Published:Updated:

பாச யோகம்!

பாச யோகம்!

'யாதும் ஊரே, 'யாவரும் கேளிர்’ என்பதுதான் தமிழர் பண்பாடு. தன்னுடைய குடும்பத்தாரிடம் மட்டுமல்லாது, எல்லோரிடமும்  பரிவும் பாசமுமாக உறவும் நட்பும் கொண்டும் திகழ்வது, விசேஷமான நற்குணமாகும். இப்படியான குணம் அமைவதற்கு 'பாச யோகமே’ காரணம் என்கிறது ஜோதிடம்.

ஜாதகத்தில் ராகு- கேதுவை தவிர மற்ற கிரகங்கள் தத்தமது சொந்த வீட்டில் இருக்கவேண்டும். அதேபோன்று சுபர் பார்வையுடன் (வளர்பிறைச் சந்திரன், தனித்துப் பலம் பெற்ற புதன், குரு, சுக்கிரன்) இருப்பதும் சிறப்பாகும். இத்தகைய அமைப்புள்ள ஜாதகர் பாச யோகம் உள்ளவர் ஆவார்.

பாச யோகம்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பாச யோகத்தில் பிறந்தவரின் குடும்பத்தில் மகிழ்ச்சி நிறைந்திருக்கும். பரம்பரை பரம்பரையாகச் செல்வம் நிலைத்திருக்கும். ஜாதகராலும் செல்வ வளம் கூடும். குறிப்பிட்ட ஜாதகர், தனது வாழ்நாள் முழுவதும் ஒழுக்கத்தோடு இருப்பார். தன்னுடைய பரம்பரைக்கே நற்பெயர் வாங்கித் தருவார். சிறந்த கல்வியும், பேச்சுத்திறனும், தெய்வ பக்தியும் மிகுந்தவராக விளங்குவார்.

அன்பு, பாசம், காதல், நேசம், நல்விருப்பம் ஆகியவற்றுக்கு  காரகரான சுக்கிரன் ஒரு ஜாதகத்தில் பலம் பெற்று 1, 4, 7, 10, 5, 9 ஆகிய இடங்களிலும், அல்லது தமது சொந்த வீடுகளான ரிஷபம், துலாம் ஆகியவற்றிலும் வலுத்திருந்தாலோ, தன் உச்ச வீடான மீனத்தில் இருந்தாலோ அந்த ஜாதகர் பிறரிடம் மிகவும் பாசமாக இருப்பார்.

பொதுவாக, ஜாதகத்தில் சூரியன் அதிகம் பலம் பெற்று திகழ்ந்தால், அந்த ஜாதகர் தன் தந்தையிடமும்; சந்திரன் அதிகம் பலம் பெற்றுத் திகழ்ந்தால் தாயிடமும் அதிகம் பாசம் கொண்டிருப்பார்.

சகோதரர்கள் மீது பாசம் கொண்டவர் எனில் அவரது ஜாதகத்தில் செவ்வாயும், நண்பர்கள் மற்றும் உறவுகளிடம் பாசம் கொண்டவர் எனில் ஜாதகத்தில் புதனும் பலம் மிகுந்தவர்களாக விளங்குவர்.

ஒருவரது ஜாதகத்தில் குரு அதிக பலம் பெற்றுத் திகழ்ந்தால், ஜாதகர் தனது மாணவர்களிடமும் தான் பெற்ற குழந்தைகளிடமும் அன்பு கொண்டிருப்பார்.

சுக்ர பலம் மிகுந்தவர்கள் தன் மனைவியிடமும் பிற பெண்களிடமும், சனி பலம் மிகுந்தவர்கள் பணியாட்களிடமும் பாசமும் பரிவும் கொண்டிருப்பார்கள்.

- ராம் திலக்