Published:Updated:

ராசி பலன்கள்

நவம்பர் 19ம் தேதி முதல் டிசம்பர் 2ம் தேதி வரை ஜோதிட ரத்னா கே.பி.வித்யாதரன்

ராசி பலன்கள்

செல்வம் கொழிக்கும் வேளை!

மேஷம்: எதையும் தாங்கும் இதயம் கொண்டவர்களே! நவம்பர் 22ம் தேதி முதல் உங்கள் ராசிநாதன் செவ்வாய் உச்சமடைந்து 10ம் வீட்டில் அமர்வதால், உங்களுடைய நிர்வாகத் திறன் அதிகரிக்கும். சொத்து வாங்க முன் பணம் தருவீர்கள். புதனும், சுக்கிரனும் சாதகமான வீடுகளில் செல்வதால், பணவரவு திருப்தி தரும். சூரியன் 8ல் நிற்பதால், அரசு காரியங்கள் தாமதமாகி முடியும். வியாபாரத்தில் புது இடத்துக்கு கடையை மாற்றுவீர்கள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உத்யோகத்தில் நீங்கள் உயரதிகாரிகளால் அலைக்கழிக்கப்பட்டாலும், சக ஊழியர்களால் உதவிகள் உண்டு.

ராசி பலன்கள்

ஆரோக்கியம்... அறிவுக்கூர்மை அதிகரிக்கும்!

ரிஷபம்: விடாமுயற்சியால் முதலிடம் பிடிப்பவர்களே! ராசிநாதன் சுக்கிரன் 7ம் வீட்டில் அமர்ந்து உங்கள் ராசியைப் பார்த்துக்கொண்டிருப்பதால், உங்களின் புத்திசாலித்தனம் வெளிப்படும். அழகு, ஆரோக்கியம் கூடும்.  22ம் தேதி முதல் செவ்வாய் உச்சமாகி 9ம் வீட்டில் அமர்வதால்... வீடு, மனை வாங்குவது, விற்பதில் இருந்த சிக்கல்கள் நீங்கும். உறவினர்கள் உங்களுக்கு முக்கியத்துவம் தருவார்கள். வியாபாரத்தை விரிவுபடுத்தி, அழகுபடுத்துவீர்கள். உத்யோகத்தில் நீங்கள் ஒரே நேரத்தில் இரண்டு, மூன்று வேலைகளை இழுத்துப் போட்டு பார்க்க வேண்டி வரும்.  

ராசி பலன்கள்

திறமைகள் வெளிப்படும்!

மிதுனம்: படிப்பறிவுடன் பட்டறிவும் உள்ளவர்களே! குருபகவான் 2ம் வீட்டில் வலுவாக நிற்பதால், எதிர்பார்த்திருந்த தொகை கைக்கு வரும். சுக்கிரன் ராசிக்கு 6ல் மறைந்து நிற்பதால், வாழ்க்கைத் துணைவருடன் விவாதம்.... பிள்ளைகளால் அலைச்சல், செலவுகள் வந்து போகும். சூரியன் 6ம் வீட்டில் நிற்பதால், அரசு காரியங்கள் சுலபமாக முடியும். புது வேலை தேடுபவர்களுக்கு நல்ல சேதி வரும். சிலருக்கு அயல்நாடு செல்லும் வாய்ப்பு கிட்டும். வியாபாரத்தில் போட்டிகளையும் தாண்டி லாபம் சம்பாதிப்பீர்கள். உத்யோகத்தில் உங்களின் திறமைகள் வெளிப்படும்.

ராசி பலன்கள்

அயல்நாட்டில் இருந்து ஆதாயம்!

கடகம்: ஒளிவுமறைவு இல்லாமல் பேசுபவர்களே! ராகு வலுவாக 3ம் வீட்டில் அமர்ந்திருப்பதால், தைரியமாக சில முடிவுகள் எடுப்பீர்கள். ஷேர் மூலமாக பணம் வரும். வெளிநாட்டிலிருக்கும் உறவினர், தோழிகளால் ஆதாயமடை வீர்கள். நவம்பர் 22ம் தேதி முதல் செவ்வாய் உச்சம் பெற்று 7ம் வீட்டில் அமர்வதால், வாழ்க்கைத் துணைவர் உங்கள் உணர்வுகளுக்கு மதிப்பளிப்பார். 5ம் வீட்டில் சூரியன் நிற்பதால், அரசு விவகாரங்களில் அலட்சியம் வேண்டாம். வியாபாரத்தில் சில தந்திரங்களைக் கற்றுக்கொள்வீர்கள். உத்யோகத்தில் உயரதிகாரிகளிடம் அதிக உரிமை எடுத்துக்கொள்ளாதீர்கள்.

ராசி பலன்கள்

ரியல் எஸ்டேட் லாபம் தரும்!

சிம்மம்: சிகரத்தைத் தொட்டபோதும் தலைக்கனம் கொள்ளாதவர்களே! சூரியன் சாதகமான வீடுகளில் செல்வதால், பணப் புழக்கம் கணிசமாக உயரும். உறவினர்கள் உங்கள் நல்ல குணத்தைப் புரிந்துகொள்வார்கள். ரியல் எஸ்டேட் லாபம் தரும். குரு 12ல் மறைந்திருப்பதால், எதிர்பாராத பயணங்களும், செலவுகளும் வந்து போகும். நவம்பர் 22ம் தேதி முதல் செவ்வாய் ராசிக்கு 6ம் வீட்டில் அமர்வதால், பிள்ளைகளால் இருந்த பிரச்னைகள் தீரும். வியாபாரத்தில் கூடுதல் லாபம் கிடைக்கும். சிலர் புதுக்கிளைகள் தொடங்குவீர்கள். உத்யோகத்தில் சக ஊழியர்களின் தவறுகளை சுட்டிக்காட்ட வேண்டாம்.

ராசி பலன்கள்

மனநிறைவான மணவாழ்க்கை!

கன்னி: இயற்கையை அதிகம் நேசிப்பவர் களே! சூரியன் 3ல் வலுவாக நிற்பதால்,. வீடு மாறுவது, கட்டுவது சாதகமாக அமையும். வாழ்க்கைத் துணைவர் உங்களிடம் அனுசரணையாக நடந்துகொள்வார். மகனுக்கு புது வேலை கிடைக்கும். அயல்நாடு செல்லும் வாய்ப்பும் வரும். சர்ப்ப கிரகங் களின் சஞ்சாரமும், சனியின் போக்கும் சாதகமாக இல்லாததால்... உறவினர் வகையில் பிரச்னை, தூக்கமின்மை, வீண் செலவுகள் வந்து போகும். வியாபாரத்தில் சில சூட்சுமங்களைப் புரிந்துகொள்வீர்கள். உத்யோகத்தில் நீங்கள், உயரதிகாரிகள் நினைப்பதை முடித்துக்காட்டுவீர்கள்.

ராசி பலன்கள்

மூளை பலத்தால் முன்னேற்றம்!

துலாம்: பணம், காசு வந்தாலும்  குணம் மாறாதவர்களே! சுக்கிரன் சாதகமான வீடுகளில் செல்வதால், மூளை பலத்தால் முன்னேறுவீர்கள். பணவரவு அதிகரிக்கும். நெடுநாட்களாக பார்க்க நினைத்த உறவினர்களை சந்திப்பீர்கள். 2ல் சூரியன், ராகு நிற்பதால்,  சேமிப்புகள் கரையும். அரசு காரியங்கள் தாமதமாக முடியும். பேச்சில் கடுமை வேண்டாம். வியாபாரத்தில் நாணயமாக நடந்துகொள்வதால், வாடிக்கையாளர் எண்ணிக்கை நாளடைவில் அதிகரிக்கும். உத்யோகத்தில் உங்கள் உழைப்புக்கு அங்கீகாரம் கிடைக்கவில்லையே என ஆதங்கப்படுவீர்கள்.

ராசி பலன்கள்

குடும்பத்தில் நிம்மதியான சூழ்நிலை!

விருச்சிகம்: நகைச்சுவை உணர்வு அதிகம் உள்ளவர்களே! நவம்பர் 22ம் தேதி முதல் உங்கள் ராசிநாதன் செவ்வாய் 3ல் உச்சம் பெற்று அமர்வதால், புது வேலைக்கு முயற்சி செய்பவர்களுக்கு சிறந்த நிறுவனத்தில் பதவி அமையும். குடும்ப வருமானம் உயரும். பிள்ளைகளின் போக்கில் நல்ல மாற்றம் உண்டாகும். ராசிக்குள் சூரியன் நிற்பதால், உடல்நலக் கோளாறு வந்து போகும். உறவினருடன் மனத்தாங்கல் வரும். வியாபாரத்தில் வரவு உயரும். பாக்கிகள் வசூலாகும். வேலையாட்கள் உதவிகரமாக இருப்பார்கள். உத்யோகத்தில் உங்களுக்கு எதிரான சூழ்ச்சிகளை உடைத்தெறிவீர்கள்.

ராசி பலன்கள்

போட்ட திட்டம் நிறைவேறும்!

தனுசு: உண்மைக்கு முக்கியத்துவம் தருபவர்களே! சுக்கிரன் சாதகமாக இருப்பதால், நீங்கள் போட்ட திட்டங்கள் நிறைவேறும். தாமதமான விஷயங்கள் உடனே முடியும். வாராது என்றிருந்த பணம் வரும். மகளுக்கு நல்ல வரன் அமையும். நவீன எலெக்ட்ரானிக்ஸ் சாதனங்கள் வாங்குவீர்கள். வீட்டை விரிவுபடுத்திக் கட்டுவீர்கள். சூரியன் ராசிக்கு 12ல் மறைந்திருப்பதால், வீண் செலவுகள் வந்து போகும். வியாபாரத்தில் அதிரடியான செயல்களால் போட்டிகளை சமாளிப்பீர்கள். உத்யோகத்தில் நீங்கள் பொறுப்பாக நடந்துகொண்டாலும், மேலதிகாரி குறைகூறத்தான் செய்வார்.

ராசி பலன்கள்

சாமர்த்தியம் துணை நிற்கும்!

மகரம்: மனிதநேயத்தின் மறுஉருவமாய் விளங்குபவர்களே! சூரியன் லாப வீட்டில் அமர்ந்திருப்பதால், வீட்டில் கூடுதலாக ஒரு தளம் அமைப்பீர்கள். சிலர் வீடு மாற திட்டமிடுவீர்கள். பணப்பற்றாக்குறையை சாமர்த்தியமாக சமாளிப்பீர்கள். உறவினர்கள், தோழிகளால் உதவிகள் உண்டு. நவம்பர் 22ம் தேதி முதல் ராசிக்குள் செவ்வாய் உச்சம் பெற்று அமர்வதால், சொத்து சம்பந்தப்பட்ட வழக்கில் நல்ல தீர்ப்பு வரும். கடன் பிரச்னை கட்டுக்குள் வரும். அரசு காரியங்கள் விரைந்து முடியும். வியாபாரத்தில் பங்குதாரர்கள் மதிப்பார்கள். உத்யோகத்தில் உயரதிகாரி கள் அதிசயிக்கும்படி நடந்துகொள்வீர்கள்.

ராசி பலன்கள்

பிள்ளைகள் மனம் குளிரும்!

கும்பம்: செயல் வேகத்தால் அசத்துபவர் களே! புதன் சாதகமான வீடுகளில் செல்வதால், வீடு கட்டும் பணி முழுமையடையும். பிள்ளைகள் கேட்டதை வாங்கித் தருவீர்கள். உறவினர்கள் வீட்டு விசேஷங்களை முன்னின்று நடத்துவீர்கள். வீட்டு  உபயோக சாதனங்களைப் புதிதாக வாங்குவீர்கள். அரசால் அனுகூலம் உண்டு. கைமாற்றாக வாங்கியிருந்த பணத்தை தந்து முடிப்பீர்கள். குரு 6ல் மறைந்திருப்பதால் மற்றவர்களை நம்பி குறுக்கு வழியில் செல்ல வேண்டாம். வியாபாரத்தில் புது ஒப்பந்தங்களால் லாபம் பெருகும். உத்யோகத்தில் சக ஊழியர்கள் உங்களை ஆதரிப்பார்கள்.

ராசி பலன்கள்

பாசமழையில் நனையும் பொழுது!

மீனம்: கடந்து வந்த பாதையை மறவாதவர்களே! செவ்வாய் வலுவாக அமர்ந்திருப்பதால், பணபலம் உயரும். வாழ்க்கைத் துணைவர் பாசமழை பொழிவார். பிள்ளைகளின் நினைவாற்றல் கூடும். இங்கிதமான பேச்சால் உறவினர்களைக் கவருவீர்கள். உங்களுக்கு எதிராக பேசிக்கொண்டிருந்தவர்கள் தங்கள் தவறை உணர்வார்கள். அஷ்டமத்துச் சனி தொடர்வதால் பயம், மனஇறுக்கம் வந்து செல்லும். வியாபாரத்தை விரிவுபடுத்துவீர்கள். புது வேலையாட்கள் அமைவார்கள். உத்யோகத்தில் உங்களுக்கு பதவி உயர்வு உண்டு. இடமாற்றமும் ஏற்படலாம்.