Published:Updated:

ராசி பலன்கள்

ராசி  பலன்கள்
பிரீமியம் ஸ்டோரி
ராசி பலன்கள்

ஏப்ரல் 20-ம் தேதி முதல் மே 3-ம் தேதி வரை`ஜோதிட ரத்னா’ கே.பி.வித்யாதரன்

ராசி பலன்கள்

ஏப்ரல் 20-ம் தேதி முதல் மே 3-ம் தேதி வரை`ஜோதிட ரத்னா’ கே.பி.வித்யாதரன்

Published:Updated:
ராசி  பலன்கள்
பிரீமியம் ஸ்டோரி
ராசி பலன்கள்

பணப்புழக்கம் அதிகரிக்கும்!

ராசி  பலன்கள்

மேஷம்: அதர்மத்துக்கு தலைவணங்காதவர்களே! குரு 5-ம் வீட்டில் வலுவாக அமர்ந்திருப்ப தால், எதிலும் உங்கள் கை ஓங்கும். பணப்புழக்கம் அதிகரிக்கும். நீண்ட நாட்களாக நீங்கள் பார்க்க நினைத்த உறவினரை சந்தித்து மகிழ்வீர்கள். 8-ல் சனி தொடர்வதால், உடல் உபாதை  வந்து செல்லும். பிள்ளைகளால் அலைச்சல் இருக்கும். வியாபாரத்தில் வரவு உயரும். புதிய வாடிக்கையாளர்கள் தேடி வருவார்கள். உத்யோகத்தில் நீங்கள் காலநேரமில்லாமல் உழைக்க வேண்டி வரும்.

செவ்வாய் பகவான் கைகொடுப்பார்!

ராசி  பலன்கள்

ரிஷபம்: தடைகளைக் கண்டு துவளாதவர்களே! சப்தமாதிபதி செவ்வாய் 7-ல் ஆட்சிபெற்று அமர்ந்திருப்பதால், வீடு வாங்குவது, விற்பது சாதகமாக அமையும். 4-ல் ராகுவும், குருவும் நிற்பதால், மன இறுக்கம் வந்து போகும். சூரியன் 12-ல் மறைந்திருப்பதால், வேலைச்சுமை அதிகரிக்கும். கண்டகச் சனி தொடர்வதால், வாழ்க்கைத் துணைவருக்கு டென்ஷன் ஏற்படும். வியாபாரத்தில் வாடிக்கையாளர்களைத் தக்கவைத்துக்கொள்ளப் போராட வேண்டி வரும். உத்யோகத்தில் அலட்சியம் வேண்டாம்.

பதவி உயர வாய்ப்பு!

ராசி  பலன்கள்

மிதுனம்: நெருக்கடி நேரத்திலும் பொறுமை இழக்காதவர்களே! சூரியன் வலுவாக அமர்ந்திருப்பதால், கடினமான வேலைகளையும் எளிதாக செய்து முடிப்பீர்கள். ஷேர் மூலம் பணம் வரும். மகளுக்கு நல்ல வரன் அமையும். மகனை விரும்பிய கல்வி நிறுவனத்தில் சேர்ப்பீர்கள். கேதுவும், குருவும் சாதகமாக இல்லாததால், வரவுக்கு மிஞ்சிய செலவுகள் ஏற்படலாம். வியாபாரத்தில் உங்கள் நிறுவனத்தின் புகழ் கூடும். உத்யோகத்தில் பதவி உயர்வுக்காக உங்களுடைய பெயர் பரிசீலிக்கப்படும்.

நட்பு வட்டம் விரியும்!

ராசி  பலன்கள்

கடகம்: பிரச்னைகளின் ஆணிவேரைக் கண்டறிபவர்களே! புதனும், சூரியனும் வலுவாக 10-ல் நிற்பதால், நீங்கள் எதிர்பார்த்த பணத்தில் ஒரு பகுதி கிடைக்கும். புது பொறுப்பு தேடி வரும். நட்பு வட்டம் விரியும். ராகுவும், கேதுவும் சாதகமாக இல்லாததால், யாரையும் பகைத்துக்கொள்ளாதீர்கள்; யாருக்காகவும் எந்த உறுதிமொழியும் தராதீர்கள். வியாபாரத்தில் போட்டிகளை சமாளித்து லாபம் சம்பாதிப்பீர்கள். உத்யோகத்தில் சக ஊழியர்கள் அனுசரணையாக இருப்பார்கள்.  

உதவிக்கரங்கள் நீளும்! 

ராசி  பலன்கள்

சிம்மம்: மற்றவர்களை மதிப்பீடு செய்வதில் வல்லவர்களே! சுக்கிரனும், புதனும் சாதகமான நட்சத்திரங்களில் செல்வதால், கேட்ட இடத்தில் உதவிகள் கிடைக்கும். அர்த்தாஷ்டமச் சனி தொடர்வதுடன் ராசிக்குள் ராகுவும், குருவும் தொடர்வதால்... வீடு, வாகனப் பராமரிப்புச் செலவுகள் ஏற்படும். வியாபாரத்தில் பழைய பாக்கிகளை வசூலிப்பீர்கள். உத்யோகத்தில் சக ஊழியர்களில் சிலர் இரட்டை வேடம் போடுவதை உணர்ந்துகொள்வீர்கள்.

பிள்ளைகளால் பெருமை!

ராசி  பலன்கள்

கன்னி: கால நேரம் பார்க்காமல் உழைப்பவர்களே! சனியும், செவ்வாயும் வலுவாக 3-ம் இடத்தில் நிற்பதால், பிள்ளைகள் முன்னேற வேண்டுமென துடிப்பார்கள். பணவரவு அதிகரிக்கும். 12-ல் ராகுவும், குருவும் தொடர்ந்துகொண்டிருப்பதால்... அலைச்சல், செலவுகள், உடல் நலக் கோளாறு, நிம்மதியின்மை வந்து போகும். வியாபாரத்தில் சந்தை நிலவரம் அறிந்து புது முதலீடுகள் செய்வீர்கள். உத்யோகத்தில் உங்களுக்கு சின்னச் சின்ன இடையூறுகள் வரும்.       

தொட்டது எல்லாம் துலங்கும்!

ராசி  பலன்கள்

துலாம்: எதிலும் புதுமையை விரும்புபவர்களே! லாப ஸ்தானத்தில் குருவும், ராகுவும் நிற்பதால், தொட்ட காரியம் துலங்கும். ஏப்ரல் 25-ம் தேதி வரை ராசிநாதன் சுக்கிரன் 6-ல் மறைந்திருப்பதால், வாகனப் பழுது ஏற்படலாம். 26-ம் தேதி முதல் சுக்கிரன் 7-ல் அமர்ந்து உங்கள் ராசியைப் பார்க்கவிருப்பதால், வாழ்க்கைத் துணைவர் கனிவாகப் பேசுவார். பாதச் சனி தொடர்வதால்... டென்ஷன் வந்து செல்லும். வியாபாரத்தில் ரகசியங்கள் கசிவதை சரிசெய்வீர்கள். உத்யோகத்தில் செல்வாக்கு உயரும்.

எதிர்த்தவர்கள் நண்பர்களாவார்கள்!

ராசி  பலன்கள்

விருச்சிகம்: நியாயத்தைப் பேசுபவர்களே! சூரியன் 6-ம் வீட்டில் அமர்ந்திருப்பதால், எதிர்த்தவர்கள் நண்பர்களாவார்கள். வீடு கட்ட வங்கிக் கடன் கிடைக்கும். புதன் 6-ல் மறைந்திருப்பதுடன், சுக்கிரனும் ஏப்ரல் 26-ம் தேதி முதல் 6-ல் நுழைவதால், உறவினர், தோழிகளுடன் நெருடல்கள் வந்து நீங்கும். குருவும், ராகுவும் 10-ல் நீடிப்பதால், வேலைச்சுமை அதிகமாகும். வியாபாரத்தில் போட்டிகள் இருக்கும். உத்யோகத்தில் உங்கள் உழைப்புக்கு அங்கீகாரம் கிடைக்கவில்லையே என ஆதங்கப்படுவீர்கள்.

வீடு, வாகன வசதி பெருகும்!

ராசி  பலன்கள்

தனுசு: தயாள குணம் உள்ளவர்களே! ராசிநாதன் குரு வலுவாக இருப்பதால், வராது என்றிருந்த பணம் கைக்கு வரும். வீடு, வாகன வசதி பெருகும். சூரியன் 5-ல் நிற்பதால், பிள்ளைகளால் செலவுகள் இருக்கும். ஏழரைச் சனி தொடர்வதால், அவசர முடிவுகளைத் தவிர்க்கப் பாருங்கள். யாருக்காகவும் சாட்சி கையொப்பமிட வேண்டாம். வியாபாரத்தில் லாபம் உயரும். வேலையாட்கள் விசுவாசமாக நடந்துகொள்வார்கள். உத்யோகத்தில் நீங்கள் அதிகாரிகளுக்கு நெருக்கமாவீர்கள்.

சமயோஜிதம் சாதிக்க வைக்கும்!

ராசி  பலன்கள்

மகரம்: பாரம்பர்ய பழக்கங்களை விட்டுக்கொடுக்காதவர்களே! புதன் சாதகமாக இருப்பதால், சமயோஜிதமாகப் பேசி காரியம் சாதிப்பீர்கள். பிள்ளைகள் கேட்டதை வாங்கித் தருவீர்கள். சொத்து வாங்க முன் பணம் கொடுப்பீர்கள். ராகு, கேது மற்றும் குரு சாதகமாக இல்லாததால், அநாவசியச் செலவுகள் அதிகமாகும். முக்கிய கோப்புகளை கவனமாகக் கையாளுங்கள். வியாபாரத்தில் போராடி லாபம் ஈட்டுவீர்கள். உத்யோகத்தில் மேலதிகாரியின் ஆலோசனையின்றி புது முயற்சிகளில் ஈடுபடாதீர்கள்.

அயல்நாட்டில் இருப்பவர்களால் ஆதாயம்!

ராசி  பலன்கள்

கும்பம்: கூடிவாழ ஆசைப்படுபவர்களே! சூரியன் 3-ம் வீட்டில் வலுவாக அமர்ந்திருப்பதால், மனோபலம் அதிகரிக்கும். பணவரவு திருப்தி தரும். சொத்துச் சிக்கல்கள் சுமுகமாக முடியும். குடும்பத்துடன் சுற்றுலா சென்று வருவீர்கள். அயல்நாட்டில் இருப்பவர்களால் ஆதாயம் உண்டு. சர்ப்ப கிரகங்கள் சாதகமாக இல்லாததால், உடல் உபாதை வந்து போகும். வியாபாரத்தில் நெளிவு சுளிவுகளைக் கற்றுக்கொள்வீர்கள். பழைய பாக்கிகள் வசூலாகும். உத்யோகத்தில் சூழ்ச்சிகளை முறியடிப்பீர்கள். 

உழைப்பு உயர்த்தி வைக்கும்!

ராசி  பலன்கள்

மீனம்: அனுபவ அறிவால் மற்றவர்களை அசத்துபவர்களே! சுக்கிரனும், புதனும் சாதகமாக இருப்பதால், புதிய திட்டங்கள் தீட்டுவீர்கள். சுப நிகழ்ச்சிகளை முன்னின்று நடத்துவீர்கள்.  உங்களின் கடின உழைப்புக்கு பாராட்டு கிடைக்கும். 6-ல் குரு மறைந்திருப்பதால்... வேலைச்சுமை, எதிலும் ஈடுபாடற்ற நிலை வந்து செல்லும். வியாபாரத்தில் எதிர்பார்த்த ஒப்பந்தம் உங்களுக்குக் கிடைக்கும். உத்யோகத்தில் உங்களுக்கு அதிகாரிகள், சக ஊழியர்களால் உதவிகள் உண்டு.