Published:Updated:

குடிசை வீட்டில் வளர்ந்தேன்! - 40 ஆண்டுகளுக்குப் பிறகு புதுவையின் பெண் அமைச்சர் சந்திர பிரியங்கா

சந்திர பிரியங்கா
பிரீமியம் ஸ்டோரி
News
சந்திர பிரியங்கா

`காங்கிரஸுக்காக உழைத்தவர்களுக்கு உரிய அங்கீகாரம் கிடைக்காமல் அவ மரியாதை ஏற்பட்டதால் என்.ஆர். காங்கிரஸ் தோன்றியது. அதில் என் அப்பா வும் இணைந்தார்.

திருமணமாகி ஒரு குழந்தைக்குத் தாயான பின்புதான் அரசியலில் என்ட்ரி. 26-வது வயதில் புதுவை மாநிலத்தின் இளம் எம்.எல்.ஏ. தொடர்ந்து இரண்டாவது முறையாக வெற்றி பெற்று, 31 வயதில் இப்போது அமைச்சர். அதுவும் 40 ஆண்டு களுக்குப் பிறகு, புதுவை மாநிலத்தில் ஒரு பெண் அமைச்சராகிறார் என்கிற பெருமையையும் சேர்த்தே பெற்றிருக்கிறார், காரைக்காலைச் சேர்ந்த சந்திர பிரியங்கா.

“அப்பா சந்திரகாசு தீவிரமான காங்கிரஸ்காரர். காரைக்கால் மாவட்டத்திலுள்ள நெடுங்காடு (தனி) தொகுதியில் ஆறு முறை வெற்றிபெற்று துணை சபாநாயகர், சபாநாயகர், அமைச்சர் போன்ற பதவி களை திறம்பட வகித்தவர்.தொகுதி மக்களின் ஏகோபித்த அபிமானத் தைப் பெற்றவர். என் அம்மா தேன்மொழி, கம்யூனிஸ்ட் தலைவரின் மகள்.

காங்கிரஸ் தலைவராக இருந்த இந்திரா காந்தி குடும்பத்தின் மீது அதீத பக்தி கொண்டிருந்த என் அப்பா, அம்மாவின் பிரசவ நேரத்தில், ‘ஆண் குழந்தையாக இருந்தால் ராகுல் என்று பெயரிடு, பெண் குழந்தையாக இருந்தால் பிரியங்கா என்று பெயரிடு’ என்று சொல்லிவிட்டு அரசியல் வேலையாகச் சென்றுவிட்டாராம். அம்மா, திருமணத்துக்குப் பின் பெண்ணின் இனிஷியல் கணவரின் பெயருக்கு மாறி விடுகிறது என்பதால், என் தந்தையின் பெயர் எப்போதும் என்னுடன் நிலைத்திருக்க வேண்டும் என்றெண்ணி அவர் பெயரை முன்வைத்து ‘சந்திர பிரியங்கா’ என்று எனக்குப் பெயர் வைத்து விட்டார்.

குடிசை வீட்டில் வளர்ந்தேன்! - 40 ஆண்டுகளுக்குப் பிறகு புதுவையின் பெண் அமைச்சர் சந்திர பிரியங்கா

அப்பாவின் எளிமை, சேவை, என் கணவரின் ஒத்துழைப்பு... இவை எல்லாவற்றுக்கும் மேலாக அய்யா (என்.ஆர்.காங்கிரஸ் தலைவர் ரங்கசாமி) என்மீது வைத்திருக்கும் நம்பிக்கை... இவை எல்லாம்தான் என்னை இந்த இடத்துக்குக் கொண்டு வந்திருக்கிறது...’’ தன் அரசியல் குடும்பத்தின் பின்புலம் சொன்ன சந்திர பிரியங்கா, தொடர்ந்தார்...

‘`காங்கிரஸுக்காக உழைத்தவர்களுக்கு உரிய அங்கீகாரம் கிடைக்காமல் அவ மரியாதை ஏற்பட்டதால் என்.ஆர். காங்கிரஸ் தோன்றியது. அதில் என் அப்பா வும் இணைந்தார். அமைச்சரானார். அந்தக் காலகட்டத்தில் அவர் உடல்நிலை சரியில்லாததால் அவரது வேலைகளை அவருக்கு உதவியாக நான் உடன் இருந்து செய்தேன். எனக்கும் அரசியலில் ஈடுபாடு ஏற்பட்டது. ஆனால், என் அப்பா அதை விரும்ப வில்லை. வெற்றி, தோல்வி, விமர்சனங்கள் உள்ளிட்ட அரசியலின் கடுமையான சூழலை என்னால் தாங்க முடியுமா என்று தயங் கினார். என்னை என் கணவர்தான் உற்சாகப் படுத்தினார். அய்யா, தொகுதியில் என் செயல் பாடுகளைப் பார்த்து சட்டமன்றத் தேர்தலில் போட்டியிட வாய்ப்புத் தந்தார். வெற்றி பெற்று, இன்று வரலாற்றுச் சிறப் புடன் அமைச்சர் ஆகி யிருக்கும் நான், புதுவை மாநில மக்களுக்கு, குறிப் பாகப் பெண்கள் முன்னேற் றத்துக்கு முன்னுரிமை தந்து பணிபுரிவேன்” என்கிறார் உற்சாகமாக.

புதுவையில் கடந்த சட்டப்பேரவையில் நான்கு பெண் எம்.எல்.ஏ-க்கள் இருந்த நிலையில், இம்முறை இவர் ஒருவர் மட்டுமே பெண் எம்.எல்.ஏ என்பது குறிப்பிடத்தக்கது. பெண்களுக்கு முக்கியத்துவம் தரும் வகையில் அமைச்சராகத் தேர்வு செய்யப்பட்டுள்ளார். 40 ஆண்டு களுக்குப் பின் புதுவை மாநிலத்தின் பெண் அமைச்சர் என்ற பெருமை யையும் பெற்றுள்ளார். போக்கு வரத்து, ஆதி திராவிடர் நலம், வீட்டுவசதி, தொழிலாளர் நலம் மற்றும் வேலை வாய்ப்பு, கலை மற்றும் பண்பாடு, பொருளாதாரம் மற்றும் புள்ளியியல் துறை அமைச்சராகப் பொறுப்பேற்றுள் ளார்.

“அமைச்சரின் பெண்தான் என்றாலும், வீட்டில் கஷ்டத்துக்குக் குறைவில்லை. நான் தனியார் பள்ளியில் படித்தபோது, 10 மாதங்கள் ஃபீஸ் கட்ட முடியாமல் பள்ளியில் இருந்து வெளியேற்றப் பட்டிருக் கிறேன். அதனால்தான், நான் எம்.எல்.ஏ ஆன பிறகு, பள்ளிக்கூட ஃபீஸ் கட்ட முடியாத பல பிள்ளை களுக்குக் கட்டணம் செலுத்துவதை வழக்கமாக்கிக் கொண்டேன். பள்ளி நாள்களில் தோழிகள் பலரின் வீட்டுக்கும் சென்றுள்ள நான், அவர்களை என் வீட்டுக்கு அழைக்க முடியாமல் இருந்திருக்கிறேன். என் அப்பா அமைச்சராக இருந்தாலும், எங்கள் வீடு கூரை வீடாகத்தான் இருந்தது. அதனால் தோழிகளுக்கு அது வசதியாக இருக்குமா என்ற தயக்கம் எனக்கு இருக்கும்.

அப்பாவிடம் இதுகுறித்து பல முறை வாதம் பண்ணிய பிறகு, இறுதி யாக ஒரு சிறிய மாடி வீட்டைக் கட்டினார். குடிசை வீடுகளில் எதிர்பாராவிதமாக தீ விபத்துகள் நடக்கும்போது அம்மக்களின் உடைமைகள், வாழ்வாதாரம் இழந்து அவர்கள் நடுத்தெருவில் நிற்பதைப் பார்க்கும்போதெல்லாம், அந்தச் சூழலை என்னால் உணர்வுபூர்வமாக புரிந்துகொள்ள முடியும்’’ என்கிறவர்,

‘`பெண்கள் அரசியலுக்கு வரும்போது, நிறைய விமர்சனங்கள் வரும். சிலவற்றை தாங்கிக்கொள்ளவே முடியாது. ஆரம்பத்தில் எனக்கும் இது நேர்ந்திருக்கிறது. இதெல்லாம் மக்களுக்காகத்தானே என்று என்னை நானே சமாதானப்படுத்திக் கொண்டு, இப்போது அவற்றை யெல்லாம் உதாசீனப்படுத்தக் கற்றுக் கொண்டுவிட்டேன். போக வேண் டிய தூரம் நிறைய இருக்கிறது’’

- நெடும் அரசியல் பயணத்துக்குத் தயாராக இருக்கிறார் சந்திர பிரியங்கா.

குடிசை வீட்டில் வளர்ந்தேன்! - 40 ஆண்டுகளுக்குப் பிறகு புதுவையின் பெண் அமைச்சர் சந்திர பிரியங்கா

கதைநாயகி எம்.எல்.ஏ!

இன்றைய காலகட்டத்தில் பெண் பிள்ளைகள் அதிக அளவு பாலியல் கொடுமைக்கு ஆளா கின்றனர். அது குறித்துப் பெண்கள் மத்தியில் விழிப்பு உணர்வை ஏற்படுத்தும் வகையில் சந்திர பிரியங்கா, தான் எம்.எல்.ஏ வாக இருந்தபோது, 2019-ம் ஆண்டு ‘ஜான்சி’ என்ற குறும்படம் ஒன்றில் கதைநாயகியாக நடித் திருக்கிறார். அந்தப்படம் மாநில அளவில் பரவலாகப் பேசப் பட்டது.