Published:Updated:

பதவி உயர்வு பெற பரிகாரம் என்ன?

பதவி உயர்வு பெற பரிகாரம் என்ன?
பிரீமியம் ஸ்டோரி
பதவி உயர்வு பெற பரிகாரம் என்ன?

பதவி உயர்வு பெற பரிகாரம் என்ன?

பதவி உயர்வு பெற பரிகாரம் என்ன?

பதவி உயர்வு பெற பரிகாரம் என்ன?

Published:Updated:
பதவி உயர்வு பெற பரிகாரம் என்ன?
பிரீமியம் ஸ்டோரி
பதவி உயர்வு பெற பரிகாரம் என்ன?

?எனக்கு எப்போது பதவி உயர்வு, ஊதிய உயர்வு கிடைக்கும். அவற்றைப் பெற பரிகார வழிபாடுகள் செய்யவேண்டுமா?
- ரா.பாஸ்கரன்

! உத்திராடம் நட்சத்திரம் மகர ராசியில் பிறந்திருக்கும் தங்களுக்கு, தற்போது அனுகூலமான நேரம். லக்னத்துக்கு 10-ம் வீட்டுக்கு உரியவரான செவ்வாய் 3-ல் இருந்தாலும், அவர் 10-ம் வீடாகிய தன் வீட்டைப் பார்க்கிறார். ஆகவே, நீங்கள் எத்தகைய வேலையையும் எளிதில் முடிக்கும் வலிமை பெற்றவர்களாக இருப்பீர்கள். எனினும், 2014 முதல் சனி தசை நடைபெற்று வருவதால், எந்த விஷயத்திலும் சற்று மந்தமான போக்கு தென்படும். சனி 6-ம் வீட்டில் இருப்பதால், உங்களுக்கு எதிரிகள் இருக்கமாட்டார்கள்.

2-ம் வீட்டில் சுக்கிரன் அமைந்திருப்பதாலும் 2-க்கு உரிய சூரியன் 2-ம் வீட்டுக்கு 2-ல் இருப்பதாலும் தன யோகம் வலிமையாகத் தெரிகிறது. மேலும், செல்வந்த நிலைக்குக் காரகராகிய வியாழன் 5-ல் இருந்துகொண்டு, 7-ம் பார்வையாக 11-ம் வீட்டைப் பார்க்கிறார். எனவே, செல்வந்த யோகமும் அமைந்துள்ளது.  இந்த ஆண்டுக்குள் பதவி  உயர்வு, ஊதிய உயர்வு கிடைப்பதற்கான வாய்ப்பு உள்ளது.

நீங்கள் வெள்ளிக்கிழமைதோறும் மகாலட்சுமி தேவியை நன்றாகப் பிரார்த்தித்துக்கொண்டு வெள்ளைப் பூக்களால் அந்தத் தேவிக்கு அலங்காரம் செய்து, மாதுளைக் கனி நைவேத்தியம் செய்து, லக்ஷ்மி அஷ்டோத்திர சத நாமாவளிகளால் அர்ச்சனை செய்து வழிபடவும்.

பதவி உயர்வு பெற பரிகாரம் என்ன?

?எனக்கு அரசாங்க வேலை கிடைக்க வாய்ப்பு உள்ளதா, ஏதேனும் பரிகாரம் செய்யவேண்டுமா?
- தியாகராஜன், சென்னை 80

! உங்கள் ஜாதகத்தில் லக்ன அதிபதியாகிய புதன் 11-ம் வீட்டில் சூரியனுடன் சேர்ந்து லாப ஸ்தானத்தில் அமைந்துள்ளார். சுகாதிபதியும் புதனே என்பதால், சுகத்துக்குக் குறைவே இல்லை. சூரியனும் புதனும் சேர்ந்திருப்பது, நிபுண யோகத்தைக் குறிப்பிடுகிறது.

மேலும், 10-ம் வீட்டில் சுக்கிரன் உச்சம்பெற்றுக் காணப்படுகிறார். எனவே, வருமான யோகம் நன்றாக உள்ளது. அதுமட்டுமல்லாமல் 7-ம் வீட்டில் குரு  இருப்பதால், அன்பும் நல்ல பண்புகளும் உடைய மனைவி அமையும் யோகம் உங்களுக்கு உண்டு. தற்போது நடைபெற்று வரும் காலம் அனுகூலமாக இருப்பதாலும் குருவின் பார்வை 10-ம் வீட்டுக்கு ஏற்படுவதாலும் உங்களின் மனதுக்குப் பிடித்த வேலை நிச்சயம் அமையும். அது, அரசாங்க வேலையாகவும் இருக்கலாம். ஏனெனில், அரசாங்கக் காரகராகிய சூரியன் உச்சம் பெற்று 11-ம் வீட்டில் லாப ஸ்தானத்தில் உள்ளார். உச்சம் பெற்ற சனியுடன் சந்திரன் சேர்க்கை பெற்றிருக்கிறார். இந்த அமைப்பு நல்லது.

ஆனாலும் 2- வீட்டில் மாந்தி இருப்பதால் தேவையற்றவற்றைப் பேசக்கூடாது. மற்றவர்களிடம் ரகசியங்களைப் பகிர்ந்துகொள்ளக்கூடாது. மொத்தத்தில் இந்த ஜாதகம் நல்ல ஜாதகம். எனவே, வாழ்க்கையில் அனைத்து வசதி-வாய்ப்புகளும் கிடைக்கும்.

?என் மகனுக்குத் திருமண முயற்சிகள் தடைப்பட்டு வருகின்றன. அவனுக்கு எப்போது திருமணம் நடைபெறும்?

- ஸ்ரீநிவாச சர்மா, சிதம்பரம்

! நல்ல ஜாதகம் அமையப்பெற்றிருந்தால், ஆண்களுக்கு 30 வயதுக்குள்ளும் பெண்களுக்கு 22 வயதுக்குள்ளும் திருமணம் நடைபெறவேண்டும். இல்லையெனில், ஏதேனும் தடை இருக்க வாய்ப்பு உண்டு.

உங்கள் மகனின் ஜாதகத்தில் காலசர்ப்ப தோஷம் மிக வலிமையாகக் காணப்படுகிறது. மேலும் 7-ம் பாவ அதிபதியும் 7-ம் பாவகாரகரும்... அதாவது, புதனும் சுக்கிரனும் சேர்ந்திருக்கிறார்கள்.

ஜாதகத்தில் 2, 4, 7, 8, 12 ஆகிய வீடுகளில் குரு பார்வை இல்லாமலும் ராகு-கேது சேர்க்கை இல்லாமலும் செவ்வாய் அமையப்பெற்றிருந்தால், அது செவ்வாய் தோஷ ஜாதகமாகும். உங்கள் மகன் ஜாதகத்தில் செவ்வாய் தோஷம் மேலோங்கி காணப்படுகிறது. எனவே, காலசர்ப்ப தோஷம் மற்றும் செவ்வாய் தோஷத்துக்கான பரிகார ஹோமங்களை முறைப்படிச் செய்யவேண்டும். அதனால், 5-ம் வீட்டிலிருக்கும் 7-ம் பாவ அதிபதி மற்றும் 7-ம் காரகர் ஆகியோரின்அருளால் திருமணம் நடைபெற வாய்ப்பு ஏற்படும். தற்போதைய நிலைமைப்படி குருவின் 9-ம் பார்வை குருவின் உச்ச வீடாகிய கடக ராசியிலும், 5-ம் பார்வை மீன லக்னத்திலும் பதிவதால், இந்த வருடம் குருப்பெயர்ச்சிக்கு முன் கல்யாணம் கூடிவர வாய்ப்பு உண்டு.

?எங்கள் மகனுக்கு விவாகரத்து ஆகிவிட்டது. அவனுக்கு இரண்டாவது  திருமணம் நடைபெற வாய்ப்பு உண்டா?

- ஆர்.வி.சுப்புலட்சுமி, சென்னை - 114

! உங்கள் மகனின் ஜாதகத்தில், 7-ம் வீட்டுக்குரிய குரு பகவான், 6-ம் வீட்டில் மறைந்திருக்கிறார். எனவே, திருமண யோகம் வலிமையாக இல்லை. அதேபோல், கல்யாணக் காரகராகிய சுக்கிரன் சூரியனுடன் சேர்ந்து அஸ்தங்கம் பெற்றிருப்பதுடன், அந்த இடத்தில் ராகுவும் இருக்கிறார். ராகுவுக்கும் சூரியனுக்கும் இடையில் சுக்கிரன் அமைவதை `பாபகர்த்தரி யோகம்’ என்பார்கள். இரண்டு பாவ கிரகங்களுக்கு நடுவில் சுக்கிரன் இருப்பதால், அவரால் இயங்க முடியவில்லை.  இத்தகைய அமைப்பால் கஷ்டங்களை அனுபவித்து வரும் தங்கள் மகனின் ஜாதகத்தில், அனுகூலமான நிலைகள் இல்லையென்றும் கூறிவிட முடியாது. அவருடைய ஜாதகத்தில் குரு சந்திரனுடன் சேர்ந்திருக்கிறார். இந்த அமைப்பை `கஜகேசரி யோகம்’ என்கிறது ஜோதிட சாஸ்திரம்.

இவரின் ஜன்ம நட்சத்திரம் பூரட்டாதி. இருந்தாலும் `குருதசை இருப்பு வெறும் 9 மாதங்கள் 19 நாள்கள் மட்டுமே’ என்று குறிப்பிட்டிருக்கிறார்கள். ஆனால், ஜாதகத்தை நன்றாக ஆராய்ந்து பார்த்தால், அவருக்குக் குரு தசை என்பது நான்கு முதல் எட்டு வருடம் வரை இருக்கவேண்டும். எனவே, நீங்கள் குறிப்பிட்ட தசா கால அளவு சரியானதல்ல என்றே தெரிகிறது. சரியாகச் சொல்வதெனில், தங்கள் மகனின் ஜாதகத்தில் ஜனன கால குருதசை என்பது 5 வருடம், 4 மாதம், 16 நாள் என்று தெரிகிறது.

அதன்படி உங்கள் மகனுக்குத் தற்போது கேது தசை நடைபெறுகிறது (2023 வரை நடைபெறும்). அத்துடன், கேது 9-ம் வீட்டில் இருக்கிறார். ஆகவே, நீங்கள் பிள்ளையாருக்கு அபிஷேக ஆராதனைகள் செய்து வழிபடுவது நல்லது. வசதி இருந்தால் மஞ்சள் கிழங்கு, நெய், தேன், அறுகம்புல், அஷ்ட திரவியங்கள், கரவீர புஷ்பம் ஆகியவற்றைக்கொண்டு, முறைப்படி ஹரித்ரா கணபதி ஹோமம் செய்தால் நல்ல பலன் கிடைக்கும்.

- பதில்கள் தொடரும்...

ஒட்டுமொத்த விகடனுக்கும் ஒரே ஷார்ட்கட்!

வாசகர்களே... ஜோதிடம் தொடர்பான கேள்விகளுக்குப் பதில் தருகிறார்,
வித்யாவாரிதி சுப்ரமணிய சாஸ்திரிகள். கேள்விகள் அனுப்பவேண்டிய முகவரி:
சக்தி ஜோதிடம் கேள்வி-பதில், சக்தி விகடன்
757, அண்ணாசாலை, சென்னை-600 002 Email: sakthi@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism