Published:Updated:

ராசிபலன் - ஜனவரி 17 முதல் 30 வரை

ராசிபலன் - ஜனவரி 17 முதல் 30 வரை
பிரீமியம் ஸ்டோரி
News
ராசிபலன் - ஜனவரி 17 முதல் 30 வரை

‘ஜோதிடரத்னா’ முனைவர் கே.பி.வித்யாதரன்

அசுவினி, பரணி கிருத்திகை 1-ம் பாதம்

ராசிபலன் - ஜனவரி 17 முதல் 30 வரை



உங்களின் வருங்காலத் திட்டம் நிறைவேறும் நேரம் இது.

செய்யும் தொழிலைத் தெய்வமாக மதிக்கும் நீங்கள், தொடங்கிய வேலையை முடிக்கும்வரை ஓய மாட்டீர்கள். உங்களின் பூர்வப் புண்ணியாதிபதி சூரியன் 10-ம் வீட்டில் நிற்பதால், உங்களின் ஆளுமைத்திறன் அதிகரிக்கும். எதிர்பாராத பண வரவு உண்டு. புதிய வேலைக்கு முயற்சி செய்தவர்களுக்கு, நல்ல பதில் வரும். மகளுக்கு, எதிர்பார்த்தபடி நல்ல வரன் அமையும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பூர்வீகச் சொத்தால் வருமானம் வரும். குடும்பத்தினருடன் சென்று குலதெய்வப் பிரார்த்தனையை நிறைவேற்றுவீர்கள். கேதுவும், குருவும் சாதகமாக இருப்பதால், பங்குச் சந்தை மூலமாகப் பணம் வரும். கோயில் வழிபாடுகளில் ஆர்வத்துடன் கலந்துகொள்வீர்கள். புதன் சாதகமாக இருப்பதால், வெளிவட்டாரத்தில் உங்களது அந்தஸ்து உயரும். பள்ளி, கல்லூரி கால நண்பர்களைச் சந்தித்து மகிழ்வீர்கள். புது வாகனம் வாங்குவீர்கள். ராசிநாதன் செவ்வாய் 12-ல் மறைந்திருப்பதால் தூக்கமின்மை, வீண் விரயம், செலவினங்கள், சகோதர வகையில் சங்கடங்கள், திடீர் பயணங்கள் வந்து செல்லும். உத்தியோகத்தில் உயரதிகாரி பாராட்டும்படி நடந்துகொள்வீர்கள்.

கிருத்திகை 2,3,4-ம் பாதம், ரோகிணி, மிருகசீரிடம் 1, 2-ம் பாதம்

ராசிபலன் - ஜனவரி 17 முதல் 30 வரை



சவால்களைச் சமாளிக்க வேண்டிய வேளை இது.


ஆர்ப்பாட்டம் இல்லாமல் அமைதியாகவே எதையும் சாதிப்பவர் நீங்கள். பெரியவர், சிறியவர் என்றில்லாமல் எல்லோரிடமும் பணிவாக நடந்துகொள்வீர்கள். செவ்வாய் லாப வீட்டில் நிற்பதால், உங்களை எதிர்த்தவர்களும் நண்பர்களா வார்கள். திட்டமிட்ட காரியங்கள் திட்டமிட்டபடி கைகூடும்.

வீட்டைக் கட்டிமுடிக்க நீங்கள் எதிர்பார்த்த வங்கிக்கடன் கிடைக்கும். அயல்நாட்டுப் பயணம் சாதகமாக அமையும். சகோதர வகையில், இதுவரை இருந்துவந்த பிணக்குகள் யாவும் நீங்கும். புண்ணிய ஸ்தலங்களுக்குச் சென்று பிரார்த்தனையை நிறைவேற்றுவீர்கள். ராசிநாதன் சுக்கிரன் சாதகமாக இருந்தாலும், கேதுவின் பிடியில் சிக்கியிருப்பதால் சளி தொந்தரவு, காய்ச்சல், பணப்பற்றாக்குறை வந்துபோகும். தடைப்பட்ட வேலைகள் முடிவடையும்.

6-ல் குருவும், 7-ல் சனியும் தொடர்வதால், சலிப்பு, சோர்வு, வாழ்க்கைத் துணையுடன் மனஸ்தாபங்கள், பொருள் இழப்புகள், ஏமாற்றங்கள் வந்து போகும். வியாபாரத்தில், தேங்கிக்கிடந்த சரக்குகளைச் சாமர்த்தியமாக விற்றுத் தீர்ப்பீர்கள். புதிய முதலீடுகளைத் தவிர்க்கவும். உத்தியோகத்தில் நிம்மதி உண்டு.

மிருகசீரிடம்  3,4-ம் பாதம், திருவாதிரை, புனர்பூசம் 1, 2,3-ம் பாதம்

ராசிபலன் - ஜனவரி 17 முதல் 30 வரை



புகழ், கௌரவம் கூடும் தருணம் இது.

‘எடுத்தோம், கவிழ்த்தோம்’ என்றில்லாமல் ஆழமாக யோசித்து முடிவெடுக்கும் நீங்கள், கடந்து வந்த பாதையை ஒருபோதும் மறக்காதவர்கள். சூரியன் தவிர்த்து மற்ற அனைத்து கிரகங்களும் உங்களுக்குச் சாதகமாக இருப்பதால், எதிலும் வெற்றி பெறுவீர்கள். குடும்பத்தில் உங்கள் வார்த்தைக்கு மதிப்பு கூடும். பெரிய மனிதர்களின் நட்பு கிடைக்கும். வங்கிக் கடன் பெற்று குடியிருக்கும் வீட்டில் கூடுதலாக அறை அல்லது தளம் கட்டுவீர்கள்.
சிலருக்கு அயல்நாடு செல்ல விசா கிடைக்கும். விலை உயர்ந்த நகைகள், ரத்தினங்கள், ஆபரணங்கள் வாங்குவீர்கள். சொந்த ஊர் பொது காரியங் களையெல்லாம் முன்னின்று நடத்துவீர்கள். திருமணம், சீமந்தம், கிரகப் பிரவேசம் போன்ற சுப நிகழ்ச்சிகளால் வீடு களைகட்டும். வியாபாரத்தில், வெளிநாட்டு நிறுவனங்களுடன் புது ஒப்பந்தம் செய்வதன் மூலமாக உங்கள் நிறுவனத்தின் புகழ் கூடும். பழைய பாக்கிகள் வசூலாகும். உத்தியோகத்தில் உங்கள் கை ஓங்கும். சக ஊழியர்கள் உங்களுக்கு முக்கியத்துவம் தருவார்கள். கலைத் துறையினருக்கு நல்ல வரவேற்பு கிடைக்கும்.

புனர்பூசம்  4-ம் பாதம், பூசம்,  ஆயில்யம்

ராசிபலன் - ஜனவரி 17 முதல் 30 வரை



அனுசரித்துப் போக வேண்டிய நேரம் இது.


எதிராளிகளையும் சிந்திக்க வைக்கும் நீங்கள், உங்களுக்கென்று தனிப் பாதை ஒன்று வகுத்துக்கொண்டு பயணிப்பவர்கள். சுக்கிரன் சாதகமான நட்சத்திரங்களில் செல்வதால், சுறுசுறுப்புடன் செயல்பட்டு, தேங்கிக் கிடந்த வேலைகளை முடிப்பீர்கள். வி.ஐ.பி-களின் உதவியைச் சரியாகப் பயன்படுத்திக் கொள்வீர்கள். அநாவசியச் செலவுகளைக் கட்டுப்படுத்துங்கள். சிலருக்கு வீடு மாற வேண்டிய நிர்ப்பந்தம் உண்டாகும்.

யோகாதிபதி செவ்வாய் 9-ம் வீட்டில் நிற்பதால், சொத்து வாங்க முன் பணம் தருவீர்கள். பிள்ளைகள் நீண்ட நாள் கேட்டுக்கொண்டிருந்ததை வாங்கித் தருவீர்கள். சகோதர வகையில் அனுகூலம் உண்டு. ஆன்மிக நாட்டம் அதிகரிக்கும். முக்கிய கிரகங்கள் உங்களுக்கு சாதகமாக இல்லாததால், அவ்வப்போது வீண் டென்ஷன், நெருங்கிய நண்பர்கள், உறவினர்களுடன் கருத்து வேறுபாடுகள் வந்து நீங்கும். வியாபாரத்தில் போட்டிகள் இருந்து கொண்டேயிருக்கும். வேலையாட்கள், பங்குதாரர்களால் விரயம் ஏற்படும். உத்தியோகத்தில் வேலை அதிகரிக்கும். கலைத் துறையினர், விமர்சனங்களையும் தாண்டித்தான் முன்னேற வேண்டி இருக்கும்.

மகம், பூரம், உத்திரம் 1-ம் பாதம்

ராசிபலன் - ஜனவரி 17 முதல் 30 வரை



சாமர்த்தியத்தால் சாதிக்கும் காலம் இது.

சுற்றியிருப்பவர்களின் தவறுகளை நாசூக்காகச் சுட்டிக்காட்டும் நீங்கள், எப்போதும் நேர்மைக்குக் குரல் கொடுப்பீர்கள். ராசிநாதன் சூரியன் 6-ம் இடத்தில் வலுவாக அமர்ந்திருப்பதால், சவால்களில் வெற்றி பெறுவீர்கள். அரசு வகையில் அனுகூலம் உண்டு. தடைப்பட்ட வேலைகள் முடியும். பிள்ளைகளின் பொறுப்பு உணர்வு அதிகமாகும். பணவரவு அதிகரிக்கும். வீடு கட்ட ப்ளான் அப்ரூவலாகும். பழைய கடன் பிரச்னை முடிவுக்கு வரும்.
பழைய வாகனத்தை மாற்றுவீர்கள். உறவினர்களின் ஆதரவு கிட்டும்.

8-ல் செவ்வாய் நிற்பதால், முன்னெச்சரிக்கையுடன் நடந்துகொள்வது நல்லது.சொத்து வாங்குவது, விற்பதில் வில்லங்கம் வந்து விலகும். குரு 3-ல் தொடர்வதால், அநாவசியமாக யாருக்காகவும் எந்த உறுதிமொழியும் தர வேண்டாம். வெளியூர்ப் பயணங்களால் அலைச்சல் இருந்தாலும், ஆதாயமும் உண்டாகும். குலதெய்வக் கோயிலுக்குச் சென்று வருவதால், மன அமைதி கிட்டும். உத்தியோகத்தில் வேலைச்சுமை இருந்தாலும் அதிகாரிகளின் ஆதரவான பேச்சால் நிம்மதியடைவீர்கள். கலைத் துறையினர், அயராத உழைப்பால் சில நுணுக்கங்களை கற்றுக்கொள்வார்கள்.

உத்திரம்  2,3,4-ம் பாதம், அஸ்தம், சித்திரை  1,2-ம் பாதம்

ராசிபலன் - ஜனவரி 17 முதல் 30 வரை



கடின உழைப்பால் கரையேறும் தருணம் இது.


மற்றவர்களுக்காக எப்போதும் எதையும் தியாகம் செய்யத் தயாராக இருக்கும் நீங்கள், உங்களது பிரதிபலன் பாராத சேவையால் எல்லோர் மனதிலும் இடம்பிடிப்பீர்கள். ராஜ கிரகங்களான குருவும், சனியும் சாதகமாக இருப்பதால், எதிலும் உங்கள் கை ஓங்கும். கைமாற்றாகவும், கடனாகவும் வாங்கியிருந்த பணத்தைக் கொடுத்து முடிப்பீர்கள். சிலருக்கு, குழந்தை பாக்கியம் கிடைக்கும். மகளுக்கு நீங்கள் எதிர்பார்த்ததைப் போல் நல்ல இடத்தில் வரன் அமையும். குலதெய்வக் கோயிலுக்குச் சென்று நேர்த்திக் கடனைச் செலுத்துவீர்கள். வெளிநாடு செல்லும் வாய்ப்பு வரும். சிலர், ரசனைக்கேற்ற வீட்டில் குடிபுகுவார்கள்.
செவ்வாய் 7-ம் வீட்டில் நிற்பதால், வாழ்க்கைத் துணைவருக்கு அலைச்சல், மனக்குழப்பம், அடிவயிற்றில் வலி வந்துபோகும். உடன்பிறந்தவர்களுடன் விவாதம் வரக்கூடும். வாகனம் பழுதாகும்.  வியாபாரத்தில், அனுபவ அறிவால் லாபம் ஈட்டுவீர்கள். பங்குதாரர்களின் ஒத்துழைப்பு அதிகரிக்கும். உத்தியோகத்தில் மதிப்பு கூடும். கலைத் துறையினர், கிடைக்கின்ற வாய்ப்பு களைத் தக்கவைத்துக்கொள்வது நல்லது.

சித்திரை 3,4-ம் பாதம், சுவாதி, விசாகம் 1,2,3-ம் பாதம்

ராசிபலன் - ஜனவரி 17 முதல் 30 வரை



திட்டமிட்டு காய்நகர்த்த வேண்டிய நேரம் இது.

எல்லோரையும் எடுத்த எடுப்பிலேயே நம்பிவிடும் நீங்கள், காலம் கடந்துதான் சிலரது சுயரூபத்தை அறிவீர்கள். செவ்வாய் 6-ம் வீட்டில் வலுவாக நிற்பதால், புதிய திட்டங்கள் தீட்டுவீர்கள். அதிகாரப் பதவியில் இருப்பவர்களின் அறிமுகம் கிடைக்கும். தள்ளிப்போன வழக்கில் தீர்ப்பு சாதகமாக வரும். சொத்து வாங்க முன்பணம் தருவீர்கள். மனைவி வழியில் ஒத்துழைப்பு அதிகரிக்கும். சகோதரர்களால் பயனடைவீர்கள்.

புதன் சாதகமாக இருப்பதால், கனிவான பேச்சால் காரியம் சாதிப்பீர்கள். பணப்புழக்கம் கணிசமாக உயரும். பிள்ளைகளின் எதிர்காலம் குறித்து யோசிப்பீர்கள். உங்களின் ரசனைக்கேற்ப சொத்து வாங்குவீர்கள். வெளி வட்டாரத்தில் கௌரவப் பதவிகள் தேடி வரும். உறவினர்கள், நண்பர்களால் நன்மை உண்டு. அயல்நாட்டில் இருப்பவர்களால் ஆதாயம் அடைவீர்கள். ஜன்ம குரு தொடர்வதால்,  எதிலும் கவனமாக இருப்பது நல்லது. வியாபாரத்தில் அதிரடியான திட்டங்களைத் தீட்டுவீர்கள். உத்தியோகத்தில் அதிகாரிகள் உங்கள் குறை, நிறைகளைச் சுட்டிக்காட்டினால், அமைதியாக ஏற்றுக்கொள்ளுங்கள். கலைத் துறையினருக்கு புதிய வாய்ப்புகள் வரும்.

விசாகம் 4-ம் பாதம்,அனுஷம், கேட்டை

ராசிபலன் - ஜனவரி 17 முதல் 30 வரை



தடைகளைத் தாண்டும் வேளை இது.

கனிவான விசாரிப்பால் மற்றவர்களைக் கவர்ந்திழுக்கும் நீங்கள், உள்ளொன்று வைத்து புறமொன்று பேச மாட்டீர்கள். சூரியன் 3-ம் வீட்டில் அமர்ந்திருப்பதால், புது தெம்பு பிறக்கும். செயலில் வேகத்தைக் காட்டுவீர்கள். நீண்டநாட்களாக தள்ளிப்போன காரியங்கள் முடியும். பேச்சில் கம்பீரம் பிறக்கும். பண வரவு சரளமாக இருக்கும். புதுப் பதவி, பொறுப்புகளுக்கு தேர்ந்தெடுக்கப்படுவீர்கள். இழுபறியாக இருந்த வழக்கில் நல்ல மாற்றம் ஏற்படும். புதிதாக வாகனம் வாங்குவீர்கள். பழைய வீட்டை நல்ல விலைக்கு விற்று, புது மனை வாங்க முன் பணம் தருவீர்கள்.

உறவினர்களின் வருகையால் வீட்டில் மகிழ்ச்சி பொங்கும். எதிர்பார்த்த வகையில் உதவிகள் கிடைக்கும். பழைய நண்பர்களைச் சந்திப்பீர்கள். இடவசதியில்லாமல் தவித்துக்கொண்டிருந்தீர்களே, இனி நல்ல இடவசதியுடன் கூடிய வீட்டுக்கு குடிபுகுவீர்கள். கர்ப்பிணிப் பெண்கள் பயணங்களைத் தவிர்ப்பது நல்லது. வியாபாரத்தில், வாடிக்கையாளர்களைக் கவர்வதற்கு சலுகைகளை அறிவிப்பீர்கள்.  கலைத் துறையினருக்குத் திறமைகளை வெளிப்படுத்த நல்ல வாய்ப்புகள் கிடைக்கும்.

மூலம்,  பூராடம், உத்திராடம் 1-ம் பாதம்

ராசிபலன் - ஜனவரி 17 முதல் 30 வரை



அதிரடியான முடிவுகளால் சாதிக்கும் தருணம் இது.


‘தான் உண்டு தனது வேலை உண்டு’ என்றிருக்கும் நீங்கள், அடுத்தவர் விஷயத்தில் அநாவசியமாகத் தலையிட மாட்டீர்கள். ராசிநாதன் குரு வலுவாக இருப்பதால், புது வேலை கிடைக்கும். நாடாளுபவர்கள் அறிமுகமாவார்கள். தைரியமாக சில முக்கிய முடிவுகள் எடுப்பீர்கள். எதிர்பார்த்த வகையில் பணம் வரும். சொந்த ஊரில் மதிக்கப்படுவீர்கள். கணவன் மனைவிக்குள் நெருக்கம் உண்டாகும். பிள்ளைகள் உங்களைப் புரிந்துக்கொண்டு நடப்பார்கள்.
பூர்வப் புண்ணியாதிபதி செவ்வாய் கேந்திர பலம் பெற்று அமர்ந்திருப்பதால், புதிய முயற்சிகள் யாவும் வெற்றியடையும். தாயாரின் உடல்நலம் சீராகும். உடன்பிறந்தவர்கள் வலிய வந்து உதவுவார்கள். புதனும், சுக்கிரனும் சாதகமாக இருப்பதால், அடகு வைத்திருந்த ஆபரணங்களை மீட்பீர்கள். வியாபாரம் சூடு பிடிக்கும். பழைய சரக்குகளை புது யுக்தியால் விற்றுத் தீர்ப்பீர்கள். உத்தியோகத்தில் பணிகளை விரைந்து முடிப்பீர்கள். உயரதிகாரிகளுக்கு நெருக்கமாவீர்கள். கலைத் துறையினர், வேற்றுமொழி வாய்ப்புகளால் புகழ் அடைவார்கள்.

உத்திராடம் 2,3,4-ம் பாதம், திருவோணம், அவிட்டம் 1,2-ம் பாதம்

ராசிபலன் - ஜனவரி 17 முதல் 30 வரை



அலைச்சலுடன் ஆதாயம் தரும் நேரம் இது.

வித்தியாசம் பார்க்காமல் பழகும் நீங்கள், வீட்டு நலனுடன், நாட்டு வளர்ச்சி குறித்தும் அதிகம் யோசிப்பீர்கள். சுக்கிரனும், புதனும் சாதகமான நட்சத் திரங்களில் சென்றுகொண்டிருப்பதால், எதிர்பார்த்த இடத்திலிருந்து கடனுதவி கிடைக்கும். கணவன், மனைவிக்குள் நிலவி வந்த கசப்பு உணர்வுகள் மறையும். ஆடை, அணிகலன்கள் வந்து சேரும். புது வீடு, வாகன வசதிகள் பெருகும். எதிர்பார்த்த இடத்திலிருந்து நல்ல செய்திகள் வரும். உறவினர்கள், நண்பர்களின் வருகையால் வீடு களைகட்டும். வெளிவட்டாரத்தில் சிலர் உங்களை நம்பி முக்கியப் பொறுப்புகளை ஒப்படைப்பார்கள். 

3-ம் இடத்தில் செவ்வாய் நிற்பதால், மனோபலம் கூடும். சகோதரர் உதவுவார். சொத்து வாங்க முன் பணம் தருவீர்கள். முடிந்து வைத்திருந்த காணிக்கையைச் செலுத்தி நேர்த்திக்கடனை முடிப்பீர்கள். குரு சாதகமாக இல்லாததால், சில காரியங்களை அலைந்துதிரிந்து முடிக்கவேண்டி இருக்கும். உத்தியோகத்தில் மறைமுக நெருக்கடிகள் வந்து நீங்கும். மேலதிகாரி ஆதரிப்பார். கலைத் துறையினர், தங்களுக்கு எதிரான விமர்சனங்கள் வந்தாலும் கவலைப்பட வேண்டாம்.

அவிட்டம்  3,4-ம் பாதம், சதயம்,  பூரட்டாதி  1,2,3-ம் பாதம்

ராசிபலன் - ஜனவரி 17 முதல் 30 வரை



புதிய அனுபவங்கள் கிடைக்கும் நேரம் இது.


‘புலி பசித்தாலும் புல்லை தின்னாது’ என்பது போல் கொள்கைகளுக்காக சமரசம் செய்யாமல் வாழ்பவர்களே! சுக்கிரனும், புதனும் சாதகமான வீடுகளில் செல்வதால், தோற்றப்பொலிவும் அனுபவ அறிவும் கூடும். உங்களின் அணுகுமுறை மாறும். பண வரவு அதிகரிக்கும். குடும்பத்தில் மகிழ்ச்சி தங்கும். வர வேண்டிய பணம் கைக்கு வரும். பிள்ளைகளால் மரியாதை கூடும். அவர்களது ஆரோக்கியம் திருப்திகரமாக இருக்கும். புது வீடு, மனை யோகம் உண்டு. நவீன சமையலறை சாதனங்கள் வாங்குவீர்கள். வாழ்க்கைத் துணைவரின் உறவினர்களால் உதவிகள் உண்டு. நட்பால் ஆதாயமடைவீர்கள். அரசு காரியங்கள் சாதகமாகும். அயல்நாடு செல்லும் வாய்ப்பு வரும்.
குரு வலுவாக இருப்பதால், சொந்தபந்தங்கள் மத்தியில்  மதிப்பு மரியாதை கூடும். பூர்வீகச் சொத்துப் பிரச்னைக்குச் சுமுக தீர்வு காண்பீர்கள். சித்தர்கள், ஆன்மிகப் பெரியவர்களின் ஆசி கிடைக்கும். வியாபாரத்தில் சில புதிய அனுபவங்கள் கிடைக்கும். புது வாடிக்கையாளர்கள் தேடி வருவார்கள். உத்தியோகத்தில் உங்களின் திறமையைக் கண்டு மேலதிகாரி வியப்பார். கலைத் துறையினருக்கு புகழ் கூடும். சம்பளப் பாக்கி கைக்கு வரும்.

பூரட்டாதி  4-ம் பாதம், உத்திரட்டாதி, ரேவதி

ராசிபலன் - ஜனவரி 17 முதல் 30 வரை



விடாமுயற்சியால் வெற்றி பெறும் தருணம் இது.

துயரங்களைக் கண்டு துவளாத நீங்கள், ‘நாளை நமதே’ என்ற நம்பிக்கையில் வாழ்வீர்கள். சூரியன் வலுவாக இருப்பதால், எதிர்பார்ப்புகள் நிறைவேறும். மேல்மட்ட அரசியல்வாதிகள் உதவுவார்கள். அரசு காரியங்கள் விரைந்து முடியும். எதிர்பாராத பண வரவு உண்டு. கணவன் மனைவிக்குள் அந்நியோன்யம் அதிகரிக்கும். பிள்ளைகளின் பாசம் அதிகரிக்கும். மகனுக்கு வேலை கிடைக்கும். பணப்பற்றாக்குறையால் பாதியில் நின்றுபோன வீடு கட்டும் வேலையை முழுமையாக முடிப்பதற்கு வங்கிக் கடனுதவி கிடைக்கும்.

தாய்வழி உறவினர்கள் ஒத்துழைப்பார்கள். புதன் சாதகமாக இருப்பதால், சோர்வு நீங்கி துடிப்புடன் செயல்படத் தொடங்குவீர்கள். பழைய உறவினர்கள், நண்பர்களைச் சந்திப்பீர்கள். கோயில் விழாக்களை முன்னின்று நடத்துவீர்கள். வெளிவட்டாரத்தில் புகழ், கௌரவம் உயரும். வேற்றுமொழி, மாநிலத்தவர்களால் அனுகூலம் உண்டு. செவ்வாயும், குருவும் சாதகமாக இல்லாததால், முக்கிய கோப்புகளை கவனமாகக் கையாளுங்கள்.  உத்தியோகத்தில் உயரதிகாரி சில சூட்சுமங்களைச் சொல்லித் தருவார். கலைத் துறையினருக்கு பழைய நிறுவனத்திலிருந்து புதிய வாய்ப்புகள் வரும்.