Published:Updated:

ராசிபலன் - ஜூலை 2 முதல் 15 - ம் தேதி வரை

ராசிபலன் - ஜூலை 2 முதல் 15 - ம் தேதி வரை
பிரீமியம் ஸ்டோரி
ராசிபலன் - ஜூலை 2 முதல் 15 - ம் தேதி வரை

ராசிபலன் - ஜூலை 2 முதல் 15 - ம் தேதி வரை

ராசிபலன் - ஜூலை 2 முதல் 15 - ம் தேதி வரை

ராசிபலன் - ஜூலை 2 முதல் 15 - ம் தேதி வரை

Published:Updated:
ராசிபலன் - ஜூலை 2 முதல் 15 - ம் தேதி வரை
பிரீமியம் ஸ்டோரி
ராசிபலன் - ஜூலை 2 முதல் 15 - ம் தேதி வரை
ராசிபலன் - ஜூலை 2 முதல் 15 - ம் தேதி வரை

மேஷம்: சூரியன் 3-ம் வீட்டில் வலுவாக இருப்பதால், பிள்ளைகளால் சமூகத்தில் அந்தஸ்து உயரும். அரசாங்க விஷயங்கள் சாதகமாக அமையும். புதன் சாதகமான நட்சத்திரங்களில் செல்வதால், தன்னம்பிக்கை அதிகரிக்கும். குடும்பத்தில் மகிழ்ச்சி, பணவரவு உண்டு.

சுக்கிரன் சாதகமான வீடுகளில் செல்வதால், கல்யாண முயற்சிகள் சாதகமாக முடியும். கட்டட வேலைகளைத் தொடங்குவீர்கள். வங்கிக் கடன் கிடைக்கும். பழைய நண்பர்களால் உதவிகள் உண்டு. சேமிப்புகள் கரையும். 4 - ம் வீட்டில் நிற்கும் ராசிநாதன் செவ்வாயால் வேலைச்சுமை அதிகரிக்கும். எனினும், பல வேலைகளை நீங்கள் முதல் முயற்சியிலேயே முடித்துக்காட்டுவீர்கள். வியாபாரத்தில், பற்று வரவு உயரும். பழைய வேலையாள்கள் தேடி வந்து பணியில் சேர்வார்கள். உத்தியோகத்தில் அதிகாரிகளால் பாராட்டப்படுவீர்கள். கலைத்துறையினருக்குத் தடைப்பட்ட வாய்ப்புகள் மீண்டும் வரும்.

சவால்களில் வெற்றி பெறும் தருணம் இது!

ஒட்டுமொத்த விகடனுக்கும் ஒரே ஷார்ட்கட்!

ராசிபலன் - ஜூலை 2 முதல் 15 - ம் தேதி வரை

ரிஷபம்:

குரு சாதகமாக இருப்பதால் வி.ஐ.பிகள் அறிமுகமாவார்கள். கல்யாணப் பேச்சுவார்த்தை சாதகமாக முடியும். ஆன்மிக நாட்டம் அதிகரிக்கும். சிலருக்குப் புதிய இடத்தில் வேலை கிடைக்கும். புதனும், சுக்கிரனும் 2-ம் வீட்டில் நிற்பதால், கேட்ட இடத்தில் பண உதவி கிடைக்கும். நண்பர்கள் பக்கபலமாக இருப்பார்கள்.

2-ம் வீட்டில் நிற்கும் சூரியன், சேமிப்புகளைக் கரைப்பார். உடல்நலனில் கவனம் தேவை. அரசு விவகாரங்களில் அலட்சியம் வேண்டாம்.  செவ்வாய் 3 - ம் வீட்டில் அமர்ந்திருப்பதால், வெற்றிபெற்ற மனிதர்களின் நட்பு கிடைக்கும். முன்பணம் கொடுத்து வைத்திருந்த சொத்துக்கு, மீதிப் பணத்தைக் கொடுத்து பத்திரப்பதிவு செய்வீர்கள். வியாபாரத்தில், புதிய முதலீடுகளைத் தவிர்ப்பது நல்லது. உத்தியோகத்தில், அதிகாரிகளின் அறிவுரையை அமைதியாக ஏற்றுக்கொள்ளுங்கள். கலைத்துறையினருக்கு, எதிர்பார்த்த ஒப்பந்தங்கள் தள்ளிப்போகும்.

சகிப்புத்தன்மை தேவைப்படும் தருணம் இது!

ராசிபலன் - ஜூலை 2 முதல் 15 - ம் தேதி வரை


மிதுனம்:

ங்கள் ராசிநாதன் புதன் ராசிக்குள் நிற்பதால், சாமர்த்தியமான பேச்சால் சாதிப்பீர்கள். உறவினர்களுக்கு மத்தியில் ஒரு படி உயர்ந்து நிற்கவேண்டும் என எண்ணுவீர்கள். புதியவர்கள் நண்பர்களாவார்கள். குரு 6-ம் வீட்டில் நிற்பதால் ஒருவித அலுப்பும் சலிப்பும் ஏற்படும்.

2-ம் வீட்டில் செவ்வாய் நிற்பதால், பேச்சில் நிதானம் இருக்கும். எவ்வளவு பணம் வந்தாலும் பற்றாக்குறை நீடிக்கும். சூரியனும் ராசிக்குள் நிற்பதால் பேச்சில் கவனம் தேவை. அரசாங்கக் காரியங்கள் தாமதமாக முடியும். சுக்கிரன் சாதகமாக இருப்பதால், கேட்ட இடத்தில் பண உதவி கிடைக்கும். உங்களால் வளர்ச்சியடைந்த சிலரை இப்போது சந்திக்க நேரிடும். வியாபார ரகசியங்களைக் கசியவிட்ட வேலையாள்களை அடையாளம் கண்டு விலக்குவீர்கள். உத்தியோகத்தில், கடினமான வேலைகளையும் எளிதாக முடிப்பீர்கள். கலைத்துறையினரே! மூத்த கலைஞர்களின் பாராட்டைப் பெறுவீர்கள்.

விடாமுயற்சி தேவைப்படும் தருணம் இது!

ராசிபலன் - ஜூலை 2 முதல் 15 - ம் தேதி வரை



கடகம்:

குரு பகவான் 5 - ம் வீட்டிலேயே வலுவாக அமர்ந்திருப்பதால், புதிய பாதையில் பயணிக்கத் தொடங்குவீர்கள். பெரிய மனிதர்களின் தொடர்பு கிடைக்கும். பூர்வீகச் சொத்து கைக்கு வரும். தினந்தோறும் எதிர்பார்த்து ஏமாந்த தொகை வந்துசேரும். சுப நிகழ்ச்சிகளால் வீடு களை கட்டும். 12 - ம் வீட்டில்  நிற்கும் புதனால், பழைய நண்பர்களுடன் ஆரோக்கியமான விவாதங்கள் வந்துபோகும்.

ராசிக்கு 12 - ம் வீட்டில் சூரியன் நிற்பதால் தூக்கமின்மை, எதிர்பாராத செலவுகள், திடீர்ப் பயணங்கள் ஏற்படும். கோயிலைப் புதுப்பிக்க உதவுவீர்கள். சுக்கிரன் 12 - ம் வீட்டில் மறைந்திருப்பதால், செல்வாக்கு உயரும். பிரபலங்களின் வீட்டு விசேஷங்களில் கலந்துகொள்வீர்கள். உல்லாசப் பயணங்கள் உண்டு. வியாபாரத்தில் பங்குதாரர்கள் மற்றும் வேலையாள்களால் மறைமுகப் பிரச்னைகள் வரலாம். உத்தியோகத்தில் உழைப்புக்கேற்ற அங்கீகாரம் கிடைக்கும். கலைத்துறையினர் புகழடைவார்கள்.

ஆடம்பரச் செலவுகளைத் தவிர்க்கவேண்டிய தருணம் இது!

ராசிபலன் - ஜூலை 2 முதல் 15 - ம் தேதி வரை

சிம்மம்:

புதன் சாதகமான வீடுகளில் செல்வதால் கற்பனை வளம் பெருகும். பிரபலங்கள் நண்பர்களாவார்கள். பிள்ளைகளின் விருப்பத்தை நிறைவேற்றுவீர்கள். உறவினர்களால் ஆதாயம் உண்டு. 12 - ம் வீட்டில் செவ்வாய் நிற்பதால் தூக்கமின்மை வரக்கூடும். சகோதர வகையில் மனத்தாங்கல் வரும். நிலம், வீடு வாங்குவது, விற்பதில் சிக்கல்கள் வந்து விலகும். வழக்கை நிதானமாகக் கையாளுங்கள்.

லாப வீட்டில் ராசிநாதன் சூரியன் வலுவாக அமர்ந்திருப்பதால், உங்களின் ஆளுமைத்திறன் அதிகரிக்கும். வீடு கட்ட ப்ளான் அப்ரூவல் வந்து சேரும். சுக்கிரன் சாதகமாக இருப்பதால், தாயாரின் உடல்நலம் சீராகும். தாய்வழிச் சொத்துகள் கைக்கு வரும். வியாபாரத்தில், அதிரடி அறிவிப்புகள் மூலம் போட்டிகளை ஈடுகட்டுவீர்கள். உத்தியோகத்தில், புது பொறுப்புகள் தேடி வரும். மேலதிகாரிகள், உங்கள் கோரிக்கையை ஏற்பார்கள். கலைத்துறையினர் உற்சாகத்துடன் வலம் வருவார்கள்.  

இழந்ததைப் பெறும் தருணம் இது!

ராசிபலன் - ஜூலை 2 முதல் 15 - ம் தேதி வரை

கன்னி:

செவ்வாய் லாப வீட்டிலேயே இருப்பதால், எதிர்பார்த்த பணம் வரும். புது மின்னணு, மின்சார சாதனங்கள் வாங்குவீர்கள். சகோதரிக்கு நல்ல இடத்தில் திருமணம் முடியும். வீடு, மனை வாங்குவதும் விற்பதும் லாபகரமாக முடியும். மூத்த சகோதரர்கள் வகையில் ஆதாயம் உண்டு. புதன் 10-ம் வீட்டில் நிற்பதால், சிறப்புப் பதவிக்குத் தேர்தெடுக்கப்படுவீர்கள். எதிர்பார்த்த இடத்திலிருந்து உதவிகள் கிடைக்கும். புதிய நட்பு மலரும். கலைப்பொருள்கள் வாங்குவீர்கள்.

சூரியன் 10-ம் வீட்டில் நிற்பதால் தடைகள் நீங்கும். பதவிகள் தேடி வரும். சிலருக்கு அயல்நாட்டில் வேலை அமையும். வீட்டை மாற்றுவது, விரிவாக்கம் செய்வது போன்ற முயற்சிகள் வெற்றியடையும். 10-ம் வீட்டில் சுக்கிரன் அமர்ந்திருப்பதால், மனநிம்மதி கிடைக்கும். தந்தையின் உடல்நலம் சீராகும். வியாபாரத்தில் ஏற்பட்ட இழப்புகளைச் சரி செய்வீர்கள். உத்தியோகத்தில் மேலதிகாரியின் ஆதரவைப் பெறுவீர்கள். கலைத்துறையினருக்குச் சம்பளப் பாக்கி கைக்கு வரும். 

ராஜ தந்திரத்தால் வெற்றி பெறும் தருணம் இது!

ராசிபலன் - ஜூலை 2 முதல் 15 - ம் தேதி வரை

துலாம்:

குரு பகவான் 2-ம் வீட்டில் தொடர்வதால் பெரியவர்களின் ஆதரவுடன் சில காரியங்களைச் சாதிப்பீர்கள். சிலருக்கு வேலை கிடைக்கும். புதிதாக வீடு கட்டத் தொடங்குவீர்கள். கோயில் கும்பாபிஷேகத்துக்கு நன்கொடை வழங்குவீர்கள். புதனும் சுக்கிரனும் வலுவாக நிற்பதால், பழைய நண்பர்கள் உங்களுக்கு ஆதரவாக இருப்பார்கள். உறவினர்கள் சிலர், உங்கள் ஆலோசனையை நாடுவார்கள்.

செவ்வாய் 10 - ம் வீட்டில் இருப்பதால், நல்ல சம்பளத்துடன் புது வேலை கிடைக்கும். விலகியிருந்த சகோதரர்கள் விரும்பி வந்து பேசுவார்கள். 9 - ம் வீட்டில் சூரியன் நிற்பதால், தந்தையின் உடல் நலனில் கவனமாக இருப்பது நல்லது. வியாபாரத்தில், வாடிக்கையாளர்களின் ரசனைக்கேற்ற பொருள்களைக் கொள்முதல் செய்து லாபத்தைப் பெருக்குவீர்கள். உத்தியோகத்தில், மேலதிகாரிகள் உங்களைக் கலந்தாலோசித்து, முக்கிய முடிவுகளை எடுப்பார்கள். கலைத்துறையினருக்குப் பெரிய நிறுவனங்களிலிருந்து வாய்ப்புகள் வரும். 

புதிய நண்பர்களின் உதவிகள் கிடைக்கும் தருணம் இது!

ராசிபலன் - ஜூலை 2 முதல் 15 - ம் தேதி வரை

விருச்சிகம்:

புதன் சாதகமான வீடுகளில் செல்வதால், உறவினர்களிடம் எதிர்பார்த்த உதவிகள் கிடைக்கும். நட்புவழியில் நல்ல செய்தி வந்து சேரும். ஜன்ம குருவால் சோர்வு ஏற்படும். முக்கிய ஆவணங்களில் கையெழுத்திடும்போது கவனம் தேவை. செவ்வாய் 9-ம் வீட்டில் நிற்பதால், தாய்வழி உறவினர்கள் மத்தியில் மதிக்கப்படுவீர்கள். சகோதரர்கள் உங்களைச் சரியாகப் புரிந்துகொள்வார்கள். நிலம், வீடு வாங்குவதும் விற்பதும் லாபகரமாக அமையும்.

சுக்கிரன் சாதகமான வீடுகளில் செல்வதால், எடுத்த வேலைகளை முடிக்காமல் ஓயமாட்டீர்கள். ஓரளவு பணவரவு உண்டு. வாகன வசதிகள் பெருகும். வி.ஐ.பிகளின் ஆதரவு உண்டு. குடும்ப வருமானத்தை உயர்த்த புது முயற்சிகளை மேற்கொள்வீர்கள். வியாபாரத்தில், வாடிக்கையாளர்களிடம் கனிவு தேவை. உத்தியோகத்தில் சலுகைகள் கிடைக்கும். கலைத்துறையினர் பரபரப்புடன் காணப்படுவார்கள். 

உறவினர்களின் சுயரூபத்தை அறிந்துகொள்ளும் தருணம் இது!

ராசிபலன் - ஜூலை 2 முதல் 15 - ம் தேதி வரை

தனுசு:

புதன் சாதகமாக இருப்பதால், விலகிச்சென்ற பழைய சொந்தங்கள், இப்போது உங்களின் வளர்ச்சியைக் கண்டு வலிய வந்து உறவாடுவார்கள். நண்பர்களால் பயனடைவீர்கள். 12-ம் வீட்டில் குரு நீடிப்பதால், திடீர்ப் பயணங்களால் அலைச்சல் அதிகரிக்கும். எதிர்பாராமல் ஏற்படும் செலவுகளைப் போராடிச் சமாளிப்பீர்கள். 8-ம் வீட்டில் செவ்வாய் நிற்பதால், அவசர முடிவுகளைத் தவிர்க்கவும். மற்றவர்களுக்குப் பண உதவி செய்யும்போது மிகவும் கவனமாக இருங்கள்.

சுக்கிரன் 7 - ம் வீட்டில் அமர்ந்திருப்பதால் கணவன், மனைவிக்குள் அந்நியோன்யம் பிறக்கும். பழைய இடத்தை விற்றுவிட்டு, புது வீடு வாங்குவீர்கள். மகளின் திருமணத்தைச் சிறப்பாக நடத்துவீர்கள். வாகனப் பழுதைச் சரிசெய்வீர்கள். பழைய கடன் பிரச்னைகள் தீரும். வியாபாரத்தில் லாபம் அதிகரிக்கும். உத்தியோகத்தில் உயர்வு உண்டு. கலைத்துறையினருக்கு நல்ல வாய்ப்புகள் கிடைக்கும்.  

முன்னேற்றம் கிடைக்கும் தருணம் இது!

ராசிபலன் - ஜூலை 2 முதல் 15 - ம் தேதி வரை

மகரம்:

குரு லாப வீட்டில் நிற்பதால் செல்வம், செல்வாக்கு அதிகரிக்கும். அடுத்தடுத்த விசேஷங்களால் வீடு களைகட்டும். வங்கியில் அடமானமாக வைத்திருந்த வீட்டுப் பத்திரத்தை மீட்பீர்கள். தங்க ஆபரணங்கள் வாங்குவீர்கள். பிள்ளைகள் ஆக்கபூர்வமாகச் செயல்படுவார்கள். 6 - ம் வீட்டில் புதனும் சுக்கிரனும் மறைந்திருப்பதால்  உடல்நலனில் கவனமாக இருப்பது நல்லது. உறவினர்கள், நண்பர்களுடன் மனஸ்தாபங்கள் வந்துபோகும். வெளிவட்டாரத்தில் அலைச்சல் அதிகரிக்கும்.

செவ்வாய் 7 - ம் வீட்டில் நிற்பதால், மனைவியின் ஆரோக்கியத்தில் அக்கறை காட்டுங்கள். ஒரு சொத்தை விற்றுவிட்டு, வேறு சொத்து வாங்குவீர்கள். 6-ம் வீட்டில் சூரியன் வலுவாக இருப்பதால், சிக்கல்கள் தீரும். வழக்கில் திருப்பம் ஏற்படும். ஓரளவு பணவரவு உண்டு. வியாபாரத்தில் வெளிப்படையாகப் பேசுவது கூடாது. உத்தியோகத்தில் தன்னிச்சையாக முடிவெடுக்கவேண்டாம். கலைத்துறையினர், வீண் விமர்சனங்களைத் தவிர்ப்பது நல்லது. 

ரகசியம் காக்கவேண்டிய தருணம் இது!

ராசிபலன் - ஜூலை 2 முதல் 15 - ம் தேதி வரை

கும்பம்:

செவ்வாய் 6-ம் வீட்டில்  அமர்ந்திருப்பதால், வழக்கில் வெற்றி பெறுவீர்கள். கடன் பிரச்னைகள் கட்டுப்பாட்டுக்குள் வரும். சகோதரர்கள் சாதகமாக இருப்பார்கள். புதன் சாதகமாக இருப்பதால், பூர்வீகச் சொத்தில் உங்களின் பங்கைக் கேட்டு வாங்குவீர்கள். பழைய உறவினர்கள், நண்பர்களைச் சந்தித்து மகிழ்வீர்கள். பயணங்களால் புது அனுபவம் உண்டாகும். குரு 10 - ம் வீட்டில் தொடர்வதால், சிலர் உங்களைப் பற்றி எதிர் விமர்சனம் செய்வார்கள்; கவனம் தேவை.

சுக்கிரன் சாதகமான வீடுகளில் செல்வதால், சாமர்த்தியமான செயல்பாடுகளால் சாதிப்பீர்கள். கேட்ட இடத்தில் பணம் கிடைக்கும். குழந்தை பாக்கியம் கிடைக்கும். வாகனம் வாங்குவீர்கள். சிலர், வீடு மாறுவீர்கள். பூர்வீகச் சொத்தால் வருமானம் வரும். வியாபாரத்தில், வேலையாள்களின் ஒத்துழைப்பு சுமாராக இருக்கும். உத்தியோகத்தில், மற்றவர்களை நம்பி புதிய பொறுப்புகளை ஒப்படைக்காதீர்கள். கலைத்துறையினரின் திறமை முழுவதும் வெளிப்படும். 

எதிலும் கவனம் தேவைப்படும் தருணம் இது!

ராசிபலன் - ஜூலை 2 முதல் 15 - ம் தேதி வரை

மீனம்:

ங்களின் ராசிக்கு 9-ம் வீட்டில் குரு தொடர்வதால் திருமணம், சீமந்தம் போன்ற சுபநிகழ்ச்சிகளால் வீடு களைகட்டும். வாழ்க்கைத் துணைவர் வழியில் மரியாதை கூடும். குலதெய்வப் பிரார்த்தனையை நிறைவேற்றுவீர்கள். புதன் சாதகமான நட்சத்திரங்களில் செல்வதால், தோற்றப்பொலிவு கூடும். உறவினர்கள், நண்பர்கள் வீட்டு விசேஷங்களை எடுத்து நடத்துவீர்கள்.

5-ம் வீட்டில் செவ்வாய் நிற்கிறார். பிள்ளைகளால் மன உளைச்சல் ஏற்படும். அவர்களின் கல்லூரி மற்றும் பள்ளிச் சேர்க்கையைப் போராடி முடிப்பீர்கள். சூரியன் சாதகமாக இருப்பதால், சவாலான விஷயங்களை யும் சாமர்த்தியமாகப் பேசி முடிப்பீர்கள். அரசு வகையில் லாபம் உண்டு. எதிர்பார்த்த வகையில் பணவரவு உண்டு. வியாபாரத்தில், புதிதாக முதலீடு செய்வீர்கள். உத்தியோகத்தில், சக ஊழியர்களிடம் பேசும்போது கவனமாக இருப்பது நல்லது. கலைத்துறையினரின் படைப்புகளுக்குப் பரிசும் பாராட்டும் கிடைக்கும்.

நினைத்ததை முடிக்கும் தருணம் இது!

 ‘ஜோதிட ரத்னா’ முனைவர்  கே.பி.வித்யாதரன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism