Published:Updated:

ராசி பலன்கள்

ராசி பலன்கள்
பிரீமியம் ஸ்டோரி
ராசி பலன்கள்

ஆகஸ்ட் 10-ம் தேதி முதல் 23-ம் தேதி வரைஜோதிட ரத்னா கே.பி.வித்யாதரன்

ராசி பலன்கள்

ஆகஸ்ட் 10-ம் தேதி முதல் 23-ம் தேதி வரைஜோதிட ரத்னா கே.பி.வித்யாதரன்

Published:Updated:
ராசி பலன்கள்
பிரீமியம் ஸ்டோரி
ராசி பலன்கள்
ராசி பலன்கள்

வாகன யோகம்!

மேஷம்: கனிவாகப் பேசுபவர்களே! கேது லாப வீட்டில் வலுவாக அமர்ந்திருப் பதால், எதிர்பார்த்த தொகை கைக்கு வரும். வாகனம் வாங்குவீர்கள். 17-ம் தேதி முதல் சூரியன் 5-ல் ஆட்சி பெற்று அமர்வதால், பிள்ளைகள் நல்லபடியாக நடந்து கொள்வார்கள். 6-ல் குருவும், 8-ல் சனியும் நிற்பதால்... வேலைச்சுமையால் உடல் அசதி, மனச்சோர்வு வந்து நீங்கும். வியாபாரத்தில் போட்டிகளையும் தாண்டி லாபம் ஈட்டுவீர்கள். உத்யோகத்தில் மற்றவர்களின் வேலையையும் சேர்த்து பார்க்கவேண்டி வரும்.

ராசி பலன்கள்

ஒட்டுமொத்த விகடனுக்கும் ஒரே ஷார்ட்கட்!

உழைப்புக்கு மரியாதை!

ரிஷபம்: உள்மனம் சொல்வதை மறுக்காமல் செய்பவர்களே! சூரியன் சாதகமான வீடுகளில் செல்வதால், எதிர்த்தவர்கள் நண்பர்களாவார்கள். பணப்புழக்கம் அதிகரிக்கும். குரு 5-ல் நிற்பதால், குழந்தை இல்லாதவர்களுக்கு மழலை பாக்கியம் கிடைக்கும். புண்ணிய தலங்களுக்குச் சென்றுவருவீர்கள். 7-ல் சனியும், 4-ல் ராகுவும் தொடர் வதால்... ஏமாற்றம், மறதியால் பிரச்னை வந்து செல்லும். வியாபாரத்தில் தேங்கிக்கிடந்த சரக்குகளை விற்றுத் தீர்ப்பீர்கள். உத்யோகத்தில் உங்கள் உழைப்புக்கு அங்கீகாரம் கிடைக்கும்.

ராசி பலன்கள்

காரியங்கள் கைகூடும்!

மிதுனம்: கொடுத்து சிவந்த கைகளை உடையவர்களே! சுக்கிரனும், புதனும் சாதகமாக இருப்பதால், இழுபறியாக இருந்த வேலைகளை முடிப்பீர்கள். வர வேண்டிய பணம் கைக்கு வரும். தோழிகளிடம் எதிர்பார்த்த உதவிகள் கிடைக்கும். குரு 4-ல் அமர்ந்திருப்பதால், மனக்குழப்பம் வந்து செல்லும். 6-ல் சனியும், 3-ல் ராகுவும் வலுவாக அமர்ந்திருப்பதால், சுப நிகழ்ச்சிகளில் முதல் மரியாதை கிடைக்கும். வியாபாரத்தில் புது வாடிக்கையாளர்கள் அறிமுகமாவார்கள். உத்யோகத்தில் உயரதிகாரி அன்பாக நடந்துகொள்வார்.

ராசி பலன்கள்

பிள்ளைகளால் பெருமை!

கடகம்: சகிப்புத்தன்மையும், விடாமுயற்சியும் உள்ளவர்களே! செவ்வாய் 5-ல் ஆட்சிபெற்று அமர்ந்திருப்பதால், உங்களின் நிர்வாகத்திறன் அதிகரிக்கும். பிள்ளைகளால் அந்தஸ்து உயரும். சூரியன் ராசிக்குள் நிற்பதால், முன்கோபம், உடல் உபாதை வந்து நீங்கும். குரு 3-ம் இடத்தில் மறைந்திருப்பதால், வீண் டென்ஷன், உறவினர்களுடன் மனஸ்தாபம் வந்து போகும். வியாபாரத்தில் புது சலுகைத் திட்டங்களை அறிவித்து வாடிக்கையாளர்களைக் கவருவீர்கள். உத்யோகத்தில் உங்களுக்கு இடையூறுகள் வரும்.  

ராசி பலன்கள்

வீடு களைகட்டும்!

சிம்மம்: மனசாட்சியை முக்கிய சாட்சியாக நினைப்பவர்களே! ராசிக்கு 2-ல் குருபகவான் வலுவாக அமர்ந்திருப் பதால், சுப நிகழ்ச்சிகளால் வீடு களை கட்டும். மகளுக்கு நல்ல வரன் அமையும். 17-ம் தேதி முதல் உங்கள் ராசிநாதன் சூரியன் ஆட்சி பெற்று உங்கள் ராசியிலேயே அமர்வதால்,  புகழ், கௌரவம் உயரும். ராசியிலேயே ராகுவும், 4-ல் சனியும் தொடர்வதால், உடல்நலக் கோளாறு வந்து போகும். வியாபாரத்தில் லாபம் அதிகரிக்கும். உத்யோகத்தில் உங்களுக்கு மறுக்கப்பட்ட உரிமைகள் இப்போது கிடைக்கும்.

ராசி பலன்கள்

எதிர்பார்ப்புகள் நிறைவேறும்!

கன்னி: உள்ளம் வருத்தத்தில் இருக்கும்போதும், உதட்டில் புன்னகையை உதிர்ப்பவர்களே! சனியும், கேதுவும் வலுவாக இருப்பதால், எதிர்பார்ப்புகள் நிறைவேறும். ஆன்மிகப் பயணங்கள் சென்று வருவீர்கள். பிள்ளைகளின் எதிர்காலத்துக்காக பணம் சேமிப்பீர்கள். ஜென்ம குரு தொடர்வதால், திடீர் பயணம் செய்யவேண்டி வரலாம். அரசு காரியங்கள் தாமதமாகி முடியும். வியாபாரத்தில் இரட்டிப்பு லாபம் உண்டு. உத்யோகத்தில் வேலைச்சுமை அதிகமானாலும், தலைமையின் நம்பிக்கையைப் பெறுவீர்கள்.

ராசி பலன்கள்

வெற்றி மீது வெற்றி!

துலாம்: வசதி வந்தாலும் பழைய வாழ்க்கையை மறவாதவர்களே! சூரியன் வலுவான வீடுகளில் செல்வதால், நீங்கள் எதிலும் வெற்றி பெறுவீர்கள். வாழ்க்கைத் துணைவர் பாசமழை பொழிவார். உறவினர், நண்பர்கள் மத்தியில் மதிக்கப்படுவீர்கள். விலை உயர்ந்த ஆடை, ஆபரணம் வாங்குவீர்கள். ராசிக்கு 12-ல் குரு மறைந்திருப்பதால், கவலைகள், வீண் விரயம் வந்து செல்லும். வியாபாரத்தில் புது ஒப்பந்தங்கள் கையெழுத்தாகும். உத்யோகத்தில் நீங்கள் விமர்சனங்களையும் தாண்டி முன்னேறுவீர்கள்.

ராசி பலன்கள்

கெட்டிமேளம் கொட்டும் நேரம்!

விருச்சிகம்: `ஒற்றுமையே உயர்வு தரும்’ என்பதை உணர்ந்தவர்களே! ராசிக்கு லாப வீட்டில் குரு அமர்ந்திருப் பதால், தொட்ட காரியங்கள் துலங்கும்.  திருமணம் தாமதமானவர்களுக்கு விரைவில் கூடி வரும். சிலர் தங்கள் ரசனைக் கேற்ற வீட்டுக்கு மாறுவீர்கள். சர்ப்ப கிரகங்கள் மற்றும் சனியின் போக்கு சரியில்லாததால், உணவு விஷயத்தில் கட்டுப்பாடு அவசியம். யாருக்காகவும் சாட்சி கையெழுத்திட வேண்டாம். வியாபாரத்தில் பழைய பாக்கிகள் வசூலாகும். உத்யோகத்தில் அதிகாரிகள் உங்கள் ஆலோசனையை ஏற்பார்கள்.

ராசி பலன்கள்

ஞாபகமறதி... உஷார்!

தனுசு: நிர்வாகத் திறமை அதிகமுள்ளவர்களே! கேது 3-ம் வீட்டில் நிற்பதால், மாறுபட்ட அணுகுமுறையால் பிரச்னைகளுக்குத் தீர்வு காண்பீர்கள். வாழ்க்கைத் துணைவரின் அன்பு பெருகும். சிலருக்கு அயல்நாடு செல்லும் வாய்ப்பு வரும். குரு 10-ல் நிற்பதால், வேலைச்சுமை, தர்மசங்கடமான சூழ்நிலை வந்து போகும். ஏழரைச் சனி தொடர்வதால், மறதியால் பொருள் இழப்பு ஏற்படக்கூடும். வியாபாரத்தில் சந்தை ரகசியங்களைத் தெரிந்துகொள்வீர்கள். உத்யோகத் தில் அலைச்சலும், இடமாற்றங்களும் வரக்கூடும்.

ராசி பலன்கள்

போட்ட திட்டம் நிறைவேறும்!

மகரம்: படைப்பாற்றல் மிக்கவர் களே! சனியும், செவ்வாயும் வலுவாக அமர்ந்திருப்பதுடன், குருவும் சாதகமாக இருப்பதால், உங்களின் புதிய திட்டங்கள் நிறைவேறும். பணப்புழக்கம் அதிகரிக்
கும். உறவினர், தோழிகளுடன் மனம்விட்டு பேசி மகிழ்வீர் கள். உடன்பிறந்தவர்கள் பக்கபலமாக இருப்பார்கள். சர்ப்ப கிரகங்கள் உங்களுக்கு சாதகமாக இல்லாததால், மனஇறுக்கம், வீண் வாக்குவாதம் வந்து செல்லும். வியாபாரத்தில் புது முயற்சிகள் பலிதமாகும். உத்யோகத்தில் உங்களைப் பற்றி நல்ல இமேஜ் உண்டாகும்.

ராசி பலன்கள்

அமைதி காக்கவேண்டிய நேரம்!

கும்பம்: தீவிரமாக சிந்திப்பவர்களே! சுக்கிரனும், புதனும் சாதகமான வீடுகளில் செல்வதால், வீடு, வாகனத்தை சீர்செய்வீர்கள். பிள்ளைகளின் திறமையை இனம்கண்டறிந்து உற்சாகப் படுத்துவீர்கள். சர்ப்ப கிரகங்கள் சாதகமாக இல்லாததாலும், 8-ல் குரு மறைந்திருப்பதாலும், நீங்கள் உணர்ச்சிவசப்படுவதை தவிர்க்கப் பாருங்கள்.வியாபாரத்தில் வேலையாட்களின் பணித்திறன் சுமாராக இருக்கும். உத்யோகத்தில் அதிகாரிகளின் அந்தரங்க விஷயங்களை வெளியில் சொல்லிக்கொண்டிருக்க  வேண்டாம்.     

ராசி பலன்கள்

வருமானம் உயரும்!

மீனம்: விருப்பு வெறுப்பின்றி அனைவரிடமும் நடுநிலையாக பழகுபவர் களே! குரு 7-ம் வீட்டில் அமர்ந்து உங்களுடைய ராசியைப் பார்ப்பதால், உங்களின் அழகு, ஆரோக்கியம் கூடும். குடும்ப வருமானம் உயரும். 17-ம் தேதி முதல் சூரியன் 6-ம் வீட்டில் ஆட்சிபெற்று அமர்வதால், உங்களை எதிர்த்தவர்கள் நண்பர்களாவார்கள். சுக்கிரனும், புதனும் 6-ல் மறைந்திருப்பதால், உடல் உபாதை வந்து செல்லும். வியாபாரத்தில் வரவு உயரும். உத்யோகத்தில் உங்களின் கடின உழைப்பை உயரதிகாரிகள் புரிந்துகொள்வார்கள்.