Published:Updated:

ராசி பலன்கள்!

ராசி பலன்கள்!
பிரீமியம் ஸ்டோரி
ராசி பலன்கள்!

பிப்ரவரி 24 முதல் மார்ச் 8 வரை`ஜோதிட ரத்னா’ கே.பி.வித்யாதரன்ஜோதிடம்

ராசி பலன்கள்!

பிப்ரவரி 24 முதல் மார்ச் 8 வரை`ஜோதிட ரத்னா’ கே.பி.வித்யாதரன்ஜோதிடம்

Published:Updated:
ராசி பலன்கள்!
பிரீமியம் ஸ்டோரி
ராசி பலன்கள்!

வருமானம் அதிகரிக்கும்!

ராசி பலன்கள்!

மேஷம்: சவாலான காரியங்களையும் சுலபமாக முடிப்பவர்களே! சூரியனும், குருவும் சாதகமாக இருப்பதால், எதிலும் உங்கள் கை ஓங்கும். வருமானம் அதிகரிக்கும். பிப்ரவரி 26-ம் தேதி முதல் ராசிநாதன் செவ்வாய் 8-ல் ஆட்சிபெற்று அமர்வதால்... அழகு, ஆரோக்கியம் கூடும். சனியுடன் செவ்வாய் அமர்வதால், தூக்கமின்மை வந்து செல்லும். வியாபாரத்தில் தரமான சரக்குகளை மொத்த விலையில் வாங்குவீர்கள். அலுவலகத்தில் சக ஊழியர்கள் மத்தியில் மதிப்பு கூடும்.

வல்லமை உண்டாகும்!

ஒட்டுமொத்த விகடனுக்கும் ஒரே ஷார்ட்கட்!

ராசி பலன்கள்!

ரிஷபம்: மற்றவர்களின் மனப்போக்கை எளிதில் புரிந்துகொள்பவர்களே! செவ்வாய் சாதகமான வீடுகளில் செல்வதால், எதிரிகளை வீழ்த்தும் வல்லமை உண்டாகும். உங்களின் நிர்வாகத் திறமையை மற்றவர்கள் மதிப்பார்கள். என்றாலும் சனி, ராகு, கேது மற்றும் குரு ஆகிய கிரகங்கள் உங்களுக்கு சாதகமாக இல்லாததால்... அலைச்சல், வீண் டென்ஷன் வந்து செல்லும். வியாபாரத்தில் பாக்கிகளைப் போராடி வசூலிப்பீர்கள். உத்யோகத்தில் அதிகாரிகளால் அலைக்கழிக்கப்படுவீர்கள்.     
                         
இனிமை பொங்கும் இல்லறம்!

ராசி பலன்கள்!

மிதுனம்: எந்த சூழ்நிலையிலும் தன்மானத்தை விட்டுக்கொடுக்காதவர்களே! ராகு 3-ம் வீட்டில் வலுவாக அமர்ந்திருப்பதால், புது வீடு வாங்குவீர்கள். வாழ்க்கைத் துணைவர் அனுசரணையாக இருப்பார். கேதுவும், சூரியனும் 9-ம் வீட்டில் நிற்பதால், அரசு விவகாரங்களில் அலட்சியம் வேண்டாம். 3-ல் குரு நிற்பதால் கவலைகள் வந்து நீங்கும். வியாபாரத்தில் சந்தை ரகசியங்களைத் தெரிந்துகொள்வீர்கள். உத்யோகத்தில் உங்கள் திறமையைப் பயன்படுத்தி சிலர் முன்னேறுவார்கள்.

பிரச்னைகள் குறையும்!

ராசி பலன்கள்!

கடகம்: சூழ்நிலைக்குத் தகுந்தாற்போல் நடந்துகொள்வதில் வல்லவர்களே! சுக்கிரனும், புதனும் சாதகமான வீடுகளில் செல்வதால், பணவரவு அதிகரிக்கும். பிப்ரவரி 26-ம் தேதி முதல் செவ்வாய் ஆட்சிபெற்று 5-ம் வீட்டில் அமர்வதால், பிரச்னைகள் வெகுவாக குறையும். சூரியனும், கேதுவும் 8-ல் தொடர்வதால், உடல் உபாதை வந்து செல்லும். வியாபாரத்தில் வேலையாட்கள் கடமை உணர்வுடன் செயல்படுவார்கள். உத்யோகத்தில் நீங்கள் உயரதிகாரிகளால் மதிக்கப்படுவீர்கள்.

அவசரம் வேண்டாம்!

ராசி பலன்கள்!

சிம்மம்: தொலைநோக்குச் சிந்தனை உள்ளவர்களே! பிப்ரவரி 26-ம் தேதி முதல் யோகாதிபதி செவ்வாய் ஆட்சிபெற்று 4-ம் வீட்டில் அமர்வதால், உடன்பிறந்தவர்கள் மதிப்பார்கள். வீடு, வாகனத்தை சீர்செய்வீர்கள். சுக்கிரன் 6-ல் மறைந்திருப்பதால், அரசு காரியங்கள் இழுபறியாகும். ராசிக்குள் ராகுவும், குருவும் தொடர்வதுடன், அர்த்தாஷ்டமச் சனி நீடிப்பதால், எதிலும் அவசரப்பட வேண்டாம். வியாபாரத்தில் அதிகம் உழைக்க வேண்டி வரும். உத்யோகத்தில் வளைந்துகொடுத்துப் போவது நல்லது.
   
தொட்டது துலங்கும்!

ராசி பலன்கள்!

கன்னி: கலை உணர்வும், பணிவான பேச்சும் உள்ளவர்களே! சூரியன் வலுவாக இருப்பதால், உங்களுக்கு எடுத்த காரியத்தில் வெற்றி கிட்டும். நீங்கள் எதிர்பார்த்த தொகை கைக்கு வரும். பிப்ரவரி 25-ம் தேதி முதல் ராசிநாதன் புதன் 6-ல் மறைவதால், உடல்நலக் கோளாறு வந்து நீங்கும். சனி வலுவாக அமர்ந்திருப்பதால், வேற்றுமதத்தை சார்ந்தவர்கள் ஆதரவாக இருப்பார்கள். வியாபாரத்தில் இரட்டிப்பு லாபம் உண்டு. உத்யோகத்தில் சூழ்ச்சிகளைத் தாண்டி முன்னேறுவீர்கள்.

தன்னை அறியும் நேரம்!

ராசி பலன்கள்!

துலாம்: நீதியின் பக்கம் நிற்பவர்களே! சுக்கிரனும், புதனும் சாதகமான வீடுகளில் செல்வதால்... உங்கள் பலம், பலவீனத்தை உணர்வீர்கள். வீடு, மனை வாங்குவது விற்பது சுமுகமாக முடியும். ராசிக்கு 5-ல் கேதுவும், சூரியனும் நிற்பதால்... யாரையும், எதற்கும் பரிந்துரை செய்ய வேண்டாம். பாதச் சனி தொடர்வதால், முக்கிய ஆவணங்களைக் கவனமாக கையாளுங்கள். வியாபாரத்தில் லாபம் கிட்டும். புதியவர்களை உடனடியாக நம்ப வேண்டாம். உத்யோகத்தில் திறமைகள் வெளிப்படும்.

மனக்குழப்பம் மறையும்!

ராசி பலன்கள்!

விருச்சிகம்: செய்நன்றி மறவாதவர்களே! ராசிக்கு சாதகமான வீடுகளில் சுக்கிரனும், புதனும் செல்வதால், சேமிக்கத் தொடங்குவீர்கள். பிப்ரவரி 26-ம் தேதி முதல் ராசிநாதன் செவ்வாய் உங்கள் ராசியிலேயே ஆட்சிபெற்று அமர்வதால், மனக்குழப்பம் மறையும். என்றாலும், ராசிநாதன் சனியுடன் சேர்வதால் உடல் உபாதை வந்து போகும். வியாபாரத்தில் சில நுணுக்கங்களை கற்றுக்கொள்வீர்கள். உத்யோகத்தில் மற்றவர்களை நம்பி பொறுப்புகளை ஒப்படைக்க வேண்டாம்.

புதிய முயற்சிகள் ஈடேறும்!


ராசி பலன்கள்!

தனுசு: தயாள சிந்தனை அதிகமுள்ளவர்களே! சூரியனும், கேதுவும் 3-ம் வீட்டில் வலுவாக அமர்ந்திருப்பதால், தைரியம் கூடும். பூர்வீக சொத்து கைக்கு வரும். நீண்ட நாட்களாக பார்க்க நினைத்த உறவினர், தோழியை சந்தித்து மகிழ்வீர்கள். ஏழரைச் சனி தொடர்வதால், ஒருவித வெறுமை, கவலை வந்து செல்லும். வியாபாரம் தழைக்கும். உங்களுக்கு உதவ சிலர் முன்வருவார்கள். உத்யோகத்தில் அதிகாரிகள் உங்களுடைய புது முயற்சிகளுக்கு பக்கபலமாக இருப்பார்கள்.

கொடுத்த கடன் திரும்ப வரும்!


ராசி பலன்கள்!

மகரம்: விட்டுக்கொடுத்துச் செல்பவர்களே! செவ்வாய் சாதகமான வீடுகளில் செல்வதால், சுபநிகழ்ச்சிகளால் வீடு களைகட்டும். கடனாக கொடுத்த பணம் திரும்பி வரும். 2-ம் வீட்டிலேயே சூரியன் தொடர்வதால், வீண் வாக்குவாதங்கள், மறைமுக எதிர்ப்புகள் வந்து செல்லும். சர்ப்ப கிரகங்கள் சாதகமாக இல்லாததால், உடல் நலக் கோளாறு வந்து நீங்கும். வியாபாரத்தில் வாடிக்கையாளர்கள் எண்ணிக்கை அதிகரிக்கும். உத்யோகத்தில் உயரதிகாரியின் ஆதரவு உண்டு.    

செல்வாக்கு உயரும்!

ராசி பலன்கள்!

கும்பம்: `தர்மம் தலைக்காக்கும்’ என்பதை அறிந்தவர்களே! குரு உங்கள் ராசியைப் பார்த்துக்கொண்டிருப்பதால், பிரச்னைகளை சாமர்த்தியமாக சமாளிக்கும் மனப்பக்குவம் கிடைக்கும். தோழிகளில் சிலர் உங்கள் தேவையறிந்து உதவுவார்கள். சூரியனும், கேதுவும் உங்கள் ராசியிலேயே நிற்பதால், சிக்கனமாக இருங்கள். யாருக்கும் பணம் வாங்கித் தருவதில் ஈடுபட வேண்டாம். வியாபாரத்தில் எதிர்பார்த்த லாபம் வரும். உத்யோகத்தில் அதிகாரிகள் மட்டத்தில்  உங்கள் செல்வாக்கு உயரும்.

செயல் வேகம்... பிரமாதம்!

ராசி பலன்கள்!

மீனம்: புதிய சிந்தனை அதிகம் உள்ளவர்களே! 26-ம் தேதி முதல் செவ்வாய் ஆட்சிபெற்று 9-ம் வீட்டில் நுழைவதால், உங்களின் செயல் வேகம் கூடும். எதிர்பார்த்த பணவரவு உண்டு. உறவினர்கள், தோழிகளின் வருகையால் வீடு ககலப்பாக இருக்கும். உங்கள் ராசிநாதன் குரு 6-ல் மறைந்திருப்பதால், உறவினரால்  பிரச்னை வந்து விலகும். வியாபாரத்தில் வரவு உயரும். வாடிக்கையாளர்களின் எண்ணிக்கை அதிகரிக்கும். உத்யோகத்தில் உங்கள் உழைப்புக்கு தகுந்த  பாராட்டு கிடைக்கும்.