Published:Updated:

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை
பிரீமியம் ஸ்டோரி
ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

ஜோதிட ரத்னா கே.பி.வித்யாதரன்

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

ஜோதிட ரத்னா கே.பி.வித்யாதரன்

Published:Updated:
ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை
பிரீமியம் ஸ்டோரி
ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

திறமை வளரும்!

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை



மேஷம்:
ஆணவத்துக்கு அடிபணியாத வர்களே! உங்களுக்குப் புதன் 5-ல் அமர்ந் திருப்பதால் குடும்பத்தில் மகிழ்ச்சி நிலவும்.

பூர்வீகச் சொத்தால் வருமானம் வரும். சுக்கிரன் சாதகமான வீடுகளில் செல்வதால் திடீர் பணவரவு ஏற்படும். ராசிநாதன் செவ்வாய் 4-ல் அமர்ந்ததால் சகோதரியின் திருமணம் கூடி வரும். 27-ம் தேதி முதல் ராகுவும் 4-ல் அமர்வதால் பூர்வீகச் சொத்தில் இருந்த பிரச்னைகள் சுமுகமாக முடியும். வியாபாரத்தில் பெரிய நிறுவனங்களுடன் ஒப்பந்தம் ஏற்படும். உத்தியோகத்தில் சக ஊழியர்கள் உங்கள் வேலைகளைப் பகிர்ந்து கொள்வார்கள். உங்களின் திறமை வளரும்.

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

வெற்றி கிட்டும்!

ரிஷபம்: மூடநம்பிக்கை இல்லாதவர் களே! உங்கள் ராசிக்கு 4-ல் புதன் இருப்பதால் வீட்டை விரிவுபடுத்திக் கட்டுவீர்கள். சூரியன் வலுவாக இருப்பதால் அரசால் அனுகூலம் உண்டாகும். ராசிநாதன் சுக்கிரன் 26-ம் தேதி முதல் 2-ல் அமர்வதால் பணப்புழக்கம் அதிகரிக்கும். செவ்வாயும் சூரியனும் 3-ல் தொடர்வதால் எதிலும் வெற்றி கிடைக்கும். மனத்தெளிவு ஏற்படும். 27-ம் தேதி முதல் ராகு 3-ல், கேது 9-ல் அமர்வதால் கணவன் மனைவிக்கு இடையில் அந்நியோன்யம் அதிகரிக்கும். வியாபாரத்தில் வேலையாட்களால் டென்ஷன் ஏற்படும். நிர்வாகத்திறன் கூடும். வெற்றி கிட்டும்.

அதிரடி லாபம் உண்டு!

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை



மிதுனம்: அதிகாரம் செய்ய விரும்புபவர்களே! உங்கள் ராசிநாதன் புதன் வலுவாக இருப்பதால் உறவினர்களின் ஆதரவு கிடைக்கும். பிள்ளைகளின் பிடிவாதம் மாறும். 26-ம் தேதி முதல் சுக்கிரன் ராசிக்குள் அமர்வதால் சோர்வு நீங்கும். பாதியில் நின்ற வேலைகள் முடியும். ஆடை ஆபரணம் சேரும். திருமணப் பேச்சுவார்த்தை சுமுகமாக முடியும். 27-ம் தேதி முதல் ராகுவும் கேதுவும் அனுகூலமாக இல்லை என்பதால் பேச்சில் மிகுந்த கவனம் தேவை. யாருக்கும் ஜாமீன் கையெழுத்து போட வேண்டாம். வாழ்க்கைத்துணையுடன் அனுசரித்துப் போவது நல்லது. வியாபாரத்தில் ஒப்பந்தங்கள் கையெழுத்தாகும். அதிரடி லாபம் உண்டு. 

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

வசதி வாய்ப்புகள் கூடும்!

கடகம்: சமயோசித அறிவால் சாதிப் பவர்களே! உங்கள் ராசிக்கு 2-ல் புதன் இருப்பதால் பேச்சில் அனுபவ அறிவு பளிச்சிடும். எதிர்பார்த்த பணம் கைக்கு வரும். உறவினர்களால் ஆதாயம் உண்டாகும். 26-ம் தேதி முதல் சுக்கிரன் 12-ல் அமர்வதால் அரசால் அனுகூலம் உண்டாகும். ராசிக்குள் சூரியன் இருப்பதால் சில நேரங்களில் கண்ணில் எரிச்சல் ஏற்படக்கூடும். 27-ம் தேதி முதல் ராசிக்குள் ராகுவும் 7-ல் கேதுவும் அமர்வதால் குடும்பத்தில் வாக்குவாதங்கள் ஏற்படக்கூடும். பிள்ளைகள் தொடர்பான முக்கிய முடிவுகள் எடுப்பீர்கள். வசதி வாய்ப்புகள் பெருகும்.

கனவு நனவாகும்!

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை



சிம்மம்:
எதையும் நேருக்கு நேராக பேசுபவர்களே! 26-ம் தேதி முதல் சுக்கிரன் லாப வீட்டில் அமர்ந்திருப்பதால் எதிர்பார்த்த பணம் வரும். குடும்பத்தில் சந்தோஷம் நிலைக்கும். ராசிநாதன் சூரியன் 12-ல் மறைந் திருப்பதால் அரசு காரியங்கள் தாமதமாக முடியும். 27-ம் தேதி முதல் ராகு 12-ல், கேது 6-ல் நிற்பதால் பிரிந்திருந்த கணவன் மனைவி ஒன்றுசேருவீர்கள். வியாபாரத்தில் எதிர்பார்த்ததைவிட லாபம் அதிகரிக்கும். கலைத்துறையினர்களே! உங்களின் நீண்ட நாள் கனவு நனவாகும்.

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

தொட்டது துலங்கும்!

கன்னி:
பாகுபாடு இல்லாமல் பழகுபவர் களே! புதன் சாதகமாக இருப்பதால் சுப செலவுகள் அதிகரிக்கும். கௌரவப் பதவிகள் தேடி வரும். 26-ம் தேதி முதல் சுக்கிரன் சாதகமான நட்சத்திரங்களில் செல்வதால் வீட்டை அழகு படுத்துவீர்கள். சூரியனும் 11-ம் வீட்டில் நிற்பதால் அரசால் அனுகூலம் உண்டு. புனிதப் பயணங்கள் சென்று வருவீர்கள். 27-ம் தேதி முதல் ராகு லாப வீட்டிலும், கேது 5-லும் அமர்வதால் குழந்தை பாக்கியம் கிட்டும். பிள்ளைகளால் பெருமையடைவீர்கள். வியாபாரத்தில் இரட்டிப்பு லாபம் உண்டு. உத்தியோகத்தில் சிக்கல்களும் குழப்பங்களும் நீங்கும். தொட்டது துலங்கும் தருணம் இது.

சுப நிகழ்ச்சிகள்  நடக்கும்!

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை



துலாம்: மனதில்பட்டதை மறைக்காதவர் களே! புதன் சாதகமான நட்சத்திரங்களில் செல்வதால் திறமைகளை வெளிப்படுத்த நல்ல வாய்ப்புகள் கிடைக்கும். ராசிநாதன் சுக்ரன் 26-ம் தேதி முதல் 9-ம் வீட்டில் அமர்வதால் வர வேண்டிய பணம் கைக்கு வரும் என்றாலும் பற்றாக்குறை நீடிக்கும். செவ்வாய் 10-ம் வீட்டில் அமர்ந்ததால் சகோதர வகையில் ஒற்றுமை பிறக்கும். ரியல் எஸ்டேட் வகைகளால் லாபம் வரும். 27-ம் தேதி முதல் ராகு 10-ல், கேது 4-ல் அமர்வதால் வேலையில்லாதவர்களுக்கு நல்ல வேலை கிடைக்கும். வீட்டில் சுப நிகழ்ச்சிகள் நடக்கும். வியாபாரத்தில் கடினமாக உழைத்து லாபம் பெறுவீர்கள்.

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

நிர்வாகத் திறன் கூடும்!

விருச்சிகம்:
தன்மானத்தை விட்டுக் கொடுக்காதவர்களே! புதன் சாதகமாக இருப்பதால் பணவரவு உண்டு. கௌரவப் பதவிகள் தேடி வரும். 26-ம் தேதி முதல் சுக்கிரன் 8-ல் மறைந்திருப்பதால், எதிர்பாராத பணவரவு உண்டு. 9-ல் சூரியன் நிற்பதால் தந்தைக்கு மருத்துவச் செலவு, அவருடன் கருத்து மோதல்கள் வரக்கூடும். 27-ம் தேதி முதல் ராகு 9-ல், கேது 3-ல் அமர்வதால் இளைய சகோதரருடன் பனிப்போர் வந்து நீங்கும். வியாபாரத்தில் சில மாற்றங்கள் செய்வீர்கள். உத்தியோகத்தில் உங்களின் நிர்வாகத் திறமைக் கூடும். கலைத்துறையினர்களே! வேற்று மொழி வாய்ப்புகளால் புகழடைவீர்கள்.

எதிர்நீச்சல் தேவை!

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை



தனுசு:
தராதரம் அறிந்து பழகுபவர்களே! புதன் 9-ம் வீட்டில் நிற்பதால் முயற்சிகள் பலிதமாகும். வி.ஐ.பி-க்களின் உதவியால் தடைப்பட்ட சில காரியங்களை விரைந்து முடிப்பீர்கள். 26-ம் தேதி முதல் சுக்கிரன் 7-ல் நிற்பதால் பணம் வரும். வாகனப் பழுது நீங்கும். செவ்வாய் 8-ல் மறைந்ததால் வீண் அலைச்சல், சகோதர வகையில் சச்சரவுகள் வரும். 27-ம் தேதி முதல் ராகுவும் கேதுவும் சரியில்லாததால் வெளிவட்டாரத்தில் மதிப்பு குறையும். வியாபாரத்தில் புது ஒப்பந்தங்களால் லாபம் பெருகும். உத்தியோகத்தில் அதிகாரியால் சில நெருக்கடிகளைச் சந்திக்க நேரிடும். எதிர்நீச்சல் போட வேண்டிய தருணம் இது.

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

சமயோசிதம் முக்கியம்!

மகரம்: மண்ணின் மைந்தர்களே! புதன் 8-ல் இருப்பதால் உறவினர்கள் மத்தியில் மதிக்கப்படுவீர்கள். 26-ம் தேதி முதல் சுக்கிரன் 6-ம் வீட்டில் அமர்வதால் வாகன விபத்து, டென்ஷன், முதுகுவலி வந்து விலகும். கணவன் மனைவிக்குள் அனுசரித்துப் போவது நல்லது. 27-ம் தேதி முதல் ராசிக்கு 7-ல் ராகுவும், ராசிக்குள்ளேயே கேதுவும் வந்தமர்வதால் வாழ்க்கைத்துணையுடன் பிரச்னைகள் ஏற்படக்கூடும். வியாபாரத்தில் போட்டிகள் அதிகரிக்கும். உத்தியோகத்தில் வேலைச்சுமை அதிகரிக்கும். கிடைக்கின்ற வாய்ப்பை தக்கவைத்துக் கொள்ளுங்கள். சமயோசிதம் முக்கியம்.

புகழ் கிடைக்கும்!

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை



கும்பம்:
பிறர் குற்றம் பார்க்காதவர்களே! புதன் வலுவடைந்திருப்பதால் புதிய சிந்தனைகள் தோன்றும். தந்தைவழியில் இருந்த பிணக்குகள் நீங்கும். 26-ம் தேதி முதல் சுக்கிரன் 5-ம் வீட்டில் அமர்வதால் பெரிய திட்டங்கள் தீட்டுவீர்கள். பணப்புழக்கம் அதிகரிக்கும். பிள்ளைகளின் வருங்காலம் குறித்து யோசிப்பீர்கள். சிலருக்குக் குழந்தை பாக்கியம் கிடைக்கும். 27-ம் தேதி முதல் ராசிக்கு 6-ல் ராகுவும், ராசிக்கு 12-ல் கேதுவும் நிற்பதால் உத்தியோகத்தில் அலுவலகச் சூழ்நிலை அமைதி தரும். கலைத்துறையினர்களே! உங்கள் படைப்புகளுக்கு நல்ல வரவேற்பு கிடைக்கும். புகழ் கிடைக்கும்.

ராசி பலன்கள் - ஜூலை 25-ம் தேதி முதல் ஆகஸ்ட் 7-ம் தேதி வரை

முன்னேறும் காலமிது!

மீனம்: எதிலும் மாற்றத்தை விரும்புபவர் களே! 26-ம் தேதி முதல் சுக்கிரன் 4-ல் அமர் வதால் செயலில் வேகம் கூடும். எதிர்பார்த்த பணம் வரும். வாழ்க்கைத்துணை வழியில் நல்லது நடக்கும். புது வேலை அமையும். ஆனால், புதன் சாதகமாக இல்லாததால் சோர்வு, களைப்பு வந்து நீங்கும். 27-ம் தேதி முதல் 5-ல் ராகுவும், லாப வீட்டில் கேதுவும் அமர்வதால் திடீர் யோகம், வெற்றி வாய்ப்புகள் தேடி வரும். வீட்டில் தடைபட்ட சுபகாரியங்கள் ஏற்பாடாகும்.  உத்தியோகத்தில் வளைந்து கொடுத்துப் போவது நல்லது. வெளிநாட்டு நிறுவனங்களில் இருந்து வாய்ப்புகள் வரும். எதிர்ப்புகளையும் தாண்டி முன்னேறும் காலம் இது.