Published:Updated:

ராசி பலன்கள்

பிப்ரவரி 15-ம் தேதி முதல் 28-ம் தேதி வரை ஜோதிட ரத்னா கே.பி.வித்யாதரன்

ராசி பலன்கள்

பிப்ரவரி 15-ம் தேதி முதல் 28-ம் தேதி வரை ஜோதிட ரத்னா கே.பி.வித்யாதரன்

Published:Updated:

 மகளுக்கு நல்ல வரன்...மகனுக்கு புது வேலை!

ராசி பலன்கள்

மேஷம்: அதிகாரத்துக்கு தலை வணங் காதவர்களே! சூரியன் லாப வீட்டில் வலுவாக நிற்பதால், புது திட்டங்கள் நிறைவேறும். மகளுக்கு நல்ல வரன், மகனுக்கு புது வேலை அமையும். வெளிநாட்டிலிருக்கும் உறவினர், தோழிகளால் ஆதாயம் உண்டு. சனியும், குருவும் சரியில்லாததால்... தடுமாற்றம், தூக்கமின்மை வந்து செல்லும். 15, 16 ஆகிய தேதிகளில் எதிலும் அவசரப்பட வேண்டாம். வியாபாரத்தில் வாடிக்கையாளர்களின் எண்ணிக்கை அதிகரிக்கும். உத்யோகத்தில் விமர்சனங்களைத் தாண்டி முன்னேறுவீர்கள்.

செல்லும் இடம் எல்லாம் சிறப்பு!

ராசி பலன்கள்

ரிஷபம்: கடந்த காலத்தை மறக்காத வர்களே! புதனும், சூரியனும் 10-ல் இருப்பதால், உங்களின் மதிப்பு, மரியாதை கூடும். வீடு கட்ட வங்கிக் கடன் கிடைக்கும். கணவர் உங்களுக்கு முழு சுதந்திரம் தருவார். ஆடை, ஆபரணம் சேரும். சுப நிகழ்ச்சிகளில் உங்களுக்கு முதல் மரியாதை கிடைக்கும். குருவும், சர்ப்ப கிரகங்களின் சஞ்சாரமும் சரியில்லாததால்... பயம், தோல்வி மனப்பான்மை வந்து நீங்கும். 17, 18 ஆகிய தேதிகளில் முக்கிய முடிவுகளைத் தவிர்ப்பது நல்லது. வியாபாரத்தில் கடையை மாற்றிஅமைப்பீர்கள். உத்யோகத்தில் சக ஊழியர்களால் மதிக்கப்படுவீர்கள்.

அனுபவம் புதுமை!

ராசி பலன்கள்

மிதுனம்: நெருக்கடி நேரத்திலும் நிறம் மாறாதவர்களே! செவ்வாய் வலுவாக 3-ல் அமர்ந்திருப்பதால், சவால்களில் வெற்றி பெறுவீர்கள். சொத்து வாங்க முன் பணம் தருவீர்கள். பிள்ளைகள் தொடர்பான வருங்காலத் திட்டத்தில் ஒன்று நிறைவேறும். வெளியூர் பயணங்களால் புது அனுபவம் உண்டாகும். சூரியன் 9-ம் வீட்டில் நிற்பதால், வீண் செலவு, தந்தையுடன் கருத்து வேறுபாடு வரக்கூடும். அரசு காரியங்கள் தாமதமாக முடியும். 19-ம் தேதி முதல் 21-ம் தேதி நண்பகல் வரை முன்கோபத்தை தவிர்ப்பது நல்லது. உத்யோகத்தில் உயர் அதிகாரியால் பாராட்டப்படுவீர்கள்.    

மனப்போராட்டம் ஓயும் நேரம்!

ராசி பலன்கள்

கடகம்: கற்பனைத் திறனும் கலாரசனையும் உள்ளவர்களே! சுக்கிரன் சாதகமாக இருப்பதால், மனப்போராட்டங்கள் ஓயும். பணப்புழக்கம் கணிசமாக உயரும். அரசால் அனுகூலம் உண்டு. குரு 10-ல் நீடிப்பதால், மறைமுக எதிர்ப்புகள், மாமியார் வகையில் செலவுகள் வரலாம். 21-ம் தேதி நண்பகல் முதல்  23-ம் தேதி இரவு 8.30 மணி வரை உங்களுக்கு வேலைச்சுமை அதிகரிக்கும். வியாபாரத்தில் பாக்கிகளை நயமாகப் பேசி வசூலியுங்கள். உத்யோகத்தில் 'நேரங்காலம் பார்க்காமல் உழைத்தும் பயன் இல்லையே’ என்று அவ்வப்போது ஆதங்கப்படுவீர்கள்.    

வருகிறது... வாகன யோகம்!

ராசி பலன்கள்

சிம்மம்: விவாதம் ஏற்படும்போது விட்டுக் கொடுக்காதவர்களே! குரு வலுவாக அமர்ந்திருப்பதால், உங்கள் கை ஓங்கும். பணவரவு கணிசமாக அதிகரிக்கும். பிள்ளைகளின் படிப்பில் கூடுதல் கவனம் செலுத்தி அதிக மதிப்பெண் பெற வைப்பீர்கள். புது வாகனம் வாங்குவீர்கள். 23-ம் தேதி இரவு 8.30 மணி முதல் 25-ம் தேதி வரை அலைச்சல் அதிகரிக்கும். ராசிநாதன் சூரியன் 7-ல் நிற்பதால்... வேலைச் சுமை, தூக்கமின்மை, மன இறுக்கம் வந்து செல்லும். வியாபாரத்தில் அதிரடி லாபம் ஈட்டுவீர்கள். உத்யோகத்தில் பதவி உயர்வு, சம்பள உயர்வு உண்டு.

குழப்பம் நீங்கும் காலம்!

ராசி பலன்கள்

கன்னி: தளராத தன்னம்பிக்கையாளர்களே! சூரியன் 6-ம் வீட்டில் வலுவாக அமர்ந்திருப்பதால்... குழப்பம் நீங்கி, எதிலும் தெளிவு பிறக்கும். வீட்டைக் கட்டி முடிக்க வங்கிக் கடன் உதவி கிடைக்கும். புது வேலை தேடுபவர்களுக்கு நல்ல பதில் வரும். 12-ல் செவ்வாய் நீடிப்பதால், உறவினருடன் கருத்து மோதல் ஏற்படும். 26-ம் தேதி முதல் 28-ம் தேதி இரவு 7 மணி வரை சந்திராஷ்டமம் இருப்பதால், சிக்கனமாக இருங்கப் பாருங்கள். வியாபாரத்தில் ஓரளவு லாபம் வரும். உத்யோகத்தில் சக ஊழியர்களின் வேலையையும் சேர்த்துப் பார்க்க வேண்டி வரும்.

பிரெய்ன் பவர் ஓஹோ!

ராசி பலன்கள்

துலாம்: தோல்வியைக் கண்டு துவளாதவர்களே! புதன் சாதகமான வீடுகளில் செல்வதால், மூளை பலத்தால் முன்னேறுவீர்கள். சுப நிகழ்ச்சிகளால் உங்கள் வீடு களைகட்டும். உறவினர் வழியில் நல்ல செய்தி வரும். சுக்கிரன் 6-ல் மறைந்திருப்பதால், கணவர் கொஞ்சம் அலுத்துக் கொள்வார். 28-ம் தேதி இரவு 7 மணி முதல் கொஞ்சம் நிதானமாக செயல்படுங்கள். வியாபாரத்தில் அதிரடியான மாற்றங்களைச் செய்து லாபம் ஈட்டுவீர்கள். உத்யோகத்தில் மின்னல் வேகத்தில் செயல்பட்டு அதிகாரிகளை ஆச்சர்யத்தில் ஆழ்த்து வீர்கள்.    

 துள்ளாத மனமும் துள்ளும்!

ராசி பலன்கள்

விருச்சிகம்: மனசாட்சிக்கு மதிப்பளிப்பவர்களே! சுக்கிரன் சாதகமாக இருப்பதால், மனமகிழ்ச்சியுடன் சுறுசுறுப்பாக பணியாற்றுவீர்கள். உங்கள் ரசனைக்கேற்ற வீட்டுக்கு மாறுவீர்கள். பிள்ளைகள் பொறுப்பாக நடந்து கொள்வார்கள். புதிய டிசைனில் நகை வாங்குவீர்கள். அயல்நாட்டில் இருப்பவர்களால் உதவிகள் உண்டு. குரு 6-ல் மறைந்திருப்பதால்... ஏமாற்றம், டென்ஷன் வந்து விலகும். வியாபாரத்தில் தாமதமாகிக் கொண்டிருந்த ஒப்பந்தம் உடனடியாக கையெழுத்தாகும். உத்யோகத்தில் வேலைச்சுமை அதிகமானாலும்,  தலைமையின் நம்பிக்கையைப் பெறுவீர்கள்.  

எதிர்பாராத பணவரவு!

ராசி பலன்கள்

தனுசு: பரந்த மனப்பான்மை உள்ளவர்களே! புதனும், சூரியனும் 3-ல் நிற்பதால், உங்களின் ஆளுமைத் திறன் அதிகரிக்கும். துணிச்சலாக முடிவுகளை எடுப்பீர்கள். கணவர் உங்கள் புதிய முயற்சிகளுக்கு ஆதரவு தருவார்.எதிர்பாராத பணவரவு உண்டு. அரசு காரியங்கள் விரைந்து முடியும்.  மாமனார், மாமியார், பாராட்டும்படி நடந்து கொள்வீர்கள். பழைய கடனைத் தீர்ப்பது பற்றி  தீவிரமாக திட்டமிடுவீர்கள். வியாபாரத்தில் சில நுணுக்கங்களை கற்றுக் கொள்வீர்கள். உத்யோகத்தில் அலுவலக ரகசியங்களை மூத்த அதிகாரி உங்களிடம் பகிர்ந்து கொள்வார்.

வெள்ளிப் பொருட்கள்...உங்கள் கைகளில்!

ராசி பலன்கள்

மகரம்: தொடங்கிய வேலையை முடிக்காமல் ஓயாதவர்களே! சுக்கிரன் சாதகமாக இருப்பதால்,  உங்கள் செயலில் வேகம் கூடும். பூர்விகச் சொத்தை புதுப்பிப்பீர்கள். வெள்ளியினா லான பொருட்கள் வாங்குவீர்கள். உங்களுக்கு எதிராக பேசிக் கொண்டிருந்த உறவினர்கள் தங்கள் தவறை உணர்வார்கள்.  4-ல் குருவும், 8-ல் செவ்வாயும் தொடர்வதால்...  கவலை, தாயாருக்கு மருத்துவச் செலவு வந்து போகும். வியாபாரத்தில் லாபம் உண்டு. உத்யோகத்தில் மேலதிகாரி அனுசரணையாக இருப்பார். சக ஊழியர்களால் சங்கடங்கள் வரலாம்.

பணம், நகை.... உஷார்!

ராசி பலன்கள்

கும்பம்:  'எல்லோரும் நல்லவர்களே’ என்று நினைப்பவர்களே! உங்கள் யோகாதிபதி சுக்கிரனின் நட்சத்திரத்தில் செவ்வாய் சென்று கொண்டிருப்பதால்... புதிதாக வீடு, மனை வாங்குவீர்கள். கடன் பிரச்னை கட்டுக்குள் வரும். கணவர் பாச மழை பொழிவார். ராசிக் குள் சூரியன் நிற்பதால், காரிய தாமதம் ஏற்படலாம். ராசிநாதன் சனி உச்சமாகி நின்றாலும் வக்ரம் அடைந்ததால், யாருக்கும் பணம், நகை வாங்கித் தருவதில் ஈடுபட வேண்டாம். வியாபாரத்தில் இரட்டிப்பு லாபம் உண்டு. உத்யோகத்தில் உயரதிகாரியின் ஆதரவைப் பெறுவீர்கள்.    

இன்ப ஒளி வீசும்!

ராசி பலன்கள்

மீனம்: வணங்குபவர்களிடம் வளைந்து செல்பவர்களே! குரு வலுவாக அமர்ந்திருப்பதால்... உங்கள் பலம், பலவீனத்தை உணர்வீர்கள். தினந்தோறும் எதிர்பார்த்து ஏமாந்த தொகை கைக்கு வரும். உறவினர், தோழிகளின் வருகையால் வீட்டில் உற்சாகம் பொங்கும். புது வீடு கட்டி குடிபுகுவீர்கள். ஆன்மிகப் பயணம் சென்று வருவீர்கள். அஷ்டமத்துச்    சனி தொடர்வதால் , முக்கிய கோப்பு களை கையாளும்போது அலட்சியம் வேண்டாம். வியாபாரத்தில் பாக்கிகள் வசூலாகும். உத்யோகத்தில் அதிகாரிகள் உங்களுக்கு முக்கியத்துவம் தரு வார்கள்.