Published:Updated:

ராசிபலன்

ராசிபலன்
பிரீமியம் ஸ்டோரி
ராசிபலன்

ஏப்ரல் 25 முதல் மே 8 வரை‘ஜோதிட ரத்னா’ முனைவர் கே.பி.வித்யாதரன்

ராசிபலன்

ஏப்ரல் 25 முதல் மே 8 வரை‘ஜோதிட ரத்னா’ முனைவர் கே.பி.வித்யாதரன்

Published:Updated:
ராசிபலன்
பிரீமியம் ஸ்டோரி
ராசிபலன்

மேஷம்

தன்மானம் மிக்கவர்களே!


ராசிபலன்

கேது வலுவாக இருப்பதால், எதிர்பார்த்த பணவரவு, உதவிகள் கிடைக்கும். பிரபலங்களின் அறிமுகம் கிடைக்கும். குலதெய்வக் கோயிலுக்குச் சென்று பிரார்த்தனைகளை நிறை வேற்றுவீர்கள். உங்கள் தனாதிபதியான சுக்கிரன் சாதகமான நட்சத்திரங்களில் செல்வதால், புது வாகனம் வாங்குவீர் கள். வாழ்க்கைத்துணைவரின் வழியில் ஆதாயம் உண்டாகும்.

புதன் 12-ல் மறைந்திருப்பதால், பழைய கடன்களை அடைப்பீர்கள். ராசிக்குள் சூரியன் இருப்பதால், கண் மற்றும் பல்வலி வந்து செல்லும். பிள்ளைகளின் உயர்கல்வி குறித்து டென்ஷன் அதிகரிக்கும். ராசிநாதன் செவ்வாய் 2-ல் இருப்பதாலும், குரு 6-ல் இருப்பதாலும் வீண் பழி, அலைச்சல் ஏற்படக்கூடும். சொத்துப் பிரச்னைக்குச் சுமுகத் தீர்வு காண்பது நல்லது. வழக்கில் அவசரம் வேண்டாம். வியாபாரத்தில் போட்டிகளைச் சமாளிப்பீர்கள். வாடிக்கையாளர்களிடம்  கனிவு தேவை. உத்தியோகத்தில் சக ஊழியர்களால் மறைமுகப் பிரச்னைகள் வந்து நீங்கும். கலைத் துறையினரே! சம்பளப் பாக்கி கைக்கு வரும்.

ஒட்டுமொத்த விகடனுக்கும் ஒரே ஷார்ட்கட்!

தடைகளைக் கடந்து முன்னேறும் தருணம் இது.

ரிஷபம்

வெள்ளைமனம் கொண்டவர்களே!


ராசிபலன்

ராசிநாதன் சுக்கிரன் உச்சம் பெற் றிருப்பதால், எங்கும் எதிலும் வெற்றி கிடைக்கும். பணப்புழக்கம் அதிகரிக் கும். வீடு, வாகன வசதி பெருகும். குடும்பத்தில் மகிழ்ச்சியான சூழ்நிலை காணப்படும். பிள்ளைகள் உங்கள் அறிவுரையை ஏற்று நடப்பார்கள்.

குருவும், புதனும் சாதகமாக இருப்பதால், திடீர் யோகம் உண்டாகும். அரைகுறையாக நின்ற வீடு கட்டும் பணியை மீண்டும் தொடங்குவீர்கள். வழக்கில் சாதகமான தீர்ப்பு வரும். வெளிநாட்டில் இருப்பவர்கள் உதவுவர். சர்ப்ப கிரகங்கள் சாதகமாக இல்லாததால், வீண் டென்ஷன், சந்தேகம், சிறுசிறு விபத்துகள் ஏற்படக் கூடும். சூரியன் 12-ல் மறைந்திருப்ப தால், கனவுத்தொல்லை, திடீர் பயணங்கள், பெற்றோருக்கு மருத்துவச் செலவுகள் வரக்கூடும். வியாபாரத்தில் சந்தை நிலவரத்தை அறிந்து புது முதலீடுகள் செய்வீர்கள். உத்தி யோகத்தில் அதிகாரிகள் மனம் விட்டுப் பேசுவார்கள். அவர்களுக்குப் பல ஆலோசனைகள் தரும் அளவுக்கு நெருக்கமாவீர்கள். கலைத் துறை யினரே! தீவிரமாகப் பேசி சம்பளப் பாக்கிகளை வசூலிப்பீர்கள்.

குழப்பம் நீங்கி உற்சாகம் பொங்கும் நேரம் இது. 

மிதுனம்

அடக்கத்துடன் சாதிப்பவர்களே!


ராசிபலன்

சூரியன் லாபவீட்டில் இருப்பதால், எதிர்த்தவர்கள் பணிந்து வருவார்கள். அரசாங்க அதிகாரிகளால் உதவிகள் கிடைக்கும். குடும்பத்துடன் சுற்றுலா செல்வீர்கள். பிள்ளைகள் உங்கள் விருப்பப்படி நடந்துகொள்வார்கள். இளைய சகோதர வகையில் இருந்து வந்த மனக் கசப்புகள் மறையும்.

சுக்கிரன் சாதகமாக இருப்பதால், புது வேலைக்கு முயற்சி செய்தவர் களுக்கு நல்ல பதில் வரும். திடீர் பணவரவு உண்டு. வெளிவட்டாரத்தில் புதியவர்களின் அறிமுகம் கிடைக்கும். பழைய வீட்டை விற்று, புது இடம் வாங்குவீர்கள். பால்ய நண்பர்களால் ஆதாயம் உண்டு. வழக்கில் நல்ல தீர்ப்பு வரும். குருவால், தாயாருடன் கருத்து மோதல்கள் வரக்கூடும். நீண்ட நாள்களாகச் செல்ல நினைத்த புண்ணிய ஸ்தலங்களுக்குச் சென்று வருவீர்கள். வியாபாரத்தில் லாபம் அதிகரிக்கும். நல்ல வேலையாட்கள் அமைவார்கள். உத்தியோகத்தில் வேலைச்சுமை இருந்தாலும் மேலதிகாரியின் அறிமுகம் கிடைக்கும். கலைத் துறையினரே! உங்களின் திறமைகளை வெளிப்படுத்த நல்ல வாய்ப்புகள் கிட்டும்.

நினைத்ததை நினைத்தபடி முடிக்கும் காலம் இது.

கடகம்

கடமை தவறாதவர்களே!


உங்களின் யோகாதிபதியான செவ்வாய் லாப ஸ்தானத்தில் வலுவாக அமர்ந்திருப்பதால், புதிய திட்டங்கள்

ராசிபலன்

எல்லாம் நிறைவேறும். பிரச்னைகளின் ஆணிவேரைக் கண்டறிந்து களைவீர் கள். சொத்து வாங்குவது, விற்பது லாபகரமாக முடியும். வழக்கில் இருந்த நெருக்கடிகள் நீங்கும்.

சுக்கிரன் 9-ம் வீட்டில் நிற்பதால், பணவரவு அதிகரிக்கும். வாழ்க்கைத் துணை வழியில் எதிர்பார்த்த உதவிகள் கிடைக்கும். வீடு வாங்கவோ, கட்டவோ வங்கிக் கடன் கிடைக்கும். அடகிலிருந்த நகையை மீட்பீர்கள். புதன் சாதகமாக இருப்பதால், பழைய நண்பர்களின் ஆதரவு கிடைக்கும். உறவினர்களால் அனுகூலம் உண்டு. ராகு, கேது, சனி மற்றும் குரு உங்களுக்குச் சாதகமாக இல்லாததால், மற்றவர்களை நம்பி பெரிய முயற்சிகளில் ஈடுபடாதீர்கள். செலவுகளைத் தவிர்க்கவும். வியாபாரத்தில், புதிய வாடிக்கை யாளர்கள் வருகை தருவார்கள். உத்தியோகத்தில் உங்கள் உழைப்புக்கு அங்கீகாரம் கிடைக்கவில்லையே என்று ஆதங்கப்படுவீர்கள். கலைத் துறையினரே! புது வாய்ப்புகள் தேடி வரும்.

நினைத்ததைச் சாதித்துக் காட்டும் தருணம் இது.

சிம்மம்

வெளிப்படையாகப் பேசுபவர்களே!


ராசிபலன்

குருபகவான் 2-ல் அமர்ந்திருப்ப தால், புகழ், கௌரவம் உயரும். எதிர்பாராத பணவரவு உண்டு. குடும் பத்தில் உள்ளவர்களின் உணர்வு களுக்கு மதிப்பளிப்பீர்கள். தடைப் பட்டிருந்த வீடு கட்டும் பணியைத் தொடங்க பணம் கிடைக்கும். பழைய உறவினர்கள், நண்பர்களுடன் மனம் விட்டுப் பேசி மகிழ்வீர்கள்.

உங்கள் ராசிநாதன் சூரியன் உச்சமாகி நிற்பதால், உடல் நிலை சீராகும். உங்களின் நிர்வாகத் திறமை கூடும். வழக்கு சாதகமாகும். ஆனால், தந்தையாருடன் மனவருத்தங்கள் வந்து நீங்கும். செவ்வாய் சாதகமாக இருப்பதால், உடன்பிறந்தவர்கள் உங்கள் வளர்ச்சிக்குச் சாதகமாக இருப்பார்கள். அர்த்தாஷ்டமச் சனி தொடர்வதால் வீடு, வாகனப் பராமரிப்புச் செலவுகள் வந்து போகும். வியாபாரத்தில் விளம்பர யுக்திகளைக் கையாண்டு லாபத்தைப் பெருக்கு வீர்கள். வாடிக்கையாளர்களிடம் கோபப்படாதீர்கள். உத்தியோகத்தில் உங்களின் பரந்த மனதை மூத்த அதிகாரி புரிந்துகொண்டு உதவுவார். கலைத்துறையினரே! எதிர்பார்த்த வாய்ப்புகள் தேடி வரும்.

சமயோசித அறிவால் வெற்றி பெறும் வேளை இது.

கன்னி

மனிதாபிமானம் உள்ளவர்களே!


ராசிபலன்

சனி பகவான் 3-ம் இடத்தில் வலுவாக அமர்ந்திருப்பதால், சவால் களில் வெற்றி பெறுவீர்கள். பேச்சில் அனுபவ அறிவு வெளிப்படும். பண வரவு அதிகரிக்கும். சிலருக்குக் குழந்தை பாக்கியம் கிடைக்கும். கடன் பிரச்னைகள் கட்டுப்பாட்டுக்குள் வரும்.

சுக்கிரன் சாதகமாக இருப்பதால், வீடு கட்ட வங்கி உதவும். ஆடை, ஆபரணம் சேரும். சூரியன் 8-ல் இருப்பதால், அலைச்சல், டென்ஷன் குறையும். தந்தை வழியில் இருந்த மோதல்கள் விலகும். சொந்த ஊரில் இழந்த செல்வாக்கை மீண்டும் பெறுவீர்கள். ஜன்ம குரு தொடர்வதால், மறைமுக விமர்சனங்களும், தாழ்வு மனப்பான்மையும் வந்து நீங்கும். வேலைச்சுமையால் சோர்வடைவீர்கள். வியாபாரத்தில் புதுத் தொழில் தொடங்கும் முயற்சி வெற்றியடையும். பங்குதாரர்களும் பணியாளர்களும் பூரண ஒத்துழைப்பு அளிப்பார்கள். உத்தியோகத்தில் அதிகாரிகளிடம் இணக்கமாக நடந்துகொள்ளவும். சக ஊழியர்கள் மதிப்பார்கள். கலைத் துறையினரே! உங்களின் எண்ணங்கள் பூர்த்தியாகும். வர வேண்டிய சம்பளம் கைக்கு வரும்.

விவேகமான முடிவுகளால் வெற்றி பெறும் நேரம் இது.

துலாம்

கலாரசனை உள்ளவர்களே!


ராசிபலன்

ஜீவனாதிபதி சந்திரன் சாதகமான வீடுகளில் செல்வதால், தன்னம்பிக்கை பெருகும். இழுபறியாக இருந்த வேலைகள் முடியும். ராகு வலுவாக இருப்பதால், வேற்று மொழியினர், வெளிநாட்டில் இருப்பவர்களால் ஆதாயம் உண்டு. ஓரளவு பணவரவு உண்டு என்றாலும் ஏழரைச்சனி நீடிப்ப தால், கடன் வாங்க வேண்டியிருக்கும்.

ராசிநாதன் சுக்கிரன் 6-ல் மறைந் திருப்பதால், கணவன்-மனைவிக்குள் அனுசரித்துப் போவது நல்லது. பிள்ளைகளை அரவணைத்துச் செல்லவும். புதனின் போக்கு சரியில்லாததால், தந்தைக்கு மருத்துவச் செலவுகள் ஏற்படும். சூரியன் 7-ல் நிற்பதாலும், செவ்வாய் 8-ல் மறைந்திருப்பதாலும் வாழ்க்கைத் துணைக்கு சிறுசிறு அறுவை சிகிச்சைகள் வந்து நீங்கும். யாரையும் எளிதில் நம்பி ஏமாற வேண்டாம். வியாபாரத்தில் புது முதலீடுகளை யோசித்துச் செய்வது நல்லது. உத்தியோகத்தில் உங்களைப் பற்றிய வதந்திகளைச் சிலர் பரப்புவார்கள். கலைத்துறையினரே! கிடைக்கின்ற வாய்ப்பை தக்கவைத்துக் கொள்ளுங்கள்.

வளைந்துகொடுக்க வேண்டிய தருணம் இது.

விருச்சிகம்

தன்னம்பிக்கை மிகுந்தவர்களே!


ராசிபலன்

சூரியன் வலுவாக இருப்பதால், தைரியம் கூடும். திடீர் முன்னேற்றம், அரசால் ஆதாயம் போன்ற பலன்கள் உண்டாகும். வருமானம் உயரும். வழக்கில் சாதகமான தீர்ப்பு வரும்.

குரு பகவான் வலுவாக அமர்ந் திருப்பதால், கடனாக  வாங்கியிருந்த பணத்தைத் தந்து முடிப்பீர்கள். சுப நிகழ்ச்சிகளால் வீடு களை கட்டும். பூர்வீகச் சொத்துச் சிக்கல் முடிவுக்கு வரும். சுக்கிரன் சாதகமான வீடுகளில் செல்வதால், வாழ்க்கைத்துணை வழியில் எதிர்பார்த்த உதவிகள் கிடைக்கும். புதன் சாதகமான வீடுகளில் செல்வதால், உறவினர்கள், நண்பர்கள் மத்தியில் மதிப்பு, மரியாதை கூடும். ஜன்மச் சனி தொடர்வதால், மன அழுத்தம், விரக்தி, வந்து போகும். வியாபாரத்தில் சில சலுகைத் திட்டங்களை அறிவித்து வாடிக்கையாளர்களைக் கவர்வீர்கள். புது ஒப்பந்தங்களால் லாபம் பெருகும். உத்தியோகத்தில் உயரதிகாரி உங்களை நம்பி சில முக்கிய பொறுப்பு களை ஒப்படைப்பார். கலைத் துறையினரே! பொது நிகழ்ச்சிகளில் தலைமை தாங்கும் அளவுக்குப் பிரபலமாவீர்கள்.

தடைகளைத் தகர்த்து சாதிக்கும் வேளை இது.

தனுசு

போர்க்குணம் கொண்டவர்களே!


புதன் சாதகமாக இருப்பதால், மனத்தெளிவு பிறக்கும். சுறுசுறுப்புடன் செயல்படுவீர்கள். எதிர்பார்த்த பணம்

ராசிபலன்

கைக்கு வரும். கேட்ட இடத்தில் உதவிகள் கிடைக்கும். பழைய உறவினர்கள், நண்பர்கள் தேடி வந்து பேசுவார்கள்.

சுக்கிரன் 4-ல் அமர்ந்திருப்பதால், வாகனப் பழுது நீங்கும். பழைய கடனைத் தீர்க்க புது வழி யோசிப்பீர்கள். செவ்வாய் 6-ல் நிற்பதால், சொத்துப் பிரச்னைகள் முடிவுக்கு வரும். பிள்ளைகள் உங்கள் அறிவுரையை ஏற்றுக்கொள்வர். உடன்பிறந்தவர்கள் உங்களிடம் முக்கிய விஷயங்களைப் பகிர்ந்துக் கொள்வர். பிரச்னைகளின் ஆணி வேரைக் கண்டறிவீர்கள். 5-ல் சூரியன் நிற்பதால், முன்கோபம், ஒற்றைத் தலைவலி வந்து நீங்கும். அரசு காரியங்கள் தடைப்பட்டு முடியும். வியாபாரத்தில் அதிரடியான திட்டங் களைத் தீட்டுவீர்கள். வேலையாட்களை தட்டிக்கொடுத்து வேலை வாங்குவீர்கள். உத்தியோகத்தில் நீங்கள் திறமைசாலி என்பதை நிரூபிக்க, போராட வேண்டி வரும். கலைத்துறையினரே! வேற்று மொழி வாய்ப்புகளால் ஆதாயம்  அடைவீர்கள்.

நீண்ட நாள் ஆசை நிறைவேறும் தருணம் இது.

மகரம்

மென்மையாகப் பேசுபவர்களே!


சுக்கிரனும், புதனும் சாதகமாக இருப்பதால், திடீர் பணவரவு உண்டு. வாகன வசதி பெருகும். கல்யாண பேச்சு

ராசிபலன்

வார்த்தை கைகூடும். வீடு கட்ட வங்கிக் கடன் உதவி கிடைக்கும். பிள்ளைகள் குடும்பச் சூழ்நிலை அறிந்து செயல்படுவர். பெற்றோரின் விருப்பங்களை நிறைவேற்றுவீர்கள்.

நீண்ட நாள்களாகச் சந்திக்க வேண்டுமென்று நினைத்த உறவினர், நண்பர்களைச் சந்திப்பீர்கள். வழக்கில் நல்ல தீர்ப்பு வரும். 4-ல் சூரியன் நிற்பதால், வேலைச்சுமை, உறவினர் களுடன் கருத்து மோதல்கள் வரக் கூடும். ராசிநாதன் சனி வலுவாக இருப்பதால், வாழ்வின் சூட்சுமத்தை அறிவீர்கள். கண்டும் காணாமல் இருந்தவர்கள் வலிய வந்து பேசுவார்கள். சித்தர்கள், மகான்களின் ஆசி கிட்டும். ஷேர் மூலம் லாபம் வரும். வெளிவட்டாரத்தில் அந்தஸ்து உயரும். வியாபாரத்தில் போட்டிகள் குறையும். வாடிக்கையாளர்களின் ரசனையைப் புரிந்துகொள்வீர்கள். உத்தியோகத்தில் அதிகாரிகளால் மதிக்கப்படுவீர்கள். கலைத் துறையினரே! உங்களின் படைப்புகள் பலராலும் பாராட்டப்படும்.

எதிர்பார்ப்புகள் தடையின்றி நிறைவேறும் காலம் இது.

கும்பம்

அனுபவம் நிறைந்தவர்களே!


ராசிபலன்

சூரியன் 3-ல் வலுவாக இருப்பதால், புதிய முயற்சிகள் பலிதமாகும். அரசால் அனுகூலம் உண்டு. தெளி வான முடிவுகள் எடுப்பீர்கள். கணவன்-மனைவிக்குள் மனம்விட்டுப் பேசுவீர்கள். பிள்ளைகளின் பிடிவாதம் குறையும். நிலுவையில் இருந்த வழக்கில் நல்ல தீர்ப்பு வரும்.

சுக்கிரன் சாதகமாக இருப்பதால், கேட்டிருந்த இடத்தில் பணம் கிடைக் கும்; ஆபரணங்கள் வாங்குவீர்கள். கல்யாணப் பேச்சுவார்த்தை சாதகமாக முடியும். பயணங்கள் திருப்திகரமாக அமையும். சனி வலுவாக இருப்பதால், வீட்டில் நல்ல விஷயங்கள் நடக்கும். வெளி மாநிலத்தவர்களால் ஆதாயம் உண்டு. நீண்ட நாள் பிரார்த்தனைகளை நிறைவேற்றுவீர்கள். சர்ப்ப கிரகங்கள் சாதகமாக இல்லாததால், மற்றவர்களை நம்பி முக்கிய முடிவுகள் எடுக்க வேண்டாம். வியாபாரத்தில் எதிர்பாராத லாபம் உண்டு. புது ஏஜென்சி எடுப்பீர் கள். பங்குதாரர்களை அனுசரித்து செல்லவும். உத்தியோகத்தில் எதிர் பார்த்த சலுகைகள் சற்று தாமதமாகி கிடைக்கும். கலைத்துறையினரே! மூத்த கலைஞர்களின் நட்பால் ஆதாயமடைவீர்கள்.

பழைய சிக்கல்களில் ஒன்று விலகும் நேரம் இது.

மீனம்

கனிவு நிறைந்தவர்களே!

ராசிபலன்

உங்களின் சேவகாதிபதி சுக்கிரன் ராசிக்குள் உச்சம் பெற்று அமர்ந் திருப்பதால், இங்கிதமாகப் பேசி பல காரியங்களைச் சாதிப்பீர்கள். நீண்ட நாளாகச் சந்திக்க நினைத்தவரைச் சந்திப்பீர்கள். ஓரளவு பணவரவு உண்டு. புது வீடு, வாகனம் வாங்குவீர்கள்.

புதன் சாதகமாக இருப்பதால், கண்டும் காணாமல் சென்று கொண்டிருந்த உறவினர்கள் வலிய வந்து பேசுவார்கள். தெய்விக ஈடுபாடு அதிகரிக்கும். ராசிக்கு 2-ல் சூரியன் இருப்பதால், வீண் டென்ஷன், கண் வலி, மன உளைச்சல் வந்து நீங்கும். வழக்கில் வழக்கறிஞரின் ஆலோசனை யின்றி எந்த முடிவும் எடுக்க வேண்டாம். வியாபாரத்தில் புது யுக்திகளால் தேங்கிக் கிடந்த சரக்குகளை விற்றுத் தீர்ப்பீர்கள். பழைய பாக்கிகளை நய மாகப் பேசி வசூலிப்பீர்கள். உத்தி யோகத்தில் சூட்சுமங்களை உணர்வீர்கள். அதிகாரிகள் வலிய வந்து உதவுவார்கள். உங்களுக்கு எதிராக செயல்பட்ட சக ஊழியர்களில் சிலர் நட்பு பாராட்டுவார்கள். கலைத் துறையினரே! அயல்நாட்டு நிறுவனங் களில் இருந்து வாய்ப்புகள் வரும்.

எதிலும் ஏற்றம் தரும் வேளை இது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism