Published:Updated:

2K kids: தவறாகப் புரிந்து கொள்ளப்படுகிறதா பெண்ணியம்?

பெண்ணியம்
பிரீமியம் ஸ்டோரி
பெண்ணியம்

`பெண்ணியவாதி' ஜெயஸ்ரீ.கு.ல

2K kids: தவறாகப் புரிந்து கொள்ளப்படுகிறதா பெண்ணியம்?

`பெண்ணியவாதி' ஜெயஸ்ரீ.கு.ல

Published:Updated:
பெண்ணியம்
பிரீமியம் ஸ்டோரி
பெண்ணியம்

பெண்ணியம் - இந்த வார்த்தையை தீண்டத்தகாததாகப் பார்ப்பவர்களே இன்றும் அதிகமாக இருக்கிறார்கள். ஆண்களில் பலரும் பெண்ணியம் என்றாலே பகடி செய்வது, விலகுவது ஒருபக்கம் என்றால், பெண்களுக்காக உருவாக்கப்பட்ட இந்த வார்த்தையையும் இயக்கத்தையும் பெண்களில் பலருமே ஒதுக்கு வது வேதனை.

பெண்ணியம் என்பது, ஆண்களுக்கு சமமாகப் பெண்களுக்கும் உரிமைகள் கிடைக்கப்பட வேண்டும் என்பதை வலியுறுத்தும் இயக்கம். ஆனால் இங்கே அது, ஆண்களைவிட பெண்களை உயர்த்திப் பிடிக்கும் ஆதிக்கமாகப் புரிந்துகொள்ளப் படுகிறது அல்லது திரிக்கப்படுகிறது என்பது தான் பிரச்னை.

பெண்ணியத்தின் முதல் அலை, 19-ம் நூற்றாண்டின் இறுதியில் தொடங்கியது. நூற்றாண்டுகளாக, லட்சக்கணக்கான பெண் களின் கோரிக்கைகள் மற்றும் போராட்டங் களின் விளைவாக உருவான வலிமை வாய்ந்த இயக்கம் இது. ஆணாதிக்கத்தால் அனைத்து உரிமைகளும் மறுக்கப்பட்டிருந்த பெண் களுக்கு, இந்த இயக்கத்தால்தான் அடிப்படை உரிமைகளும் சுதந்திரமும் கிடைக்கத் தொடங்கின.

2K kids: தவறாகப் புரிந்து கொள்ளப்படுகிறதா பெண்ணியம்?

தற்காலத்தில் இயங்கி வருவது, இந்த இயக்கத்தின் நான்காவது அலையாகக் கருதப்படுகிறது. இக்காலத்தில் பெண்ணிய வாதிகளும் அவர்களின் கருத்துகளும் திமிராக இருப்பதாக பிம்பம் உருவாக்கப் படுகிறது. ஆனால், உண்மை என்னவென்றால் பெண்களைப் பணிவாகவும் அடக்கமாகவுமே வைத்திருந்த இந்த ஆணாதிக்கச் சமூகத்துக்கு, அதிலிருந்து வெளிவந்து பெண்கள் தங்களது உரிமைகளைக் கோரும் போது, கருத்துகளை வலிமையாக முன்னிறுத்திக் கேள்விகள் கேட்கும்போது, அதை ஆண் களாலும், ஆணாதிக்க எண்ணங்களுக்குத் தொடர்ந்து பழக்கப்பட்ட பெண்களாலும் ஏற்றுக்கொள்ள முடியவில்லை. எனவே, பெண்ணியவாதிகளின் நியாயமான தைரியம், திமிராகப் பார்க்கப்படுகிறது.

உண்மையில், பெண்ணியத்தின் மூல தத்துவம் பால் சமத்துவமே என்பதைப் புரிய வைக்க வேண்டியதே அந்த இயக்கத்தின் முதல் பணியாக இருக்கிறது. குறிப்பாக, குழந்தைகள், மாணவர்களுக்கு அந்த நோக்கம் திரிபில் லாமல் சென்று சேர வேண்டும். அதற்கு, தாயைவிட சிறந்த கருவி இல்லை. ஒவ்வொரு வீட்டிலும் குழந்தை வளர்ப்பில் ஆண் - பெண் சமம் என்பதைக் குழந்தைகளுக்குப் புரியவைத்து வளர்த்தாலே, அந்தப் பசுமரத் தாணி எதிர்கால சமுதாயத்துக்கான வலுவான அடித்தளமாக அமைந்துவிடும். இந்தச் சின்ன ஆரம்பம், சமூகத்தில் பெண்களுக்கு எதிராக நடக்கும் மிகப்பெரிய அநியாயங்களான சம்பள வித்தியாசம் முதல் பாலியல் வன்முறை வரை நேர்செய்யும் சாத்தியங்களை உண்டாக்கும்.

பெண்ணியவாதி, உதவிப் பேராசிரியர் சி.ஆர்.மஞ்சுளா இது பற்றிக் கூறும்போது, ‘` ‘இந்தப் பெண்ணியவாதிகள் ஓவரா போறாங்க’ என்பது போன்ற கருத்துகளை ஆங்காங்கே கேட்க நேர்கிறது. ஒருவர் தன் விருப்பத்துக் கேற்ப செய்யும் சில செயல்களை அவர்களின் பாலினத்தை மட்டுமே காரணம் காட்டி செய்யக் கூடாது எனத் தடுத்தால், அதற்குப் பெயர் அடக்குமுறையே. அந்த அடக்கு முறையை மீறி அவர்கள் செயல்படும்போது அது ‘ஓவரா’க என்று முத்திரை குத்தப்படுகிறது. இன்னொரு பக்கம், சில இடங்களில் பெண்கள் பெண்ணியத்தைத் தவறான புரிந்துணர்வுடன் கூடிய அணுகுமுறையோடும், தங்களுக்குச் சாதகமாகவும் பயன்படுத்திக்கொள்கிறார்கள். அது பெண்ணியம் அல்ல’’ என்கிறார்.

சி.ஆர்.மஞ்சுளா
சி.ஆர்.மஞ்சுளா

ஆக, பெண்ணியம் என்பது பாலினச் சமத்துவத்தை தன் குறிக்கோளாக்கொண்டு செயல்படும் ஒரு மகத்தான இயக்கம். அதன் மூலக்கருத்திலிருந்து விலகிவிடாமல் அதை முன்னெடுத்துச் செல்வது நம் அனைவரின் பொறுப்பும் கடமையும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism