Published:Updated:

பிறந்த நாள் பலன்கள்

23-12-2014 முதல் 5-1-2015 வரை‘நவக்கிரக ரத்னஜோதி’ சந்திரசேகரபாரதி

பிறந்த நாள் பலன்கள்

23-12-2014 முதல் 5-1-2015 வரை‘நவக்கிரக ரத்னஜோதி’ சந்திரசேகரபாரதி

Published:Updated:

பிறந்த தேதிகள்: 1, 10, 19, 28  

திப்பும் அந்தஸ்தும் உயரும் நேரம் இது. செய்து வரும் தொழிலில் வளர்ச்சி காணலாம். புதிய ஆடை, அணிமணிகள் சேரும். வெளியூர், வெளிநாட்டுத் தொடர்புடன் செய்யும் வர்த்தகம் அதிகம் லாபம் தரும். புதியவர்களின் தொடர்பும் அதனால் அனுகூலமும் உண்டாகும்.

குடும்பத்தில் சண்டை, சச்சரவுகள், கூச்சல், குழப்பங்கள் இருக்கும் என்றாலும் சமாளித்து வருவீர்கள். தாய் நலனில் கவனம் தேவைப்படும். 28ம் தேதி முதல் வாழ்க்கைத்துணைவரால் நலம் கூடும்.

ஒட்டுமொத்த விகடனுக்கும் ஒரே ஷார்ட்கட்!

குடும்பத்தில் நற்காரியங்கள் நிகழ்வதற்கான முன்னேற்பாடுகள் நிகழும். 30ம் தேதி முதல் பண நடமாட்டம் கூடும். கடன் கிடைக்கும். 1ம் தேதி முதல் துணிச்சலான காரியங்களில் ஈடுபாடு கூடும்.

கணிதம், எழுத்து, பத்திரிகை போன்ற துறைகள் லாபம் தரும். கூட்டுத் தொழில் வளர்ச்சி பெறும்.

1ம் தேதி பிறந்தவர்களுக்கு: தொழில் நுட்பத்திறமை பளிச்சிடும். பிறரால் பாராட்டப்படுவதற்கு வாய்ப்பு உண்டாகும்.

10ம் தேதி பிறந்தவர்களுக்கு: தர்ம சிந்தனை மேலோங்கும். சுப காரியங் கள் நிகழும். பண வரவு அதிகமாகும்.

19ம் தேதி பிறந்தவர்களுக்கு: மக்களால் அனுகூலம் உண்டாகும்.

28ம் தேதி பிறந்தவர்களுக்கு: மனக்குழப்பம் ஏற்படும். உடல் ஆரோக்கியம் கவனிக்கப்பட வேண்டி வரும். வீண் செலவுகளைத் தவிர்ப்பது நல்லது.

அதிர்ஷ்டத் தேதிகள்: டிசம்பர் 27, 28, ஜனவரி 1.

பிறந்த தேதிகள்: 2, 11, 20, 29

தொழில் நுட்பத்திறமை வெளிப்படும். அரசாங்கத்தாரால் எதிர்பார்த்திருந்த காரியம் இப்போது நிறைவேறும். நிர்வாகத் துறையினருக்கு நல்ல வாய்ப்புக்கள் கூடிவரும்.

வியாபாரிகளுக்கு லாபம் அதிக மாகும். எலெக்ட்ரானிக், கம்ப்யூட்டர் போன்ற துறைகளைச் சேர்ந்தவர்கள் வளர்ச்சி காண்பார்கள். எழுத்தாளர்களுக்கும் பத்திரிகை யாளர்களுக்கும் வரவேற்பு கூடும். மக்களாலும் வாழ்க்கைத்துணைவராலும் மன அமைதி குறையும்.

கலைத்துறையினருக்கும் மாதர் களுக்கும் சோதனைகள் அதிகமாகும். 1ம் தேதி முதல் தொழிலில் அதிக கவனம் தேவைப்படும்.

இயந்திரங்கள், எரிபொருட்கள், மின்சாதனங்கள் ஆகியவற்றின் பக்கம் நெருங்கும்போது எச்சரிக்கை தேவை.  

2ம் தேதி பிறந்தவர்களுக்கு: உயர்பதவிகளும் பொறுப்புக்களும் தேடிவரும். முக்கியஸ்தர்களால் அனுகூலம் உண்டாகும்.

11ம் தேதி பிறந்தவர்களுக்கு: காரியத்தில் வெற்றி கிட்டும். அரசு உதவி கிடைக்கும். வியாபாரம் பெருகும்.

20ம் தேதி பிறந்தவர்களுக்கு: மதிப்பும் செல்வாக்கும் உயரும். பொருளாதாரநிலையில் வளர்ச்சி காணலாம். மக்களால் சிறு சங்கடம் ஏற்படும்.

29ம் தேதி பிறந்தவர்களுக்கு: அதிர்ஷ்ட வாய்ப்புக்கள் கூடிவரும். வாழ்க்கைத்துணை நலனில் அக்கறை தேவை.

அதிர்ஷ்டத் தேதிகள்: டிசம்பர் 24, 25, 28, 29, ஜனவரி 5.

பிறந்த தேதிகள்: 3, 12, 21, 30

ங்கள் நிர்வாகத்திறமை வெளிப்படும் நேரம் இது. சுய முயற்சியால் செல்வம் திரட்டுவீர்கள். முக்கியஸ்தர்களது தொடர்பு பயன்படும்.நிர்வாகத்துறையினருக்கு வரவேற்பு கூடும்.

வியாபாரிகளுக்கு லாபம் அதிகமாகும். எழுத்தாளர்களுக்கும் பத்திரிகையாளர்களுக்கும் மதிப்பு உயரும். எலெக்ட்ரானிக், கம்ப்யூட்டர் இனங்கள் லாபம் தரும். பயணத்தால் அனுகூலம் உண்டாகும்.

விஞ்ஞானிகளுக்கும் கணிதத் துறைகளைச் சேர்ந்தவர்களுக்கும் நல்ல வாய்ப்புக்கள் கூடிவரும். மாதர்கள் விழிப்புடன் செயல்படுவது நல்லது. ஆடவர்களுக்குப் பெண்களால் அவப்பெயர் ஏற்படக்கூடும்.

1ம் தேதி முதல் எந்தக்  காரியத்திலும் பதற்றப்படாமல் நிதானமாக ஈடுபடுவது அவசியம். மக்களால் மனவருத்தம் உண்டாகும். உடல்நலனில் கவனம் செலுத்தவும்.

3ம் தேதி பிறந்தவர்களுக்கு: பெண்களால் சங்கடங்கள் உண்டாகும்.  கொடுக்கல் வாங்கலில் கவனம் தேவை.

12ம் தேதி பிறந்தவர்களுக்கு: அரசு உதவி கிடைக்கும். அறிவாற்றல் பெருகும். நிர்வாக ஆற்றல் பளிச்சிடும்.

21ம் தேதி பிறந்தவர்களுக்கு: முக்கியப் பதவிகளும் பொறுப்புக்களும் கிடைக்கும். மேலதிகாரிகளின் ஆதரவைப் பெறுவீர்கள்.

30ம் தேதி பிறந்தவர்களுக்கு: வியாபாரிகளுக்கு லாபம் கூடும். தொழில் நுட்பத்திறமை கூடும்.

அதிர்ஷ்டத் தேதிகள்: டிசம்பர் 24, 28.

பிறந்த தேதிகள்: 4, 13, 22, 31

வெற்றி வாய்ப்புக்கள் கூடும் நேரம் இது. எதிரிகள் விலகிப் போவார்கள். நண்பர்கள், உறவினர்களால் அனுகூலம் உண்டாகும். மாணவர்களது நிலை உயரும்.   கலைத் துறையினருக்கு வெற்றி வாய்ப்புகள் அதிகமாகும். புதிய பதவி, பட்டங்கள் கிடைக்கும்.  

வியாபாரத்தில் அபிவிருத்தி காண வழிபிறக்கும். குடும்பத்தில் குதூகலம் கூடும். சுப காரியங்கள் நிகழும். தொழிலாளர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும். ஜலப்பொருட்கள் லாபம் தரும்.

கடல் வாணிபம் செய்பவர்களுக்கு ஆதாயம் அதிகரிக்கும். கணிதம், எழுத்து, பத்திரிகை, விஞ்ஞானம், மருத்துவம் போன்ற துறைகளைச் சேர்ந்தவர்கள் செழிப்பான பாதையைக் காண்பார்கள்.

பொது நலப்பணிகளில் ஆர்வம் அதிகரிக்கும். 28ம் தேதி முதல் அதிர்ஷ்ட வாய்ப்புகள் அதிகரிக்கும். எண்ணங்கள் எளிதில் நிறைவேறும். 1ம் தேதி முதல் பொறியியல் துறைகளைச் சேர்ந்தவர்களுக்குச் சுபிட்சம் கூடும். வழக்குகளில் வெற்றி காண சந்தர்ப்பம் உருவாகும். மக்களால் அனுகூலம் உண்டாகும்.

4ம் தேதி பிறந்தவர்களுக்கு: புதிய பொருட்சேர்க்கை நிகழும். பொதுநலப்பணியாளர்களுக்கு வரவேற்பு கூடும்.

13ம் தேதி பிறந்தவர்களுக்கு: அலைச்சல் வீண்போகாது. நண்பர்களால் செலவுகள் ஏற்படும். அறிவாற்றல் பளிச்சிடும்.

22ம் தேதி பிறந்தவர்களுக்கு: பண வரவு கூடும். கடல் வாணிபம் லாபம் தரும். கற்பனை வளம் பெருகும்.

31ம் தேதி பிறந்தவர்களுக்கு: எதிர்ப்புக்கள் விலகும். உறவினர்களால் அனுகூலம் உண்டாகும். புதிய பொருட்களின் சேர்க்கை நிகழும்.

அதிர்ஷ்டத் தேதிகள்: டிசம்பர் 23, 24, 28, ஜனவரி 1, 4.

பிறந்த தேதிகள்: 5, 14, 23

செய்து வரும் தொழிலில் அபிவிருத்தி காண சந்தர்ப்பம் உருவாகும் நேரம் இது. புதிய ஆடை, அணிமணிகளும் அலங்காரப் பொருட்களும் சேரும். மன உற்சாகம் பெருகும். கலைத்துறையினருக்கு நல்ல வாய்ப்புகள் கூடிவரும்.

தான, தர்மப் பணிகளில் பங்கேற்பீர்கள். பயணத்தால் முக்கிய மான காரியங்கள் நிறைவேறும். புதியவர்களின் தொடர்பு பயன்படும். மாணவர்களது நிலை உயரும். மாதர்களது எண்ணம் ஈடேறும். குடும்பத்தில் சிறுசிறு பிரச்னைகள் ஏற்படும்.

தாய் நலனில் கவனம் தேவை.  வேலையாட்களை நம்பி ஏமாற வேண்டாம். உடன்பிறந்தவர்களாலும் மக்களாலும் நன்மைகளும் தீமைகளும் கலந்தவாறு பலன்கள் ஏற்படும். புதிய சொத்துக்களை வாங்கும்போது எச்சரிக்கையுடன் செயல்படவும்.

28ம் தேதி முதல் வாழ்வில் நல்ல திருப்பம் உண்டாகும். தடைப்பட்டிருந்த சுப காரியங்கள் நிகழச் சந்தர்ப்பம் உருவாகும். 30ம் தேதி முதல் பெற்றோர் நலம் சீராகும். புதிய பொருட்களின் சேர்க்கை நிகழும். 1ம் தேதி முதல் பண நடமாட்டம் மேலும் கூடும்.

5ம் தேதி பிறந்தவர்களுக்கு: புத்திசாலித்தனம் பளிச்சிடும். செய்தொழிலில் அபிவிருத்தி காண வழிபிறக்கும்.

14ம் தேதி பிறந்தவர்களுக்கு: மதிப்பு உயரும். காரியானுகூலம் ஏற்படும். தர்ம சிந்தனை வளரும். பயணத்தால் நலம் உண்டாகும். புதிய நட்பு கிடைக்கும்.

23ம் தேதி பிறந்தவர்களுக்கு: வியாபாரம் பெருகும். கற்பனை வளம் கூடும். வாழ்க்கைத்துணைவரால் அனுகூலம் உண்டாகும். புகழும் பொருளும் கிடைக்கும்.

அதிர்ஷ்டத் தேதிகள்: டிசம்பர் 23, 24, ஜனவரி 5.

பிறந்த தேதிகள்: 6, 15, 24

புதியவர்கள் உங்களுக்கு உதவி புரிய முன்வரும் நேரம் இது. பயணத்தால் அனுகூலம் உண்டாகும். எதிர்ப்புக்கள் இருக்கும் என்றாலும் சமாளிப்பீர்கள். தொழிலில் முன்னேற்றம் காணத் திட்டங்களைத் தீட்டுவீர்கள்.

கணவன் மனைவி இடையே அந்நியோன்யம் அதிகரிக்கும். கூட்டுத் தொழில் லாபம் தரும். குடும்பத்தில் சிறுசிறு பிரச்னைகள் தலைதூக்கும். பொருள் கொடுக்கல்வாங்கலில் விழிப்புடன் ஈடுபடுவது நல்லது. அதன் மூலம் ஏமாறாமல் தப்பலாம்.

அக்கம்பக்கத்தில் உள்ளவர்களால் சங்கடங்கள் ஏற்பட்டு விலகும். 28ம் தேதி முதல் வியாபாரம் பெருகும். 30ம் தேதி முதல் பொதுநலப் பணியாளர்களுக்கு வரவேற்பு கூடும். நல்லவர்களின் நேசம் கிடைக்கும். பொருளாதார நிலையில் விசேஷமான வளர்ச்சி காணலாம்.

இயந்திரங்கள், தாதுப்பொருட்கள், எரிபொருட்கள் மூலம் ஆதாயம் கிடைக்கும். மாணவர்களது திறமை பளிச்சிடும். மாதர்களது நோக்கம் நிறைவேறும். தொழிலாளர்களது கோரிக்கைகளில் சில இப்போது ஈடேறும்.

6ம் தேதி பிறந்தவர்களுக்கு: புதியவர்களது நட்புறவு கிடைக்கும். நூதனமான பொருள் சேரும். உயர் பொறுப்புகள் கிடைக்கும்.

15ம் தேதி பிறந்தவர்களுக்கு: தொழில் நுட்பத் திறமை வெளிப்படும். தெய்வப்பணிகளிலும் தர்மப்பணிகளிலும் ஈடுபாடு கூடும். பிறரால் புகழப்படுவீர்கள். தொலைதூரத்திலிருந்து நல்ல தகவல் வந்து சேரும்.

24ம் தேதி பிறந்தவர்களுக்கு: கலைஞானம் பெருகும். புதிய ஆடை, அணிமணிகள் சேரும். அயல்நாட்டுத் தொடர்பு பயன்படும். பொருளாதார நிலை உயரும். எதிர்பாராத திடீர் அதிர்ஷ்ட வாய்ப்புகளும் கூடிவரும்.

அதிர்ஷ்டத் தேதிகள்: டிசம்பர் 23, 24, 26, ஜனவரி 5.

பிறந்த தேதிகள்: 7, 16, 25

ங்கள் அறிவாற்றல் பளிச்சிடும். துணிவோடும் தன்னம்பிக்கையோடும் எடுத்த காரியங்களில் திறம்பட ஈடுபட்டு வெற்றி பெறுவீர்கள். எதிர்ப்புகளின் கரம் வலுக்குறையும். வழக்கில் வெற்றி கிட்டும். அரசு விவகாரங்களில் அனுகூலமான போக்கு தென்படும். முக்கியஸ்தர்கள், மேலதிகாரிகள் ஆகியோரது ஆதரவு கிடைக்கும்.

புதிய பதவி, பட்டங்கள் வந்து சேரும். பல இனங்களால் வருவாய் கிடைத்துவரும். வியாபாரம் அபிவிருத்தி அடையும். மாணவர்களது நோக்கம் நிறைவேறும். 28ம் தேதி முதல் நண்பர்கள், உறவினர்களால் அதிகம் நலம் உண்டாகும்.

30ம் தேதி முதல் கலைத்துறை யினருக்கும் மாதர்களுக்கும் செழிப்பான சூழ்நிலை உருவாகும். ஆடை, அணிமணிகள், அலங்காரப் பொருட்கள், வாசனை திரவியங்கள் ஆகியவற்றின் சேர்க்கையோ, அல்லது அவற்றால் ஆதாயமோ கிடைக்கும். தந்தையாலும், உடன்பிறந்தவர்களாலும் அனுகூலம் உண்டாகும்.

1ம் தேதி முதல் செலவுகள் அதிகமாகும். வீண்வம்பு, வழக்குகளைத் தவிர்ப்பது நல்லது. அக்கம்பக்கத்தில் உள்ளவர்களிடம் சுமுகமாகப் பழகவும். கோபம் கூடாது. கண் உபத்திரவம் சிலருக்கு ஏற்படும். உடன் பிறந்தவர்களுக்காகச் செலவு செய்ய வேண்டிவரும்.

7ம் தேதி பிறந்தவர்களுக்கு: காரியத்தில் வெற்றி கிட்டும். மதிப்பும் அந்தஸ்தும் உயரும். துணிவு கூடும்.

16ம் தேதி பிறந்தவர்களுக்கு: மதிப்பு உயரும். புதிய பதவி, பட்டங்கள் கிடைக்கும். பொருள்வரவு கூடும்.

25ம் தேதி பிறந்தவர்களுக்கு: பக்தி மார்க்கத்தில் ஈடுபாடு கூடும். வியாபார முன்னேற்றத் திட்டங்கள் நிறைவேறும். நண்பர்களும் உறவினர்களும் உதவுவார்கள்.

அதிர்ஷ்டத் தேதிகள்: டிசம்பர் 25, 29, ஜனவரி 2, 5.

பிறந்த தேதிகள்: 8, 17, 26

ங்கள் மனதில் துணிவும் தன்னம்பிக்கையும் கூடும் நேரம் இது. எதிர்ப்புகளைக் கடந்து வாழ்வில் முன்னேற்றம் காண்பீர்கள். பிரச்னைகள் எளிதில் தீரும். குடும்பத் தில் குதூகலம் நிறைந்திருக்கும். பல வழிகளில் வருவாய் வந்து சேரும்.

வியாபாரிகளுக்கு ஆதாயம் பெருகும். கலைத்துறையினருக்கு வெற்றிகள் குவியும். மாதர்களது எண்ணம் நிறைவேறும். மாணவர்கள் வளர்ச்சி காண வழிபிறக்கும். போட்டிகளிலும் பந்தயங்களிலும் வெற்றி கிட்டும். உடன்பிறந்தவர்கள் உதவுவார்கள்.

பயணத்தால் அனுகூலம் உண்டாகும். புதியவர்களது தொடர்பு பயன்படும். 28ம் தேதி முதல் வியாபாரிகளுக்கு முன்னேற்றம் காணக் குறுக்கீடுகள் முளைக்கும். 30ம் தேதி முதல் வாழ்க்கைத்துணைவரால் அதிகம் நலம் உண்டாகும்.

1ம் தேதி முதல் புதிய சொத்துக்கள் சேரும். சொத்துக்களால் ஆதாயமும் கிடைக்கும். உடல் நலனில் கவனம் தேவைப்படும். மாணவர்கள் படிப்பில் முழுக்கவனம் செலுத்துவது நல்லது. மக்களால் எதிர்பாராத செலவுகள் ஏற்படும். ஸ்பெகுலேஷன் துறைகளால் அதிகம் ஆதாயம் இல்லை.  

8ம் தேதி பிறந்தவர்களுக்கு: எதிரிகள் இருப்பார்கள் என்றாலும் சமாளிப்பீர்கள். பொருள்வரவு திருப்தி தரும். முயற்சி வீண்போகாது.

17ம் தேதி பிறந்தவர்களுக்கு: மக்களால் சங்கடம் ஏற்படும். மறதியால் அவதி உண்டாகும். அரசாங்கத்தால் அனுகூலம் ஏற்படும்.

26ம் தேதி பிறந்தவர்களுக்கு: 30ம் தேதி முதல் நல்ல திருப்பம் உண்டாகும். எண்ணங்களில் மலர்ச்சி ஏற்படும். பணவரவு கூடும். நற்காரியங்கள் நிகழும்.

அதிர்ஷ்டத் தேதிகள்: டிசம்பர் 23, 24, 26, 27, ஜனவரி 3.

பிறந்த தேதிகள்: 9, 18, 27

ங்கள் எண்ணின் நாயகன் அதிபலம் பெற்றிருப்பதால், வெற்றி வாய்ப்புகள் அதிகரிக்கும். எதிர்ப்புகளை வெல்லும் சக்தி பிறக்கும். பொருளாதார நிலை உயரும். பொது நலப்பணிகளில் ஈடுபாடு உள்ளவர்களுக்கு நற்பெயர் கிடைக்கும். வழக்கிலும் போட்டிப் பந்தயங்களிலும் வெற்றி கிட்டும்.

நிலம், மனை, வீடு, வாகனங்களின் சேர்க்கை நிகழும். சொத்துக்களால் ஆதாயமும் கிடைத்துவரும். கலைத்துறையினருக்கு வரவேற்பு அதிகரிக்கும்.

மாதர்களது நிலை உயரும். ஆன்மிகப்பணிகளில் ஈடுபாடு கூடும். உழைப்புக்கும் திறமைக்கும் உரிய பயன் கிடைத்துவரும்.

அரசியல், நிர்வாகம், வியாபாம், எழுத்து, பத்திரிகை போன்ற துறைகளைச் சேர்ந்தவர்கள் பொறுப்புடன் காரியமாற்றுவது அவசிய மாகும். 30ம் தேதி முதல் மக்களால் நலம் உண்டாகும். வெளிநாடு சென்று பொருள் திரட்டும் யோகம் ஏற்படும்.

1ம் தேதி முதல் குடும்பத்தில் பிரச்னைகள் சூழும். முன்பின் அறிமுகம் இல்லாதவர்களை நம்பி எதிலும் ஈடுபடலாகாது. வீண்வம்பு, வழக்குகளைத் தவிர்க்கவும். உணவுப் பழக்கத்தில் கட்டுப்பாடு தேவை. பயணத்தின்போது பாதுகாப்பு தேவை.

9ம் தேதி பிறந்தவர்களுக்கு: மனோபலம் கூடும். காரியத்தில் வெற்றி கிட்டும். போட்டிகளில் வெற்றி கிடைக்கும்.

18ம் தேதி பிறந்தவர்களுக்கு: வீண் செலவுகளைத் தவிர்ப்பது நல்லது. தந்தை நலனில் கவனம் தேவை. இடமாற்றம் உண்டாகும்.

27ஆம் தேதி பிறந்தவர்களுக்கு: வெற்றி வாய்ப்புகள் கூடும். வாழ்க்கைத்துணைவராலும் மக்களாலும் அனுகூலம் உண்டாகும்.

அதிர்ஷ்டத் தேதிகள்: டிசம்பர் 24, 27, 30, ஜனவரி 3.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism