Published:Updated:

ராசிபலன்

அக்டோபர் 24 முதல் நவம்பர் 6 வரை‘ஜோதிட ரத்னா’ முனைவர் கே.பி.வித்யாதரன்

பிரீமியம் ஸ்டோரி
ராசிபலன்

ன்மானம் மிக்கவர்களே! உங்கள் ராசிநாதன் செவ்வாய் 6-ல் வலுவாக இருப்பதால் குடும்பத்தில் அமைதி நிலவும். அதிகாரப் பதவியில் இருப்பவர்களின் நட்பு கிடைக்கும். சொத்துப் பிரச்னை சுமுகமாக முடியும். வழக்குகளில் வெற்றி கிடைக்கும். பழைய கடன் பிரச்னை தீரும். வீடு, மனை வாங்குவது, விற்பது நல்லபடியாக முடியும். உடன்பிறந்தவர்கள் உதவியாக இருப்பார்கள். புதன் சாதகமான வீடுகளில் செல்வதால் பணப்புழக்கம் அதிகரிக்கும். ஆனால், சூரியன் 7-ல் நீசமாகி நிற்பதால் அரசாங்கக் காரியங்கள் தாமதமாகி முடியும். பிள்ளை களால் செலவுகள் உண்டு. வாழ்க்கைத்துணையின் ஆரோக்கியம் பாதிக்கப்படக்கூடும். 2-ம் தேதி வரை சுக்ரன் 6-ல் மறைந்திருப்பதால் கணவன் மனைவிக்குள் விவாதங்கள் ஏற்படக்கூடும். 

3-ம் தேதி முதல் சுக்கிரன் ஆட்சி பெற்று உங்கள் ராசியைப் பார்க்க இருப்பதால் சோர்வு நீங்கும். அஷ்டமத்துச் சனி தொடர்வதால் எதிலும் இழுபறி நிலை ஏற்படும். வியாபாரத்தில் பங்குதாரர்கள் உங்கள் ஆலோசனையை ஏற்றுக்கொள்வார்கள். உத்தியோகத்தில் ஏற்றமும் பாராட்டும் கிடைக்கும். கலைத்துறையினரே! விமர்சனங்களைக் கடந்து முன்னேறுவீர்கள்.

சூழ்ச்சிகளை முறியடித்து முன்னேறும் வேளை இது.

ராசிபலன்

ழைப்பதற்கு அஞ்சாதவர்களே! ராகு 3-ல் வலுவாக இருப்பதால் தைரியமாக முடிவுகள் எடுப்பீர்கள். எதையும் சமாளிக்கும் சாமர்த்தியம் பிறக்கும். எதிர்பார்த்த பணம் கைக்கு வரும். வீடு வாங்குவது சாதகமாக முடியும். விலை உயர்ந்த மின்னணு சாதனங்களை வாங்குவீர்கள். ஷேர் மூலம் லாபம் வரும். சுகாதிபதி சூரியன் நீசமாகி இருப்பதால் வீடு, வாகனப் பராமரிப்புச் செலவுகள் அதிகரிக்கும். அரசாங்கக் காரியங்கள் இழுபறியாக முடியும். 28-ம் தேதி முதல் புதன் உங்கள் ராசியைப் பார்க்க இருப்பதால் பாதியில் நின்ற வேலைகள் முடியும். செவ்வாய் 5-ல் இருப்பதால் பிள்ளைகளிடம் கோபம் கொள்ளாமல் அனுசரித்துச் செல்வது நல்லது. சொத்து வாங்குவது விற்பதில் வில்லங்கம் ஏற்பட்டு நீங்கும். வழக்குகளால் தூக்கம் குறையும். 

சகட குருவும் கண்டகச் சனியும் தொடர்வதுடன், 3-ம் தேதி முதல் சுக்கிரனும் 6-ல் மறைவதால் கணவன் மனைவிக்குள் அனுசரித்துச் செல்வது நல்லது. குடும்ப விஷயங்களை வெளியில் பேச வேண்டாம். வியாபாரத்தில் கடினமாக உழைத்து லாபம் ஈட்டுவீர்கள். உத்தியோகத்தில் அடுத்தடுத்த வேலைகளால் மன இறுக்கம் ஏற்படக்கூடும். கலைத் துறையினர்களே! போட்டிகளை எதிர்கொள்ள நேரிடும்.

கடின உழைப்பால் முன்னேறும் வேளை இது.

ராசிபலன்

மென்மையான பேச்சால் சாதிப்பவர்களே! ராஜ கிரகங்களான குருவும் சனியும் வலுவாக அமர்ந்திருப்பதால் சவால்களில் வெற்றிபெறுவீர்கள். எதிர்பாராத பண வரவு உண்டு; செல்வாக்கு கூடும். ஷேர் லாபம் தரும். கணவன் மனைவிக்குள் அந்நியோன்யம் அதிகரிக்கும். மகளுக்கு வேலை அமையும். பிற மொழி பேசுபவர்களால் திடீர் திருப்பம் உண்டாகும். வாழ்க்கைத்துணை வழியில் ஆதரவு பெருகும். செவ்வாய் 4-ல் இருப்பதால் எதிர்த்தவர்கள் பணிவார்கள். சகோதரர்கள் உதவியாக இருப்பார்கள். புதிதாக வீடு, மனை வாங்கும் யோகம் உண்டாகும். சூரியன் 5-ல் இருப்பதால் அரசாங்க விவகாரங்களில் அலட்சியம் வேண்டாம். 

28-ம் தேதி முதல் புதன் 6-ல் மறைவதால் நண்பர்கள், உறவினர்களுடன் மோதல் போக்கு உண்டாகும். பயணங்களால் அலைச்சல் ஏற்படும். ராகு, கேது சாதகமாக இல்லாததால் ஒருவித படபடப்பு, தயக்கம் வந்துசெல்லும். வியாபாரத்தில் புதிய திட்டங்களை நடைமுறைபடுத்து வீர்கள். உத்தியோகத்தில் தலைமையின் நம்பிக்கையைப் பெறுவீர்கள். கலைத்துறையினரே! உங்களுடைய படைப்புத் திறன் அதிகரிக்கும்.

வெற்றிக் கனியைச் சுவைக்கும் நேரம் இது.

ராசிபலன்

ற்றவர்களின் கஷ்டங்களைப் போக்குபவர்களே! உங்களின் யோகாதிபதி செவ்வாய் வலுவாக இருப்பதால் தன்னம்பிக்கை அதிகரிக்கும். அதிகாரப் பதவியில் இருப்பவர்கள் உதவுவார்கள். எதிர்பார்த்த பணம் கைக்கு வரும். கடன் பிரச்னைகளைச் சமாளிக்கப் புது வழி யோசிப்பீர்கள். உடன்பிறந்தவர்கள் உதவி செய்வார்கள். வழக்கு சாதகமாகும். சுக்கிரனும் புதனும் சாதகமான நட்சத்திரங்களில் செல்வதால் சமயோசிதமாகப் பேசி சாதிப்பீர்கள். புது வேலை கிடைக்கும். விலை உயர்ந்த ஆடை, ஆபரணம் வாங்குவீர்கள். சூரியன் 4-ல் இருப்பதால் வீடு கட்ட பிளான் அப்ரூவலும் வங்கிக் கடனுதவியும் கிடைக்கும். 

சர்ப்ப கிரகங்கள் சாதகமாக இல்லாததால் நெஞ்சுவலி, முதுகுத்தண்டில் வலி, வாழ்க்கைத் துணையுடன் வாக்குவாதம் வந்துபோகும். வியாபாரத்தில் புது யுக்திகளைக் கையாண்டு தேங்கிக் கிடக்கும் சரக்குகளை விற்றுத்தீர்ப்பீர்கள். புது ஒப்பந்தங்கள் கையெழுத்தாகும். உத்தியோகத்தில் சக ஊழியர்களால் மறைமுகப் பிரச்னைகள் வந்து நீங்கும். கலைத் துறையினரே! உங்களுடைய படைப்புகளுக்குப் பாராட்டுகள் கிடைக்கும்.

எதிர்பார்ப்புகள் நிறைவேறும் தருணம் இது.

ராசிபலன்

ங்கும் எதிலும் வெற்றி பெறுபவர்களே! கேது 6-ல் வலுவாக இருப்பதால் நீண்டநாள் விருப்பங்கள் நிறைவேறும். சமூகத்தில் அந்தஸ்து உயரும். சவாலாகத் தெரிந்த சில வேலைகள் சுலபமாக முடியும். குடும்பத்தில் உள்ளவர்களின் உணர்வுகளுக்கு மதிப்பு தருவீர்கள். புது வேலைக்கு முயற்சி செய்பவர்களுக்கு நல்ல வேலை அமையும். சுக்கிரனும் புதனும் சாதகமான நட்சத்திரங்களில் செல்வதால் உங்கள் ரசனைக்கேற்ற வீடு அமையும். உறவினர்கள் மத்தியில் மதிப்பு கூடும். நட்பு வட்டம் விரிவடையும். வழக்கில் நல்ல தீர்ப்பு வரும்.

அர்த்தாஷ்டமச் சனியுடன் குரு 3-ல் தொடர்வதால் உடல் அசதி, காரிய தாமதம், வீண் விரயங்கள் ஏற்பட்டு நீங்கும். செவ்வாய் 2-ல் இருப்பதால் பேச்சில் பொறுமை அவசியம். சகோதர வகையில் அலைச்சல் இருந்தாலும் ஆதாயமும் உண்டாகும். சொத்துப் பிரச்னைக்குச் சுமுகத் தீர்வு காண்பது நல்லது. வியாபாரத்தில் லாபம் அதிகரிக்கும். பழைய வேலையாட்களும் வாடிக்கையாளர்களும் தேடி வருவார்கள். உத்தியோகத்தில் சூழ்ச்சியையும் தாண்டி அதிகாரி களின் ஆதரவைப் பெறுவீர்கள். கலைத்துறையினரே! உங்களின் கற்பனைத் திறன் வளரும்.

சொன்னதை முடித்துக்காட்டும் நேரம் இது.

ராசிபலன்

தார்த்தமாக முடிவு எடுப்பவர்களே! குரு, சனி மற்றும் ராகு வலுவாக இருப்பதால் வசதி வாய்ப்புகள் கூடும். எதிர்பார்த்த பணம் வரும். பெரிய மனிதர்களின் நட்பு கிடைக்கும். புது வீடு கட்டிக் குடி புகுவீர்கள். புதிய ஆடை, ஆபரணங்கள் வாங்குவீர்கள். பிள்ளைகளின் திறமைகளைக் கண்டறிந்து ஊக்கப்படுத்துவீர்கள். வீண் செலவுகளைக் குறைக்க முயல்வீர்கள். கௌரவப் பதவிகள் தேடிவரும். வீடு, வாகனம் வாங்குவீர்கள். வாழ்க்கைத்துணை வழியில் ஒத்துழைப்பு அதிகரிக்கும். மறைமுக எதிரிகளால் ஆதாயம் உண்டாகும். சூரியன் 2-ல் நிற்பதால் கண்களில் பிரச்னை ஏற்படக்கூடும். அடிக்கடி உணர்ச்சிவசப்படுவீர்கள்.

செவ்வாய் ராசிக்குள் அமர்ந்திருப்பதால் சொத்துப் பிரச்னைகள் தலைதூக்கும். தாயின் உடல்நலனில் கவனம் தேவை. வியாபாரத்தில் சில மாற்றங்களைச் செய்வீர்கள். வெளிநாடு தொடர்புடைய நிறுவனத்துடன் புது ஒப்பந்தம் செய்வீர்கள். உத்தியோகத்தில் அதிகாரிகளால் பாராட்டப்படுவீர்கள். கலைத்துறையினரே! பொது நிகழ்ச்சிகளில் தலைமை தாங்கும் அளவுக்குப் பிரபலமாவீர்கள்.

பொறுமையுடன் செயல்பட்டுப் புகழ்பெறும் நேரம் இது 

ராசிபலன்

கொள்கைகளில் தீவிரப் பிடிப்புள்ளவர்களே! புதனும் சுக்கிரனும் சாதகமாகச் செல்வதால் சோர்ந்திருந்த நீங்கள் சுறுசுறுப்பாகச் செயல்படுவீர்கள். பணவரவு சுமாராகத்தான் இருக்கும். வீடு, வாகனம் வாங்க லோன் கிடைக்கும். பிதுர்வழிச் சொத்து சேரும். வீட்டை அழகுபடுத்துவீர்கள். ராசிக்குள்ளேயே இருக்கும் சூரியன் உங்களை உணர்ச்சிவசப்படச் செய்வார். பாதச்சனி நீடிப்பதால் தூக்கமின்மை, வீண் பயம், பேச்சால் பிரச்னை ஏற்பட்டு நீங்கும். குரு மற்றும் சர்ப்ப கிரகங்கள் சாதகமாக இல்லாததால் பழைய பிரச்னைகள் தலைதூக்கும். வேலைச் சுமையால் டென்ஷன் அதிகரிக்கும். அவ்வப்போது நெஞ்சு வலி, மூச்சுப் பிடிப்பு, ரத்த சோகை வந்து போகும். வீட்டில் மின்சாரச் சாதனங்கள் பழுதாகும்.

வியாபாரத்தில் புது முதலீடு செய்வது பற்றி யோசிப்பீர்கள். வர வேண்டிய பாக்கிகளை நயமாகப் பேசி வசூலிக்கப் பாருங்கள். உத்தியோகத்தில் உங்கள் திறமைக்கு அங்கீகாரம் இல்லாமல் போகும். சக ஊழியர்களுடன் இடைவெளிவிட்டுப் பழகுவது நல்லது. கலைத் துறையினரே! சம்பளப் பாக்கி கைக்கு வரும்.

நெருக்கடிகளைச் சமாளிக்க வேண்டிய நேரம் இது.

ராசிபலன்

விவாதத்தில் வெற்றி பெறுபவர்களே! ராசிநாதன் செவ்வாய் வலுவாக லாப வீட்டில் அமர்ந்திருப்பதால் கம்பீரமாகப் பேசி காரியம் சாதிப்பீர்கள். அதிகாரிகளின் நட்பு கிடைக்கும். பாதிப் பணம் தந்து ஒப்பந்தம் செய்த சொத்துக்கு, மீதிப் பணம் தந்து பத்திரப் பதிவு செய்வீர்கள். எதிர்பாராத யோகம் உண்டு. புது பதவி, பொறுப்பு தேடி வரும். வழக்கில் வெற்றி கிடைக்கும். புதன் சாதகமாக இருப்பதால் புதுத் திட்டங்கள் தீட்டுவீர்கள். வெளிநாட்டில் இருப்பவர்களால் ஆதாயம் உண்டாகும். மூத்த சகோதரர்களால் நன்மை உண்டு.

குரு 12-ல் மறைந்திருப்பதால் எதிலும் பயம், வீண் பழி, கவலைகள் வந்து போகும்.  சூரியன் 12-ல் மறைந்திருப்பதால் வீண் டென்ஷன், அலைச்சல் அதிகரிக்கும். ஆன்மிகப் பயணம் சென்று வருவீர்கள். அரசாங்கக் காரியங்களை அலைந்து திரிந்துதான் முடிக்க வேண்டியிருக்கும். ஜன்மச் சனி தொடர்வதால் எதையோ இழந்தது போன்ற மனச் சோர்வு உண்டாகும். வியாபாரத்தில் புது இடத்துக்குக் கடையை மாற்றுவீர்கள். லாபம் கணிசமாக உயரும். உத்தியோகத்தில் சக ஊழியர்களை அனுசரித்துச் செல்வது நல்லது. கலைத்துறையினரே! உதாசீனப்படுத்திய நிறுவனமே உங்களை அழைத்துப் பேசும்.

எதிர்பாராத திருப்பம் ஏற்படும் நேரம் இது.

ராசிபலன்

ராஜதந்திரமாகச் செயல்படுபவர்களே! உங்கள் பூர்வபுண்ணியாதிபதி செவ்வாய் 10-ல் இருப்பதால் திறமை அதிகரிக்கும். பாதியில் நின்ற வேலைகள் முடியும். வழக்குகளில் வெற்றி உண்டாகும். பூர்வீகச் சொத்து கைக்கு வரும். பழைய பிரச்னைகளுக்கு முக்கியத் தீர்வு காண்பீர்கள். உடன்பிறந்தவர்களுடன் இருந்த பிணக்குகள் நீங்கும். சகோதரியின் திருமணத்தை முன்னின்று நடத்துவீர்கள். சூரியன் நீசமானாலும் லாப வீட்டில் இருப்பதால் கடனாகக் கொடுத்த பணம் கைக்கு வரும். தந்தையின் உடல்நலம் சீராகும். தந்தைவழி உறவினர்கள் மதிப்பார்கள். அரசால் அனுகூலம் உண்டாகும். பிதுர்வழி சொத்துப் பங்கைக் கேட்டு வாங்குவீர்கள். 

சுக்கிரனும் புதனும் சாதகமான நட்சத்திரங்களில் செல்வதால் வீடு, மனை சேர்க்கை உண்டாகும். பழைய கடனில் ஒரு பகுதியைத் தந்து முடிப்பீர்கள். சிலருக்கு வெளிநாடு செல்லும் வாய்ப்பு உண்டாகும். வியாபாரத்தில் இரட்டிப்பு லாபம்  உண்டு. பழைய பங்குதாரர்கள் மீண்டும் வந்து இணைவார். உத்தியோகத்தில் முக்கியப் பொறுப்புகள் கிடைக்கும். கலைத்துறையினரே! சம்பள விஷயத்தில் கண்டிப்பாக இருக்கவும்.

பிரபலங்களின் வரிசையில் இடம்பெறும் நேரம் இது.

ராசிபலன்

சிந்தனைகளுக்குச் செயல்வடிவம் தருபவர்களே! யோகாதிபதிகளான சுக்கிரனும் புதனும் சாதகமான நட்சத்திரங்களில் செல்வதால் சாதிக்கும் எண்ணம் பிறக்கும். எதிர்பார்த்த பணம் கைக்கு வரும். கைம்மாற்றாக வாங்கியிருந்த பணத்தைத் தந்து முடிப்பீர்கள். பிள்ளைகளால் மகிழ்ச்சி உண்டாகும். மூத்த சகோதரர் உதவுவார். சிலர் வீட்டை மாற்றுவீர்கள். சிலர், இருக்கும் வீட்டில் கூடுதல் அறை கட்டுவீர்கள். வாழ்க்கைத்துணை வழியில் அனுகூலம் உண்டு. 

சனி வலுவாக இருப்பதால் வெளிவட்டாரத்தில் செல்வாக்கு கூடும். சூரியன் நீசமானாலும் 10-ல் இருப்பதால் புது உத்தியோகம் அமையும். அரசாங்கக் காரியங்கள் சாதகமாகும். வழக்கில் தீர்ப்பு சாதகமாகும். வெளிநாட்டில் இருப்பவர்களால் உதவிகள் உண்டு. 10-ல் குரு நிற்பதால் சின்னச் சின்ன மரியாதைக்குறைவான சம்பவங்கள் ஏற்படக்கூடும். வியாபாரத்தில் நெளிவு சுளிவுகளைக் கற்றுக்கொள்வீர்கள். உத்தியோகத்தில் சக ஊழியர்களால் மறைமுகத் தொந்தரவுகள் ஏற்பட்டு நீங்கும். கலைத்துறையினரே! மூத்த கலைஞர்களின் வழிகாட்டுதல்கள் மூலம் வெற்றியடைவீர்கள்.

பொறுப்புகள் அதிகரிக்கும் தருணம் இது.

ராசிபலன்

வறு கண்டு சீறுபவர்களே! குரு பகவான் வலுவாக இருப்பதால் எதையும் சாதிக்கும் துணிச்சல் வரும். புது சொத்து வாங்குவீர்கள். சுப நிகழ்ச்சிகளால் வீடு களைகட்டும். மகளுக்கு நல்ல வரன் அமையும். மகனுக்கு அயல்நாடு தொடர்புடைய நிறுவனத்தில் வேலை கிடைக்கும். பணப்புழக்கம் அதிகரிக்கும். செவ்வாய் 8-ல் நிற்பதால் கணவன் மனைவிக்குள் பனிப்போர் அதிகரிக்கும். மற்றவர்களுக்கு ஜாமீன் கொடுக்க வேண்டாம். சொத்து வாங்கும்போது கவனம் தேவை. வழக்கில் தீர்ப்பு தள்ளிப்போகும். சகோதர வகையில் பிணக்குகள் வரக்கூடும். 9-ல் சூரியன் அமர்ந்திருப்பதால் பணப்பற்றாக்குறை அதிகரிக்கும். தந்தைக்கு உடல் அசதி ஏற்பட்டு நீங்கும். தந்தையுடன் மனவருத்தம் ஏற்பட்டு விலகும். வெளிவட்டாரத் தொடர்புகள் அதிகரிக்கும்.
 
சுக்கிரனும் புதனும் சாதகமான வீடுகளில் செல்வதால் செல்வாக்குக் கூடும். கௌரவப் பதவிகள் தேடி வரும். பூர்வீகச் சொத்தால் வருமானம் வரும். பயணங்களால் புது அனுபவம் கிடைக்கும். வியாபாரத்தில் போட்டிகளையும் தாண்டி ஓரளவு லாபம் வரும். பங்குதாரர்களிடையே விவாதங்களைத் தவிர்க்கவும். உத்தியோகத்தில் வேலைச் சுமை அதிகரிக்கும். சக ஊழியர்களின் ஆதரவு கிடைக்கும். கலைத்துறையினரே! மூத்த கலைஞர்களின் பாராட்டுகளைப் பெறுவீர்கள்.

ஏமாற்றங்களைக் கடந்து முன்னேறும் வேளை இது.

ராசிபலன்

பொறுமை அதிகம் உள்ளவர்களே! சுக்கிரனும் புதனும் சாதகமான நட்சத்திரங்களில் செல்வதால் தடைப்பட்ட வேலைகள் முடியும். புது வீடு, வாகனம் வாங்குவீர்கள். பிரபலங்களின் நட்பு கிடைக்கும். கணவன் மனைவிக்குள் அந்நியோன்யம் அதிகரிக்கும். ஆனாலும், 7-ல் செவ்வாயும் 8-ல் சூரியனும் இருப்பதால் அவ்வப்போது வாக்குவாதம் வந்து போகும். சகோதர வகையில் மனத்தாங்கல் வரும். வீடு, மனை வாங்குவதில் வில்லங்கம் ஏற்படக்கூடும். சொத்துப் பிரச்னைக்குச் சுமுகத் தீர்வு காண்பது நல்லது. வழக்கில் வழக்கறிஞரை மாற்ற வேண்டிய நிலை ஏற்படும். அரசாங்க விஷயத்தில் எச்சரிக்கை அவசியம். 

கேது லாப வீட்டில் இருப்பதால் மற்றவர்களைக் கவரும்படி பேசுவீர்கள். அடுத்தடுத்த சுப நிகழ்ச்சிகளால் வீடு களைகட்டும். குரு சாதகமாக இல்லாததால் வீண்பழி வரக்கூடும். மற்றவர்களை நம்பி ஏமாற வேண்டாம். வியாபாரத்தில் லாபம் உண்டாகும். வாடிக்கையாளர்களிடம் கனிவாகப் பழகவும். உத்தியோகத்தில், உழைப்புக்கு ஏற்ற அங்கீகாரம் கிடைக்கவில்லையே என வருந்துவீர்கள். கலைத்துறையினரே! புதிய வாய்ப்புகள் தேடி வரும்.

விடாமுயற்சியால் சாதிக்கும் தருணம் இது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு