Published:Updated:

பெண்களுக்கான அரசுத் திட்டங்கள் - 5 - அம்மா இருசக்கர வாகனத் திட்டம்!

ஒட்டுமொத்த விகடனுக்கும் ஒரே ஷார்ட்கட்

Use App
அம்மா இருசக்கர வாகனத் திட்டம்
அம்மா இருசக்கர வாகனத் திட்டம்

இருசக்கர வாகனத்தின் விலையில் 50 சதவிகிதம் அல்லது 25,000 ரூபாய் இரண்டில் எது குறைவோ அந்தத் தொகை பயனாளியின் வங்கிக் கணக்கில் செலுத்தப்படும்.

பிரீமியம் ஸ்டோரி

தமிழ்நாட்டில் உள்ள உழைக்கும் மகளிருக்கு உதவிடும் வகையில் உருவாக்கப்பட்டது தான் `அம்மா இருசக்கர வாகனத் திட்டம்'. உழைக்கும் பெண்கள் தங்கள் பணி இடங் களுக்கு எளிதில் செல்வதற்கு இந்தத் திட்டம் வழிவகை செய்கிறது.

பெண்களுக்கான அரசுத் திட்டங்கள் - 5 - அம்மா இருசக்கர வாகனத் திட்டம்!

என்ன பலன்?

இருசக்கர வாகனத்தின் விலையில் 50 சதவிகிதம் அல்லது 25,000 ரூபாய் இரண்டில் எது குறைவோ அந்தத் தொகை பயனாளியின் வங்கிக் கணக்கில் செலுத்தப்படும். அதாவது நீங்கள் ஒரு லட்சம் ரூபாய்க்கு இருசக்கர வாகனம் வாங்கினீர்கள் என்றால் அதில் உங்களுக்கு 50 சதவிகிதம் மானியம் கிடைக் காது, 25,000 ரூபாய் மட்டுமே கிடைக்கும். நீங்கள் 40,000 ரூபாய்க்கு வாகனம் வாங்கினீர் களென்றால் அதில் 50 சதவிகிதம் அதாவது 20,000 ரூபாய் கிடைக்கும். ஆக அதிகபட்ச மானிய தொகை 25,000 ரூபாய் மட்டுமே.

திட்டத்தின் பயனை பெறுவதற்கான தகுதிகள் என்ன?

அம்மா இருசக்கர வாகன திட்டத்துக்கு விண்ணப்பிக்கும் பெண்ணின் வயது 18 முதல் 45-க்குள் இருக்க வேண்டும். தமிழ்நாட்டில் வசிப்பவராக இருக்க வேண்டும். விண்ணப்பிக்கும் பெண், இருசக்கர வாகனம் ஓட்டுவதற்கான ஓட்டுநர் உரிமம் அல்லது பழகுநர் உரிமம் பெற்றிருக்க வேண்டும். அவரின் ஆண்டு வருமானம் 2,50,000 ரூபாய்க்கு மிகாதிருக்க வேண்டும். 8-ம் வகுப்பு வரை படித்திருக்க வேண்டும். இந்தத் திட்டத்தில் விண்ணப்பிக்கும் பெண்கள் பெயரில்தான் இருசக்கர வாகனம் வாங்க முடியும். அவர் வாங்கவிருக்கும் இரு சக்கர வாகனம்

01.01.2018-க்குப் பின்பு தயாரிக்கப்பட்டதாக இருக்க வேண்டும். இன்ஜின் 125cc (Engine Capacity) அளவுக்குக் குறைவானதாகவும் கியர் இல்லாத வாகனமாகவோ அல்லது ஆட்டோ கியர் வாகனமாகவோ இருக்க வேண்டும்.

என்னென்ன ஆவணங்கள் தேவை?

பிறப்புச் சான்றிதழ், வருமானச் சான்றிதழ், சாதிச் சான்றிதழ், ஆதார் கார்டு, 8-ம் வகுப்பு படித்தற்கான (தேர்ச்சி, தோல்வி எதுவானாலும் சரி) கல்விச் சான்றிதழ், வங்கிக் கணக்குப் புத்தகத்தின் நகல், பணிபுரிபவராயின் அதற்கான சான்றிதழ் (Employment Proof). இந்த ஆவணங்களுடன் நீங்கள் வாங்க விரும்பும் இரு சக்கர வாகனத்துக்கான விலைப்பட்டியலையும் (Quotation) விண்ணப்பத்துடன் இணைக்க வேண்டும். வங்கி அல்லது நிதி நிறுவனங்களில் கடன் பெற்று வாகனம் வாங்க உத்தேசித்திருந்தால் அந்த விவரங்களையும் குறிப்பிட வேண்டி யிருக்கும்.

யாருக்கு முன்னுரிமை?

மகளிரை குடும்பத் தலைவராகக் கொண்ட குடும்பம், ஆதரவற்ற மகளிர், மாற்றுத்திறனாளி பெண், கணவனை இழந்த ஆதரவற்ற பெண், 35 வயதுக்கு மேற்பட்ட திருமணமாகாத பெண், ஆதிதிராவிடர்/ பழங்குடியினர், திரு நங்கைகள், மலைப்பாங்கான தொலை தூரத்தில் வசிக்கும் பெண்களுக்கு முன்னுரிமை வழங்கப்படும்.

திட்டத்தின் பயனைப் பெறுவதற்கான நடைமுறைகள் என்ன?

இதற்கான விண்ணப்பத்தை http://www.tamilnadumahalir.org/ என்ற இணையதளத்தில் பதிவிறக்கம் செய்துகொள்ளலாம். அல்லது சம்பந்தப்பட்ட ஊராட்சி ஒன்றிய / நகராட்சி / பேரூராட்சி அலுவலகங்களிலும் பெறலாம். பூர்த்திசெய்யப்பட்ட விண்ணப்பத்துடன் தேவையான ஆவணங்களை இணைத்து சம்பந்தப்பட்ட ஊராட்சி ஒன்றிய / நகராட்சி / பேரூராட்சி அலுவலகத்திலோ அல்லது மாவட்ட ஆட்சியர் அலுவலகத்திலோ சமர்ப்பிக்க வேண்டும்.

நீங்கள் விண்ணப்பத்தை சமர்ப்பித்த பிறகு கள விசாரணையின் அடிப்படை யிலும் தகுதி மற்றும் முன்னுரிமையின்படியும் விண்ணப்பங்கள் பரிந்துரைக் கப்பட்டு மாவட்ட அளவிலான பயனாளிகள், தேர்வுக் குழுவால் தேர்வு செய்யப்படும். தேர்வு பெற்ற விவரம் பயனாளிகளுக்கு அறிவிப்பு கடிதம் மூலம் தெரிவிக்கப்படும்.

அதன் பின்னர் தனது சொந்தச் செலவிலோ அல்லது வங்கி நிதி நிறுவனங் களில் கடன் பெற்றோ இருசக்கர வாகனம் வாங்கிக் கொள்ளலாம். பிறகு, நீங்கள் வாங்கிய இருசக்கர வாகனத்தின் ஆவணங்களை உரிய படிவத்துடன் சமர்ப்பிக்க வேண்டும். அதனையடுத்து உங்களுக் கான மானியத் தொகை உங்களின் வங்கிக் கணக்கில் செலுத்தப்படும்.

ஏற்கெனவே நீங்கள் இருசக்கர வாகனம் வாங்கி விட்டீர்களென்றாலும் உங்களால் மானியம் பெற முடியும். அதற்கென தனியே இருக்கும் மானியம் கோரும் விண்ணப்பத்தைப் பூர்த்தி செய்து விண்ணப்பிக்க வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு