Published:Updated:

ஸ்டெர்லைட் ஆலையை திறக்கக் கோரி பணியாளர்கள் போராட்டம் ! ( படங்கள் )

ஸ்டெர்லைட் ஆலையை திறக்கக் கோரி பணியாளர்கள்  போராட்டம் !  ( படங்கள் )
ஸ்டெர்லைட் ஆலையை திறக்கக் கோரி பணியாளர்கள் போராட்டம் ! ( படங்கள் )

தூத்துக்குடி: ஸ்டெர்லைட் ஆலையை மூட தமிழக அரசு உத்தரவிட்ட நிலையில்,‘ஆலையை தொடர்ந்து இயக்கவேண்டும்’ என்கிற கோரிக்கையை வலியுறுத்தி ஸ்டெர்லைட் ஆலையின் பணியாளர்கள் போராட்டத்தில் குதித்துள்ளனர்.

‘ஸ்டெர்லைட் ஆலையை மூடவேண்டும்’ என்கிற கோரிக்கையை வலியுறுத்தி பல்வேறு தரப்பிலிருந்து போராட்டங்கள் நடத்தப்பட்டதை தொடர்ந்து, ஆலையை மூடிவிடுவதற்கு தமிழ்நாடு மாசுக்கட்டுபாடு வாரியம் உத்தரவிட்டது.

இப்போது ‘ஆலையை தொடர்ந்து இயக்கவேண்டும்’ என்கிற கோரிக்கையை வலியுறுத்தி ஸ்டெர்லைட் ஆலையின் பணியாளர்கள் போராட்டத்தில் குதித்திருக்கிறார்கள்.

தூத்துக்குடியில் கடந்த 1994 ஆண்டு ஸ்டெர்லைட் ஆலைக்கு அடிக்கல் நாட்டப்பட்டது. அதிலிருந்தே அந்த ஆலைக்கு எதிரான போராட்டங்களும் துவங்கின. அத்தனை எதிர்ப்புகளையும் சமாளித்த அந்த ஆலை நிர்வாகம், கடந்த 23 ஆம் தேதி, சல்பர்டை ஆக்ஸைடு அதிகமாக வெளியேறியதை கட்டுப்படுத்த தவறியது.

அதனைத்தொடந்து ஆலைக்கு எதிரான போராட்டங்கள் விஸ்வரூபம் எடுத்தது.வரும் நாடாளுமன்ற தேர்தலில் இதன் பாதிப்பு தெரியும் என்கிற உளவுத்துறையின் தகவல் அரசு கவனத்துக்கு சென்றது.

அதனைத்தொடர்ந்து எப்பொழுதுமே கவனித்துக் கொள்ள வேண்டிய பொறுப்பிலிருந்த மாசுக்கட்டுப்பாட்டு வாரியம், தவறவிட்டு விழித்துக் கொண்டதுபோல் ‘ஸ்டெர்லைட் ஆலையை மூட உத்தரவிட்டது. 

இந்த உத்தரவை ஸ்டெர்லைட் ஆலைக்கு எதிராக போராடியவர்கள் இனிப்பு வழங்கி கொண்டாடினர்.


இதனிடையே  ஸ்டெர்லைட் ஆலையில் வேலைபார்த்து வரும் பணியாளர்கள் சுமார் ஆயிரத்துக்கும் மேற்பட்டோர் மாசுக்கட்டுபாட்டு வாரிய அலுவலகத்தை நேற்று முற்றுகையிட்டு மனு கொடுத்தனர்.

ஸ்டெர்லைட் ஆலையை திறக்கக் கோரி பணியாளர்கள்  போராட்டம் !  ( படங்கள் )
ஸ்டெர்லைட் ஆலையை திறக்கக் கோரி பணியாளர்கள்  போராட்டம் !  ( படங்கள் )

இந்நிலையில், இன்று பணியாளர்கள் குடும்பத்தார் உட்பட இரண்டாயிரம் பணியாளர்கள், மாவட்ட கலெக்டர் அலுவலகத்தை முற்றுகையிட்டு மனு கொடுத்தனர்.

ஸ்டெர்லைட் ஆலையை திறக்கக் கோரி பணியாளர்கள்  போராட்டம் !  ( படங்கள் )

அந்த மனுவில்,"ஆலையின் மூலம் பொதுமக்களுக்கு பாதிப்பு ஏற்படுகிறது என்றால் அந்த பாதிப்பை அகற்றுவது எப்படி என்று பார்க்க வேண்டும்? அதற்கென்று உள்ள மாசுகட்டுப்பாட்டு வாரிய அதிகாரிகளை முடுக்கிவிட்டு கண்காணிக்க செய்ய வேண்டும். அதைவிட்டுவிட்டு ஒட்டுமொத்தமாக மூடிவிடுவதில் என்ன நியாயம் இருக்கிறது?.

ஸ்டெர்லைட் ஆலையை நம்பியிருக்கும் சுமார் இருபதாயிரம் குடும்பத்தினர் வாழ்வாதாரம் என்னாகும்? எனவே ஆலையை மூடாமல் தொடர்ந்து இயங்க செய்யவேண்டும். சட்டவிதிமுறைப்படி இயக்க கடுமையாக கண்கானிக்க வேண்டும்’’ என வேண்டுகோள் விடுத்திருந்தனர்.

ஆலைக்கு எதிராகவும் ஆலைக்கு ஆதரவாகவும் நடந்துவரும் போராட்டங்களை பார்த்து சிரிக்கவா அழுகவா என விழித்துக் கொண்டிருக்கிறார்கள் தூத்துக்குடி பொதுமக்கள்.
 
- எஸ்.சரவணப்பெருமாள்
படங்கள்: ஏ.சிதம்பரம்