆகிய  மாணவர்கள் இன்று காலை லயோலா கல்லூரி அருகில் உள்ள ஏ.ஐ.சி.யு.எப்.எனப்படும் அகில இந்திய கத்தோலிக்க ஃபெடரேசன் அலுவலக வளாகத்திற்குள், அவர்களது அனுமதியை பெற்று சாகும் வரை உண்ணாவிரத போராட்டத்தை தொடங்கினர்.

தொடர்ந்து அவர்கள், ராஜபக்சே ஒழிக, இந்திய அரசே பாரபட்சம் காட்டாதே, அமெரிக்காவே தீர்மானம் என்று நாடகமாடாதே, இலங்கை மீது பொருளாதார தடை விதியுங்கள், ஈழத்தமிழர்களை காப்பாற்ற பொது வாக்கெடுப்பு நடத்து...என்பது உள்ளிட்ட முழக்கங்களை எழுப்பினர்.மேலும் இந்த வாசகஙகள் எழுதப்பட்ட அட்டைகளையும் அவர்கள் கைகளில் தூக்கி பிடித்திருந்தனர்.

இலங்கை பிரச்னை: போராட்டத்தில் குதித்த லயோலா கல்லூரி மாணவர்கள் !

இந்நிலையில் அவர்களுக்கு ஆதரவாக மேலும் 2 மாணவர்கள் போராட்டத்தில் இணைந்துகொண்டதை தொடர்ந்து, உண்ணாவிரதத்தில் பங்கேற்கும் மாணவர்களின் எண்ணிக்கை 10 ஆக அதிகரித்தது.

அதே சமயம் உண்ணாவிரத போராட்டத்திற்கு ஆதரவாக, இதர மாணவர்கள் வகுப்புகளை புறக்கணித்து, கல்லூரி வளாகத்தினுள் திரண்டதால் அங்கு பெரும் பரபரப்பு காணப்பட்டது.பின்னர் அவர்கள் அருகில் உள்ள இலங்கை தூதரகம் நோக்கி ஊர்வலமாக புறப்பட்டபோது, கல்லூரி காவலர்கள் வாயிலை மூடியதால், அவர்கள் கல்லூரி வளாகத்திலேயே அமர்ந்து முழக்கங்களை  எழுப்பியபடியே தர்ணாவில் ஈடுபட்டனர்.

பின்னர் அவர்கள் அனைவரும் வகுப்புகளுக்கு சென்றனர்.

இலங்கை பிரச்னை: போராட்டத்தில் குதித்த லயோலா கல்லூரி மாணவர்கள் !

இதனிடையே இது குறித்து தகவலறிந்த போலீசார் கல்லூரிக்கு விரைந்துவந்தனர். மாணவர்கள் வெளியே வந்துவிடாதவாறு, வாயிலுக்கு வெளியே ஏராளமான போலீசார் குவிக்கப்பட்டனர்..

வரிகொடா இயக்கம்

முன்னதாக உண்ணாவிரததிற்கு ஆதரவாக ஆர்ப்பாட்டத்திற்கு தலைமையேற்ற  லயோலா கல்லூரியின் தமிழ் துறை மாணவர்கள், ", மத்திய அரசு தங்களது கோரிக்கையை ஏற்காவிட்டால், அடுத்தக்கட்டமாக தமிழகம் முழுவதும் உள்ள அனைத்து கல்லூரி மாணவர்களையும் ஒருங்கிணைத்து, மிகப்பெரிய போராட்டம் நடத்தப்படும் " என்று கூறினர்.

மேலும் ஈழத்தமிழர் பிரச்னைக்கு இந்திய அரசு தீர்வு காணாவிட்டால், தமிழகத்திலிருந்து எந்த வரியையும் செலுத்தவிடாதபடி நாங்கள் தீவிர பிரச்சாரம் மேற்கொள்வோம் என்றும் அவர்கள் தெரிவித்தனர்.

படங்கள்: ஸ்டீவ்ஸ்