Published:Updated:

பூர்வபுண்ணியம்... குழந்தை பாக்கியம்!

பூர்வபுண்ணியம்... குழந்தை பாக்கியம்!
பிரீமியம் ஸ்டோரி
பூர்வபுண்ணியம்... குழந்தை பாக்கியம்!

பூர்வபுண்ணியம்... குழந்தை பாக்கியம்!

பூர்வபுண்ணியம்... குழந்தை பாக்கியம்!

பூர்வபுண்ணியம்... குழந்தை பாக்கியம்!

Published:Updated:
பூர்வபுண்ணியம்... குழந்தை பாக்கியம்!
பிரீமியம் ஸ்டோரி
பூர்வபுண்ணியம்... குழந்தை பாக்கியம்!

திருமணம் முடிந்த தம்பதியர் அனைவரின் எதிர்பார்ப்பும், தங்கள் வம்சம் வளர வாரிசு வேண்டும் என்பதாகத்தான் இருக்கும். இது மனித இயல்பு. ஆனால், அழகு, அறிவு, நீண்ட ஆயுள் ஆகியவற்றுடன் குழந்தை பிறக்கவேண்டும் என்றால், தம்பதி இருவரின் ஜாதகத்திலும் சத்புத்திர பாக்கியம் இருக்கவேண்டும்.

சில குழந்தைகள் பிறந்ததும் இறந்துவிடுவதையோ அல்லது நோய்களுடன் கஷ்டப் படுவதையோ நாம் பார்க்க நேரிடுகிறது. இதற்குக் காரணம் குழந்தையின் ஜாதகத்தில் பாலாரிஷ்ட தோஷம் இருப்பதே. பாலாரிஷ்ட தோஷத்துடன் பிறந்த குழந்தைக்கு அந்த தோஷம் 12 வயது வரை நீடிக்கும். இதற்குக் குழந்தையின் தாய், தந்தை ஆகியோரின் கர்மவினைப் பயனும், குழந்தையின் பூர்வஜன்ம கர்மவினைப்பயனும் காரணமாகின்றன. ஒரு குழந்தையின் 4 வயது வரை தாயின் பாவ கர்மாக்களாலும், 4 முதல் 8 வயது வரை தந்தையின் பாவ கர்மாக்களினாலும், 8 முதல் 12 வயது வரை குழந்தையின் பாவ கர்மாக்களாலும் பாலாரிஷ்ட தோஷத்தால் பாதிப்பு ஏற்படுகிறது.

இது சிலருக்கு மாறுபடும். ஒவ்வொரு ஜாதகத்திற்கும், அதற்கான கிரகநிலைகள் மாறுபடும். இதனை குழந்தையின் ஜனன கால ஜாதகத்தைப் பார்ப்பதை விட உங்கள் பூர்வ புண்ணியம் கெட்டுள்ளதா என்று பாருங்கள். அது கெட்டிருந்தால், குழந்தையின் ஆயுள் கேள்விக்குறியாகிவிடும். பூர்வ புண்ணியம் கடுமையாகப் பாதிப்படையும் போது குழந்தை பாக்கியம் கூட சிலருக்குக் கிடைக்காது. அப்படியே குழந்தை பிறந்தாலும் நிலைக்காது. இதனை நாம் கண் கூடாக சில வீடுகளில் பார்க்கலாம்.

பூர்வபுண்ணியம்... குழந்தை பாக்கியம்!

பாலாரிஷ்டத்துக்கான கிரக அமைப்பு:

ஒரு குழந்தை பிறப்பது ஒரு ராசி முடிந்து மற்றொரு ராசி தொடங்குவதற்கு இடைப்பட்ட காலத்தில் அல்லது ஒரு நட்சத்திரம் முடிந்து மற்றொரு நட்சத்திரம் தொடங்குவதற்கு இடைப்பட்ட காலத்தில் பிறக்கும் குழந்தைகளுக்கு பாலாரிஷ்ட தோஷம் ஏற்படும். இந்த அமைப்பை ராசி சந்தி, நட்சத்திர சந்தி என்று சொல்வார்கள்.

குழந்தையின் ஜனன ஜாதகத்தில் லக்னத்துக்கு 6, 8, 12 ஆகிய இடங்களில் சூரியன் அல்லது சந்திரன் இருப்பது; 8-ம் இடமான ஆயுள் ஸ்தானத்தில் சனி இருப்பது; லக்னாதிபதி மற்றும் சந்திரன் நின்ற ராசி அதிபதி அஸ்தமனம் அடைந்து, லக்னத்துக்கு 6, 8, 12 இடங்களில் இருப்பது; சந்திரனுக்கு 6-ல் சனியும் கேதுவும் சேர்ந்திருப்பது; 8-ல் சூரியன், செவ்வாய் இருப்பது  ஆகிய அமைப்புகள் பாலாரிஷ்ட தோஷத்தைக் குறிப்பிடும்.

பாலாரிஷ்ட தோஷத்துடன் பிறந்த குழந்தை குறுகிய ஆயுள் அல்லது எப்போதும் ஆரோக்கியக் குறைபாடுகள் பெற்றிருக்கும். இந்த தோஷத்துக்கு மிகவும் எளிய பரிகாரங்கள் உள்ளன. குறிப்பாக யமன் வழிபட்ட சிவாலயங்களுக்கு ஒவ்வொரு  பிரதோஷ நாளிலும் சென்று நெய்தீபம் ஏற்றி, அர்ச்சனை செய்து வழிபடுவது தோஷ நிவர்த்திக்கு எளிய பரிகாரம் ஆகும்.

சமீபத்தில் சக்தி விகடன் வாசகர்கள்  உழவாரப் பணி செய்த குரங்கணில்முட்டம் அருள்மிகு வாலீஸ்வரர் கோயிலுக்குச் சென்று, அங்கு யம தர்மனால் ஏற்படுத்தப்பட்ட தீர்த்தத்தில் நீராடி, இறைவனுக்கு நெய்தீபம் ஏற்றி அர்ச்சனை செய்து வழிபடுவதன் மூலம் பாலாரிஷ்ட தோஷத்தில் இருந்து விடுபடலாம்.

ஒட்டுமொத்த விகடனுக்கும் ஒரே ஷார்ட்கட்!

ஜோதிட மாமணி கிருஷ்ணதுளசி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism