Published:Updated:

கேள்வி பதில்: ராகு கேது தோஷம் திருமணத்தடையை உண்டாக்குமா?

கேள்வி பதில்: ராகு கேது தோஷம் திருமணத்தடையை உண்டாக்குமா?
பிரீமியம் ஸ்டோரி
கேள்வி பதில்: ராகு கேது தோஷம் திருமணத்தடையை உண்டாக்குமா?

கேள்வி பதில்: ராகு கேது தோஷம் திருமணத்தடையை உண்டாக்குமா?

கேள்வி பதில்: ராகு கேது தோஷம் திருமணத்தடையை உண்டாக்குமா?

கேள்வி பதில்: ராகு கேது தோஷம் திருமணத்தடையை உண்டாக்குமா?

Published:Updated:
கேள்வி பதில்: ராகு கேது தோஷம் திருமணத்தடையை உண்டாக்குமா?
பிரீமியம் ஸ்டோரி
கேள்வி பதில்: ராகு கேது தோஷம் திருமணத்தடையை உண்டாக்குமா?
கேள்வி பதில்: ராகு கேது தோஷம் திருமணத்தடையை உண்டாக்குமா?

? எனக்குப் பல வருடங்களாகத்  திருமணம் தடைப்பட்டு வருகிறது. என்ன காரணம்? தோஷம் எதுவும் இருக்கிறதா? பரிகாரம் செய்யவேண்டுமா?
- பா.நாகராஜன், பெங்களூரு


திருமணம் என்பது ஆயிரம் காலத்துப் பயிர். ஒருவருக்கு இளமையிலேயே திருமணம் நடைபெறலாம். சிலருக்குத் திருமணத்துக்கு உரிய வயதில் திருமணம் நடைபெறலாம்; சிலருக்குத் தாமதமாக நடைபெறக்கூடும்; இன்னும் சிலருக்கு 50 வயதுக்கு மேலும் திருமணம் நடைபெறும். சிலருக்குத் திருமண பிராப்தியே இல்லாமலும் போய்விடும்.

ஒருவருடைய பூர்வஜன்ம ஆசைகள், கர்ம வினைகளின்படியே அவருக்கு இந்தப் பிறவி அமைகிறது. எனவே, ஒருவருடைய திருமணத்தைப் பற்றி ஆராயும்போது, அவருடைய பூர்வபுண்ணிய ஸ்தானத்தைத் துல்லியமாக ஆராயவேண்டும். அதன்பிறகு திருமணத்தை நிர்ணயிக்கும் மற்ற பாவங்களைப் பற்றியும் ஆராய்ந்து பலன் சொல்லவேண்டும்.

ஒருவருடைய லக்னாதிபதி, ராசி அல்லது நவாம்ச ராசிக்குத் திரிகோணத்தில், சுக்கிரன் அல்லது 7-ம் அதிபதி கோசாரத்தில் வரும்போது திருமணம் நடைபெறும். 7-ல் உள்ள, 7-க்கு உடைய, 7-ம் இடத்தைப் பார்க்கும் கிரகத்தின் தசா காலம் வரும்போதும், லக்னாதிபதியான கிரகம் கோசாரத்தில் 7-ம் வீட்டில் அமரும்போதும் திருமணம் நடைபெறும். லக்னத்துக்கு 2, 7, 11 கிரகங்களின் தசா காலங்களிலும், 7- வீட்டுக்கு உரிய நட்சத்திர அதிபதியின் காலத்திலும், சுக்கிரன் நின்ற நட்சத்திர அதிபதி காலத்திலும் திருமணம் கூடி வரும். கோசாரப்படி குரு 2, 5, 7, 9, 11 ஆகிய வீடுகளில் குரு சஞ்சரிக்கும்போதும் திருமணம் கூடி வரும்.

நீங்கள் மகர லக்னம். 8-ல் செவ்வாயும் 12-ல் சுக்கிரனும் உள்ளனர். தற்போது தங்களுக்குக் குரு தசை - குரு புக்தி நடைபெறுகின்றன. மேலோட்டமாகப் பார்க்கும்போது, தோஷம் எதுவும் இல்லாதது போல் தோன்றும். ஆனால், 8-ம் வீட்டில் குரு பார்வை இல்லாமல் செவ்வாய் இருப்பது, செவ்வாய் தோஷமாகும். எனவே செவ்வாய்க்கு உரிய பரிகாரங்களைச் செய்வதன் மூலம் தோஷ நிவர்த்தி ஏற்பட்டு, திருமணம் கூடி வரும்.

கேள்வி பதில்: ராகு கேது தோஷம் திருமணத்தடையை உண்டாக்குமா?

ஒட்டுமொத்த விகடனுக்கும் ஒரே ஷார்ட்கட்!

சந்திரன் லக்கினத்துக்கு 4 அல்லது 5-ல் இருப்பது களத்திர சௌக்கியத்தைக் குறிப்பிடும். அந்த வகையில், தங்கள் லக்னத்துக்கு 7-ம் வீட்டுக்கு உரிய சந்திரன், 5-ல் உச்சம் பெற்று இருப்பதால் திருமண யோகம் உண்டு. தங்கள் ஜாதகத்தில் செவ்வாய் தோஷத்துடன் குரு பகை வீட்டில் இருப்பதாலும், சுக்கிரன் 12-ல் மறைந்து இருப்பதாலும் ஜோதிடர்களிடம் ஆலோசித்து, உரிய பரிகாரங்களைச் செய்வதன் மூலம் தோஷம் நிவர்த்தியாகி திருமணம் கூடி வரும். 

? எனக்குத் திருமண யோகம் எப்போது?
- ஆர்.சங்கரநாராயணன், பெங்களூரு

தாங்கள் கும்ப லக்னம். 7-ம் அதிபதி சூரிய பகவான்ன் 11-லும், களத்திர காரகரான சுக்கிரன் கேந்திர பாவத்தில் அனுகூலமாகவும், குரு 9-ல் அனுகூலமாகவும் உள்ளனர். ஆனால், 3-ல் நீசம் பெற்ற சனியுடன் சந்திரன் இருக்கிறார்.

தற்போது செவ்வாய் தசை நடந்து வருகிறது. எனினும், செவ்வாயும் சனியும் பரிவர்த்தனை பெற்றிருப்பதால், 3.12.18 முதல் 2.2.20-க்குள் திருமண யோகம் உண்டு. அதேபோல், சனி - சந்திர சேர்க்கை `புனர்பூ’ யோக அமைப்பைக் கொடுக்கும்.

? எனக்குத்  திருமணம் தடைப்படுகிறது. ராகு- கேது தோஷம் இருப்பதாகச் சொல்கிறார்கள். என்ன பரிகாரம் செய்யவேண்டும், எப்போது திருமணம் நடைபெறும்?
- பி.அன்புமணி, திருச்சி


தாங்கள் ரேவதி நட்சத்திரத்தின் முடிவிலும் அசுவினி நட்சத்திரம் தொடங்க இருக்கும் நிலையிலும் பிறந்திருக்கிறீர்கள். இதனால், `நட்சத்திர பாவ சந்தி தோஷம்’ என்ற தோஷம் ஏற்பட்டுள்ளது. மேலும், 8-ல் செவ்வாய் தோஷம் வலிமையாக உள்ளது. 7-ம் இடத்துக்கு உரிய சனி 5-ம் இடத்தில் இருந்துகொண்டு மூன்றாம் பார்வையால் 7-ம் இடத்தைப் பார்க்கிறார். (தாங்கள் அனுப்பிய ஜாதகத்தில் சனி 4-ல் இருப்பதாக உள்ளது. ஆனால், எங்கள் கணிப்பின்படி சனி 5-ல் உள்ளார்). அங்கு ராகுவும் உள்ளார்.  7-க்கு உடையவர் 5-ல் இருப்பதாலும், 7-க்கு உடைய சுக்கிரன் 10-ல் இருப்பதாலும் திருமண யோகம் உண்டு. ஆனால், சனியின் பார்வை 7-ல் இருக்கும் ராகுவுக்கு ஏற்படுவதால், உரிய பரிகாரம் செய்துகொள்ளவேண்டும். இல்லையென்றால், வயதில் மூத்த பெண்ணைத் திருமணம் செய்துகொள்ள நேரிடும். மற்றபடி திருமணம் நடைபெறுவதில் தடைகள் இல்லை.

? என் திருமணத்துக்குப் பார்த்த பல பெண்களின் ஜாதகம் பொருந்தி வந்தும், பெண்வீட்டார் `பிறகு பார்க்கலாம்’ என்று சொல்லிவிடுகின்றனர். எனக்கு எப்போது திருமணம் நடைபெறும்?
- பி.செந்தில்குமார், திருச்சி


தாங்கள் அனுப்பிய ஜாதகத்தில் பல கிரகங்கள் அனுகூல நிலையில் இல்லை. தற்போது நடைபெறும் ராகு தசை - குரு புக்தியும் சாதகமானவையாக இல்லை. ராகு தசையில் குருபுக்தி முடிந்ததும் நன்மை ஏற்படும்.

களத்திர ஸ்தானத்தில் சனி மற்றும் கேது உள்ளனர் (தாங்கள் அனுப்பியதில் சனி, கேது 6-ல் இருப்பதாக உள்ளது. அது சரியல்ல). களத்திரகாரகன் சுக்கிரன் கன்னியில் நீசம் அடைந்திருக்கிறார். புத்திரகாரகன் குருவும் மகரத்தில் நீசம் அடைந்திருக்கிறார். மனோகாரகன் சந்திரன் ராகுவுடன் 12-ல்... இப்படி, அநேக தோஷங்கள் உள்ளன. மேலும் பரணி நட்சத்திரத்துக்கு அநேக நட்சத்திரங்கள் பொருந்தி வராது. உரியப் பரிகாரங்கள் செய்து நிவாரணம் பெறலாம். தற்போது குரு 8-ல் இருக்கிறார். செப்டம்பருக்குப் பிறகு நற்பலன்கள் கூடிவரும்.

கேள்வி பதில்: ராகு கேது தோஷம் திருமணத்தடையை உண்டாக்குமா?

? எவ்வளவோ ஜாதகங்களைப் பார்த்தும், சரியானபடி  வரன் அமையவில்லை. தடைகள் எப்போது நீங்கும்; எனக்குத் திருமண யோகம் எப்போது கைகூடும்?
- எஸ்.ஷதீஷ்குமார், சென்னை - 11


திருமணத்துக்குத் தடை எதுவும் இல்லை. களத்திரகாரகன் சுக்கிரன் உச்சம் பெற்றிருக்கிறார். ஆனால், 8-ல் இருப்பதால் சில தடைகள் வரலாம். ஒருவேளை அந்தஸ்து, கௌரவம், வயதுக்கு ஏற்ற மனைவி போன்ற விஷயங்களில் வேண்டுமானால் சில சிக்கல்கள் ஏற்படலாம்.

இருப்பினும் தற்போது ஏழரை சனி இல்லை என்பதாலும், அடுத்து சுமார் 28 வருட காலத்துக்கு ஏழரை சனியின் பாதிப்பு இருக்காது என்பதாலும் குரு கோசாரப்படி நல்ல நிலையில் வரும்போது திருமணம் நடைபெறும். அவசரமாகத் திருமணம் செய்துகொள்ள நினைத்தால், ஜோதிடரை ஆலோசித்து உரியப் பரிகாரம் செய்வது அவசியம்.

- பதில்கள் தொடரும்...

வாசகர்களே... ஜோதிடம் தொடர்பான கேள்விகளுக்குப் பதில் தருகிறார், வித்யாவாரிதி சுப்ரமணிய சாஸ்திரிகள்

கேள்விகள் அனுப்பவேண்டிய முகவரி:
சக்தி ஜோதிடம் கேள்வி-பதில், சக்தி விகடன் 757, அண்ணாசாலை, சென்னை-600 002
Email: sakthi@vikatan.com

வித்யாவாரிதி சுப்ரமணிய சாஸ்திரிகள்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism