Published:Updated:

ராசிபலன்

ராசிபலன்
பிரீமியம் ஸ்டோரி
ராசிபலன்

ஏப்ரல் 24 முதல் மே 7 வரை‘ஜோதிட ரத்னா’ முனைவர் கே.பி.வித்யாதரன்

ராசிபலன்

ஏப்ரல் 24 முதல் மே 7 வரை‘ஜோதிட ரத்னா’ முனைவர் கே.பி.வித்யாதரன்

Published:Updated:
ராசிபலன்
பிரீமியம் ஸ்டோரி
ராசிபலன்

அசுவினி, பரணி கிருத்திகை 1-ம் பாதம்

ராசிபலன்



மேஷம்

சு
க்கிரனின் ஆதரவு உங்களுக்கு இருப்பதால் குடும்பத்தில் மகிழ்ச்சி தங்கும். பணப்புழக்கம் அதிகரிக்கும். வாகன வசதி பெருகும். திருமணம் கைகூடும். வீட்டை விரிவுப்படுத்திக் கட்டுவீர் கள். வங்கிக் கடனுதவி கிடைக்கும். சொத்துப் பிரச்னை தீரும். சூரியன் ராசிக்குள் நிற்பதால் டென்ஷன் அதிகரிக்கும். ரத்த அழுத்தம் கூடும். வேலைப்பளு கூடும். உடல்நலனில் அக்கறை எடுத்துக் கொள்ளுங் கள். அரசு காரியங்களில் அலட்சியம் வேண்டாம். 

புதன் 12 -ம் வீட்டில் நிற்பதால், பயணங்கள் அதிகரிக்கும். பழைய கடன்களைத் தீர்க்க வழி கிடைக்கும். 30-ம் தேதி முதல் செவ்வாய், கேதுவுடன் சேர்ந்து 10 -ம் வீட்டில் நிற்பதால், திடீர் பணவரவு உண்டு. வெளிவட்டாரத்தில் புதியவர்கள் அறிமுகமாவார்கள். பழைய வீட்டை விற்றுவிட்டு, புது இடம் வாங்குவீர்கள். வியாபாரத்தில் வேலையாட்கள், பங்குதாரர்களால் மறைமுகப் பிரச்னைகள் வரக்கூடும். உத்தியோகத்தில் பணிகளைப் போராடி முடிப்பீர்கள். கலைத் துறையினரின் கலைநயமிக்க படைப்புகள் பட்டித்தொட்டியெங்கும் பேசப்படும்.

சாதுர்யமான பேச்சால் சாதிக்கும் நேரம் இது.

ராசிபலன்

கிருத்திகை 2,3,4-ம் பாதம், ரோகிணி, மிருகசீரிடம் 1, 2-ம் பாதம்

ரிஷபம்

ங்களின் தனம், பூர்வ புண்ணியாதிபதியாகிய புதன் லாப வீட்டில் நிற்பதால், இழுபறியான வேலைகள் உடனே முடியும். பிள்ளைகளால் அந்தஸ்து உயரும். நண்பர்கள் உதவுவார்கள். உறவினர்கள் வீட்டு விசேஷங்களில் முதல் மரியாதை கிடைக்கும். பூர்வீகச் சொத்துகளைச் சீர்படுத்துவீர்கள். வி.ஐ.பி-கள் உங்களின் நேர்மையைப் புரிந்துகொண்டு பாராட்டுவார்கள். 

ராசிநாதன் சுக்கிரன் ஆட்சி பெற்றிருப்பதால் அழகும், இளமையும் கூடும். புது முயற்சிகள் கைகூடி வரும். பணவரவு அதிகரிக்கும். மனைவியின் உடல்நிலை சீராகும். சிலருக்கு வீடு, மனை வாங்கும் யோகம் உண்டாகும். ஷேர் மார்க்கெட்டில் நல்ல லாபம் கிடைக்கும். சகோதரிக்கு விரைவில் திருமணம் முடியும். 30 - ம் தேதி முதல் செவ்வாய் கேதுவுடன் சேர்ந்து 9-ம் வீட்டில் அமர்வதால், சகோதரர்கள் உங்களின் வேலைகளைப் பகிர்ந்துகொள்வார்கள். சொத்துப் பிரச்னைக்கு நல்ல தீர்வு கிடைக்கும். வழக்கில் வெற்றிபெறுவீர்கள். வியாபாரத்தில் லாபம் கிடைக்கும். வேலையாட்கள் பொறுப்பாக நடந்துகொள்வார்கள். அஷ்டமத்துச் சனி தொடர்வதால், உத்தியோகத்தில் மேலதிகாரிகளிடம் வீண் மோதல்கள் வரும். கலைத் துறையினருக்கு கலைத்திறன் வளர்ச்சி பெறும்.

விடாமுயற்சியால் வெற்றிபெறும் வேளை இது.

மிருகசீரிடம்  3,4-ம் பாதம், திருவாதிரை, புனர்பூசம் 1, 2,3-ம் பாதம்

ராசிபலன்



மிதுனம்

ங்கள் ராசிநாதன் புதன் 10 -ம் வீட்டில்  கேந்திர பலம் பெற்று நிற்பதால், எதையும் புதிய கோணத்தில் யோசிப்பீர்கள். விட்டுக்கொடுத்து சாதிப்பீர்கள். சிலருக்கு நல்ல வேலை கிடைக்கும். பூர்வீகச் சொத்துகளில் உங்களின் பங்கைக் கேட்டு வாங்குவீர்கள். பூர்வ புண்ணியாதிபதி சுக்கிரன் 12-ம் வீட்டில் ஆட்சி பெற்றிருப்பதால், குடும்பத்துடன் சுற்றுலா சென்று வருவீர்கள். பிள்ளைகளின் உயர்கல்வி, திருமண முயற்சிகள் எதிர்பார்த்தபடி நல்லவிதத்தில் அமையும்.

சூரியன் லாப வீட்டில் நிற்பதால், அரசாங்க அதிகாரிகளின் நட்பு கிடைக்கும். வீடு கட்ட ப்ளான் அப்ரூவலாகும். 30-ம் தேதி முதல் செவ்வாய் கேதுவுடன் சேர்ந்து 8-ம் வீட்டில் நிற்பதால் சோர்வு வந்து நீங்கும். தாயாரின் உடல்நலனில் அக்கறை காட்டவும். வீடு, மனை வாங்குவது, விற்பதில் அவசரம் வேண்டாம். வியாபாரத்தில் சூழ்ச்சிகளை முறியடிப்பீர்கள். உத்தியோகத்தில் உங்களின் திறமையைக் கண்டு மேலதிகாரிகள் வியப்பார்கள். கலைத் துறையினருக்கு தடைப் பட்டுக் கிடந்த படப்பிடிப்பு வேலைகள் மீண்டும் தொடங்கும்.

நினைத்ததை நிறைவேற்றிக் காட்டும் நேரம் இது.

ராசிபலன்

புனர்பூசம்  4-ம் பாதம், பூசம்,  ஆயில்யம்

கடகம்

சு
க்கிரன் சாதகமாக இருப்பதால், விலை உயர்ந்த ஆபரணம் வாங்குவீர்கள். 9 - ம் வீட்டில் நிற்கும் புதன் சாதகமாக இருப்பதால் புது வாகனம் வாங்குவீர்கள். சொந்தபந்தங்களுடன் மனம் விட்டுப் பேசி மகிழ்வீர்கள். புதியவர்கள் நண்பர்களாவார்கள். சூரியன் 10 -ம் வீட்டில் அமர்ந்திருப்பதால் புதிய பொறுப்புகளும், வாய்ப்புகளும் தேடி வரும். வீட்டில் கூடுதலாக ஒரு தளம் கட்டுவீர்கள். அரசால் அனுகூலம் உண்டு.

தந்தைவழியில் எதிர்பார்த்த உதவிகளும், சாதனையாளர்களின் நட்பும் கிடைக்கும்.சுற்றியிருப்பவர்களின் பலம், பலவீனத்தை உணர்வீர்கள். எதிர்பாராத திடீர் பயணங்கள் உண்டு. ஆன்மிகப் பெரியோரின் ஆசிகளைப் பெறுவீர்கள். பிள்ளைகளிடம் குவிந்து கிடக்கும் திறமைகளை இனம் கண்டறிந்து வளர்ப்பீர்கள். தாயாரின் உடல் நலனில் கவனம் செலுத்துவது நல்லது. வியாபார நஷ்டங்களை அனுபவ அறிவால் சரி செய்வீர்கள். உத்தியோகத்தில், வேலைப்பளு கூடும். கலைத் துறையினருக்கு வருமானம் உயர வழி பிறக்கும்.

தன்னம்பிக்கை துளிர்விடும் தருணம் இது.

மகம், பூரம், உத்திரம் 1-ம் பாதம்

ராசிபலன்



சிம்மம்

சு
க்கிரன்  10 வீட்டில்  நிற்பதால், புதிய பதவிகளும் பொறுப்புகளும் உங்களைத் தேடி வரும். வீட்டைக் கட்டி முடிக்க எதிர்பார்த்த வங்கியிலிருந்து கடனுதவி கிடைக்கும். வீட்டில் இருந்து வந்த குடிநீர், கழிவுநீர் பிரச்னைகள் தீரும். அடகிலிருந்த நகைகளை மீட்பீர்கள். உங்களில் சிலர், வாகனத்தைச் சரி செய்வீர்கள். புதன் 8-ம் வீட்டில் நிற்பதால் நண்பர், உறவினர்களால் கொஞ்சம் அலைச்சல், செலவுகள் வந்துபோகும். வெளிவட்டாரத் தொடர்புகள் அதிகரிக்கும்.

சூரியன் 9 -ம் வீட்டில் நிற்பதால் பேச்சில் நிதானம் வரும். குழப்பம் நீங்கும். எதிலும் தெளிவான முடிவுகள் எடுப்பீர்கள். படபடப்பு, முன்கோபம் குறையும். ஓரளவு பணவரவு உண்டு. 30-ம் தேதி முதல் செவ்வாய், கேதுவுடன் சேர்ந்து 6-ம் வீட்டில் நிற்பதால், சொத்துப் பிரச்னை சுமூகமாக முடியும். வழக்கில் தீர்ப்பு உங்களுக்குச் சாதகமாக வரும். இதுவரையிலும் சகோதரர்களிடம் இருந்து வந்த மோதல் போக்கும், மனச் சங்கடங்களும் தீரும். வியாபாரத்தில் பழைய சரக்குகளைத் தள்ளுபடி விலையில் விற்று முடிப்பீர்கள். அலுவலகத்தில் அமைதி நிலவும். அதிகாரிகளிடம் உங்களின் செல்வாக்குஉயரும். கலைத் துறையினர், மூத்த கலைஞர்களின் வழிகாட்டல் மூலம் வெற்றியடைவார்கள்.

நீங்கள் உங்கள் பலத்தை உணரும் தருணம் இது.

ராசிபலன்

உத்திரம்  2,3,4-ம் பாதம், அஸ்தம், சித்திரை  1,2-ம் பாதம்

கன்னி

சு
க்கிரன் ஆட்சி பெற்று நிற்பதால் எவ்வளவு பிரச்னைகள், சிக்கல்கள் வந்தாலும் அனைத் தையும் எதிர்கொண்டு வெற்றி பெறும் வல்லமை பிறக்கும். பணப் பற்றாக்குறையை சாமர்த்தியமாகச் சமாளிப்பீர்கள். சிலர் புது வாகனம் வாங்குவீர்கள். புது வேலை அமையும்.

ராசிநாதன் புதன் சாதகமாக நிற்பதால் வேலைச்சுமை குறையும். உடல்நலம் சீராகும். எதிர்மறை எண்ணங்கள் விலகி நேர்மறை எண்ணங்கள் பிறக்கும். உறவினர்கள், நண்பர்கள் மத்தியில் மதிக்கப்படுவீர்கள். சூரியன் 8-ம் வீட்டில் இருப்பதால், திடீர் பணவரவு உண்டு. மறைமுகமாக செயல்பட்டவர்களை இனம் கண்டு ஒதுக்குவீர்கள். 2-ம் வீட்டில் குரு அமர்ந்திருப்பதால் வி.ஐ.பி-களின் ஆதரவு கிடைக்கும். பண வரவு திருப்தி தரும். குடும்பத்தில் மகிழ்ச்சி தங்கும். வியாபாரத்தில் ஆழம் தெரியாமல் காலை விடாதீர்கள். உத்தியோகத்தில் உயரதிகாரிகள் உங்கள் வேலையைப் பகிர்ந்துகொள்வார்கள். கலைத் துறையினர், விமர்சனங்களைத் தாண்டி முன்னேறுவார்கள்.

மனநிம்மதியைத் தேடும் வேளை இது.

சித்திரை 3,4-ம் பாதம், சுவாதி, விசாகம் 1,2,3-ம் பாதம்

ராசிபலன்



துலாம்

ரா
சிநாதன் சுக்கிரன் 8-ம் வீட்டில் மறைந்தாலும் ஆட்சிபெற்று அமர்ந்ததால், பேச்சைக் குறைத்து செயலில் வேகம் காட்டுவீர்கள். பணவரவு அதிகரிக்கும். சமூகத்தில் பெரிய அந்தஸ்தில் இருப்பவர்கள் நண்பர்களாவார்கள். மகளின் திருமணத்தைச் சிறப்பாக நடத்துவீர்கள். மகனுக்கு எதிர்பார்த்த கல்வி நிறுவனத்தில் இடம் கிடைக்கும். கல்யாண முயற்சிகள் பலிதமாகும்.

சூரியன் 7-ம் வீட்டில் நிற்பதால் மனைவியின் உடல் நலம் பாதிக்கும். பாக்யாதிபதி புதன் 6 -ம் வீட்டில் மறைந்திருப்பதால்,  நண்பர்களிடம் பேசும்போது கவனமாக இருப்பது நல்லது. 30-ம் தேதி முதல் செவ்வாயும், கேதுவும் சேர்ந்து நிற்பதால் சொத்துப் பிரச்னைகள் முடிவுக்கு வரும். உடன்பிறந்தவர்கள் உங்களிடம் முக்கிய விஷயங்களைப் பகிர்ந்துகொள்வார்கள். வியாபாரத்தில் அதிரடியான திட்டங்களைத் தீட்டி செயல்படுத்துவீர்கள். அவற்றின் மூலம் வெற்றியும் பெறுவீர்கள். உத்தியோகத்தில், உங்களின்  பணியில் உள்ள சிரமங்களைப் புரிந்துகொண்டு, மூத்த அதிகாரி உங்களுக்கு உதவி செய்வார். கலைத் துறையினர், பொது நிகழ்ச்சிகளில் பங்கேற்று புகழ் பெறுவார்கள். 

யதார்த்தமான முடிவுகளால் வெற்றி பெறும் நேரம் இது.

ராசிபலன்

விசாகம் 4-ம் பாதம், அனுஷம், கேட்டை

விருச்சிகம்

பு
தன் 5-ம் வீட்டில் சாதகமாக இருப்பதால், புதிய சிந்தனைகள் தோன்றும். உறவினர்களின் வீட்டு விசேஷங்களை முன்னின்று நடத்துவீர்கள். பள்ளிக் கல்லூரி கால நண்பர்களைச் சந்திப்பீர்கள். சுக்கிரன் 7-ம் வீட்டில் ஆட்சி பெற்று அமர்ந்திருப்பதால் வாகன வசதி பெருகும். மனைவிவழி உறவினர்கள் உதவுவார்கள். சூரியன் 6-ம் வீட்டில் நிற்பதால் அரசால் அனுகூலம் உண்டு. மேல்மட்ட அரசியல்வாதிகள் உதவுவார்கள். வேலை கிடைக்கும். பணவரவு கணிசமாக உயரும். பிள்ளைகளின் தேவைகளைப் பூர்த்திசெய்வீர்கள்.

சிலருக்கு அயல் நாடு செல்லும் வாய்ப்பு வரும். விருந்தினர்களின் வருகையால் வீட்டில் உற்சாகம் பொங்கும். புண்ணிய ஸ்தலங்களுக்குச் சென்று வருவீர்கள். 30-ம் தேதி முதல் செவ்வாயும், கேதுவும் சேர்ந்து வலுவாக நிற்பதால், துணிச்சலாக சில முக்கிய முடிவுகள் எடுப்பீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். வழக்கில் நல்ல தீர்ப்பு வரும். வியாபார ரகசியங்கள் யார் மூலம் கசிகிறது என்பதை அறிந்து, அதற்கேற்ப காய் நகர்த்துவீர்கள். உத்தியோகத்தில்  விமர்சனங்களைச் சந்திக்க வேண்டி வரும். கலைத் துறையினருக்கு மூத்த கலைஞர்களின் நட்பு கிடைக்கும்.

திட்டமிட்ட செயல்பாடுகளால் பிரச்னைகள் நீங்கும் காலம் இது.

மூலம்,  பூராடம், உத்திராடம் 1-ம் பாதம்

ராசிபலன்



தனுசு

பு
தன் சாதகமாக இருப்பதால் விலகிச் சென்ற நண்பர்கள், உறவினர்கள் விரும்பி வந்து பேசுவார்கள். மனதுக்கு இதமான செய்திகள் வரும். சுக்கிரன் 6 -ம் வீட்டில் மறைந்திருப்பதால், வரவுக்கு மிஞ்சிய செலவுகள் வந்துபோகும். எலெக்ட்ரிக் மற்றும் எலெக்ட்ரானிக் பொருள்கள் பழுதாகலாம். கணவன், மனைவி இருவரும் ஒருவருக்கொருவர் விட்டுக்கொடுத்துப் போவது நல்லது. வேலைச்சுமை, அலைச்சல் அதிகரிக்கும்.

சூரியனின் நிலை சாதகமாக இல்லாததால் தூக்கமின்மை, டென்ஷன் வந்து போகும். பிள்ளைகளிடம் கோபப்படாதீர்கள். 30-ம் தேதி முதல் செவ்வாய், கேதுவுடன் சேர்ந்து 2-ம் வீட்டில் அமர்வதால், எதிலும் முன்னெச்சரிகையுடன் செயல்படுங்கள். வியாபாரத்தில் சந்தை நுணுக்கங்களைத் தெரிந்துகொண்டு முதலீடு செய்யுங்கள். உத்தியோகத்தில் உங்களின் கை ஓங்கும். சக ஊழியர்களின் ஆதரவு கிடைக்கும். கலைத் துறையினரின் படைப்புகளை முறைப்படி பதிவு செய்துகொள்வது நல்லது.

சின்னச் சின்ன செலவுகள் அதிகமாகும் காலம் இது.

ராசிபலன்

உத்திராடம் 2,3,4-ம் பாதம், திருவோணம், அவிட்டம் 1,2-ம் பாதம்

மகரம்

 பூ
ர்வ புண்ணியாதிபதியும், ஜீவனாதிபதியுமான சுக்கிரன் சாதகமாக அமர்ந்திருப்பதால், அடிப்படை வசதிகள் பெருகும். வருமானத்தை உயர்த்த புது வழிகளை யோசிப்பீர்கள். சிலருக்குப் புது வேலை கிடைக்கும். சில அன்பர்களுக்குக் குழந்தை பாக்கியத்துக்கு வாய்ப்பு உண்டு. புது வீட்டுக்கு மாறுவீர்கள். வாழ்க்கைத் துணைவரின் உறவினர்களால் திடீர் திருப்பம் உண்டாகும். புதன் சாதகமாக 3-ம் வீட்டில் இருப்பதால் தள்ளிப்போன விஷயங்கள் உடனே நிறைவேறும்.

எதிர்பாராத இடத்திலிருந்து உதவிகள் கிடைக்கும். புது அனுபவங்கள் உண்டாகும். 30-ம் தேதி முதல் செவ்வாய், கேதுவுடன் சேர்ந்து ராசிக்குள்ளேயே நிற்பதால், எதிர்மறை எண்ணங்கள் ஏற்படும். ஒரு சொத்தைக் காப்பாற்ற, மற்றொரு சொத்தை விற்க வேண்டி வரும். நகைகளை இரவல் தர வேண்டாம். சகோதர வகையில் அலைச்சல் இருக்கும். திட்டமிடாத செலவுகளும் பயணங்களும் குறுக்கிட்டாலும் சாமர்த்தியமாகச் சமாளிப்பீர்கள். வியாபாரத்தில் வாடிக்கையாளர்களைக் கவர சலுகைகளை அறிவிப்பீர்கள். உத்தியோகத்தில் மேலதிகாரிகளின் விருப்பத்துக்கேற்ப செயல்படுங்கள். கலைத் துறையினரின் திறமைகள் வெளிப்படும்.

எதிர்பார்ப்புகள் பூர்த்தியாகும் தருணம் இது.

அவிட்டம்  3,4-ம் பாதம், சதயம்,  பூரட்டாதி  1,2,3-ம் பாதம்

ராசிபலன்



கும்பம்

சூ
ரியன் 3-ம் வீட்டில் வலுவாக அமர்ந்திருப்பதால் எதிலும் வெற்றி பெறுவீர்கள். எதிர்த்தவர் களும் நண்பர்களாவார்கள். நாடாளுபவர்களின் உதவி கிடைக்கும். அரசியலில் செல்வாக்கு கூடும். வீட்டு ப்ளான் அப்ரூவலாகும். தைரியமாக சில முக்கிய முடிவுகள் எடுப்பீர்கள். பிள்ளைகளின் அடிமனதிலிருக்கும் பயத்தைப் போக்குவீர்கள்.

சுக்கிரனும் புதனும் சாதகமாக இருப்பதால், உங்களின் பிள்ளைகள் பொது அறிவை வளர்த்துக்கொள்வார்கள். போட்டித் தேர்வில் வெற்றியும் கிடைக்கும். வராது என்றிருந்த பணம் கைக்கு வரும். உறவினர்களால் ஆதாயமும் கெளரவமும் கிடைக்கும். வாழ்க்கைத் துணைவரின் உறவினர்கள் சிலர் உங்களின் உதவியை நாடி வரலாம். வெளியூர்ப் பயணங்கள் திருப்திகரமாக அமையும். 30-ம் தேதி முதல் செவ்வாய், கேதுவுடன் சேர்ந்து 12-ம் வீட்டில் நிற்பதால் வீண் பழி, தூக்கமின்மை, அலைச்சல் வந்துபோகும். சொத்துப் பிரச்னைக்கு சுமுக தீர்வு காண்பது நல்லது. வழக்கில் அவசரம் வேண்டாம். வியாபாரத்தில் நவீன யுக்திகளைக் கையாளுவீர்கள். உத்தியோகத்தில் அடுக்கடுக்கான வேலைகளால் மனஇறுக்கம் அதிகரிக்கும். கலைத்துறையினரின் படைப்புகளுக்கு நல்ல வரவேற்பு கிடைக்கும்.

எதிலும் ஏற்றம் நிறைந்த வேளை இது.

ராசிபலன்

பூரட்டாதி  4-ம் பாதம், உத்திரட்டாதி, ரேவதி

மீனம்


புதனும், சுக்கிரனும் சாதகமாக இருப்பதால் உற்சாகம் கூடும். உறவினர்கள் சிலர் உங்களின் அதிரடியான வளர்ச்சியைக் கண்டு பொறாமைப்படுவார்கள். பால்ய நண்பர்கள் தேடி வந்து பேசுவார்கள். ராசிக்கு 2-ம் வீட்டில் சூரியன் அமர்ந்திருப்பதால், வீண் வாக்குவாதங்களைத் தவிர்ப்பது நல்லது.

30-ம் தேதி முதல் செவ்வாயும், கேதுவும் சேர்ந்து லாப வீட்டில் நிற்பதால், தைரியமாக சில முக்கிய முடிவுகள் எடுப்பீர்கள். நேர்மறை எண்ணங்கள் பிறக்கும். வழக்கில் சாதகமான தீர்ப்பு வரும். சகோதரர்களால் பயனடைவீர்கள். வெளிநாட்டில் இருக்கும் நண்பர்களால் உதவிகள் கிடைக்கும். 8-ம் வீட்டில் குரு நிற்பதால் அலைச்சல், திடீர் செலவுகள் அதிகரிக்கும். சாதுக்கள் உதவுவார்கள். வியாபாரத்தில் எதிர்பார்த்தைவிட லாபம் அதிகரிக்கும். உத்தியோகத்தில் சவாலான வேலைகளையும் வெகு சாதாரணமாகச் செய்து முடிப்பீர்கள். கலைத் துறையினர், மூத்த கலைஞர்களிடம் சில நுணுக்கங்களைக் கற்றுத் தெளிவார்கள்.

இடையூறுகள் மற்றும் ஏமாற்றங்களிலிருந்து விடுபடும் வேளை இது.