Published:Updated:

திருவோணம்

திருவோணம்

திருவோணம்
திருவோணம்

னதுக்கு இனிய சம்பவங்கள் நிகழும் தருணம் இது. நிலம், மனை, வீடு மற்றும் வாகனம் வாங்கும் யோகம் உண்டு. செந்நிறப் பொருட்கள் லாபம் தரும். உடன்பிறந்தவர்கள் உதவிபுரிவர். இயந்திரப் பணியாளர்கள், இன்ஜினீயர்கள் ஆகியோர் செழிப்பான நிலைக்கு வருவார்கள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

11.10.2012 முதல், வெளிநாட்டுத் தொடர்புடன் தொழில் புரிபவர்கள் கொஞ்சம் எச்சரிக்கையுடன் செயல்படுங்கள். முன்பின் தெரியாதவர்களை நம்பவேண்டாம். பயணத்தின்போது கவனமாக இருங்கள்.

5.11.2013 முதல் பொருளாதார நிலையில் அபிவிருத்தி காண்பீர்கள். வீட்டில் சுபகாரியங்கள் நிகழும். பிள்ளைகளால் மகிழ்ச்சியும் பெருமையும் அதிகரிக்கும். தெய்வ காரியங்கள், குலதெய்வ வழிபாடு ஆகியவற்றை நிறைவேற்றுவீர்கள். வீட்டில், செல்வமும் சந்தோஷமும் பொங்கித் ததும்பும் தருணம் இது!

திருவோண நட்சத்திரத்துக்கான தெய்வம்- திருமால். இவரை வழிபடுவதுடன், பெருமாள் அருளும் திவ்ய க்ஷேத்திரங்களுக்குச் சென்று தரிசித்து வருவதால், சகல நன்மைகளும் கைகூடும்.

வழிபட வேண்டிய தலம்

திருவோணம்

கும்பகோணத்துக்கு அருகில் உள்ள தலம், ஒப்பிலியப்பன் திருக் கோயில். திருவிண்ணகரப்பன் எனும் திருநாமத்துடன் திருமால் காட்சி தரும், அற்புதத் தலம். ஆழ்வார்களால், மங்களாசாசனம் செய்யப்பட்ட திவ்ய தேசங்களுள் ஒன்று!  

ஸ்ரீமகாலட்சுமி, திருமாலின் மார்பில் தனக்கு இடம் வேண்டி, பூலோகத் தில் குழந்தையாக அவதரித்தாள். மார்க்கண்டேய முனிவரிடம், துளசி எனும் திருநாமத்துடன் வளர்ந்தவளை, முதியவராக வந்து பெண் கேட்டார், திருமால். 'சாப்பாட்டில் உப்பு கூட சரியாகப் போடத் தெரியாதே, இவளுக்கு’ என முனிவர் சொல்ல... 'பரவாயில்லை. உப்பில்லாமல் சமைத் தாலும் ஏற்றுக் கொள்வேன்’ என முதியவர் சொன்னதும், வந்திருப்பது திருமால் என அறிந்த முனிவர், இருவருக்கும் திருமணம் செய்வித்தார். இதனால், இந்தத் தலத்து நாயகனுக்கு உப்பிலியப்பன், ஒப்பிலியப்பன் எனத் திருநாமங்கள் அமைந்தன!

மாதந்தோறும், இங்கே திருவோண நட்சத்திர நாளன்று, சிறப்பு பூஜைகள் நடந்தேறும். ஸ்ரீஒப்பிலியப்பருக்கு சாம்பிராணி தூபம் காட்டி, அகண்ட தீபமும் வால் தீபமும் ஏற்றி, வழிபாடு நடக்கும். இந்த நாளில் இங்கு வந்து பெருமாளை வழிபட, சகல செல்வங்களும் பெற்று வாழலாம்; திருமணத் தடை நீங்கும் என்பது ஐதீகம்!

திருவோணம்