Published:Updated:

ராசிபலன்

ராசிபலன்
பிரீமியம் ஸ்டோரி
ராசிபலன்

நவம்பர் 20 - ம் முதல் டிசம்பர் 3 - ம் வரை

ராசிபலன்

நவம்பர் 20 - ம் முதல் டிசம்பர் 3 - ம் வரை

Published:Updated:
ராசிபலன்
பிரீமியம் ஸ்டோரி
ராசிபலன்
ராசிபலன்

புதனும், சுக்கிரனும் சாதகமான வீடுகளில் செல்வதால், உங்களின் அணுகுமுறையை மற்றவர்களின் ரசனைக்கேற்ப மாற்றியமைத்துக் கொள்வீர்கள். பிரபலங்களின் நட்பு கிடைக்கும். பூர்வீக சொத்துப் பங்கைக் கேட்டு வாங்குவீர்கள். குடும்பத்தில் கலகலப்பான சூழல் உருவாகும். நவீன மின்னணு, மின்சாரச் சாதனங்கள் வாங்குவீர்கள்.

உறவினர்கள் உங்கள் தேவையறிந்து உதவுவார்கள். புதியவரின் நட்பால் உற்சாகமடைவீர்கள். ஆனால், சூரியனும், குருவும் 8 - ம் வீட்டில் நிற்பதால் பிள்ளைகளிடம் உங்களின் எண்ணங்களைத் திணிக்க வேண்டாம். அரசாங்க விஷயங்கள் தாமதமாக முடியும். வியாபார ரகசியங்கள் கசியாமல் பார்த்துக் கொள்ளுங்கள். வேலையாட்களின் ஒத்துழைப்பு சுமாராக இருக்கும். உத்தியோகத்தில் மேலதிகாரி உங்கள் ஆலோசனையை முதலில் மறுத்தாலும் பிறகு ஏற்றுக் கொள்வார். கலைத்துறையினர், இழந்த புகழை மீண்டும் பெற எதார்த்தமான படைப்புகளைக் கொடுப்பது நல்லது.

 எதிலும் நிதானத்தைக் கடைப்பிடிக்கவேண்டிய நேரம் இது.

ராசிபலன்

ஒட்டுமொத்த விகடனுக்கும் ஒரே ஷார்ட்கட்!

குரு 7 - ம் வீட்டில் வலுவாகச் சூரியனுடன் சேர்ந்து அமர்ந்திருப்பதால் உங்களின் செல்வாக்கு உயரும். தொழிலதிபர்களின் அறிமுகம் கிடைக்கும். வங்கிக் கடன் கிடைத்து, வீடு கட்டத் தொடங்குவீர்கள். கல்யாணப் பேச்சுவார்த்தை கைகூடும். மகனுக்கு அயல்நாடு தொடர்புடைய நிறுவனத்தில் வேலை கிடைக்கும். விலை உயர்ந்த ஆடை, ஆபரணங்கள் சேரும். மனைவி வழியில் எதிர்பார்த்த உதவிகள் கிடைக்கும்.

ராசிநாதன் சுக்கிரன் 6 - ம் வீட்டில் மறைந்து இருப்பதால் உடல் நலனில் கவனமாக இருப்பது நல்லது. புதனும் 6 - ம் வீட்டில் நிற்பதால் உறவினர்களால் வீண் டென்ஷன், செலவுகள் வந்து போகும். வியாபாரத்தில் போட்டியாளர்களை முறியடிக்க அதிகம் உழைக்க வேண்டி வரும். உத்தியோகத்தில் சவால்களைச் சந்திக்க வேண்டி வரும். சக ஊழியர்களின் சொந்த விஷயங்களில் தலையிட வேண்டாம். கலைத்துறையினர், கிடைக்கின்ற வாய்ப்பைத் தக்க வைத்துக் கொள்ள போராட வேண்டி இருக்கும்.

புதிய திட்டங்களால் புத்துணர்ச்சி பெருகும் வேளை இது.

ராசிபலன்

6 - ம் வீட்டில் சூரியன் வலுவாக அமர்ந்திருப்பதால், எடுத்த காரியங்களில் வெற்றி கிடைக்கும். வி.ஐ.பி.கள் உதவுவார்கள். அரசியல் செல்வாக்கு கூடும். புதிய வேலை அமையும். வழக்கில் வெற்றி பெறுவீர்கள். பணவரவு அதிகரிக்கும். அயல்நாடு செல்ல விசா கிடைக்கும். பழைய கடனில் ஒரு பகுதியை பைசல் செய்ய வழி பிறக்கும். 5 - ம் வீட்டில் சுக்கிரனும், புதனும் வலுவாக நிற்பதால் பிள்ளைகளின் தனித்திறமை களைக் கண்டறிவீர்கள். வீடு கட்டுவது, வாங்குவது போன்ற முயற்சிகள் நல்லவிதத்தில் முடியும். தள்ளிப் போன திருமணம் சுபமாக முடியும். புது வாகனம் வாங்குவீர்கள்.

ஆனால் குரு 6 - ம் வீட்டில் அமர்ந்திருப்பதால், தேவையற்ற வீண்வாக்குவாதங்களில் ஈடுபடவேண்டாம். செவ்வாய் 9 - ம் வீட்டில் வலுவாக இருப்பதால் சகோதரர்கள் தக்க சமயத்தில் உதவுவார்கள். தந்தைவழி உறவினர்களால் ஆதாயமுண்டு. வியாபாரத்தில் புதுச் சலுகைகளை அறிமுகப்படுத்துவீர்கள். பழைய வேலையாட்களை மாற்றுவீர்கள். உத்தியோகத்தில் சூழச்சிகளை முறியடித்து வெற்றி பெறுவீர்கள். கலைத்துறையினர், தங்களின் திறமைகளை வெளிப்படுத்த நல்ல வாய்ப்புகள் கிடைக்கும்.

மனநிறைவுடன் செயல்படும் காலம் இது.

ராசிபலன்

சுக்கிரனும், புதனும் சாதகமான வீடுகளில் செல்வதால், உங்களின் புத்திசாலித்தனம் வெளிப்படும். யதார்த்தமாகப் பேசி அனைவரையும் கவர்வீர்கள். கார் பழுதைச் சரிசெய்வீர்கள். பூர்வீக வீட்டில் மாற்றம் செய்வீர்கள். உறவினர்கள், நண்பர்கள் உங்களைக் கலந்தாலோசித்துச் சில முடிவுகள் எடுப்பார்கள். சூரியன் 5 - ம் வீட்டில் நிற்பதால் பிள்ளைகளை அனுசரித்துப்போவது நல்லது.

செவ்வாய் 8 - ம் வீட்டில் நிற்பதால் சகோதர வகையில் டென்ஷன் வரக்கூடும். கர்ப்பிணிப் பெண்கள் பயணங்களின் போது கவனம் தேவை. குரு வலுவாக இருப்பதால் வாழ்க்கையின் நெளிவு, சுளிவுகளைக் கற்றுக் கொள்வீர்கள். தடைப்பட்ட வீடு கட்டும் வேலை விரைவடையும். பூர்வீக சொத்து சேரும். பிள்ளைகளால் பெருமையடைவீர்கள். கோயில் கும்பாபிஷேகத்தை முன்னின்று நடத்துவீர்கள். வியாபாரத்தில் முக்கியப் பிரமுகர்களின் அறிமுகத்தால் பெரிய நிறுவனங்களின் ஒப்பந்தம் கிடைக்கும். உத்தியோகத்தில் வேலைச்சுமை அதிகரிக்கும். கலைத்துறையினருக்கு சம்பள பாக்கி கைக்கு வரும்.

அலைச்சல் இருந்தாலும் அதற்கான பலனை அடையும் நேரம் இது.

ராசிபலன்

சுக்கிரனும், புதனும் சாதகமாக இருப்பதால் பணவரவு திருப்தி தரும். உறவினர் வீட்டுக் கல்யாணத்தைத் திறம்பட எடுத்து நடத்துவீர்கள். புது டிசைனில் நகை+ வாங்குவீர்கள். நண்பர்கள் சிலரின் சுயரூபத்தை இப்பொழுது உணருவீர்கள். மனைவிவழியில் நல்ல செய்தி உண்டு. சூரியன் 4 - ம் வீட்டில் அமர்ந்திருப்பதால் உங்கள் கை ஓங்கும். புது வேலை கிடைக்கும். அதிகாரப் பதவியில் இருப்பவர்கள் அறிமுகமாவார்கள். பாதியில் நின்ற வீடு கட்டும் பணியைத் தொடங்குவீர்கள்.

ஆனால் குருவும் 4 - ம் வீட்டில் தொடர்வதால் தாயாருடன் கருத்துமோதல்கள் வந்து போகும். செவ்வாய் 7 - ம் வீட்டில் சாதகமாக இருப்பதால் சகோதரர்கள் பாசமாக நடந்துகொள்வார்கள். வீடு, மனை வாங்க, விற்க சுமுகமாக அமையும். வியாபாரத்தில் சூட்சுமங்களை உணர்வீர்கள். உத்தியோகத்தில் பணிகளைப் போராடி முடிப்பீர்கள். கலைத்துறையினர் மூத்த கலைஞர்களிடம் சில நுணுக்கங்களைக் கற்றுத் தெளிவீர்கள்.

போராட்டத்துக்குப் பின் வெற்றிக்கனி பறிக்கும் வேளை இது.

ராசிபலன்

புதனும், சுக்கிரனும் சாதகமாக இருப்பதால் பணப்புழக்கம் அதிகரிக்கும். நவீன ரக ஆடியோ, வீடியோ சாதனங்கள் வாங்குவீர்கள். உங்களிடம் பழகும் நண்பர்கள், உறவினர்களின் பலம் பலவீனத்தை உணர்வீர்கள். சூரியன் 3 - ம் வீட்டில் வலுவாக அமர்ந்திருப்பதால் சவால்கள், விவாதங்களில் வெற்றிபெறுவீர்கள். எதிர்த்தவர்கள் அடங்குவார்கள். அரசு வகையில் வருமானம் கிடைக்கும்.  வழக்குச் சாதகமாகத் திரும்பும்.

குருபகவான் சாதகமான நட்சத்திரங்களில் செல்வதால் பாதியிலேயே நின்றுபோன வேலைகளை விரைந்து முடிப்பீர்கள். செவ்வாய் சாதகமாக இருப்பதால் வரவேண்டிய பணம் வந்து சேரும். வியாபாரத்தில் புதிய யுக்திகளால் தேங்கிக் கிடந்த சரக்குகளை விற்றுத் தீர்ப்பீர்கள். உத்தியோகத்தில் மேலதிகாரியின் குறைகளைச் சுட்டிக் காட்டுவீர்கள். சக ஊழியர்கள் மதிப்பார்கள். கலைத்துறையினருக்கு நல்ல நல்ல வாய்ப்புகள் கிடைக்கும்.

நினைத்ததை நினைத்தபடி முடிக்கும் நேரம் இது.

ராசிபலன்

ராசிநாதன் சுக்கிரன் ராசிக்குள்ளேயே ஆட்சி பெற்று அமர்ந்திருப்பதால் நீண்ட நாள்களாக இழுபறியாக இருந்த வேலைகள் முடியும். அழகு, இளமை கூடும். எதிர்பார்த்த தொகை வராவிட்டாலும் எதிர்பாராத வகையில் பணம் வரும். குடும்பத்தில் மகிழ்ச்சி தங்கும். வீட்டில் கூடுதலாக ஒரு அறை அல்லது தளம் கட்டுவீர்கள்.

புதன் சாதகமான நட்சத்திரங்களில் செல்வதால் உறவினர்கள், நண்பர்களின் பாசமான விசாரிப்பால் ஆறுதல் அடைவீர்கள். குருவும் சாதகமாக இருப்பதால், கணவன் மனைவிக்குள் இருந்த ஈகோ பிரச்சனைகள் விலகும். அன்யோன்யம் பிறக்கும். பிள்ளைகளின் விருப்பங்களை நிறைவேற்றுவீர்கள். ஆனால், சூரியன் 2 - ம் வீட்டில் நிற்பதால் வீண்வாக்குவாதங்களில் ஈடுபடவேண்டாம். செலவுகள் அதிகரிக்கும். அதற்கேற்ப வியாபாரத்தில் லாபமும் அதிகரிக்கும். வேலையாட்களிடம் தொழில் ரகசியங்களைப் பகிர்ந்துகொள்ள வேண்டாம். உத்தியோகத்தில் உயரதிகாரிகள் சொந்த விஷயங்களை உங்களிடம் சொல்லி, ஆறுதல் அடைவார்கள். கலைத்துறையினர்,  மூத்த கலைஞர்களின் வழிகாட்டல் மூலம் வெற்றி பெறுவார்கள்.

புதிய பாதையில் பயணிக்கும் நேரம் இது.

ராசிபலன்

புதனும், சுக்கிரனும் சாதகமாக இருப்பதால் எதிர்பார்த்த பணவரவு உண்டு. உறவினர்கள், நண்பர்கள் வீட்டு சுபநிகழ்ச்சிகளில் கலந்து கொள்வீர்கள். மூத்த சகோதர வகையில் ஒற்றுமை பலப்படும். ஜென்ம குரு நீடிப்பதால், சில நேரங்களில் ஏமாற்றங்களை உணர்வீர்கள். ராசிக்குள் சூரியன் நிற்பதால்  உடல்நலனில் கவனம் செலுத்துவது நல்லது. அரசுக்குச் செலுத்த வேண்டிய வரிகளை உரிய நேரத்தில் செலுத்திவிடுங்கள்.

 ராசிக்கு 3 - ம் வீட்டில் கேது பலம் பெற்றிருப்பதால் எதிர்பார்த்திருந்த உதவிகள் கிடைக்கும். வீண் குழப்பங்கள் நீங்கும். வி.ஐ.பிக்கு நெருக்கமாவீர்கள். வியாபாரத்தில் வேலையாட்கள், பங்குதாரர்கள் உங்களிடம் விசுவாசமாக நடந்து கொள்வார்கள். உத்தியோகத்தில் உங்களின் திறமைகளை வெளிப்படுத்த நல்ல வாய்ப்புகள் வரும். கலைத்துறையினர் பரபரப்புடன் காணப்படுவார்கள்.

திட்டமிட்டபடி காரியங்களைச் செயல்படுத்தும் நேரம் இது.

ராசிபலன்

சுக்கிரனும், புதனும் வலுவாக இருப்பதால் கடினமான காரியங்களையும் எளிதாக முடித்து வெற்றிபெறுவீர்கள். பிரபலங்களின் நட்பு கிடைக்கும். பணப்புழக்கம் அதிகரிக்கும். எல்லோரும் உங்கள் ஆலோசனையை ஏற்பார்கள். மூத்த சகோதரர் வகையில் நன்மை உண்டு. உறவினர்கள், நண்பர்களுடன் மனம் விட்டுப் பேசுவீர்கள்.

சூரியனும், குருவும் 12 - ம் வீட்டில் மறைந்திருப்பதால் தந்தைக்கு வேலைச்சுமை, வீண் டென்ஷன், செலவுகள் வந்து போகும். 3 - ம் வீட்டில் செவ்வாய் பலமாக இருப்பதால் பிரபலங்களின் சந்திப்பு நிகழும். சகோதர சகோதரிகள் தக்க சமயத்தில் உதவுவார்கள். வாகனத்தைச் சீர்செய்வீர்கள். வீடு, மனை வாங்கும் யோகம் உண்டாகும். வியாபாரத்தில் வாடிக்கையாளர்களின் ரசனைக்கேற்ற பொருட்களைக் கொள்முதல் செய்து லாபத்தைப் பெருக்குவீர்கள். உத்தியோகத்தில் பதவி உயர்வுக்காக உங்களுடைய பெயர் பரிசீலிக்கப்படும். சக ஊழியர்களுடன் அளவாகப் பழகுவது நல்லது. கலைத்துறையினரின் படைப்புகளுக்கு நல்ல வரவேற்பு கிடைக்கும். 

பலனை எதிர்பார்க்காமல் உழைக்கவேண்டிய நேரம் இது.

ராசிபலன்

சுக்கிரனும், புதனும் சாதகமான நட்சத்திரங்களில் செல்வதால் புதிதாக வாகனம், டி.வி., ஃப்ரிட்ஜ் வாங்குவீர்கள். உறவினர்களால் ஆதாயம் கிடைப்பதுடன் கௌரவமும் ஒருபடி உயரும். நட்பால் ஆதாயம் உண்டு. வெளியூரிலிருந்து நல்ல செய்தி வரும். சூரியனும், குருவும் லாப வீட்டில் இருப்பதால் புதிய நிறுவனத்தில் பெரிய வேலை கிடைக்கும். அரசாங்க அதிகாரிகளின் நட்பு கிடைக்கும். அரசால் அனுகூலம் உண்டு. வழக்கில் சாதகமான தீர்ப்பு வரும். பணவரவு உண்டு. வேலையில்லாதவர்களுக்கு நல்ல வேலை கிடைக்கும். மூத்த சகோதரர் பாசமாக இருப்பார்.

ஏழரைச்சனி தொடர்வதால், யாரையும் முழுமையாக நம்பவேண்டாம். வியாபாரத்தில் எதிர்பார்த்ததைவிட லாபம் அதிகரிக்கும். உத்தியோகத்தில் வேலைச்சுமை அதிகரிக்கும். கால நேரமில்லாமல் உழைக்க வேண்டி வரும். கலைத்துறையினருக்கு புதிய நிறுவனங்களிலிருந்து வாய்ப்புகள் வரும்.

சோர்ந்திருந்த முகம்  சூரியனாக மலரும் நேரம் இது.

ராசிபலன்

புதன் சாதகமான வீடுகளில் செல்வதால் உங்களின் ரசனை மாறும். உறவினர்களுக்கு மத்தியில் ஒருபடி உயர்ந்து நிற்க வேண்டுமென எண்ணுவீர்கள். பள்ளி, கல்லூரி கால நண்பர் ஒருவரைச் சந்தித்து மகிழ்வீர்கள். சுக்கிரனும் 9 - ம் வீட்டிலேயே நிற்பதால் பணவரவு உண்டு. கட்டிட வேலைகளைத் தொடங்க வங்கிக் கடன் உதவி கிடைக்கும்.

சூரியன் 10 - ம் வீட்டில் வலுவாக அமர்ந்திருப்பதால் உங்களின் நிர்வாகத்திறன், ஆளுமைத் திறன் அதிகரிக்கும். மேல்மட்ட அரசியல்வாதிகள் உதவுவார்கள். அரசாங்க விஷயங்கள் சாதகமாக முடியும். வழக்கில் வெற்றி பெறுவீர்கள். அயல்நாடு செல்ல விசா கிடைக்கும். செவ்வாய் ராசிக்குள் நிற்பதால் வீண் செலவு, உடல் உஷ்ணம், தூக்கமின்மை, வருங்காலத்தைப் பற்றிய கவலை வந்து போகும். வியாபாரத்தில் அதிரடியான திட்டங்களைத் தீட்டுவீர்கள். பங்குதாரர்கள் வளைந்து கொடுப்பார்கள்.  உத்தியோகத்தில் வேலைப்பளு அதிகரிக்கும். எதிர்பார்த்த சலுகைகள் கிடைக்கும். கலைத்துறையினருக்கு வசதி, வாய்ப்புகள் பெருகும்.

தனித்திறமையால்  சாதனை படைக்கும் நேரம் இது.

ராசிபலன்

புதனும், சுக்கிரனும் சாதகமான வீடுகளில் செல்வதால் புதிய யோசனைகள் பிறக்கும். வாகனப் பழுதை சரி செய்வீர்கள். பிள்ளைகளால் ஆறுதலடைவீர்கள். ஓரளவு பணவரவு உண்டு என்றாலும், சேமிக்க முடியாதபடி செலவுகள் இருக்கும். நண்பர்கள் பக்கபலமாக இருப்பார்கள். உறவினர்களிடம் எதிர்பார்த்த உதவிகள் தக்கசமயத்தில் கிடைக்கும்.

சூரியன் 9 - ம் வீட்டில் நிற்பதால் தந்தையுடன் வீண்வாக்குவாதம் செய்ய வேண்டாம். அரசு காரியங்கள் தள்ளிப் போய் முடியும். ஆனால், குரு 9 - ம் வீட்டில் நிற்பதால் பணத்தட்டுபாடு விலகும். வெளிநாட்டில் இருப்பவர்களால் ஆதாயமுண்டு. அரசாங்க வேலைகள் முழுமையடையும். வியாபார ரகசியங்கள் கசியாமல் பார்த்துக் கொள்ளுங்கள். உத்தியோகத்தில் சக ஊழியர்கள் உங்களைப் பற்றி விமர்சித்தாலும், அனுசரித்துப் போவது நல்லது. கலைத்துறையினர் சிந்தித்துச் செயல்பட்டு வெற்றி பெறுவார்கள்.

பழைய அனுபவங்களால் புதிய சாதனை படைக்கும் நேரம் இது.

‘ஜோதிட ரத்னா’ முனைவர் கே.பி.வித்யாதரன் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism