Published:Updated:

ராசிபலன்

ராசிபலன்
பிரீமியம் ஸ்டோரி
News
ராசிபலன்

ஜுன் 21 - ஜுலை 4‘ஜோதிடரத்னா’ கே.பி.வித்யாதரன்

ராசிபலன்

ழுத்தமான கொள்கைப் பிடிப்பு உள்ளவர்களே!

புதனும் சுக்கிரனும் சாதகமாக இருப்பதால், நினைத்தது நிறைவேறும். பணம் எதிர்பார்த்த வகையில் வரும். கல்யாண முயற்சிகள் பலிதமாகும். சிலர் புது வாகனம் வாங்குவீர்கள். குருபகவான் 5-ல் தொடர்வதால், வேலை கிடைக்கும். நட்பு வட்டம் விரியும். புது வீடு கட்டத் தொடங்குவீர்கள். கோயில் கும்பாபிஷேகத்துக்கு நன்கொடை வழங்குவீர்கள். சூரியனும் 3-ம் இடத்தில் வலுவாக அமர்ந்திருப்பதால், பிள்ளைகளால் சமூகத்தில் அந்தஸ்து உயரும். அரசாங்க விஷயங்கள் சாதகமாக அமையும். வழக்கில் வெற்றி பெறுவீர்கள். கடன் பிரச்னைகள் கட்டுப்பாட்டுக்குள் வரும். சனி 8-ல் அமர்ந்து அஷ்டமத்துச் சனியாகத் தொடர்வதால், யாரையும் நம்பி பெரிய முடிவுகள் எடுக்க வேண்டாம். முடிந்தவரை விட்டுக் கொடுக்கும் மனப்பான்மையுடன் நடந்துகொண்டால் நல்லது.

வியாபாரத்தில் புகழ் பெற்ற நிறுவனங்களுடன் புதிய ஒப்பந்தம் செய்வீர்கள். கனிவாகப் பேசி வாடிக்கையாளர்களைக் கவருவீர்கள். உத்தியோகத்தில் உயரதிகாரிகள் உங்களை நம்பி சில முக்கிய பொறுப்புகளை ஒப்படைப்பார்கள். கலைத்துறையினரே! உங்களின் நீண்ட நாள் கனவு நனவாகும்.

உதவும் குணத்தால் பாராட்டப்படும் காலம் இது.

ராசிபலன்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பிரச்னைகளைக் கண்டு அஞ்சாதவர்களே!

உங்கள் தன-பூர்வ புண்ணியாதிபதி புதன் 2-ல் ஆட்சி பெற்று அமர்ந்திருப்பதால், தன்னம்பிக்கையால் சாதிப்பீர்கள். குடும்பத்தில் மகிழ்ச்சி, பணவரவு உண்டு. ஆனால், 2-ல் நிற்கும் சூரியன் சேமிப்புகளைக் கரைப்பார். பணப்பற்றாக்குறையை ஏற்படுத்துவார். ராசிநாதன் சுக்கிரன் வலுவாக நிற்பதால், எதிர்நீச்சல் போட்டு எல்லாவற்றிலும் வெற்றி பெறுவீர்கள். குருவும், ராகுவும் 4-ல் நீடிப்பதால், வழக்கால் நிம்மதி இழப்பீர்கள். முக்கிய ஆவணங்களில் கையெழுத்திடும் முன் யோசித்து செயல்படுங்கள். சிலர் உங்களைத் தவறானப் போக்குக்குத் தூண்டுவார்கள்.

கண்டகச் சனி தொடர்வதால், வாழ்க்கைத் துணைக்கு சிறுசிறு அறுவை சிகிச்சை, மூச்சுப் பிடிப்பு, காய்ச்சல் வந்து போகும். வியாபாரத்தில் அதிரடியான செயல்களால் போட்டிகளைச் சமாளிப்பீர்கள். உத்தியோகத்தில் மூத்த அதிகாரிகளிடம் உரிமை எடுத்துக் கொள்ள வேண்டாம். கலைத்துறையினரே! உங்களின் திறமைகளை வெளிப்படுத்த நல்ல வாய்ப்புகள் வரும்.

ஏமாற்றங்கள், எதிர்ப்புகளைக் கடக்கும் நேரம் இது.

ராசிபலன்

பந்த, பாசத்துக்கு கட்டுப்பட்டவர்களே!

சனி வலுவாக 6-ல் அமர்ந்திருப்பதாலும், ராகு 3-ல் நிற்பதாலும் நெருக்கடிகளைச் சமாளிக்கும் சாமர்த்தியம் பிறக்கும். பெரிய மனிதர்களின் நட்பு கிடைக்கும். நகர எல்லையை ஒட்டியுள்ள பகுதியில் வீட்டுமனை வாங்குவீர்கள். வேற்றுமொழி, இனத்தவர்களால் உதவிகள் கிடைக்கும். சூரியன் ராசிக்குள் நிற்பதால், அரசு காரியங்கள் தாமதமாக முடியும். பூர்வ புண்ணியாதிபதி சுக்கிரன் வலுவாக இருப்பதால், நட்பு வட்டம் விரிவடையும். புண்ணிய ஸ்தலங்களுக்குச் சென்று பிரார்த்தனைகளை முடிப்பீர்கள். கேட்ட இடத்திலிருந்து பணம் கிடைக்கும். நண்பர்கள் பக்கபலமாக இருப்பார்கள். 3-ல் குரு நீடிப்பதால், முயற்சிகள் தாமதமாகி முடியும். திட்டமிடாத செலவுகளைப் போராடி சமாளிப்பீர்கள்.

30-ம் தேதி வரை செவ்வாய் வக்கிரமாகி 5-ல் நிற்பதால், மனக்குழப்பம், வீடு, மனை வாங்குவது, விற்பதில் வில்லங்கம் வந்து செல்லும். வியாபாரத்தில் பழைய சரக்குகள் விற்கும். புதிய வாடிக்கையாளர்களின் எண்ணிக்கை அதிகமாகும். உத்தியோகத்தில் இடமாற்றம் உண்டு. கலைத்துறையினரே! உங்களின் கலைத் திறன் வளரும்.

எதிர்ப்புகளையும் தாண்டி முன்னேறும் வேளை இது.

ராசிபலன்

நேர்மையை நேசிப்பவர்களே!

குரு 2-ம் வீட்டில் நிற்பதால், செல்வம், செல்வாக்கு கூடும். அடுத்தடுத்த விசேஷங்களால் வீடு களை கட்டும். தங்க ஆபரணம் வாங்குவீர்கள். பிள்ளைகள் ஆக்கப்பூர்வமாக செயல்படுவார்கள். சுக்கிரன் சாதகமாக இருப்பதால், சுபச் செலவுகள் அதிகமாகும். வாகனப் பழுதை சரி செய்வீர்கள். சிக்கனமாக செலவழித்து சேமிக்கத் தொடங்குவீர்கள். செவ்வாய் வக்கிரமானாலும் 4-ல் நிற்பதால், முன்பணம் கொடுத்து முடிக்கப்படாமல் இருந்த சொத்தை மீதிப் பணம் தந்து பத்திரப் பதிவு செய்வீர்கள். சகோதரர்கள் உங்களுக்கு மதிப்பளிப்பார்கள். புதன் சாதகமான நட்சத்திரங்களில் செல்வதால், உறவினர்களுக்கு மத்தியில் ஒருபடி உயர்ந்து நிற்க நினைப்பீர்கள்.

ராசிக்கு 12-ல் சூரியன் நிற்பதால், முன்கோபம், திடீர் பயணங்கள் வந்து போகும். வியாபாரத்தில் நவீன யுக்திகளைக் கையாளுவீர்கள். அனுபவமிக்க வேலையாட்களைத் தேடுவீர்கள். உத்தியோகத்தில் மேலதிகாரியிடம் நற்பெயரை எடுப்பீர்கள். சக ஊழியர்களும் அனுசரித்துப் போவார்கள். கலைத்துறையினரே! பொது நிகழ்ச்சிகளுக்குத் தலைமை தாங்கும் அளவுக்கு பிரபலமாவீர்கள்.

புதிய பாதையில் பயணிக்கும் தருணம் இது. 

ராசிபலன்

எதையும் தாங்கும் இதயம் கொண்டவர்களே!

லாப வீட்டிலேயே சூரியனும் புதனும் நிற்பதால், உங்களின் ஆளுமைத் திறன் அதிகரிக்கும். வீடு கட்ட அரசாங்கத்திடமிருந்து ப்ளான் அப்ரூவல் வந்து சேரும். குறைந்த வட்டிக்கு வங்கிக் கடன் உதவி கிடைக்கும். பிள்ளைகளின் விருப்பங்களை நிறைவேற்றுவீர்கள். சுக்கிரன் சாதகமாக இருப்பதால், கல்யாண விஷயம் சாதகமாக முடியும். மனைவி வழியில் எதிர்பார்த்த உதவிகள் கிடைக்கும். 30-ம் தேதி வரை செவ்வாய் வக்கிரமானாலும் 3-ல் நிற்பதால், சொத்து வாங்கும் யோகம் உண்டாகும். சகோதர வகையில் ஒற்றுமை பலப்படும்.

ஜன்ம ராசியிலேயே குருவும், ராகுவும் தொடர்வதால், கௌரவக் குறைவான சம்பவங்கள் நிகழும். முதுகு வலி, வாயுத் தொந்தரவால் நெஞ்சு எரிச்சல், செரிமானக் கோளாறு, மூட்டு வலி வந்து போகும். எவ்வளவு பணம் வந்தாலும் பற்றாக்குறை நீடிக்கும். வியாபாரத்தில் புது இடத்துக்கு கடையை மாற்றுவீர்கள். உத்தியோகத்தில் இடமாற்றம், டென்ஷன் வந்து செல்லும். சிலர் உங்கள் பெயரை தவறாகப் பயன்படுத்துவார்கள். கலைத்துறையினரே! புதுமையாக சில படைப்புகளை வெளியிட்டு அனைவரின் கவனத்தையும் ஈர்ப்பீர்கள்.

நினைத்ததை முடிக்கும் நேரம் இது.

ராசிபலன்

பழைய அனுபவங்களைப் பதிவு செய்பவர்களே!

ராசிநாதன் புதன் 10-ல் ஆட்சி பெற்று அமர்ந்திருப்பதால், கற்பனை வளம் பெருகும். வாழ்க்கைத்துணையுடன் மனம் விட்டுப் பேசுவீர்கள். உறவினர்களால் ஆதாயம் கிடைப்பதுடன் கௌரவமும் ஒருபடி உயரும். சூரியனும் 10-ல் நிற்பதால், தடைகள் நீங்கும். பதவிகள் தேடி வரும். சிலருக்கு அயல்நாட்டில் வேலை அமையும். அரசாங்க விஷயங்கள் சாதகமாக முடியும். ராசிக்கு 12-ல் குருவும், ராகுவும் தொடர்வதால், வாகன விபத்துகள் வரக்கூடும். கோபத்தால் நல்லவர்களின் நட்பை இழக்க நேரிடும். 3-ல் சனி நீடிப்பதால், வெளிநாட்டில் இருக்கும் நண்பர்களால் உதவிகள் உண்டு.

கேது 6-ல் தொடர்வதால், திருமணம், சீமந்தம் போன்ற சுப நிகழ்ச்சிகளால் வீடு களைகட்டும். குடும்பத்தினருடன் சென்று குலதெய்வப் பிரார்த்தனையை நிறைவேற்றுவீர்கள். வியாபார ரகசியங்கள் யார் மூலம் கசிகிறது என்பதை அறிந்து புதிய முடிவு எடுப்பீர்கள். வாடிக்கையாளர்கள் விரும்பி வருவார்கள். உத்தியோகத்தில் அதிகாரிகள் தொடர்ந்து உங்களுக்கு முக்கியத்துவம் தருவார்கள். கலைத்துறையினரே! வேற்றுமொழி வாய்ப்புகளால் புகழடைவீர்கள்.

இங்கிதமான பேச்சால் வெற்றி பெறும் வேளை இது.

ராசிபலன்

உயர்வான எண்ணம் உடையவர்களே!

ராசிநாதன் சுக்கிரன் 9-ல் நிற்பதால், தொலைநோக்குச் சிந்தனை அதிகமாகும். புதனும் 9-ல் நிற்பதால், கௌரவப் பதவிக்கு தேர்ந்தெடுக்கப்படுவீர்கள். பழைய நண்பர்கள் உங்களுக்கு ஆதரவாக இருப்பார்கள். 9-ம் இடத்திலேயே சூரியனும் நிற்பதால், தந்தையின் உடல் நலம் பாதிக்கும். அரசாங்க அதிகாரிகளால் தொந்தரவுகள் வந்து போகும். 30-ம் தேதி வரை செவ்வாய் வக்கிரமாகி ராசிக்குள் நிற்பதால், சகோதர வகையில் பிரச்னைகள், சொத்து வாங்குவது, விற்பதில் சிக்கல்கள் வந்து போகும். லாப வீட்டில் ராகுவும், குருவும் நிற்பதால், பாதியில் நின்ற வீடு கட்டும் பணியைத் தொடங்குவீர்கள். பழைய கடன் பிரச்னை கட்டுக்குள் வரும். சிலருக்கு அயல்நாடு செல்லும் வாய்ப்பு வரும்.

பாதச் சனி தொடர்வதால், வீண் கவலைகள் வந்து போகும். வியாபாரத்தில் அதிரடி லாபம் உண்டு. வேலையாட்கள் தொழில் யுக்திகளைக் கற்றுக் கொள்வார்கள். உத்தியோகத்தில் உங்கள் கை ஓங்கும். கலைத்துறையினரே! எதிர்பார்த்த நிறுவனத்திலிருந்து அழைப்பு வரும்.

வெற்றிகள் தொடரும் காலம் இது.

ராசிபலன்

நம்பி வந்தவர்களை ஆதரிப்பவர்களே!

புதனும் சுக்கிரனும் சாதகமான நட்சத்திரங்களில் பயணிப்பதால், மாறுபட்ட அணுகுமுறைகளின் மூலம் பழைய பிரச்னைகளுக்குத் தீர்வு காண்பீர்கள். பணவரவு உண்டு. ஒரு சொத்தை விற்று மற்றொரு சொத்தைக் காப்பாற்ற வேண்டி வரும். ஆன்மிக நாட்டம் அதிகரிக்கும். வேலை கிடைக்கும். சூரியன் 8-ல் நிற்பதால், செலவுகள் அதிகமாகும். அரசு வேலை சாதகமாக முடியும். ராசிநாதன் செவ்வாய் 12-ல் வக்கிரமாகி நிற்பதால் மூச்சுத் திணறல், தூக்கமின்மை, வீண் அலைச்சல் வந்து போகும்.

ராகுவும், கேதுவும் சரியில்லாததால், ஏமாற்றம், வேலைச்சுமை, வீண் பழி வந்து நீங்கும். எதிர்மறை எண்ணங்கள் தலைதூக்கும். வியாபாரம் சுமாராக இருக்கும். வேலையாட்களை நம்பி முக்கிய பொறுப்புகளை ஒப்படைக்காதீர்கள். உத்தியோகத்தில் மூத்த அதிகாரிகளிடம் நெருக்கமும் வேண்டாம், பகையும் வேண்டாம். தானுண்டு தன் வேலையுண்டு என்று இருக்கவும். கலைத்துறையினரே! விமர்சனங்களையும் தாண்டி முன்னேறுவீர்கள்.

சலியாமல் பணி செய்யும் தருணம் இது.

ராசிபலன்

மூளையை மூலதனமாக்கி முன்னேறுபவர்களே!

குருவும், சுக்கிரனும் சாதகமாக இருப்பதால், புதிய பாதையில் பயணிக்க தொடங்குவீர்கள். பெரிய மனிதர்களின் தொடர்பு கிடைக்கும். பூர்வீக சொத்து கைக்கு வரும். தினந்தோறும் எதிர்பார்த்து ஏமாந்த தொகை வரும். புது வாகனம் வாங்குவீர்கள். மகளுக்கு நல்ல வரன் அமையும். மகனுக்கு எதிர்பார்த்த கல்வி நிறுவனத்தில் இடம் கிடைக்கும். உங்கள் யோகாதிபதி செவ்வாய் வக்கிரமானாலும் 30-ம் தேதி வரை 11-ம் இடத்தில் நிற்பதால், சகோதர வகையில் உதவிகள் உண்டு. வீடு, மனை வாங்குவீர்கள். புது வேலை கிடைக்கும். சூரியன் 7-ல் நிற்பதால், வாழ்க்கைத் துணைக்கு மருத்துவச் செலவுகள் வந்து போகும்.

ஏழரைச் சனி தொடர்வதால், திடீரென்று அறிமுகமாகும் நபர்களை நம்பி ஏமாற வேண்டாம். புதன் சாதகமாக இருப்பதால், உறவினர், நண்பர்களின் வருகையால் வீட்டில் மகிழ்ச்சி தங்கும். கேது 3-ம் வீட்டில் நீடிப்பதால், நல்லவர்களின் நட்பால் முன்னேறுவீர்கள். வியாபாரம் தழைக்கும். புது சலுகைத் திட்டங்களை அறிவித்து வாடிக்கையாளர்களை ஈர்ப்பீர்கள். உத்தியோகத்தில் அதிகாரிகளின் ஆதரவு கிடைக்கும். கலைத்துறையினரே! வருமானம் உயரும். மூத்த கலைஞர்களின் நட்பால் சாதிப்பீர்கள்.

புது எண்ணங்களால் புகழடையும் நேரம் இது.

ராசிபலன்

எப்போதும் கர்வம் கொள்ளாதவர்களே!

6-ல் சூரியன் நிற்பதால், தடைகள், ஏமாற்றங்கள் இருந்தாலும் ஓயமாட்டீர்கள். சவால்களை சமாளிப்பீர்கள். அரசு காரியங்கள் விரைந்து முடியும். எதிர்த்தவர்கள் நண்பர்களாவார்கள். வழக்கு சாதகமாகும். புதனும் சுக்கிரனும் ராசிக்கு 6-ல் மறைந்திருப்பதால், வீண் கோபம் வந்து போகும். வாழ்க்கைத் துணைக்குள் வீண் வாக்குவாதம் வந்து நீங்கும். உறவினர், நண்பர்களுடன் மனஸ்தாபங்கள் வரக்கூடும். விலை உயர்ந்தப் பொருட்களை கவனமாகக் கையாளுங்கள். வழக்கால் நெருக்கடிகளைச் சந்திப்பீர்கள். குரு 8-ல் நீடிப்பதால், ஒருவித அலுப்பு, சலிப்பு வந்து போகும்.

செவ்வாய் வக்கிரமானாலும் 10-ம் வீட்டில் நிற்பதால், தாய்வழியில் ஆதாயம் உண்டு. சகோதரர்கள் உங்களை சரியாகப் புரிந்துகொள்வார்கள். நிலம், வீடு வாங்குவது, விற்பது லாபகரமாக அமையும். ராசிநாதன் சனிபகவான் வலுவாக இருப்பதால், பங்கு மூலம் பணம் வரும். வியாபாரத்தில் கணிசமாக லாபம் உயரும். உத்தியோகத்தில் உங்களுடைய திறமைக்கு அங்கீகாரம் கிடைக்கவில்லையே என ஆதங்கப்படுவீர்கள். கலைத்துறையினரே! உங்களுடைய படைப்புகளை வெளியிடுவதில் தடை, தாமதம் ஏற்படக்கூடும்.

முயற்சி செய்து முன்னேறும் வேளை இது.

ராசிபலன்

நகைச்சுவை உணர்வு அதிகம் உள்ளவர்களே!

சுக்கிரனும் புதனும் சாதகமாக இருப்பதால், நீங்கள் உழைத்த உழைப்பு, சிந்திய வியர்வைக்கெல்லாம் நல்ல பலன் கிடைக்கும். பூர்வீக சொத்தைப் பெறுவீர்கள். வீடு, வாகனத்தை சீர் செய்வீர்கள். வாழ்க்கைத் துணையின் வழியில் ஆதரவு கிடைக்கும். விலகிச் சென்ற பழைய சொந்தங்களெல்லாம் உங்களின் வளர்ச்சியைக் கண்டு வலிய வந்து உறவாடுவார்கள். நண்பர்களால் பயனடைவீர்கள். 5-ல் சூரியன் நிற்பதால், பிள்ளைகள் பிடிவாதமாக இருப்பார்கள். அரசாங்க விஷயங்களில் அவசரம் வேண்டாம்.

7-ல் ராகுவும், ராசிக்குள் கேதுவும் நிற்பதால், முன்யோசனையின்றி அவசர முடிவுகள் எடுக்க வேண்டாம். பணம் எவ்வளவு வந்தாலும் சேமிக்க முடியாதபடி செலவுகள் துரத்தும். குருபகவான் வலுவாக அமர்ந்திருப்பதால், நீண்ட காலமாக செல்ல வேண்டுமென்று நினைத்திருந்த புண்ணிய ஸ்தலங்களுக்குச் சென்று வருவீர்கள். வியாபாரத்தில் பற்று வரவு சுமார்தான். உத்தியோகத்தில் அதிருப்தி உண்டாகும். அதிகாரியால் சில நெருக்கடிகளைச் சந்திக்க நேரிடும். கலைத்துறையினரே! எதிர்பார்த்த ஒப்பந்தம் தாமதமாக முடியும்.

காத்திருந்து செயல்பட வேண்டிய காலம் இது.

ராசிபலன்

உதவி கேட்டு வருபவர்களுக்கு வாரி வழங்குபவர்களே!

சுக்கிரன் வலுவாக 3-ம் வீட்டிலேயே நீடிப்பதால், தன் பலம் பலவீனத்தை உணர்வீர்கள். தைரியமாக சில முடிவுகள் எடுப்பீர்கள். கைமாற்றாக வாங்கியிருந்த பணத்தை திருப்பித் தருவீர்கள். நீண்ட நாள் பிரச்னைகளுக்குத் தீர்வு காண்பீர்கள். சமூகத்தில் பெரிய அந்தஸ்தில் இருப்பவர்களின் நட்பு கிடைக்கும். பிள்ளைகள் பொறுப்பாக நடந்துகொள்வார்கள். சாதுக்கள் உதவுவார்கள். புதன் சாதகமாக இருப்பதால், பூர்வீக சொத்துப் பங்கை கேட்டு வாங்குவீர்கள். பழைய உறவினர், நண்பர்களைச் சந்தித்து மகிழ்வீர்கள். பயணங்களால் புது அனுபவம் உண்டாகும்.

சூரியன் 4-ம் வீட்டில் அமர்ந்திருப்பதால், அரைகுறையாக நின்ற வீடு கட்டும் பணியைத் தொடங்குவீர்கள். தாய்வழி உறவினர்களின் ஆதரவு பெருகும். 30-ம் தேதி வரை 8-ல் செவ்வாய் நிற்பதால், ஆரோக்கியக் குறைபாடுகள் வந்து போகும். வியாபாரத்தில் புதிய வாடிக்கையாளர்கள் தேடி வருவார்கள். பங்குதாரர் களிடம் அனுசரித்துச் செல்லவும். உத்தியோகத்தில் வேலைச்சுமை அதிகரித்தாலும் விரைந்து முடிப்பீர்கள். கலைத்துறையினரே! திறமைகள் வெளிப்படும்.

எதிர்பாராத நன்மைகள் ஏற்படும் தருணம் இது.