Published:Updated:

பெண்களுக்கு ஏற்றம் தரப்போகும் புத்தாண்டு!

பெண்களுக்கு ஏற்றம் தரப்போகும் புத்தாண்டு!

பெண்களுக்கு ஏற்றம் தரப்போகும் புத்தாண்டு!

பெண்களுக்கு ஏற்றம் தரப்போகும் புத்தாண்டு!

Published:Updated:
பெண்களுக்கு ஏற்றம் தரப்போகும் புத்தாண்டு!
##~##
செ

ஒட்டுமொத்த விகடனுக்கும் ஒரே ஷார்ட்கட்!

வ்வாய்க்கிழமை, தேய்பிறையில் கீழ்நோக்கு கொண்ட ஆயில்யம் நட்சத்திரம், கடக ராசி, சதுர்த்தி திதி, விஷ்கம்பம் நாமயோகம், பவம் நாமகரணம், நேத்திரம், ஜீவனம் கூடிய சித்தயோக நன்னாளில்... சூரிய உதயத்தை அடிப்படையாக கொண்ட நேரம்- நள்ளிரவு 12:34 மணிக்கு 2013 புத்தாண்டு பிறக்கிறது.  எண் ஜோதிடப்படி கற்பனை, காவிய கிரகமான சுக்கிரனின் ஆதிக்கத்தில் (2 0 1 3=6) இந்த ஆண்டு பிறப்பதால், மக்களிடையே வீடு- மனை மற்றும் வாகனம் வாங்க வேண்டும் எனும் எண்ணம் மேலோங்கும்.

எதிலும் பெண்களின் ஆதிக்கம் பெருகும். சுரங்கங்கள், காற்றாலைகள், இரும்பு தொழிற்சாலைகள் ஆகியன பாதிப்பை சந்திக்கும்.  காலம் தவறி மழை பொழியும். புயல் மற்றும் வெள்ளப்பெருக்கால் விளை நிலங்கள் சேதம் அடையும். மக்களிடையே ஆடம்பரமாக வாழும் எண்ணம், போட்டி- பொறாமை மேலோங்கும். பாலியல் சம்பந்தமான புதிய நோய்கள் உண்டாகும். இதயம் மற்றும் புற்றுநோய் அறுவை சிகிச்சைகளுக்கான நவீன கருவிகள் கண்டறியப்படும்.

தங்கம் விலையில் ஏற்ற - இறக்கம் இருக்கும். சமையல் எரிவாயு, பெட்ரோல் மற்றும் டீசல் விலை உயரும். அரிய வகை கடல் வாழ் உயிரினங் கள் கண்டறியப்படும். மனவளம் குன்றிய, மாறுபட்ட முக அமைப்பு கொண்ட, தோல் நோயால் பாதிக்கப்பட்ட குழந்தைகளின் பிறப்பு அதிகரிக்கும்.

பெண்களுக்கு ஏற்றம் தரப்போகும் புத்தாண்டு!

பால் பொருட்களின் உற்பத்தி அதிகரிக்கும். விலையும் உயரும். வங்கிகளில் வாராக் கடனை வசூலிக்க கடுமையான சட்டங்கள் வரும். சில வங்கிகள் தனது கிளைகளைக் குறைத்துக்கொள்ளும் நிலை உருவாகும்.

இந்தியாவின் ராசிக்கு சுக ஸ்தானத்தில், இந்த வருடம் முழுவதும் சனியும் ராகுவும் தொடர்வதால், அரசு நிறுவனங்களின் பங்குகள் தனியாருக்கு தாரை வார்க்கப்படும். அந்நிய நாட்டு நிறுவனங்களின் படையெடுப்பால், இந்திய பொருளாதாரம் வீழ்ச்சியடையும். இந்திய வர்த்தகர்களும் பெரிதும் பாதிப்படைவர். உழைப்பாளி கிரகம் சனியுடன், ஏமாற்று கிரகம் ராகு சேர்ந்து காணப்படுவதால், ஒருபக்கம் வேலை வாய்ப்பு பெருகினாலும் மற்றொரு பக்கம் கட்டாய ஓய்வால் பலரும் வேலையிழக்கும் நிலை ஏற்படும்.  

எண் ஜோதிடப்படி இந்த ஆண்டின் (1 1 2 0 1 3) விதி எண்ணாக, ஊழ்வினை கிரகமான சனியின் ஆதிக்க எண்ணான 8 வருவதால், உலகெங்கும் உயிர்ச்சேதங்கள் அதிகரிக்கும். சக்தி வாய்ந்த மருந்துகளுக்கும் கட்டுப்படாத- நோய் பரப்பும் பாக்டீரியா மற்றும் வைரஸ் கிருமிகள் உருவாகும். உணவுக் கலப்படம் அதிகரிக்கும். வாய் சுத்தம்- கை சுத்தமானவர்களைச் சந்திப்பதும் கடினமாகும். மன இறுக்கத்தால் மக்கள் நிம்மதி இழப்பார்கள். கணினி, லேப்-டாப் போன்ற சாதனங்களின் விலை வீழும். அத்தியாவசியப் பொருட்களின் விலை உயரும். சுக்கிரன் வீட்டில் சனி நிற்பதால், சினிமா துறையில் சின்ன பட்ஜெட் படங்கள் ஹிட்டாகும். அறிமுகக் கலைஞர்கள் அதிகம் சம்பாதிப்பார்கள். மணல், கம்பி, சிமென்ட் ஆகிய கட்டுமானப் பொருட்களின் விலை அதிகரிக்கும். வெளிநாடுகளில் இருந்து மணல் இறக்குமதி ஆகும்.

தீவிரவாதிகள் நவீன தாக்குதல் நடத்துவர். ஓட்டுநர்களை நெறிப்படுத்த புது விதிகள் பிறப்பிக்கப்படும். 4, 6, 8-ஆம் எண்கள் வலிமையடையும்.  பூமிக்காரகன் செவ்வாயின் வீடான மேஷத்தில் கேது நிற்கும்போது புத்தாண்டு பிறப்பதால், இயற்கை சீற்றத்தின் மூலம் பூமியில் நிலப்பரப்பு குறையும். நிலத்தடி நீரில் உவர்ப்புத்தன்மை அதிகரிக்கும். பூமியில் அதிசயப் பள்ளங்கள் உருவாகும். எரி நட்சத்திரங்கள் விழும். செவ்வாய், சந்திரன், சனி, சுக்கிரன் ஆகிய கோள்கள் காந்தப் புயல், புழுதிப் புயலால் பாதிப்படையும். பெண்களுக்கு... பூப்பெய்துவது மற்றும் மாதவிலக்கு குறைபாடுகள் அதிகரிக்கும். செயற்கை கருத்தரிப்பை நாடுவோரின் எண்ணிக்கை அதிகரிக்கும். ரியல் எஸ்டேட் பாதிப்படையும். அரசு நிர்வாகத்தில், அதிகாரிகளின் கை ஓங்கும். ராணுவ ரகசியங்கள் கசியும் வாய்ப்பு உண்டு. பொறுப்புமிக்க பதவி வகிப்பவர்கள் சுய நலத்துடன் செயல்படுவர். நீதித் துறையிலும் சலசலப்புகள் வரும்.

நீதி கிரகமான சனியின் ஆதிக்கத்தில் புத்தாண்டு பிறப்பதால், இயன்றவரையிலும் சொல்லிலும் செயலிலும் நேர்மையைப் பின்பற்றுவோம். 'நெல் விதைத்தால் கரும்பு முளைக்காது’ என்பதை  உணர்ந்து, பிறருக்கு நல்லதே செய்து நாமும் நன்மை பெறுவோம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism