Published:Updated:

குருப்பெயர்ச்சி பலன்கள்!

குருப்பெயர்ச்சி பலன்கள்!
பிரீமியம் ஸ்டோரி
News
குருப்பெயர்ச்சி பலன்கள்!

4.10.2018 முதல் 28.10.2019 வரை

மேஷம் உங்களுடைய ராசிக்கு 7-ம் வீட்டில் அமர்ந்து ஓரளவு நிம்மதியைத் தந்த குரு பகவான்

குருப்பெயர்ச்சி பலன்கள்!

இப்போது 4.10.2018 முதல் 28.10.2019 வரை 8-ம் வீட்டில் இருக்கிறார்.  8-ம் வீட்டுக்கு குரு வந்தால், ‘எல்லாம் தட்டிப்போகும், தள்ளிப்போகும்’ என்பார்களே என்று கவலைப்பட வேண்டாம். அவர் முக்கியமான வீடுகளைப் பார்ப்பதால், உங்களுக்கு மகிழ்ச்சி உண்டாகும். தள்ளிப்போன அயல்நாட்டுப் பயணம் அமையும். செலவுகள் ஒருபக்கம் இருந்துகொண்டேயிருக்கும். தவிர்க்க முடியாத பயணங்களும் அதிகரிக்கும். ஆனாலும், அவற்றையெல்லாம் சமாளிக்கும் சக்தியும் உங்களுக்குக் கிடைக்கும். கணவருக்குக் கொஞ்சம் அலைச்சல் இருக்கும். அவருக்கு உத்தியோகத்தில் இடமாற்றமும், வேலைச்சுமையும் இருக்கும். உறவினர்கள் வகையில் அலைச்சல், செலவுகள் வரும். வீட்டு விசேஷங்களை முன்னின்று நடத்துவீர்கள். பணப்புழக்கம் அதிகரிக்கும். வீடு, மனை வாங்க வங்கிக் கடன் கிடைக்கும். புது வீட்டில் குடி புகுவீர்கள். புண்ணிய தலங்களுக்கும் சென்று வருவீர்கள். மகளுக்கு நல்ல வரன் அமையும்.

வியாபாரத்தில்
விளம்பர யுக்திகளாலும், தள்ளுபடி விற்பனை மூலமாகவும் லாபம் அதிகரிக்கும்.

உத்தியோகத்தில் இருப்பவர்கள் அதிக நேரம் உழைக்க வேண்டி வரும்.

வேலைச்சுமை இருந்தாலும், இந்த குரு மாற்றம் வெற்றியையும் உற்சாகத்தையும் தரும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ரிஷபம் கடந்த ஓராண்டாக உங்களுடைய ராசிக்கு 6-ம் வீட்டில் அமர்ந்து உங்களைப்

குருப்பெயர்ச்சி பலன்கள்!

பலவிதங்களிலும் சங்கடப்படுத்திய குரு பகவான் இப்போது 4.10.2018 முதல் 28.10.2019 வரை 7-ம் வீட்டில் அமர்கிறார். இங்கிருந்து உங்களின் ராசியைப் பார்ப்பதால் பிரிந்திருந்த கணவன் மனைவி ஒன்று சேருவார்கள். இதுநாள் வரை ஏற்பட்ட நஷ்டங்கள், அவமானங்கள், பிரச்னைகள் யாவும் உங்களை விட்டு விலக்கும். சுப நிகழ்ச்சிகளால் வீடு களை கட்டும். வருமானம் பெருகும். வசதிகள் கூடும். வீடு, மனை வாங்குவீர்கள். வாகனத்தை மாற்றுவீர்கள். சிலருக்குக் குழந்தை பாக்கியம் கிடைக்கும். மாமனார், மாமியார் அன்பாக இருப்பார்கள். குரு 3-ம் வீட்டைப் பார்ப்பதால் தன்னிச்சையாக சில முடிவுகள் எடுப்பீர்கள். கணவர் உங்களுடைய புதிய திட்டங்களை ஆதரிப்பார். குரு லாப வீட்டைப் பார்ப்பதால் மூத்த சகோதரர் வகையில் ஆதாயம் உண்டு.

வியாபாரத்தில் இரட்டிப்பு லாபம் கிடைக்கும். வியாபாரம் அதிகம் நடத்தும் இடத்துக்குக் கடையை மாற்றுவீர்கள்.

உத்தியோகத்தில் பதவி உயர்வு, சம்பள உயர்வு கிடைக்கும். மூத்த அதிகாரிக்கு நெருக்கமாவீர்கள்.

இனி தொட்டதெல்லாம் வெற்றிபெறும் விதமாக இந்த குரு மாற்றம் இருக்கும்.

மிதுனம் உங்கள் ராசிக்கு 5-ம் வீட்டில் அமர்ந்து ஓரளவு நிம்மதியையும் மகிழ்ச்சியையும்

குருப்பெயர்ச்சி பலன்கள்!

கொடுத்து வந்த குரு பகவான் இப்போது 4.10.2018 முதல் 28.10.2019 வரை 6-ம் வீட்டில் சென்று மறைகிறார். ஆரோக்கியத்தில் அக்கறை காட்டுவது நல்லது. செலவுகள் கட்டுக்கடங்காமல் போகும். உறவினர்களுக்குச் செலவு செய்ய வேண்டி வரும். உறவினர் வகையில் வீண் வாக்குவாதங்களில் ஈடுபடாமல் இருப்பது நல்லது. நீங்கள் யதார்த்தமாகப் பேசுவதைக்கூட அவர்கள் தவறாகப் புரிந்துகொள்வார்கள். யாரேனும் உங்களுடைய தவறுகளைச் சுட்டிக்காட்டினால் மாற்றிக்கொள்ளுங்கள். பிள்ளைகளிடம் உங்கள் கோபத்தைக் காட்ட வேண்டாம். அவர்களின் திறமையைக் கண்டறிந்து அதற்கேற்ப அவர்களை ஊக்கப்படுத்துங்கள். குரு 12-ம் வீட்டைப் பார்ப்பதால் புண்ணிய தலங்களுக்குச் சென்று வருவீர்கள். குரு 2-ம் வீட்டைப் பார்ப்பதால் ஓரளவு பணவரவு உண்டு. நீங்கள் எதிர்பார்க்கும் தேதியில் பணம் கிடைக்காவிட்டாலும், கடைசி நேரத்தில் கைக்கு வந்து சேரும். சிலருக்குப் புது வேலை கிடைக்கும்.

வியாபாரத்தில் கடுமையான போட்டிகள் நிலவும். புதிய முதலீடுகளைத் தவிர்ப்பது நல்லது.

உத்தியோகத்தில் உங்கள் உழைப்புக்கேற்ற பலன் தாமதமாகவே கிடைக்கும்.

இந்த குரு மாற்றம், சகிப்புத் தன்மையாலும் சாதுர்யமான பேச்சாலும் முன்னேற்றைத் தரும்.

கடகம் குரு பகவான் கடந்த ஓராண்டாக 4-ம் வீட்டில் அமர்ந்து உங்களைப் பலவிதங்களிலும்

குருப்பெயர்ச்சி பலன்கள்!

சங்கடப்படுத்தினார். நிம்மதியில்லாமல், தூக்கமில்லாமல், விரக்தியிலும் வேதனையிலும் நீங்கள் அவதிப்பட்டிருப்பீர்கள். இப்போது 4.10.2018 முதல் 28.10.2019 வரை 5-ம் வீட்டில் அமர்வதால் இனி விஸ்வரூபம் எடுப்பீர்கள். தொட்ட காரியங்கள் துலங்கும். தடைகளும் தடுமாற்றங்களும் விலகும். பிரிந்திருந்த கணவன் மனைவி ஒன்றுசேருவார்கள். கணவர் உங்களுக்கு முக்கியத்துவம் தருவார். பாதியில் நின்ற வீடு கட்டும் பணியைத் தொடங்குவீர்கள். உங்கள் ரசனைக்கேற்ப புது வீடு அமையும். சிலருக்குக் குழந்தை பாக்கியம் கிடைக்கும். மகளின் திருமணம் சீரும் சிறப்புமாக முடியும். குரு உங்கள் ராசியைப் பார்ப்பதால் நோய் விலகும். முகத்திலே அழகு, இளமை கூடும். வழக்குகள் சாதகமாகும். தந்தைவழியில் இருந்த மனக்கசப்பு நீங்கும். சகோதரர்கள் ஆதரவாக இருப்பார்கள். பிள்ளைகளின் பிடிவாதப் போக்கு மாறும்.

வியாபாரத்தில் அதிரடி லாபம் உண்டு. புகழ்பெற்ற நிறுவனத்துடன் ஒப்பந்தம் செய்வீர்கள்.

உத்தியோகத்தில் மறுக்கப்பட்ட உரிமைகளும் எதிர்பார்த்த சலுகைகளும் பதவி உயர்வும் கிடைக்கும்.

இந்த குரு மாற்றத்தால் திடீர் யோகங்களையும் செல்வ செழிப்பையும் அடைவீர்கள்.

சிம்மம் உங்கள் ராசிக்கு 3-ம் வீட்டில் அமர்ந்துகொண்டு உங்களைப் பலவிதங்களிலும் முடக்கிப்

குருப்பெயர்ச்சி பலன்கள்!

போட்ட குரு பகவான் 4.10.2018 முதல் 28.10.2019 வரை உங்கள் ராசிக்கு 4-ம் இடத்தில் அமர்கிறார். குரு 4-ம் வீட்டில் அமர்வதால் கடந்த ஓராண்டைவிட இனி நல்லது நடக்கும். தயக்கம், தடுமாற்றங்கள் நீங்கும். உங்களுக்குள் இருந்த தாழ்வு மனப்பான்மை விலகும். கணவரிடம் விட்டுக்கொடுத்துப் போவது நல்லது. பிள்ளைகளின் உயர்கல்வி, திருமண விஷயத்தில் அலைச்சல் இருக்கும். ஆரோக்கியத்தில் அக்கறை காட்டுவது நல்லது. உறவினர் வகையில் கருத்து மோதல்கள் வந்து நீங்கும். குரு உங்கள் ராசிக்கு 8-ம் இடத்தைப் பார்ப்பதால் வெளிநாடு செல்ல விசா கிடைக்கும். வேற்றுமொழிப் பேசுபவர்களால் ஆதாயம் உண்டு. குரு உங்கள் ராசிக்கு 10-ம் வீட்டைப் பார்ப்பதால் வேலைக்கு விண்ணப்பித்திருந்தவர்களுக்கு வேலை கிடைக்கும். குரு 12-ம் வீட்டைப் பார்ப்பதால் புகழ் பெற்ற புண்ணிய தலங்களுக்குச் சென்று வருவீர்கள்.

வியாபாரத்தில் நெளிவு, சுளிவுகளைக் கற்றுக்கொள்வீர்கள். பழைய பாக்கிகள் வசூலாகும். கடையை மாற்ற வேண்டிய சூழல் வரும்.

உத்தியோகத்தில் வேலைச்சுமை அதிகமாகும். சிறுசிறு கௌரவக் குறைவான சம்பவங்களும் வந்து போகும்.

இந்த குரு மாற்றம் உங்கள் எதிர்பார்ப்புகளை ஓரளவு நிறைவேற்றுவதாக அமையும்.

கன்னி உங்கள் ராசிக்கு 2-ம் வீட்டில் அமர்ந்து ஓரளவு செல்வாக்கையும் செல்வ செழிப்பையும் தந்த குரு பகவான் 4.10.2018 முதல் 28.10.2019 வரை ராசிக்கு 3-ம் வீட்டில் மறைகிறார். 3-ம் இடத்து குரு

குருப்பெயர்ச்சி பலன்கள்!

முடக்கிவிடுமே என்றெல்லாம் கவலைப்பட வேண்டாம். குடும்பத்தில் மகிழ்ச்சி உண்டு. பணவரவு தொடரும். வெளிநாடு செல்ல விசா கிடைக்கும். உங்களின் எழுத்துத்திறமை அதிகரிக்கும். ரசனைக்கேற்ப வீடு அமையும். மற்றவர்களின் ஆலோசனையைக் கேட்டு அவசர முடிவுகள் எடுக்க வேண்டாம்.  உறவினர் வகையில் வாக்குவாதங்களைத் தவிர்ப்பது நல்லது. கணவன் மனைவிக்குள் அந்நியோன்யம் அதிகரிக்கும். எதையும் திட்டமிட்டுச் செய்வது நல்லது. கணவர் உங்களின் பெருந்தன்மையைப் புரிந்துகொள்வார்கள். சேமிக்க வேண்டுமென்ற எண்ணம் வரும். குரு லாப வீட்டைப் பார்ப்பதால் மூத்த சகோதர வகையில் உதவிகள் உண்டு. சமூகத்தில் மதிப்பு, மரியாதை கூடும். சிலருக்குக் குழந்தை பாக்கியம் கிடைக்கும்.

வியாபாரத்தில் புது வாடிக்கையாளர்கள் வருவார்கள். அனுபவமிக்க வேலையாட்களைப் பணியில் சேர்ப்பீர்கள்.

உத்தியோகத்தில் அலைச்சலும் வேலைச்சுமையும் இருந்தாலும் செல்வாக்குக் கூடும். அதிகாரிகள் உங்களை நம்பி முக்கியப் பொறுப்புகளை ஒப்படைப்பார்கள்.

சின்னச் சின்ன அலைச்சலைத் தந்தாலும், இந்த குரு மாற்றம் வெற்றிப் பாதையில் பயணிக்க வைக்கும்.

துலாம் கடந்த ஓராண்டாக உங்களுடைய ராசியிலேயே அமர்ந்து உங்களைப் பலவிதப்

குருப்பெயர்ச்சி பலன்கள்!

பிரச்னைகளால் கசக்கிப் பிழிந்தெடுத்த குரு பகவான் 4.10.2018 முதல் 28.10.2019 வரை 2-ம் வீட்டில்  அமர்கிறார். இனி சோர்வு, களைப்பு நீங்கி ஆரோக்கியம் கூடும். கடன் பிரச்னையிலிருந்து மீள்வீர்கள். பணப்புழக்கம் அதிகரிக்கும். ஈகோ பிரச்னையால் பிரிந்த கணவன் மனைவி ஒன்று சேருவார்கள். கலகத்தை உண்டாக்கியவர்களை இனம் கண்டறிந்து ஒதுக்குவீர்கள். மகளுக்கு நல்ல இடத்தில் வரன் அமையும். மகனுக்கு வெளிநாட்டு வேலைவாய்ப்பு தேடி வரும். வீடு, மனை அமையும். வங்கிக் கடன் உதவி கிடைக்கும். வேலையில்லாமல் தவித்துக்கொண்டிருந்தவர்களுக்கு வேலை கிடைக்கும். பிள்ளைகளால் பெருமையடைவீர்கள். வழக்குகள் சாதகமாகும். எதிர்பாராதவிதமாக வி.ஐ.பி-க்களின் சந்திப்பு நிகழும். மாமனார், மாமியாரின் எதிர்ப்பு நீங்கும். வெளிவட்டாரத்தில் மதிப்பு உயரும். உறவினர்கள், நண்பர்களின் பாராமுகம் விலகும். சமூக அந்தஸ்து கூடும். குடும்பத்தில் உங்கள் ஆலோசனையை எல்லோரும் ஏற்றுக்கொள்வார்கள். சகோதரர்களால் ஆதாயம் உண்டு.

வியாபாரத்தில் வரவு உயரும். புதிய ஒப்பந்தங்கள் கையெழுத்தாகும். ஷேர் மூலம் லாபம் கிடைக்கும்.

உத்தியோகத்தில் நெருக்கடி நிலைகள் மாறும். பதவி உயர்வு, சம்பள உயர்வெல்லாம் இனி தடையில்லாமல் வந்து சேரும்.

உங்களைப் பிரபலப்படுத்துவதாகவும் வசதி வாய்ப்புகளைத் தருவதாகவும் இந்த குரு மாற்றம் அமையும்.

விருச்சிகம் உங்கள் ராசிக்கு விரயஸ்தானத்தில் அமர்ந்து பலவிதங்களிலும் நஷ்டங்களையும்

குருப்பெயர்ச்சி பலன்கள்!

பிரச்னைகளையும் நிம்மதியற்ற போக்கையும் உருவாக்கிக் கொண்டிருந்த குரு பகவான் 4.10.2018 முதல் 28.10.2019 வரை உங்கள் ராசியிலேயே அமர்கிறார். ஜென்ம குரு என்பதால், உங்கள் ஆரோக்கியத்தில் கவனமாக இருங்கள். சிறுசிறு உடற்பயிற்சிகள் மேற்கொள்வது நல்லது. உணவு கட்டுப்பாடும் இனி அவசியமாகிறது. கொழுப்புச் சத்து, வாயுப் பதார்த்தங்களையெல்லாம் அறவே தவிர்ப்பது நல்லது. வி.ஐ.பி-க்கள் பலர் அறிமுகமாவார்கள். அரசியல் செல்வாக்குக் கூடும். பிள்ளைகளால் மகிழ்ச்சி உண்டாகும். மகளுக்கு நல்ல இடத்தில் வரன் அமையும். பூர்வீகச் சொத்து கைக்கு வரும். கணவர் உங்களைப் புரிந்துகொள்வார். அவருக்கிருந்த மன இறுக்கங்கள் விலகும். உத்தியோகம், வியாபாரத்தின் பொருட்டுக் கணவர் அடிக்கடி பயணங்கள் மேற்கொள்ளவேண்டி வரும். குரு 9-ம் வீட்டைப் பார்ப்பதால் பணப்புழக்கம் உண்டு. பணப்பற்றாக்குறை அவ்வப்போது ஏற்படும். மற்றவர்களுக்கு ஜாமீன் கையெழுத்திட வேண்டாம்.

வியாபாரத்தில் லாபம் அதிகரிக்கும். பாக்கிகள் வசூலாகும். வேலையாட்களும் ஒத்துழைப்பார்கள்.

உத்தியோகத்தில் இருப்பவர்களுக்குச் சக ஊழியர்களின் சூழ்ச்சிகளையும் தாண்டி அலுவலகத்தில் மதிப்பு கூடும். பதவி உயர்வும் உண்டு.

இந்த குரு மாற்றம், நிம்மதியற்ற போக்கைத்தந்தாலும் ஓரளவு வளர்ச்சியைத் தருவதாகவும் அமையும்.

தனுசு கடந்த ஓராண்டாக உங்களுடைய ராசிக்கு லாப வீட்டில் அமர்ந்து பண வரவையும்

குருப்பெயர்ச்சி பலன்கள்!

செல்வாக்கையும் குடும்பத்தில் மகிழ்ச்சியையும் நிம்மதியையும் அள்ளிக்கொடுத்த குரு பகவான் 4.10.2018 முதல் 28.10.2019 வரை ராசிக்கு 12-ம் வீட்டில் அமர்கிறார். பயணங்கள் அதிகரிக்கும். செலவினங்களும் கூடிக்கொண்டே போகும். திட்டமிட்ட காரியங்கள் தாமதமாகும். பிள்ளைகளிடம் கடுமை காட்ட வேண்டாம். மாமனார், மாமியார் மற்றும் உறவினர்களால் தவிர்க்கமுடியாத செலவுகள் ஏற்படும். சுப நிகழ்ச்சிகளை முன்னின்று நடத்துவீர்கள். புதிய வாகனம் வாங்குவீர்கள். சிலர் புதிய வீட்ட்டில் குடி புகுவார்கள். வழக்கில் வழக்கறிஞரை மாற்றி வெற்றி பெறுவீர்கள். புகழ்பெற்ற புண்ணிய தலங்களுக்குச் சென்று வருவீர்கள். வெளிநாட்டில், வெளிமாநிலங்களில் இருப்பவர்களுடன் சேர்ந்து புதிய தொழில் தொடங்கும் வாய்ப்புகள் ஏற்படும்.

வியாபாரத்தில்
லாபம் குறையாது. ஆனால், வேலைச்சுமை அதிகமாகும். ஏற்றுமதி இறக்குமதி வகைகளால் ஆதாயமடைவீர்கள்.

உத்தியோகத்தில் சக ஊழியர்களின் ஒத்துழைப்பு குறையும். மூத்த அதிகாரிகள் உங்களின் கடின உழைப்பைப் புரிந்துகொள்வார்கள்.

செலவுகள் கூடினாலும் மகிழ்ச்சியையும் மனநிறைவையும் அளிக்கும் இந்த குரு மாற்றம்.

மகரம் கடந்த ஓராண்டாக உங்களுடைய ராசிக்கு 10-ம் வீட்டில் அமர்ந்து உங்களுக்குப் பல

குருப்பெயர்ச்சி பலன்கள்!

விதங்களிலும் தொல்லை கொடுத்த குரு பகவான் 4.10.2018 முதல் 28.10.2019 வரை லாப வீட்டில் இருக்கப் போகிறார். உங்கள் ஆழ்மனதில் இருக்கும் தாழ்வுமனப்பான்மை நீங்கும். பிரிந்திருந்த கணவன் மனைவி ஒன்று சேருவீர்கள். குடும்பத்தில் நிம்மதி உண்டாகும். மனை வாங்குவது, வீடு கட்டுவது போன்ற முயற்சிகள் வெற்றிபெறும். புதிய வேலைக்கு முயற்சி செய்தவர்களுக்கு நல்ல பதில் வரும். அயல்நாட்டில் வேலை கிடைக்கவும் வாய்ப்பிருக்கிறது. சகோதரர்கள் ஆதரவாக இருப்பார்கள்.  சொந்தங்களெல்லாம் வலிய வந்து பேசுவார்கள். நீண்ட நாளாக வராமலிருந்த  தொகை கைக்கு வரும். கணவர் மனம்விட்டு உங்களுடன் பேசுவார். கணவர் வழி உறவினர்களும் மதிப்பார்கள். மனதில் தைரியம் பிறக்கும்.  பூர்வீகச் சொத்துப் பிரச்னை தீரும். வழக்குகள் சாதகமாகும். அடுத்தடுத்து சுப நிகழ்ச்சிகளால் வீடு களைகட்டும்.

வியாபாரத்தில் இழந்த செல்வாக்கையும் லாபத்தையும் பெறுவீர்கள். வாடிக்கையாளர்களின் எண்ணிக்கையும் அதிகமாகும்.

உத்தியோகத்தில் ஓராண்டுக்காலமாக இருந்த அவஸ்தைகள், நெருக்கடிகள் நீங்கி பதவி உயர்வு, சம்பள உயர்வு கிடைக்கும்.

உங்களை வெளிச்சத்துக்குக் கொண்டுவருவதுடன் சமூகத்தில் அந்தஸ்தையும் தரும், இந்த குரு மாற்றம்.

கும்பம் கடந்த ஓராண்டாக உங்களுடைய ராசிக்கு 9-ம் இடத்திலே அமர்ந்து ஓரளவு பணவரவைத் தந்துகொண்டிருந்த குரு பகவான் 4.10.2018 முதல் 28.10.2019 வரை உங்கள் ராசிக்கு 10-ம் வீட்டில்

குருப்பெயர்ச்சி பலன்கள்!

அமர்கிறார்.  10-ம் இடம் பதவியைக் கெடுக்குமே, அந்தஸ்தைக் குறைக்குமே என்றெல்லாம் பெரிதாகக் கவலைப்பட வேண்டாம். ஓரளவு நல்ல பலன்கள் உண்டாகும். வேலைச்சுமை அதிகமாகும். பெரிய பிரச்னைகளெல்லாம் வந்துவிடுமோ, இதுவரை கட்டிக்காப்பாற்றிய கௌரவத்தை இழந்து விடுவோமோ என்ற கவலைகள் வந்து நீங்கும். மற்றவர்களுக்கு ஜாமீன் கையொப்பமிட வேண்டாம். பொது விஷயங்களில் அதிகம் தலையிடாமல் இருப்பது நல்லது. கணவருடன் வீண் வாக்குவாதங்கள் செய்ய வேண்டாம். பிள்ளைகளின் உயர்கல்வி மற்றும் திருமணத்துக்காக அதிகம் அலைய வேண்டி வரும். பணவரவுக்குக் குறைவிருக்காது. ஆனால், தவிர்க்க முடியாத செலவுகளால் பணப்பற்றாக்குறை இருந்து கொண்டேயிருக்கும்.  புதிய வீட்டுக்குக் குடி புகுவீர்கள். பழைய கடனை பைசல் செய்ய வழி பிறக்கும்.

வியாபாரத்தில் பெரிதாக முதலீடு செய்ய வேண்டாம். பழைய பாக்கிகளைப் போராடி வசூலிக்க வேண்டி வரும். பங்குதாரருடன் மோதல் வர வாய்ப்பு உள்ளது. விலகி இருப்பது நல்லது.

உத்தியோகத்தில் வேலைப்பளுவும் நெருக்கடியும் விரும்பத்தகாத இடமாற்றங்களும் இருக்கும். 

இந்த குரு மாற்றத்தின்போது சகிப்புத் தன்மையுடன் செயல்பட்டால் ஓரளவு வெற்றி பெறலாம்.

மீனம் கடந்த ஓராண்டாக உங்கள் ராசிக்கு 8-ம் வீட்டில் அமர்ந்து உங்களுக்குப்

குருப்பெயர்ச்சி பலன்கள்!

பணத்தட்டுப்பாட்டையும் பிள்ளைகளால் பிரச்னைகளையும் குடும்பத்தில் நிம்மதியற்ற போக்கையும் தந்துவந்த குரு பகவான் 4.10.2018 முதல் 28.10.2019 வரை 9-ம் வீட்டில் அமர்கிறார். உங்களின் ராசிநாதன் குரு பகவான் என்பதால், உங்கள் வாழ்க்கையில் பல திருப்பங்களும் யோகங்களும் அடுத்தடுத்து நடக்கும். பிரிந்திருந்த கணவன் மனைவி ஒன்றுசேருவீர்கள். குடும்பத்தில் கலகலப்பான சூழல் உருவாகும். வருமானம், வசதி வாய்ப்புகள் கூடும். வேலைக்கு விண்ணப்பித்திருந்தவர்களுக்கு நல்ல நிறுவனத்திலிருந்து அழைப்பு வரும். குரு உங்கள் ராசியைப் பார்ப்பதால் நோய்கள் விலகும். தாழ்வு மனப்பான்மை நீங்கும். அழகு, ஆரோக்கியம் கூடும். கணவர் உங்கள் ஆலோசனையை ஏற்றுக்கொள்வார். பிள்ளைகளிமிடருந்து வந்த பிடிவாதப்போக்கு நீங்கும். உறவினர்களிடம் நிலவிய மனத்தாங்கல் விலகும்.

வியாபாரத்தில் ஆர்வமில்லாமல் இருந்தவர்களுக்கு அந்த நிலை மாறும். அதிரடி லாபம் உண்டு. புது வாடிக்கையாளர்கள் அறிமுகமாவார்கள்.

உத்தியோகத்தில் இழந்த செல்வாக்கை மீண்டும் பெறுவீர்கள். அதிகாரிகள் உதவுவார்கள்.  சிலருக்கு அதிகச் சம்பளத்துடன் புதிய வேலையும் கிடைக்கும்.

பிரச்னைகளால் வாடிப்போயிருந்த உங்களின் வாழ்வை இந்த குரு மாற்றம் வசந்தத்தைத் தரும்.

- `ஜோதிட ரத்னா’ கே.பி.வித்யாதரன்