Published:Updated:

“நட்ட பயிரை அழிப்பதை எந்த விவசாயி தாங்கிக் கொள்வான்?”

“நட்ட பயிரை அழிப்பதை எந்த விவசாயி தாங்கிக் கொள்வான்?”
பிரீமியம் ஸ்டோரி
“நட்ட பயிரை அழிப்பதை எந்த விவசாயி தாங்கிக் கொள்வான்?”

கெயில் அட்டகாசம்... கொந்தளிக்கும் விவசாயிகள்!படங்கள்: பா.பிரசன்னா

“நட்ட பயிரை அழிப்பதை எந்த விவசாயி தாங்கிக் கொள்வான்?”

கெயில் அட்டகாசம்... கொந்தளிக்கும் விவசாயிகள்!படங்கள்: பா.பிரசன்னா

Published:Updated:
“நட்ட பயிரை அழிப்பதை எந்த விவசாயி தாங்கிக் கொள்வான்?”
பிரீமியம் ஸ்டோரி
“நட்ட பயிரை அழிப்பதை எந்த விவசாயி தாங்கிக் கொள்வான்?”

டெல்டா மாவட்டங்களில் ஹைட்ரோ கார்பன் திட்டம் மக்களை அச்சுறுத்திக்கொண்டு இருக்கும் சூழ்நிலையில், அந்தத் திட்டத்தை எதிர்த்துப் போராட்டங்கள் வலுத்துவருகின்றன. இன்னொரு பக்கம் எந்த முன் அறிவிப்பும் இல்லாமல், விவசாய நிலங்களில் எரிவாயுவைக் கொண்டுசெல்ல ராட்சதக் குழாய்களைப் பதிக்கும் பணிகளைத் தொடங்கிவிட்டது கெயில் நிறுவனம். இதனால், கடும் கொந்தளிப்பில் இருக்கிறார்கள் விவசாயிகள்.

நாகப்பட்டினம் மாவட்டம், சீர்காழி வட்டம், மாதானம் கிராமத்திலிருந்து நாங்கூர், காத்திருப்பு, தலைச்சங்காடு வழியாக தரங்கம்பாடி வட்டம் மேமாத்தூர் வரை 29 கிலோ மீட்டர் தூரத்துக்கு விளைநிலங்களில் ராட்சதக் குழாய்களைப் பதிக்கும் பணிகளைத் தொடங்கியுள்ளது கெயில் நிறுவனம். பணிகள் நடைபெறும் பல பகுதிகளில் தற்போது பயிர் சாகுபடி நடந்து வருகிறது. எந்த முன்னறிவிப்பும் இல்லாமல் பயிர் களை அழித்து, அத்துமீறிக் குழாய்களைப் பதித்து வருகிறது, கெயில். இதைக் கண்டித்து விவசாயிகள் போராடுவதும் அரசு அதிகாரிகள் பேச்சுவார்த்தை நடத்துவதும் தொடர்கதையாக இருக்கிறது. ஆனாலும் குழாய் பதிக்கும் பணிகள் நிறுத்தப்படவில்லை.

“நட்ட பயிரை அழிப்பதை எந்த விவசாயி தாங்கிக் கொள்வான்?”
“நட்ட பயிரை அழிப்பதை எந்த விவசாயி தாங்கிக் கொள்வான்?”

ஒட்டுமொத்த விகடனுக்கும் ஒரே ஷார்ட்கட்!

காளஹஸ்தினாபுரம் கிராமத்தில், பயிர்களை அழித்துக் குழாய்கள் பதிப்பதைக் கண்டித்து செம்பனார்கோவில் காவல் நிலையத்தில் விவசாயிகள் புகார் கொடுத்துள்ளனர். அதற்கு எந்த நடவடிக்கையும் இல்லை. மாறாக, முடிகண்டநல்லூர் கிராமத்தில் குழாய்கள் பதிக்கும் பணிக்கு எதிராகப் போராடிய நிலம், நீர் பாதுகாப்பு இயக்கத்தின் தலைவர் இரணியன், தமிழ்த்தேசிய மக்கள் முன்னணியின் பொதுச்செயலாளர் பாலன் ஆகியோர் மீது வழக்குப் பதிவு செய்ததோடு, இரணியனைக் கைதும் செய்திருக்கிறது, காவல்துறை. மேலும் எட்டு விவசாயிகள் மீதும் வழக்குப் பதிவு செய்யப்பட்டுள்ளது.

இதுகுறித்து நம்மிடம் பேசிய முடிகண்டநல்லூரைச் சேர்ந்த விவசாயி விஷ்ணு, “எங்களுக்குச் சொந்தமான நிலத்தில், சாகுபடி செய்துள்ள பயிர்களை அழித்துக் குழாய்களைப் பதிக்கிறது, கெயில். எங்களிடம் எந்த அனுமதியும் பெறாமல், எங்கள் நிலத்தில் உள்ள பயிரை எப்படி அழிக்கலாம்? நாங்கள் போராட்டம் நடத்தியபோது, பேச்சுவார்த்தை நடத்திய காவல் துறை அதிகாரிகள், ‘அழிக்கப்பட்ட பயிருக்கு இழப்பீடு வாங்கித் தருகிறோம். ஆனால், விவசாய நிலத்தில் குழாய்கள் பதிப்பதை நிறுத்த முடியாது’ என்கிறார்கள். ‘பயிர்களை நாங்கள் அறுவடை செய்யும்வரை பணிகளை நிறுத்த வேண்டும். அதன் பிறகு பேச்சுவார்த்தை நடத்திக்கொள்ளலாம்’ என்பதுதான் எங்கள் நிலைப்பாடு. விவசாயிகளின் வாழ்வாதாரங்களை அழிப்பதற்கு அரசே துணை போகிறது. எதிர்க்கும் விவசாயிகளைக் காவல் துறையினரைக் கொண்டு பயமுறுத்துகிறது” என்றார் ஆத்திரத்துடன்.

“நட்ட பயிரை அழிப்பதை எந்த விவசாயி தாங்கிக் கொள்வான்?”

மோகன்தாஸ் என்கிற விவசாயி, “எங்களிடம் ஒரு வார்த்தைகூட சொல்லாமல், பயிர்களை அழிக்கிறார்கள். கேட்டால், போலீஸை வைத்து மிரட்டுகிறார்கள். ‘எங்கள் பயிரை அழிக்காதே. என் நிலத்திலிருந்து பொக்லைன் இயந்திரத்தை அப்புறப்படுத்து’ என்றுதான் நான் சொன்னேன். அப்போது, போலீஸாரும் உடனிருந்தனர். ஆனால், நான் அரிவாளை வைத்துக் கொலை மிரட்டல் விடுத்ததாகப் பொய் வழக்குப் போட்டிருக்கிறார்கள். வடக்கிலிருந்து வந்த தனியார் நிறுவனத்துக்குச் சாமரம் வீசி, நாட்டுக்குச் சோறு போடும் விவசாயிகளைச் சவக்குழியில் தள்ளுகிறார்கள். ஆளுங்கட்சியினர் தேர்தல் நேரத்தில் மட்டும், ‘விவசாயிகளைப் பாதிக்கும் எந்தத் திட்டத்தையும் அனுமதிக்க மாட்டோம்’ என்று வாய்கிழியப் பேசுகிறார்கள். நிலங்களில் 50 மீட்டர் அகலத்துக்குப் பயிர்களை அழித்துவிட்டு, 15 மீட்டர் அகலத்துக்கு மட்டும் சதுர அடிக்கு 17 ரூபாய் இழப்பீடு தருவதாகச் சொல்கிறார்கள். அதெல்லாம் இருக்கட்டும்... நட்ட பயிரை அழிப்பதை எந்த விவசாயி தாங்கிக்கொள்வான்? முன்பே எங்களிடம் சொல்லியிருந்தால் சாகுபடி செய்யாமலாவது இருந்திருப்போம். எங்கள் வாழ்வாதாரத்தை அழித்து, பசுஞ்சோலையான நிலங்களைப் பாலைவனமாக்க மத்திய, மாநில அரசுகள் முடிவு செய்துவிட்டன. உயிரே போனாலும் அதை நாங்கள் அனுமதிக்க மாட்டோம்” என்றார் உறுதியுடன். இதற்கிடையே, “எரிவாயு குழாய் பதிக்கும் பணியை நிறுத்தாவிட்டால், கெயில் நிறுவனத்தின் செயல்பாட்டைக் கண்டித்து மக்களைத் திரட்டிப் போராட்டம் நடத்துவோம்” என்று விவசாயச் சங்க ஒருங்கிணைப்பாளர் பி.ஆர்.பாண்டியன் எச்சரிக்கை விடுத்துள்ளார்.

“நட்ட பயிரை அழிப்பதை எந்த விவசாயி தாங்கிக் கொள்வான்?”

மயிலாடுதுறை டி.எஸ்.பி-யான வெள்ளதுரையைத் தொடர்புகொண்டு விவசாயிகள் மீதான நடவடிக்கைகள் குறித்துக் கேட்டோம். “உயர் அதிகாரிகளுடன் இருக்கிறேன். பிறகு பேசுகிறேன்” என்று முடித்துக்கொண்டார். அதன்பிறகு பலமுறை தொடர்பு கொண்டபோதும் இணைப்பில் வரவில்லை.

வளர்ச்சி என்கிற பெயரில், நாடு முழுவதும் கிளர்ச்சிகளை உருவாக்கிவருவது மத்திய அரசுக்கு நல்லதல்ல!

- மு.இராகவன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism