Published:Updated:

ராசிபலன்

‘ஜோதிடரத்னா’ கே.பி.வித்யாதரன்

ராசிபலன்

‘ஜோதிடரத்னா’ கே.பி.வித்யாதரன்

Published:Updated:

எந்த ஒரு செயலையும் அசாத்தியமாகச் செய்யும் திறன் கொண்டவர்களே! 

ராசிபலன்

உங்கள் பூர்வபுண்ணியாதிபதி சூரியன் 10ம் வீட்டில் பலம் பெற்றிருப்ப தால், உங்களின் நிர்வாகத் திறன் கூடும். அதிகாரப் பதவியில் இருப்பவர் கள் உதவுவார்கள். பணவரவு உண்டு. பிள்ளைகளால் சமூக அந்தஸ்து உயரும். உறவினர்கள் மத்தியில் செல்வாக்கு உயரும். புது வேலை அமையும்.

அரசு காரியங்கள் விரைந்து முடியும். மகளுக்கு நல்ல வரன் அமை யும். புதன் சாதகமான நட்சத்திரங் களில் செல்வதால், பழைய கடனில் ஒரு பகுதியை பைசல் செய்ய முயல்வீர்கள். நட்பு வகையில் நல்ல செய்தி கேட்பீர்கள். சுக்ரன் சாதகமான வீடுகளில் செல்வதால், மனைவிவழியில் உதவிகள் உண்டு.  

குரு 4ல் தொடர்வதால், அடுக்கடுக்காக செலவுகள், ஓய்வெடுக்க முடியாத அளவுக்கு வேலைச்சுமை, சில நேரங்களில் தூக்கமின்மை வந்து நீங்கும். அஷ்டமத்துச் சனி தொடர் வதால், சில நேரங்களில் வாழ்க்கை மீது ஒருவித விரக்தி ஏற்படக்கூடும். வியாபாரத்தில் மாறுபட்ட அணுகு முறையால் லாபம் ஈட்டுவீர்கள். புது வேலையாட்கள் அமைவார்கள். வாடிக்கையாளர்களிடம் கவனமாகப் பழகுங்கள். உத்தியோகத்தில் சவால் களைச் சந்திக்க வேண்டி வரும்.  

கடின உழைப்பால் இலக்கை எட்டும் காலம் இது.

கனவு, கற்பனையை கடின உழைப்பால் நனவாக்குபவர்களே!

ராசிபலன்

உங்கள் ராசிநாதன் சுக்ரன் சாதகமான வீடுகளில் செல்வதால், உங்கள் வார்த்தைக்கு மதிப்பு கூடும். வாகனத்தை சீர் செய்வீர்கள். வீடு கட்ட அனுமதி கிடைக்கும்.

ஆனாலும், 7ல் சனி அமர்ந்திருப்பதால், சில நேரங்களில் சோர்வு, களைப்புடன் காணப்படுவீர்கள். கணவன்மனைவிக்குள் சிலர் குழப்பத்தை ஏற்படுத்த முயற்சி செய்வார்கள். கவனமாக இருங்கள். செவ்வாய் 10ல் நிற்பதால், மனைவி வழியில் உதவி உண்டு.

வழக்கு சாதகமாகும். புதன் சாதகமாக இருப்பதால், பிள்ளைகள் பொறுப்பாக இருப்பார்கள். உயர் கல்வியில் நாட்டம் கூடும். சூரியன் 9ம் வீட்டில் தொடர்வதால், சேமிப்புகள் கரையும். கேது வலுவாக இருப்பதால், வெளிநாடு செல்லும் வாய்ப்பு வரும். கடனாகக் கொடுத்த பணத்தை வசூலிப்பீர்கள்.

குரு 3ல் நீடிப்பதால், சில வேலை களைப் போராடி முடிக்க வேண்டி வரும். புண்ணிய ஸ்தலங்கள் சென்று வருவீர்கள். வியாபாரத்தில் வாடிக்கை யாளர்களின் ரசனையைப் புரிந்துகொள்வீர்கள். உத்தியோகத்தில் மூத்த அதிகாரிகளிடம் அதிக உரிமை எடுத்துக்கொள்ள வேண்டாம். சக ஊழியர்களுடன் அனுசரித்துப் போகவும்.

சுற்றியிருப்பவர்களின் சுயரூபம் அறியும் வேளை இது.

அறிவுக்கு அதிகம் வேலை தருபவர்களே!

ராசிபலன்

6ம் வீட்டில் சனிபகவான் வலுவாக அமர்ந்திருப்பதால், சவாலான விஷயங்களைக்கூட எளிதாக முடிப்பீர்கள். உங்களின் தனித்திறமை அனைத்திலும் பளிச்சிடும். வி.ஐ.பி.களால் பாராட்டப்படுவீர்கள்.

குடும்பத்தில் உங்கள் கை ஓங்கும். ராசிநாதன் புதனும், பூர்வ புண்ணியாதிபதி சுக்ரனும் சாதகமான வீடுகளில் செல்வதால், எதிர்பார்த்த பணம் வரும். உறவினர், நண்பர்கள் வீட்டு விசேஷங்களை முன்னின்று நடத்துவீர்கள். திருமணம் மற்றும் சீமந்தம் போன்ற நிகழ்ச்சிகளால் வீடு களை கட்டும்.

மகனுக்கு அயல்நாட்டுத் தொடர்புள்ள நிறுவனத்தில் வேலை கிடைக்கும். மகளுக்கு நல்ல வரன் அமையும். ராகுவும், கேதுவும் சாதகமாக இல்லாததால், இனம்தெரியாத கவலைகள், வேலைச்சுமை வந்து நீங்கும். பிரார்த்தனைகளை நிறை வேற்றுவீர்கள். சூரியன் 8ல் மறைந் திருப்பதால், சிறுசிறு விபத்துகள், வீண் டென்ஷன், மனஇறுக்கம் ஏற்படும்.

வியாபாரத்தில் வாடிக்கையாளர் களைக் கவர, சில சலுகைகளை அறிவிப்பீர்கள். பழைய பாக்கிகள் வசூலாகும். புது பங்குதாரர் உங்களுடன் இணைவார். உத்தியோகத்தில் உங்கள் கை ஓங்கும். சக ஊழியர்களின் பிரச்னையைத் தீர்த்து வைப்பீர்கள்.

புதிய திட்டங்கள் நிறைவேறும் நேரம் இது.

எப்போதும் சமாதானத்தை விரும்புபவர்களே!

ராசிபலன்

புதனும், சுக்ரனும் சாதகமான வீடுகளில் செல்வதால், எதையும் சமாளிக்கும் சாமர்த்தியம் பிறக்கும். வீடு வாங்க, கட்ட வங்கிக் கடன் உதவி கிடைக்கும். பிள்ளைகள் ஆக்க பூர்வமாகச் செயல்படுவார்கள். பழைய உறவினர்கள், நண்பர்கள் தேடி வந்து பேசுவார்கள். யோகாதிபதி யான செவ்வாய் பகவான் 8ல் மறைந்து நிற்பதால் இடம், பொருள், ஏவலறிந்து செயல்படப் பாருங்கள். சகோதரர்கள் உங்களின் உண்மையான அன்பை, பாசத்தைப் புரிந்துகொள்ள மாட்டார்கள்.

வழக்கில் தீர்ப்பு தள்ளிப் போகும். சொத்து வாங்குவது, விற்பதில் வில்லங்கம் வந்து விலகும். சூரியன் 7ம் வீட்டில் தொடர்வதால், கணவன்மனைவிக்குள் வாக்குவாதங்கள் ஏற்படும். மற்றபடி அரசாங்க விஷயங்கள் சாதகமாக முடியும். தந்தைவழியில் உதவிகள் உண்டு. ஜென்ம குரு நீடிப்பதால் யாருக்கும் ஜாமீன், சாட்சி கையெழுத்திட வேண்டாம்.

வியாபாரத்தில் எதிர்பார்த்த லாபம் வரும். வேலையாட்கள் கொஞ்சம் முரண்டு பிடிக்கத்தான் செய்வார்கள். பங்குதாரரை அனுசரித்துப் போகவும். உத்தியோகத்தில் வேலைச்சுமை இருந்தாலும் மேலதிகாரியின் ஆதரவு கிடைக்கும். சக ஊழியர்களின் குறைகளில் கவனம் செலுத்தவேண்டாம்.

அருகில் இருப்பவர்களை அனுசரித்துப் போக வேண்டிய தருணம் இது.

உள்ளொன்று வைத்து புறமொன்று பேசாதவர்களே!

ராசிபலன்

ராசிநாதன் சூரியன் வலுவாக 6ம் வீட்டிலேயே நிற்பதால், எதிர்பார்ப்புகள் தடையின்றி முடிவடையும். பணபலம் உயரும். அரசியலில் செல்வாக்கு கூடும். பாதியில் நின்ற வீடு கட்டும் பணியைத் தொடங்குவீர்கள். பிள்ளைகள் கேட்டதை வாங்கித் தருவீர்கள். தந்தைவழியில் மதிப்பு, மரியாதை கூடும். 27ம் தேதி வரை புதன் 6ல் மறைந்து நிற்பதால், உறவினர், நண்பர்களுடன் அளவாகப் பழகுங்கள்.

28ம் தேதி முதல் புதன் வக்ரமாகி 5ல் அமர்வதால், உறவினர், நண்பர்களுடன் இருந்த அதிருப்தி விலகும். செவ்வாய் ராசிக்கு 7ல் நிற்பதால், சகோதர வகையில் அன்புத் தொல்லைகள் வந்து போகும். மனைவிக்கு அடிவயிற்றில் வலி, மாதவிடாய்க் கோளாறு வந்து போகும்.

சுக்ரன் சாதகமான வீடுகளில் செல்வதால், கல்யாணம், சீமந்தம், கிரகப்பிரவேசம் போன்ற சுப நிகழ்ச்சிகளால் வீடு களைகட்டும். அர்த்தாஷ்டமச் சனி தொடர்வதாலும், சர்ப்ப கிரகங்களின் போக்கு சாதகமாக இல்லாததாலும், எதிலும் ஒரு பிடிப்பில்லாமல் போகும். வியாபாரத்தில் புது யுக்திகளைக் கையாளுவீர்கள். உத்தியோகத்தில் உயரதிகாரிகளுடன் விவாதம் வரக்கூடும். சக ஊழியர்களால் மறைமுக நெருக்கடிகள் வந்து நீங்கும்.

நிதானமாகப் பயணிக்க வேண்டிய வேளை இது.

சிரிக்கப் பேசி சிந்திக்க வைப்பவர்களே!

ராசிபலன்

செவ்வாய் வலுவாக இருப்பதால், எதையும் சாதிக்கும் துணிச்சல் வரும். நகர எல்லையை ஒட்டியுள்ள பகுதியில் வீடு, மனை வாங்குவீர்கள். சகோதர வகையில் அனுகூலம் உண்டு. உங்கள் ராசிநாதன் புதன் 27ம் தேதி வரை சாதகமாக இருப்பதால், பூர்வீக சொத்து கைக்கு வரும். தாய்மாமன் வகையில் உதவிகள் கிடைக்கும்.

நட்பு வட்டம் விரிவடையும். 28ம் தேதி முதல் புதன் வக்ரமாகி 4ல் அமர்வதால், உறவினர்களுடன் விரிசல்கள் வரக்கூடும். கழுத்து வலி, நரம்புக் கோளாறு, வேலைச்சுமை வந்து போகும். சுக்ரன் 6ல் மறைந்திருப்பதால், தொண்டைப் புகைச்சல், சளித் தொந்தரவு ஏற்படும். கணவன்மனைவிக்குள் அனுசரித்துப் போவது நல்லது.

சூரியன் 5ல் இருப்பதால், பிள்ளைகள் பிடிவாதமாக இருப்பார்கள். சனி வலுவாக 3ல் அமர்ந்திருப்பதால், இழுபறியாக இருந்த வேலைகள் முடியும். வியாபாரத்தில் கணிசமாக லாபம் உயரும். வி.ஐ.பி.களும் வாடிக்கையாளர்களாக அறிமுக மாவார்கள்.

பங்குதாரர்கள் ஒத்துழைப்பார்கள். உத்தியோகத்தில் அதிகாரிகள் உங்களை கலந்தாலோசித்து முக்கிய முடிவுகள் எடுப்பார்கள். சக ஊழியர்கள் அனுசரணையாக இருப்பார்கள்.

எதிர்பார்ப்புகளின்றி உழைக்கும் காலம் இது.

மற்றவர்களின் மனம் புண்படாதபடி பேசுபவர்களே!

ராசிபலன்

சூரியன் சாதகமான வீடுகளில் செல்வதால், மாறுபட்ட அணுகு முறையால் பிரச்னைகளைத் தீர்க்க வழி கிடைக்கும். அரசால் ஆதாயம் உண்டு. மூத்த சகோதரர் சாதகமாக இருப்பார். ராசிநாதன் சுக்ரன் 5ல் நிற்பதால், பிள்ளைகள் நம்பிக்கை தருவார்கள்.  மனைவிவழியில் உங்கள் தேவையறிந்து உதவுவார்கள்.

புதன் சாதகமான வீடுகளில் செல்வதால், தினந்தோறும் எதிர்பார்த்து ஏமாந்த தொகை கைக்கு வரும். உறவினர்கள் வீட்டு விசேஷங்களில் கலந்துகொள்வீர்கள். பால்ய நண்பர்கள் உதவுவார்கள். செவ்வாய் 5ல் நிற்பதால், தெளிவான முடிவுகள் எடுக்க முடியாமல் குழம்புவீர்கள். பிள்ளைகளின் வருங்காலம் குறித்த கவலைகள் வந்து போகும்.

கர்ப்பிணிப் பெண்கள் பயணங்களைத் தவிர்ப்பது நல்லது. பாதச் சனி தொடர்வதால், எதிலும் நம்பிக்கையின்மை, வீண் கவலைகள், ஒருவித படபடப்பு வந்து செல்லும். கேது 6ல் தொடர்வதால், ஆன்மிகப் பெரியோர்களைச் சந்திப்பீர்கள். 10ல் குரு தொடர்வதால், யாருக்கும் பரிந்துரை செய்ய வேண்டாம். புதிய கடன்கள் எதுவும் வாங்கவேண்டாம்.

வியாபார ரகசியங்கள் யார் மூலம் கசிகிறது என்பதை அறிந்து வேலையாட் களை மாற்றுவீர்கள். புது கிளைகள் தொடங்குவீர்கள். உத்தியோகத்தில் உயரதிகாரிகள் உதவிகரமாக இருப்பார்கள். சக ஊழியர்களுடன் அனுசரித்துச் செல்லவும்

சமயோசித புத்தியால் சாதிக்கும் வேளை இது.

அதிகாரத்துக்கு அடிபணியாத வர்களே!

ராசிபலன்

ஏழரைச் சனி தொடர்வதால், கொஞ்சம் மனதில் கலக்கமும், சின்னச் சின்ன ஏமாற்றங்களும் வந்த வண்ணமிருக்கும். யாருக்காகவும் ஜாமீன் கையெழுத்திட வேண்டாம்.

சுக்ரன் சாதகமான வீடுகளில் செல்வதால், பழுதான வண்டியை மாற்றுவீர்கள். கைமாற்றாக வாங்கியிருந்த பணத்தைத் தந்து முடிப்பீர்கள். வி.ஐ.பி.கள் அறிமு கமாவார்கள். கணவன்மனைவிக்குள் ஈகோ பிரச்னை தீரும். அன்னியோன்யம் ஏற்படும். பிள்ளைகளின் திறமைகளை இனம் கண்டறிந்து வளர்ப்பீர்கள்.

கல்யாண முயற்சிகள் பலிதமாகும். யோகாதிபதி சூரியன் 3ல் நிற்பதால், புது வேலை கிடைக்கும். தைரியமாக முக்கிய முடிவுகள் எடுப்பீர்கள். அரசாங்க வேலைகள் உடனே முடியும். புதன் சாதகமான வீடுகளில் செல்வதால், வெளிநாட்டுப் பயணங்கள் உண்டு. உறவினர், நண்பர்கள் உங்களின் பெருந்தன்மையைப் புரிந்து கொள்வார்கள்.

ராசிநாதன் செவ்வாய் சாதகமாக இருப்பதால், வளைந்து கொடுத்து நிமிர்வீர்கள். சொத்து வாங்க முன் பணம் தருவீர்கள். வழக்கில் திருப்பம் ஏற்படும். சகோதரர்களின் விருப்பங் களை நிறைவேற்றுவீர்கள். வியாபாரத் தில் சூட்சுமங்களை உணருவீர்கள். புது இடத்துக்கு கடையை மாற்றுவீர்கள். உத்தியோகத்தில் தொந்தரவு தந்த அதிகாரி மாற்றப்படுவார். சக ஊழியர்கள் அனுசரணையாக இருப்பர்.

காத்திருந்து காய் நகர்த்த வேண்டிய தருணம் இது.

காசு பணத்துக்காக விலை போகாதவர்களே!

ராசிபலன்

2ல் நிற்கும் சூரியன் கறாராகப் பேச வைப்பார். மூக்குக் கண்ணாடி மாற்றுவீர்கள். பல் வலி சரியாகும். புதன் சாதகமான வீடுகளில் செல்வதால், பணவரவு அதிகரிக்கும். மனைவிவழியில் செல்வாக்கு கூடும்.

புது வேலை அமையும். பூர்வீகச் சொத்தைப் புதுப்பிப்பீர்கள். வீட்டை விரிவுபடுத்திக் கட்டுவது, வீடு மாறுவது போன்ற முயற்சிகள் பலிதமாகும். வழக்கில் வெற்றி உண்டு. கல்யாண பேச்சு வார்த்தை சுமுகமாக முடியும். செவ்வாய் 3ம் வீட்டில் நிற்பதால், பிரபலங்கள் வீட்டு விசேஷங்களில் கலந்துகொள்வீர்கள். மரியாதை கூடும்.

பிள்ளைகளால் சமூக அந்தஸ்து உயரும். சொந்தபந்தங்கள் சிலர் உங்கள் உதவியை நாடுவார்கள். வீடு, மனை வாங்க லோன் கிடைக்கும். ராசிநாதன் குரு 8ல் மறைந்து நிற்பதால், சாதுக்களின் ஆசீர்வாதம் பெறுவீர்கள். வெளிமாநில புண்ணிய ஸ்தலங்களுக்குச் சென்று வருவீர்கள். சிக்கனமாக இருக்க வேண்டுமென நினைத்தாலும் அத்தியாவசியச் செலவுகள் அதிகமாகும்.  

ஏழரைச் சனி இருப்பதால், பழைய கடனை நினைத்து அவ்வப்போது கலங்குவீர்கள். வியாபாரத்தில் புதுத் திட்டங்களை நடைமுறைப்படுத்துவீர்கள். பணியாளர்களின் ஒத்துழைப்பு சுமாராக இருக்கும். பங்குதாரர்களிடம் கவனமாக பழகுங்கள். உத்தியோகத்தில் சக ஊழியர்களால் பிரச்னைகள் வந்தாலும் அதிகாரிகளின் பாராட்டால் உற்சாகமடைவீர்கள்.

தட்டுத் தடுமாறி முன்னேறும் வேளை இது.

புரட்சிகரமான சிந்தனை உடைய வர்களே!

ராசிபலன்

குருபகவானும், சனிபகவானும் சாதகமாக இருப்பதால், மதிப்பு, மரியாதை கூடும். உங்களுடன் பழகிக் கொண்டே உங்களுக்கு எதிராக செயல்பட்டவர்களை ஒதுக்குவீர்கள். புது வீடு கட்டி குடிபுகுவீர்கள். உறவினர், நண்பர்கள் வீட்டு விசேஷங்களை யெல்லாம் முன்னின்று நடத்துவீர்கள்.

2ல் செவ்வாய் நிற்பதால், இடம், பொருள் ஏவலறிந்து பேசுங்கள். உடன்பிறந்தவர்கள் உரிமையில் ஏதாவது சொன்னால், கவலைப்பட வேண்டாம். மறப்போம் மன்னிப்போம் என இருப்பது நல்லது. யோகாதிபதி சுக்ரன் சாதகமான வீடுகளில் செல்வதால், பணம் வரும். பொன் வைக்குமிடத்தில் பூ வைப்பதுபோல தர வேண்டிய பணத்தில் ஒரு பகுதியைத் தந்து முடிப்பீர்கள்.

வி.ஐ.பி.களின் நட்பு கிடைக்கும். புதன் சாதகமான நட்சத்திரங்களில் செல்வதால், சாதுர்யமாகப் பேசி சில காரியங்களைச் சாதிப்பீர்கள். உங்களைப் புரிந்துகொள்ளாமல் விலகிச் சென்ற நண்பர்கள், உறவினர்கள் வலிய வந்து பேசுவார்கள்.

சூரியன் ராசிக்குள் நிற்பதால், அரசு காரியங்கள் இழுபறியாகி முடியும். உடல் ஆரோக்யம் உஷ்ணத்தால் பாதிக்கக்கூடும். வியாபாரத்தில் சந்தை நிலவரத்தையும், வாடிக்கையாளர்களின் ரசனைகளையும் புரிந்துகொண்டு, அதற்கேற்ப புது முதலீடுகள் செய்வீர் கள். உத்தியோகத்தில் உயரதிகாரிகளின் மனநிலையை அறிந்து அதற்கேற்ப செயல்படத் தொடங்குவீர்கள்.

வளைந்து கொடுத்து வெற்றி பெறும் வேளை இது.

விட்டுக் கொடுக்கும் குணம் உடையவர்களே!

ராசிபலன்

புதனும், சுக்ரனும் சாதகமான நட்சத்திரங்களில் செல்வதால், உங்களின் புத்திசாலித்தனம் வெளிப்படும். பணவரவு திருப்தி தரும். பூர்வீகச் சொத்தை மாற்றியமைக்கும் முயற்சியில் இறங்குவீர்கள். பிள்ளைகளின் கோரிக்கைகளுக்கு முக்கியத்துவம் தருவீர்கள்.

உறவினர்கள், நண்பர்களுடன் மனம் விட்டுப் பேசுவீர்கள். ராசிக்குள் செவ்வாய் தொடர்வதால், உடல் உஷ்ணத்தால் அடி வயிற்றில் வலி உண்டாகும். வீண் சந்தேகம், ஈகோ பிரச்னையால் கணவன்மனைவிக்குள் மோதல்கள் ஏற்படும். உடன்பிறந்தவர்கள் அதிருப்தி அடைவார்கள்.

வழக்கில் வழக்கறிஞரைக் கலந்தலோசித்து முடிவெடுக்கப் பாருங்கள். குரு 6ல் தொடர்வதால், நினைத்த வேகத்தில் சில வேலைகளை முடிக்க முடியாமல் தடை, தாமதம் ஏற்படக்கூடும். ராகுவும், கேதுவும் சாதகமாக இல்லாததால், டென்ஷன், பதற்றம், வீடு, வாகனப் பராமரிப்புச் செலவுகள் வந்து செல்லும்.

12ல் சூரியன் மறைந்திருப்பதால், வீண் விரயம், வேலைச்சுமை, திடீர் பயணங்கள் வந்து போகும். அரசு விவகாரங்களில் அலட்சியம் வேண்டாம். வியாபாரத்தில் தேங்கிக் கிடந்த சரக்குகளை சாமார்த்தியமாக விற்றுத் தீர்ப்பீர்கள். பாக்கிகளை அலைந்து வசூலிப்பீர்கள். வேலையாட்களின் தொந்தரவு குறையும். உத்தியோகத்தில் சக ஊழியர்களின் விடுப்பால் வேலைச்சுமை அதிகமாகும்.

ஆழம் அறிந்து காலை

விடவேண்டிய காலம் இது.

ராசிபலன்

நல்லது கெட்டது நாலும் தெரிந்தவர்களே!

சூரியன் லாப வீட்டில் நிற்பதால், எதிலும் வெற்றி பெறுவீர்கள். மேல்மட்ட அரசியல்வாதிகளின் தொடர்பு கிடைக்கும். வீடு கட்ட ப்ளான் அப்ரூவலாகும். பெரிய பதவிக்குத் தேர்ந்தெடுக்கப்படுவீர்கள். குடும்பத்தில் உங்கள் கை ஓங்கும்.

உறவினர்களால் ஆதாயம் உண்டு. தந்தைவழி சொத்துப் பங்கை கேட்டு வாங்குவீர்கள். அயல்நாடு செல்லும் வாய்ப்பு வரும். சுக்ரனும், புதனும் சாதகமான வீடுகளில் செல்வதால், புதிதாக டி.வி., ஃப்ரிட்ஜ், செல்போன் வாங்குவீர்கள். மனைவிவழி உறவினர்கள் உங்களின் தியாக உள்ளத்தைப் புரிந்துகொள்வார்கள்.

புது நட்பு மலரும். நெடுநாட்களாக நீங்கள் பார்க்க நினைத்த ஒருவர் உங்களைத் தேடி வருவார். 5ல் குரு வலுவாக அமர்ந்திருப்பதால், சொந்தபந்தங்கள் வீட்டு விசேஷங்களை முன்னின்று நடத்துவீர்கள்.

ராகுவும், கேதுவும் சாதகமாக இல்லாததால், முன்பின் அறியாதவர்களிடம் அநாவசியப் பேச்சைத் தவிர்ப்பது நல்லது. இரவு நேரப் பயணங்களைத் தவிர்ப்பது நல்லது. வியாபாரத்தில் புகழ்பெற்ற நிறுவனங்களுடன் ஒப்பந்தங்கள் செய்வீர்கள். பற்று வரவு உயரும்.

பழைய பங்குதாரர்கள், வாடிக்கை யாளர்கள் தேடி வருவார்கள். உத்தியோகத்தில் அதிகாரி மட்டத்தில் செல்வாக்கு கூடும். சக ஊழியர்கள் உங்கள் வேலைகளைப் பகிர்ந்து கொள்வார்கள்.

புதிய முயற்சிகளில் வெற்றி பெறும் தருணம் இது.